25 يناير ... موعد المصريين ( 9)

[pink rose]

لوسمحتم يا جماعة

سيبو الناس اللى خرجت من معتقل الانترنت فى مصر تعبر عن رايها

لازم فى ديمقراطية - سيبو بيبو يتكلم وجويريه وشيكو هما دول الكاميرا اللى بتنقلنا الواقع هناك كان ايه

هما دول افضل من قناه العربية والبي بي سي والجزيرة والفضائية المصرية

...........

ماهو اللي عايز يدخل زي ماقلتي ينقل ويتكلم ويقول اللي حصل اوكي ,,

انما داخل بدون اي داتا خالص ويدعي ويشتم وخلاص ,,

يبقى يا اما سنه صغير او مش فاهم اللي بيدور حواليه

ياريت حد يدخل يفيدنا بمعلومات و بصور او كليبات عن اللي حصل

انما المغيبين والمستخبيين والمرعوبين حيفيدوا الثوار بايه ؟

تمام كده احنا عاوزين وقائع

عاوزين عين لينا نثق فيها نشوف بيها اللي حصل

مش عاوزين حد يدخل يقول حرام عليكم انتوا برة

اللي برة دول اقسم بالله ما بيناموا

بقالي اسبوع ما بنامش زيكم بالظبط

و لما عيني بتقفل لوحدها من التعب و الله العظيم و الله العظيم بالوم نفسي اني هنا في امان و هما هناك الله اعلم بيهم

ضمير مأنبني مع اني ماليش اي ذنب اني هنا دلوقتي و مش في مصر

كل المغتربين هنا ماحدش عايش حياته طبيعي

ما حدش هنا مش هامه اللي بيحصل

فا بلاش نغمة هو انتوا في مصر

بلاش قرف بقى

تم تعديل 2 فبراير 2011 بواسطة remo

[شرف الدين]

ياجماعة انا هتجنن

300 شهيد قتلتهم شرطة حسني مبارك

ولسه فيه ناس بتدافع عنه وناس تقول حسني مبارك قائد

اي نوع من القاده الذي يقتل 300 من شعبة ليظل في الحكم ؟

ايوة الأوراق الرسمة بتقول أنه قائد

وهوه اللي ادي الأوامر للشرطة انهم يقتلوا الشعب ، عشان يحموه

وهما لو خالفوا الأوامر ، ومضربوش اخواتهم و ابنائهم

حيلاقي الظابط نفسه بعد المظاهرات قاعد في بيته من غير شغل

حد حينفعه من اللي ضحي عشانهم بشغله

زي ما قلت الموضوع من الأول كان عايز نظام مش شئ عشوائي كدة و خلاص

كان ممكن يبقي فيه اتفاق بين المتظاهرين و الشرطة

الغريبة يا أخت جويرية إنك حاطة في توقيعك شعار نبي الرحمة

هي الرحمة دي فين

ولا هما ضباط الشرطة دول مفيش عندهم رحمة

انتي بتقولي

دي أوامر ولازم الضابط ينفذها وإلا هيلاقي نفسه في البيت من غير شغل ومحدش هينفعه

طب ومعلش بقى أنا هلجأ للأسلوب الصادم

لو الضابط ده خد أوامر إنه يضرب ابنك بالرصاص من غير ذنب يكون ابنك جناه

هتقولي ايه ساعتها

هتقولي الضابط معذور ولازم ينفذ الأوامر لأنه ضابط وأنا مش هنفعه لو امتنع

ولا هتفضلي تدعي عليه ليل نهار ولو طلتي إنه تاكليه بسنانك هتاكليه

يا أخت يا رافعة شعار نبي الرحمة

عن نبي الرحمة أنه قال: ( سيكون في آخر الزمان شرطة يغدون في غضب الله ويروحون في سخط الله فإياك أن تكون من بطانتهم )

وقال الحق تبارك وتعالى: ( إن فرعون وهامان وجنودهما كانوا خاطئين )

أما بخصوص مسألة التنسيق بين المتظاهرين والشرطة

عارفة دي بالظبط تشبه مسألة التنسيق بين القط والفأر

عمرك شفتي قط بيتفاوض مع فار !!!

