عفواً يا مبارك .. فانت لست أبي ولن تكون

[se_ Elsyed]

واقعياً ... أنا أسمي سين سين .. يعني مش سين مبارك

فعلياً ...أنت في منصب رئيس للجمهورية يعني موظف حكومي تتقاضى راتبك من دافعي الضرائب ( راتب إيه .. ده انت بالمنظر ده كنت بتاخد المال والضرايب والكل كليله وما بتسيبش لنا حاجه ) ....

وبالتالي وحياة أبوكو مش عاوزين العملية تدخل في : عيب وده أبوك وإحترم نفسك يا ولد وما تشربش سجاير قدام أبوك وما تحطش رجل على رجل قدامه وما إلى ذلك لأن الوضع مش كده خالص وكما قلت هذا الصباح في موضوع أخر .. لو أعتبرنا مببارك أبونا .. يبقى أحمد إعز جوز خالتي .. وأحمد نظيف إبن عم أبويا .. وتمشي العملية عائلات وخلاص بقى كل واحد يروح ويبقى أحنا المفسدين مش هما ويطلع الحق علينا ...

يا راجل ده حتى على مستوى الأبوه والأمومة والرضاعة الطبيعية ... في أب بيسرق ولاده لمدة 30 سنة ؟

في أب ما بيحسش بولاده لمدة 30 سنة ولا يقف جنبهم في الشدة والألم والكوارث ( أنظر الكتاب صفحة العبارة وقطار الصعيد وصخرة الدويقة ) وشوف موقع الرئيس من الإعراب كان إيه ...

على العكس تماماً .. شوف موقفه من وفاة حفيدة ... وإزاي لبسنا كلنا إسود وعيشنا في غم أيام وليالي ..

في أب يبقى رئيس عصابة وموزع الكعك والبيتي فور والحلويات على أعضاء عصابته ويسيب بقيت أولاده ياكلوا أكل مسرطن وفي ناس حتى مش لاقيه الأكل ده وبتاكل في بعضها ؟

في أب يسحق كل الكفاءات في بلده ويخلص عليهم عشان يبقى هو الـ ONE MAN SHOW ويبقى اللي حواليه سنيدة فقط وليس لهم اي دور يُذكر ؟

نكمل بعدين

سين سين .. إبن مش عاق

[ذهبية]

اعرف ان الاب لة حقوق و احترام وواجب عليا احترامة

اعرف ان اى انسان كبير فى السن لة احترامة و خبرة السنين يجب احترمها

لكن اين واجبات الاب

هل عندما اطالب بحقوقى اتهم انى عاق

هل من حق الاب او المسئول اى كانت مكانتة و سنة يعطى لة سلطة التحكم و الانانية و اغلاق الاذن لانى نصيحة لمن هو اضغر منة فى العمر

هل لانة اكبر فىالسن و الخبرة يسرق منى ايامى و يخطط لى حياتى و يلغى وجودى و رغباتى لانة يفهم حياتى احسن منى

من قال ان كل صاحب شعر ابيض يكون كل كلامة سليم و لا ينقصة الصواب مش يمكن يكون كلامى صح انا كمان

الاب و القائد يفكر فى اولادة ومش عيب ابداااا ان ينحنى و يعطى مكانتة لمن يستحق و يوجهنى و يسمعنى و يعطينى الفرصة اثبت وجودى

لا تبخل ايها الاب بمن ياتى فى يوم ياخذ مكانك لو انت تحبنى حق الحب هذا يجلب لك السعادة و ليس الحزن

لال تتهمنى بالعقوق لانى قولت و اين انا من حياتى

كيف اثق فيك ايها الاب القائد و كل كلمة تقولها لا ينفذ منها الا السراب

كيف اثق فيك و ظللت توهمنى باكذوبة الاستقرار و وجدت نفسى اصحو ان هذا الاستقرار يستفيد منة الدول الاجنبية مثل اسرائيل و المستثمرين

كيف اثق فيك و انت لغتنى من حياتك و عاملتنى كانى قطيع غنم يساق ليس لة كرامة و لا عقل يفكر

الكبير الذى يحب عائلتة الذى يخطط حياة اولادة فى مماتة قبل حياتة

الاب الحق الذى يعلم ابنة كيف يعتمد على نفسة و يفكر و يعقل و لا يقفل فمة

الاب الحق الذى يفكر فى مصيرى من غيرة

لا ان يقنعنى انى من غيرة هاغرق هاموت

انت لا تحبنى يا ابى

انت لا تحب الا نفسك

[arkan]

كان عمرو خالد امبارح بيقول ان العلاقة بين الحاكم والشعب علاقة تعاقدية وليست ابوية

بمعنى تعاقدية ان له مهام يؤديها بمقابل

[Handasah]

كان عمرو خالد امبارح بيقول ان العلاقة بين الحاكم والشعب علاقة تعاقدية وليست ابوية

بمعنى تعاقدية ان له مهام يؤديها بمقابل

دة هو الصح حاكم او حكومة .... مش علاقة ابوية زى ماقيل ...........

[الغريب]

بما أن مبارك بابا .. وطبعا سوزان ماما من زمان

فأيه أعتراضنا بقى أن أخونا الكبير يبقى جمال ، وكلنا عيلة واحدة ومكنش يصح أننا نزعل من بعض من الأساس

[pink rose]

عندي سؤال الله يكرمكم

هو مرتب الرئيس الحقيقي المفروض كام؟

و في امريكا و اوروبا و الدول المتقدمة مرتب الرئيس هناك كام؟