25 يناير ... موعد المصريين ( 9)

[اغابي]

لوسمحتم يا جماعة

سيبو الناس اللى خرجت من معتقل الانترنت فى مصر تعبر عن رايها

لازم فى ديمقراطية - سيبو بيبو يتكلم وجويريه وشيكو هما دول الكاميرا اللى بتنقلنا الواقع هناك كان ايه

هما دول افضل من قناه العربية والبي بي سي والجزيرة والفضائية المصرية

كل المصريين اللى عاشو ايام صعبة ورجعلهم النت يريت يحكو معانا بكل حرية وثقو تماما اننا هنا

هنسمع ايه وجهة نظركم وحصل معاكم ايه فى الايام اللى فاتت

فى حرية التعبير عن الراى لكل واحد على المحاورات بدون تحيز او نقاط حمرا او هجوم عليهم

احكيلى يا جويريه ايه حصل معاكم

الاول حمدالله على سلامتكم

واحنا كنا عايشين عذاب على مصر والناس اللى فيها

مفيش واحد او واحدة فى التوبيك هنا كان بينام او بيهدالو بال عليكم

مفيش واحد على المنتدى هنا كان بيبطل لحظة واحدة كان بيبطل يدعى ربنا فى كل وقت

ويرفع قلبه لفوق ويقول يارب حافظ على شعب مصر واحميهم

حمدالله على السلامة

[Diab]

يا جماعة ياريت دلوقتي الناس كلها تلغي القنوات المصرية الحكومية والخاصة لانها دلوقتي تحت إدارة الحرب النفسية بقيادة مبارك ضد الشعب

بجد لو في حد قريب منك يقوله

يا أركتكت كلم الناس بتوع 6 أبريل ينقول الكلام ده للناس

ويوحدوا جهودهم وبكلمة واحدة بس

يارب

[شرف الدين]

هنسلم

أنا شخصيا مش هسلم

أنا عنيد زي شادية ما قالت

ولا شاف العناد في عيون الولاد وتحدي الزمن

حضرتك عايش برة مصر مش كدة ؟

كفاية الأنجازات اللي حققناها

ده شئ غير مسبوق

لكن لازم يكون فيه تكافؤ في القوة

ده بيملك كل شئ القائد الأعلي للقوات المسلحة و الشرطة و الصحة و المواصلات

ده شوية كانوا حيقطعوا المية و الكهربا عن الناس

خلوا البلد يومين من غير امن

الناس ماسكة شوم و عصيان المقشات عشان تحرس بيوتها من البلطجية

يا جويرية يا أختي

أنا معاكي ان الانجازات اللي اتحققت دي غير مسبوقة

لكن الانجاز الأهم لسه لم يتحقق بعد

أنا فعلا بره مصر

وعارف كويس جدا إنكم في مصر بتعانوا

وعارف برضه إن الانجازات اللي اتحققت دي كبيرة جدا

لكن انتي بتقولي انه لازم يكون في تكافؤ في القوة وإنه معاه كل مفاتيح القوة

طب لو معاه فعلا كل مفاتيح القوة دي. ليه قدم كل التنازلات دي ؟

الحاجة التانية

انتي بتقولي إن الناس ماسكة الشوم عشان تحمي بيوتها من البلطجية

طب وهو مين اللي طلق البلطجية دول ؟ مش النظام برضه

تفتكري ان النظام اللي كانت عنده الجرأة انه يطلق البلطجية على شعبه اللي قاعدين في المنازل ومخرجوش لا هنا ولا هنا.

تفتكري هل هيكون عنده أي تسامح أو رحمة مع الشباب اللي خرجوا عليه وأعلنوها بكل صراحة ( مش عايزينك ).

الراجل اللي تمسك بالكرسي على حساب أرواح الشهداء ( 300 شهيد وأكتر ). وما هموش كل الدماء دي

تفتكري لو فضل في الحكم هيعمل معانا ايه ؟

تفتكري لو ليكي ابن شهيد من الشهداء دول ... كان هيبقى موقفك ايه ؟

وبعدين انا سألتك سؤال مهم

تضمني مبارك ؟

تضمني وعوده ؟

ده إذا كان في الخطاب بتاعه امبارح بيقولك انا بتوعد المخربين ؟

يعني من قبل حتى ما الشباب يسكت وهو بيقولها بكل صراحة

أنا أتوعد المخربين

مين رئيس لجنة السياسات بالحزب الوطني لحد دلوقت يا جويرية

السيد / جمال مبارك

وامبارح الفريق/ أحمد شفيق قالها بكل صراحة

لا يمكن منع جمال مبارك من الترشح .. يبقى يترشح والشعب يقول آه ولا لأ.