ولسه في سؤالي الرئيسي

هل تضمني مبارك ؟

وهل تذهب دماء الشهداء هدرا ؟

تم تعديل 2 فبراير 2011 بواسطة شرف الدين

[Alattar]

لوسمحتم يا جماعة

سيبو الناس اللى خرجت من معتقل الانترنت فى مصر تعبر عن رايها

لازم فى ديمقراطية - سيبو بيبو يتكلم وجويريه وشيكو هما دول الكاميرا اللى بتنقلنا الواقع هناك كان ايه

هما دول افضل من قناه العربية والبي بي سي والجزيرة والفضائية المصرية

...........

ماهو اللي عايز يدخل زي ماقلتي ينقل ويتكلم ويقول اللي حصل اوكي ,,

انما داخل بدون اي داتا خالص ويدعي ويشتم وخلاص ,,

يبقى يا اما سنه صغير او مش فاهم اللي بيدور حواليه

ياريت حد يدخل يفيدنا بمعلومات و بصور او كليبات عن اللي حصل

انما المغيبين والمستخبيين والمرعوبين حيفيدوا الثوار بايه ؟

تمام كده احنا عاوزين وقائع

عاوزين عين لينا نثق فيها نشوف بيها اللي حصل

مش عاوزين حد يدخل يقول حرام عليكم انتوا برة

اللي برة دول اقسم بالله ما بيناموا

بقالي اسبوع ما بنامش زيكم بالظبط

و لما عيني بتقفل لوحدها من التعب و الله العظيم و الله العظيم بالوم نفسي اني هنا في امان و هما هناك الله اعلم بيهم

ضمير مأنبني مع اني ماليش اي ذنب اني هنا دلوقتي و مش في مصر

كل المغتربين هنا ماحدش عايش حياته طبيعي

ما حدش هنا مش هامه اللي بيحصل

فا بلاش نغمة هو انتوا في مصر

بلاش قرف بقى

امبارح و أنا في صلاة المغرب كنت لسه في الشغل

كنت قاعد بعد الصلاة..والله حاسس اني هقع..و انا قاعد

فعلا اليومين دول ماحدش بينام

مع اني لما بكلم أهلي في منطقة غير القاهرة..بحس انهم مش قلقانين زيي

ربنا وحده هو اللي يعلم الواحد بيحب البلد دي أد ايه

[hOuSsAm]

يا جماعة اللى بيقول ندى للنظام فرصة اخيرة 7 شهور ايه رايهم فى المظاهرات اللى بينظمها افراد الامن المركز والحزب الواطى

لو كانوا عايزين يبداوا صفحة بيضا طالعين ليه بمظاهرات تاييد

لو كانوا ناويين يعملوا حاجة ليه بيدسوا بلطجية بسنج ومطاوى وبنزين فى وسط المظاهرات

محدش يصدق

انها خديعة ماكرة من النظام

وهينتقم منهم كلهم

هيصفيهم واحد واحد

عايزين يعنى تصدقوا ان صفوت الشريف وفتحى سورو هيغيروا الدستور

هيغيروا اه بس بالمقاس والمازورة عشان يمسكوا واحد تانى من افراد العصابة

المشكلة مش فى شخص

المشكلة فى العصابة

تفتكروا العصابة هتسيب الشعب يحاسبهم فى يوم من الايام ويعلقلقهم حبل المشنقة

لالالالالالالالالالالالالالالالالالالا يا سيادنا

اوعوا تتوهموا بالكلام المعسول

ياما اخدنا منه

يارب حقق امانى 80 مليون مصرى (الا بعض القلة المندسة وسط الشعب)

يارب لا تضيع دم الشهداء

[jasmin hamed]

cnn خناقه و ضرب ما بين المتظاهرين فى التحرير

[fatfouta]

cnn خناقه و ضرب ما بين المتظاهرين فى التحرير

[/quote

الجيش رفع الحواجز وسابوهم على بعض

ربنا يسترررررر

[pink rose]

