25 يناير ... موعد المصريين (17)

[fatfouta]

طائرة الرئيس المصري المخلوع حسني مبارك تحط قبل قليل في أبوظبي

منذ 3 دقائق 14 أضف تعليقا أبلغ مصدر إماراتي الدولية في اتصال هاتفي أن طائرة الرئيس المصري حسني مبارك حطت قبل لحظات في مطار أبوظبي الدولي قادمة من القاهرة،ما يعني أن الخطاب الموجه إلى الشعب المصري مسجل و غير مباشر

http://www.doualia.com/2011/02/10/%d8%b7%d8%a7%d8%a6%d8%b1%d8%a9-%d8%a7%d9%84%d8%b1%d8%a6%d9%8a%d8%b3-%d8%a7%d9%84%d9%85%d8%b5%d8%b1%d9%8a-%d8%a7%d9%84%d9%85%d8%ae%d9%84%d9%88%d8%b9-%d8%ad%d8%b3%d9%86%d9%8a-%d9%85%d8%a8%d8%a7%d8%b1/

استلمى يا لماضة

[رضوي]

أمين الحزب الحاكم : يتوقع استجابة مبارك لمطالب الشعب ؟؟؟

الا هو حسام بدراوي كل شوية يتوقع ليه ؟؟

محسسني انه ماسك ورده وبيقطع اوراقها وعمال

هيتنحي مش هيتنحي هيتنحي مش هيتنحي

اررررررررررررررررررررركز بقي

[عصام أبوالفتح]

البيتزا اللى بنحتفل بيها بردت يا بارد وكلناها

اتكلم يا غلس

ورحت اجيب اخويا وخلدت الذكرى دى بصورة من ساهر على التخصصى

على الله ميتنحاش ... هانزل اشرب من دمه

[Alattar]

مدينة العين الإماراتية محل إقامة الرئيس المصري المخلوع حسني مبارك

منذ 21 دقيقة علمت الدولية من مصادر إماراتية أن دولة الإمارات ستستقبل الرئيس المصري المخلوع خلال ساعات،و أن هذا الأخير سيقيم في مدينة العين الإماراتية

مين هذا الأخير ده..هه؟

مين

مين

مين؟؟؟

[ABO ADAM]

تم الحذف

تم تعديل 10 فبراير 2011 بواسطة ABO ADAM

[م تيمور المراغي]

الخطاب ده شكله كوموفلاج - عملية تمويه يعني لتغطية انسحابه من القاهره ,,

او ان الجيش لا يرضى عن الصيغة ,,

[عبير يونس]

والله بيلعبوا بأعصابنا

لو جرالى حاجة بعد الخطاب ابقوا اسئلو عليا :sad: :sad:

بعد الشر عنك يا فتفت

ربنا يبارك في صحتك يارب

[الغريب]

ينهار اسود .. على القناة الأولى بيقرأو حيثيات التحقيق مع الوزراء وأحمد عز

والله العظيم بلاوي سوده

[م تيمور المراغي]

البيتزا اللى بنحتفل بيها بردت يا بارد وكلناها

اتكلم يا غلس

ورحت اجيب اخويا وخلدت الذكرى دى بصورة من ساهر على التخصصى

على الله ميتنحاش ... هانزل اشرب من دمه

فيه واجب باشميل حينزل كمان شويه يا عصام

اصبر !!

[pink rose]

مدينة العين الإماراتية محل إقامة الرئيس المصري المخلوع حسني مبارك

منذ 21 دقيقة علمت الدولية من مصادر إماراتية أن دولة الإمارات ستستقبل الرئيس المصري المخلوع خلال ساعات،و أن هذا الأخير سيقيم في مدينة العين الإماراتية

و الله الراجل دا بجد محظوظ

يعني حكم احلى بلد في الدنيا

و يوم ما يمشي هايقعد في احلى مدينة

العين يا ابن المحظوظة

دا هايروح مدينة العاب هيلي هو و العائلة ببلاش كل يوم

[رضوي]

حرام بقي

يخربيت الرخامة

ومين هيدفع تمن التأخير دة سيادته ؟؟؟؟

25 دقيقة تأخير وكل شوية يقولولنا بعد دقائق ؟؟؟

أووووومال لو ماكنش مسجل ؟؟؟؟؟؟؟

هو بيطمن لما يشوف المكان اللي هيقعد فيه ؟؟

ماتخافش اكيد مش بنسيون يعني ........ ذيييييييييييع بقي

[زهرة الجبل]

أنا هموت بالذبحه الصدريه

هو فين الخطاب معدتش قادره أصبر

الخطاب امتى

[عنبو]

اهم مطلب ليا دلوقتى هو ده

لازم يا جماعه نعمل اختبار لاى رئيس نختاره بعد كده

ونتأكد ان دمه حامى علشان مافيش حد ضامن الزمن

من اجل اولادنا

[شرف الدين]

حسني مبارك

مش هتقدر تغمض عينيك

تشويق

[fatfouta]

والله بيلعبوا بأعصابنا

لو جرالى حاجة بعد الخطاب ابقوا اسئلو عليا :sad: :sad:

بعد الشر عنك يا فتفت

ربنا يبارك في صحتك يارب

الله يخيكى يارب يا حبيبتى

بس الراجل طول علينا قوووووووى

[زهرة الجبل]

و الله العظيم حرام

معدتش قادره أشوف و الصداع ماسك دماغي و رقبتي

ربنا ياخده

الساعه بقت حداشر و نص و النشره لسه شغاله

لييييييييييييييييييييييييييييييييييه

[رضوي]

ينهار اسود .. على القناة الأولى بيقرأو حيثيات التحقيق مع الوزراء وأحمد عز

والله العظيم بلاوي سوده

لا ازاي جابو سيرة كل الوزراء الصراحة الناس مش مقصرين ........ ناويين يجيبولنا الضغط

ربنا يهديهم

[ozoozo]

كنت ناوي انزل اشتري شويه حاجات من الساعه سته ولغايه دلوقتي مصلوب ادام التلفزيون والمحلات خلاص قفلت يعني ضيعت عليا اليوم

يعني مؤذي في اي حاجه وخلاص؟

[زهرة الجبل]

النشره بتتعاد و اللي يقولوه يعيدوه و اللي يعيدوه يزيدوا فيه

الراجل ده عاوز يخف التعداد

هيموتنا كلنا بالذبحه الصدريه

انا تعبانه

امتى الفرج بقى يا رب افرجها من عندك

[ABO ADAM]