يعني ايه عايز يفهمنا ان ممكن تكون في انتخابات حرة - بعد كل سنين التزوير دي ممكن يبقى في عهد مبارك انتخابات حرة.:protest:

مصر لحد دلوقت محكومة بقانون الطواريء يا جويرية

لحد دلوقت/ فتحي سرور هو رئيس مجلس الشعب، وصفوت الشريف هو رئيس مجلس الشورى

هل تضمني مبارك يا أخت جويرية ؟

أوفياء أوفياء * لدماء الشهداء

صبر صبر حتى النصر

[شرف الدين]

وبخصوص تعبكم دلوقت شوية

ربنا يعينكم أنا عارف انكم تعبتم

لكن معلش

وجع ساعة ولا كل ساعة

احنا شعب قوي قوي جدا يا جويرية

ونقدر نصبر ونتحمل

ياما صبرنا وياما اتحملنا

نتحمل الشوية دول كمان

يعني انتي بتقولي استحلمناه 30 سنة مش قادرين نتحمله 7 شهور كمان

وأنا بقولك

اتحملنا كل الأيام دي

مش قادرين نتحمل كام يوم كمان

أوفياء أوفياء * لدماء الشهداء

صبر صبر حتى النصر

تم تعديل 2 فبراير 2011 بواسطة شرف الدين

[pink rose]

نرحب بإنضمام فريق شبكة رصد داخل مصر إلى الصفحة مرة أخرى ... بعد عوة الإنترنت ... ترقبوا التغطية المميزة بالصور والفيديوهات

[pink rose]

شبكة رصد عااجل || مؤكد || يجري اليوم الإعداد لمظاهرة تأييد للرئيس مبارك غدا بمدينة دمنهور من أمناء الشرطة وعساكر الداخلية والغفراء بزي مدني وتبدأ من ميدان الساعة

[ComingSoon]

ياجماعة انا هتجنن

300 شهيد قتلتهم شرطة حسني مبارك

ولسه فيه ناس بتدافع عنه وناس تقول حسني مبارك قائد

اي نوع من القاده الذي يقتل 300 من شعبة ليظل في الحكم ؟

[mekkawy]

صحيح موضوع الأزمة القلبية دي؟؟؟

أختي بلغتني عن قناة البي بي سي

يا ريت تأكيد يا جماعة

تم تعديل 2 فبراير 2011 بواسطة mekkawy

[fatfouta]

wحيح موضوع الأزمة القلبية دي؟؟؟

أختي بلغتني عن قناة البي بي سي

يا ريت تأكيد يا جماعة

ازمة قلبية لمين؟؟؟

[se_ Elsyed]

wصحيح موضوع الأزمة القلبية دي؟؟؟

أختي بلغتني عن قناة البي بي سي

يا ريت تأكيد يا جماعة

إيه .. الـ 80 مليون جالهم أزمة قلبية ؟

أوعى تصدق إشاعات يا ميكو ... وهو حتى لو جاله أزمة قلبية ولا غار في داهية هايقولوا لنا الخبر إلا بعدها بسنتين لما تكون الجثة إتحللت ..

[pink rose]

BBC: مبارك مرشح الحزب الوطنى للرئاسة

الأحد، 24 أكتوبر 2010 - 19:26

الدكتور على الدين هلال مسئول لجنة الإعلام بالحزب الوطنى الديمقراطى الدكتور على الدين هلال مسئول لجنة الإعلام بالحزب الوطنى الديمقراطى

إعداد ميريت إبراهيم

Bookmark and Share Add to Google

نشرت هيئة الإذاعة البريطانية BBC تقريراً حول التصريحات التى أدلى بها مؤخرا الدكتور على الدين هلال مسئول لجنة الإعلام بالحزب الوطنى الديمقراطى بأن الرئيس مبارك هو مرشح الحزب الوطنى للرئاسة 2011، معتبرة إياها "أقوى إشارة رسمية حتى الآن بأن الرئيس حسنى مبارك سيرشح نفسه لفترة رئاسية أخرى العام المقبل، رغم القلق بشأن وضعه الصحى"، وفقا لما ذكرته BBC فى تقريرها.

وأضاف التقرير، أن تصريح هلال لابد وأنه قد تلقى موافقة قبل السماح له بإطلاق تصريحاته، وأن خروج هذا التصريح فى مقابلة مع قناة الحرة الأمريكية "يرسل رسالة مباشرة إلى واشنطن"، حسبما أشار التقرير.

وأشار التقرير إلى أن ذلك يعنى "أن مبارك راغب فى البقاء فى الحكم ويرى أنه قادر على ذلك، ووصف التقرير تلك التصريحات والإعلان عن الترشيح قبل فترة طويلة من إجراء الانتخابات "يبدو غريباً بعض الشىء"، وبررت أنه ربما يكون الهدف من ذلك تهدئة الخواطر قبل الانتخابات البرلمانية المقررة فى 28 نوفمبر.

وأضاف التقرير أن "حملة الاعتقالات الأخيرة لنشطاء المعارضة وتشديد القيود على الإعلام يشير إلى أن الحكومة متوترة بشأن الانتخابات البرلمانية"، خاصة وأن هناك مخاوف أيضا بشأن الوضع الاقتصادى، مع الارتفاع الكبير فى أسعار المواد الغذائية.

ويضيف التقرير أن البعض سينظرون إلى هذا الإعلان باعتباره ضربة قوية لطموحات جمال فى الرئاسة، ودلالة على أنه لا يحظى بالدعم المطلق من والده.