| إبراهيم عيسى

* من أول السطر

المظاهرة المليونية كسرت نظام مبارك

انتشرت ربات البيوت فى المحطات الفضائية المصرية الخاصة المملوكة عمليا لمباحث أمن الدولة ويديرها كما هو واضح ضباط يعملون بعض الظهر مذيعين ومدراء محطات تحلل خطاب الرئيس مبارك وتقول أنه كان عظيما حيث أعلن الرجل عن اصلاحات والحقيقة أن هذا التفكير إذا كان مقبولا من ربات بيوت طيبات غير مثقفات فهو يصبح عندما يخرج من أفواه كهنة ومداحين ومنافقين جريمة تضليل تضاف الى جرائمهم المتتالية ، فالمؤكد أن مبارك لم يقل أنه لن يرشح نفسه فى الانتخابات القادمة بل قال أنه لم يكن ينتوى الترشيح لمدة قادمة ، ونحن نعرف جميعا بما فينا المنافقين أنه قال أنه باق معنا حتى آخر نبضة وأن إبنه كان ملصوقا على ملصقات الدعاية التى روجها له رجال أعمال فسدة وأفاقون ممن يصطحبون نجل الرئيس وممن يديرون الآن حملات الهجوم البلطجى على المتظاهرين ضد مبارك ، ثم إن الرئيس لم يذكر كلمة واحدة فى خطابه على أن هذه هى فترته أو مدته الأخيرة بل كان يصفها بالفترة الحالية ولم يقل الأخيرة ، ثم من يضمن لنا وعود مبارك فكلها أوهام وأضاليل على مدى ثلاثين عاما ( هل تتذكرون وعده بإنتخابات حرة نزيهة ؟ هل تتذكرون وعوده لمحدودى الدخل ؟) سنجد أنفسنا إذن بعد شهرين ثلاثة وقد وقف مئات من أعضاء الحزب الوطنى فى قاعة يهتفون بالمطالبة بترشيح الرئيس فتغرورق عيناه بالدموع ويعود عن قرار عدم ترشحه ويرشح نفسه بناء ا على رغبة الجماهير !

أما تعديل المادتين ستة وسبعين وسبعة وسبعين فهذا والله عين المرواغة والالتفاف فمن سيعدل هاتين المادتين ؟ مفيد شهاب وفتحى سرور ورمزى الشاعر ومحمد الدكرورى ؟

يا خبر أسود وهل لايزال هناك فى بلدنا عبيط يصدق هؤلاء أو يطمئن إليهم ؟

وكيف سيتم تعديل المادتين مثلا ، هل سيفتح باب الترشيح لكن يقفلوا الشبابيك ؟ ويقللوا من عدد المطلوب أصواتهم لتزكية مرشح مستقل من 250إلى 225مثلا ؟

كيف يمكن بالفعل لعاقل أن يتصور أن يكون ما طرحه مبارك يحمل أى ذرة من أمل فى استكمال رئاسته ؟

أما المزاح الطريف فى خطاب الرئيس فهو كلامه عن البرلمان حيث أن الرئي سنفسه الذى نفحنا حتة دين خطبة منذ شهر يتكلم فيها عن روعة انتخابات مجلس الشعب وقوة الحزب الوطنى ونزاهة الانتخابات وجمالها وخفة دمها وخضار عيونها فإذا به يقول الآن انه سيحترم أحكام القضاء ببطلانها ، يا فرحتى ، ثم الأهم هنا هو ومن قال أن انتخابات جديدة فى الدوائر المطعون فيها سيكون نزيها وحرا ؟ ما هى الضمانة أساسا وهل مجرد تنفيذ الصفقة القديمة بمنح الأحزاب الأليفة السخيفة ثلاثين مقعدا أو أربعين معنها أنها انتخابات بقت حرة والبرلمان فلة ؟

هذا استخفاف بالناس لكن تعمل إيه وربنا العظيم من فوق سبع سموات قال لنا أن فرعون استخف قومه فأطاعوه وهذه النطاعة التى يتعامل بها منافقو ومؤيدو ومنتفعو الرئيس فى برامج العاشرة والتاسعة والثامنة ماهى إلا طاعة للفرعون !

أما المأساة فى خطاب الرئيس فتكمن فى قناعته التى يصمم عليها وهى قناعة مضللة ومزورة فى تصوير أن المظاهرات تحولت إلى عصابات نهب وسلب ، فالذى أمر الداخلية وقواتها بالانسحاب هو وزير داخلية مبارك والذى أطلق العصابات والبلطجية والفوضى فى البلد هو وزير داخلية مبارك وهى مسئولية يتحملها مبارك شخصيا ولا يمكن للضمير ولا للتاريخ أن يغفر له هذا الحريق الذى اشعله فى مصر ، قل لى يا سيادة الرئيس ماعلاقة المظاهرات فى ميدان التحير بانسحاب العساكر والشرطة من مطار القاهرة ؟

هذه خطة تمت بعلمك أو يغير علمك لكن تتحمل مسئوليتها فى الحالتين حين قررت الداخلية بث الفوضى والرعب فى قلوب الناس حتى تضللهم زعما بأن الفوضى سببها المظاهرات ، المجرمون فى وزارتك وحكومتك هم المسئولون عن إلقاء الرعب وبث الفوضى فى الشارع المصرى وكون الرئيس يخرج مصمما بمنتهى الفظاعة بلتبيس المظاهرات مسئولية الفوضى فهو ما يؤكد أنه لا أمل فى إصلاح منه وحتى لو أن بعض الناس من شعب القناة الأولى وبرامج العهر الساسى فى قنوات رجال الأعمال صدقوا خرافة أن الفوضى سببها المظاهرات فهذا لا يعنى إلا أن البلهاء لا مكان لهم فى صناعة مستقبل بلادهم !

إن مبارك يقول فى خطابه أنه يريد أن يموت ويدفن فى مصر ولا أجد مانعا واحدا لذلك ، ما علاقة تنحيه بأن يموت خارج مصر أو يدفن فى غير أراضيها ، فليبق فى بلده آمنا مطمئنا مدفونا فيها كرئيس مصرى سابق تنحى عن الحكم ، وكأنه لو تنحى لن يعيش فى بلده ولن يموت فيها ؟ من قال له هذا ، نحن نطمئن سيادته أنه لا يمر على خيال أى معارض أو متظاهر ضده أن يطالب بعدم موته فى مصر أو دفنه فيها ثم إن الأعمار بيد الله ولا شأن لنا بهذا الأمر وأطال الله عمر الرئيس ومتعه بالصحة والعافية بعيدا عن مقعد الرئاسة !

أما أن يعتبر البعض أن تنحى مبارك إهانة له فهذا كلام فارغ يهين الشعب المصرى ويهين الديمقراطية كأن تنفيذ إرادة الشعب إهانة وكأن إستقالة رئيس موضوع يهينه ، بعض المرضى الذين يروجون أن التنحى إهانة لا يتذكرون أن جمال عبدالناصر وهو زعيم جماهيرى حرر مصر من الملكية والاحتلال قرر التنحى بعد هزيمته الساحقة فى سبعة وستين وخرج ببيان تنحى لم يقل بنى آدم فى الدنيا أنه إهانة لعبدالناصر بل كان اعترافا بالمسئولية عن التقصير وقرر فيه أن يعود مواطنا وجنديا إلى صفوف الجماهير لكن الجماهير ذاتها التى خرجت بالملايين تطالب بعدوله عن التنحى رغم انه المهزوم المكسور ، لماذا ؟

لأنها كانت تصدقه أما جماهير مصر الآن فهى لا تصدق مبارك !

تم تعديل 2 فبراير 2011 بواسطة remo

[جويرية]

الأخوة اللي مش عاجبهم كلامي

انا مش بؤيد اسلوب المظاهرات ده بالمرة

يغني ايه يموت 300 واحد

الأول نحدد مين عدونا

و بعدين نتعامل مع العدو ده بحكمةو نقدر نوصل لحقوقنا بأقل قدر من الخسائر في الأرواح

[jasmin hamed]

cnn خناقه و ضرب ما بين المتظاهرين فى التحرير

الجيش رفع الحواجز فى ميدان التحرير

[شرف الدين]

بكل أسف لابد أن أقول

أصرخ لكم يا أهل الأصول

بعد كل هذا التحدي

وكل هذا التصدي

بعد كل هذا الصمود

وهذا الجمود

أمام تلكم الجنود

بعد كل هذا الصبر

على ضفاف النهر

بعد دماء الشهداء

وصرخات الأبرياء

والسهر تحت حبات البرد

في ليالي الشتاء

بعد ساعات الخوف

وانكشاف أبواق الزيف

بعد أن اكتشفنا قوة هذا الشعب

وتخلصنا من وهاء الشيب

بعد ساعات الأمل الطويلة

وابتسامات الأطفال الجميلة

بعد أن عرف الكون قوتنا

واكتشف العالم وحدتنا

لو لم يرحل هذا النظام

فأنا حزين حزين حزين

لأنني مصري

تم تعديل 2 فبراير 2011 بواسطة شرف الدين

[Diab]

لوسمحتم يا جماعة

سيبو الناس اللى خرجت من معتقل الانترنت فى مصر تعبر عن رايها

لازم فى ديمقراطية - سيبو بيبو يتكلم وجويريه وشيكو هما دول الكاميرا اللى بتنقلنا الواقع هناك كان ايه

هما دول افضل من قناه العربية والبي بي سي والجزيرة والفضائية المصرية

...........