فى الوقت الذى انتشرت فيه حملات تطالب بترشيح جمال مبارك للرئاسة، ولكن المقربين من جمال نفوا دعمه تلك الحملات لكن بعض المعلقين رأوا غير ذلك ولم يصدر عن جمال ما يفيد مطالبته بوقف تلك الحملات.

كما ذكر التقرير أن هلال قد انتقد تلك الحملات واتهم منظميها بأن دوافعهم شخصية للوصول إلى مجلس الشعب أو تحقيق الثروات.

المصدر

عشان بس اللي مصدقين انه مش هايرشح نفسه

المقال دا كان يوم 24 يناير قبل الاحداث بيوم واحد

مين يصدقه تاني

[Alattar]

من الجزيرة..نقلا عن التليفزيون المصري

رئيس مجلس الشعب..سنحاول إنجاز التعديلات الدستورية في خلال 70 يوم

70 يوم

ياااااه

هما بعد ما يعدلوه..هيقعدوا يسمعوه لبعض واحد واحد

طالما ان التعديلات دي هتعدي علي صفوت الشريف..و أحمد فتحي سرور..و مجلس شعب فه اكثر من 80% حزب وطني

يبقي أؤكد لكم يا جماعه انه هيتعدل هيتعدل

:blink:

تم تعديل 2 فبراير 2011 بواسطة Alattar

[جويرية]

ياجماعة انا هتجنن

300 شهيد قتلتهم شرطة حسني مبارك

ولسه فيه ناس بتدافع عنه وناس تقول حسني مبارك قائد

اي نوع من القاده الذي يقتل 300 من شعبة ليظل في الحكم ؟

ايوة الأوراق الرسمة بتقول أنه قائد

وهوه اللي ادي الأوامر للشرطة انهم يقتلوا الشعب ، عشان يحموه

وهما لو خالفوا الأوامر ، ومضربوش اخواتهم و ابنائهم

حيلاقي الظابط نفسه بعد المظاهرات قاعد في بيته من غير شغل

حد حينفعه من اللي ضحي عشانهم بشغله

زي ما قلت الموضوع من الأول كان عايز نظام مش شئ عشوائي كدة و خلاص

كان ممكن يبقي فيه اتفاق بين المتظاهرين و الشرطة

[se_ Elsyed]

ريمو .. لو سمحتي ما تلعبيش في التاريخ

مقال إيه يا أم مريم ؟

وإنتي نسيتي إنه هو شخصياً قال : ساظل في الحكم حتى أخر نفس ...

[mekkawy]

الفاضلة جويرية

يعني الانسان الطبيعي حضرتك لو خير بين قتل الأبرياء و فقد عمله هيختار ايه؟

حضرتك هتختاري ايه؟؟؟

البشري الطبيعي لو خير بين قتل الأبرياء و فقد حياته مش شغله يختار فقد حياته .. ده البشري الطبيعي

إنما البشري الكلب هيختار اللي اتعمل ده

فياريت بلاش ندافع ف الباطل الله يبارك فيكي و يحفظك .. مش عشان شغلي أقتل

كدة تبا الحياة جميلة أوي و اللي تعجبه عربية يقتل صاحبها و ياخدها ... اصله مكنش عاوز يفقدها .. كدة ولا ايه؟

[Diab]

أول مرة أعرف كلمة مرجفين هي دلوقت

[moory]

السلام عليكم،

يا جماعة، اعتقد ان دورنا كمغربين قد ابتدأ

عايزين نبتدي ندعم كل اخواتنا في مصر في جمعة الرحيل

عايزينن نعمل ما هو اكتر من مشاركاتنا

الناس بعد ما النت انفتح، وكأن بركان انفجر

ياريييييت ندعمهم بكل الطرق

[م تيمور المراغي]

لوسمحتم يا جماعة

سيبو الناس اللى خرجت من معتقل الانترنت فى مصر تعبر عن رايها

لازم فى ديمقراطية - سيبو بيبو يتكلم وجويريه وشيكو هما دول الكاميرا اللى بتنقلنا الواقع هناك كان ايه

هما دول افضل من قناه العربية والبي بي سي والجزيرة والفضائية المصرية

...........

ماهو اللي عايز يدخل زي ماقلتي ينقل ويتكلم ويقول اللي حصل اوكي ,,

انما داخل بدون اي داتا خالص ويدعي ويشتم وخلاص ,,

يبقى يا اما سنه صغير او مش فاهم اللي بيدور حواليه

ياريت حد يدخل يفيدنا بمعلومات و بصور او كليبات عن اللي حصل

انما المغيبين والمستخبيين والمرعوبين حيفيدوا الثوار بايه ؟

[Diab]

للأسف الناس لو وصلت لمرحلة اليأس ممكن تحصل طوفان

وساعتها بقي ياويل مبارك

نهاية شاوشيسكو بالنسبة للي هيحصله هتبقي تكريم

[jasmin hamed]

الاف المويدين على ابواب ميدان التحرير

يارب سترك