ماهو اللي عايز يدخل زي ماقلتي ينقل ويتكلم ويقول اللي حصل اوكي ,,

انما داخل بدون اي داتا خالص ويدعي ويشتم وخلاص ,,

يبقى يا اما سنه صغير او مش فاهم اللي بيدور حواليه

ياريت حد يدخل يفيدنا بمعلومات و بصور او كليبات عن اللي حصل

انما المغيبين والمستخبيين والمرعوبين حيفيدوا الثوار بايه ؟

يا بشمهندس كلامك كدا مش ديمقراطى خالص - بتحدد الكلام يكون ازاى - امال ازاى بتطالب بالديمقراطية بقى ؟

كل واحد كان فى معتقل الانترنت فى مصر وخرج بالسلامة - يعبر عن وجه نظره ولا لازم يبقى بيشجع كلامك وبس او كلام الثوار ؟

لازم اسمع كلام كل اخوانى المصريين ايه حصل معاهم وايه اللى سمعوه وايه اللى استفدوه من التجربة دي

احكولنا ايه حصل معاكم بدون قيود لو سمحتم

ياريت يا بشمهندس تكون ديمقراطى اكتر من كدا

وداه التوبيك بتاعك يعنى لازم تسمع كل الاراء وترحب بالجميع

هو كل اللى مختلف معايا فى الراى يبقى اهاجمه او احددله شروط فى الكلام يمشي عليها

خدو مساحة من الحرية يا معتقلين انترنت مصر - واتكلمو - وكل واحد براحته يقول من وجهة نظره ايه حصل

مفيش ديموقراطية أثناء الحرب

اللي انتي بتعملي ده اسمه تهبيط معنويات

عارفة انتي لوفي الجيش وجوة الحرب وقعدتي تقولي ديموقراطية ولازم أقتنع الأول هيعملوا فيكي ايه :happy:

[جويرية]

الناس اللي بيأيدوا مبارك مظهروش غير امبارح بعد الخطاب

وممكن يكون منهم ناس من الشرطة ولا بسين مدني

لأن معظم الناس مرحتش المظاهرات النهاردة، و اللي راح ناس قليلة و سهل التعامل معهم

و حيبقي الموضوع خناقة بين المؤييدين و المعارضين

تم تعديل 2 فبراير 2011 بواسطة جويرية

[fatfouta]

تشابك بالايدى بين المعارضين والكذابين...قصدى المؤيدين

والجيش واقف مش بيعمل حاجة

دى خطة ومرسومة كويس جداااا من الكلاب

[hOuSsAm]

cnn خناقه و ضرب ما بين المتظاهرين فى التحرير

مش قولتلكوا هيبدا يصفوا فى الناس

طبعا رجالة الامن المركزى نازلة بلبس مدنى يصفوا فى الناس اللى فى التحرير

وواضح ان الجيش رافع ايده

انا مش عارف ليه

بس ربنا يسترها

يارب احقن دماء المصريين

ربنا يستر

[abdulmuttaleb]

الشرطَة المصريّة

بداية يجب أن أشير إلى أنني حررت هذا التحليل صباح الإثنين الحادي والثلاثين من شهر يناير، وأنا وغيري من المواطنين المصريين لم تظهر لنا وجهة نظر الجهاز الشرطي أو وزارة الداخلية.

أول ما يعنيه المصريون بالشرطة هو شرطة الأقسام وشرطة السجون. صحيح أن الأقسام والسجون لا يمثلان نسبة كبيرة ضمن تعداد الجهاز الشرطي، ولكنهما الأكثر احتكاكا بالشعب بكافة فئاته (خصوصا الأقسام).

ما حصل لشرطة الأقسام في محافظات القاهرة والإسكندرية والسويس ثم انتقلت عدواه لمعظم السجون، تدرجت أحداثه طبقا للتسلسل التالي من وجهة نظري:

0-ما قبل عيد الشرطة: تغطية رحيل الرئيس التونسي وما ترتب عليه من محاولات/حوادث انتحار في مصر

1-ما قبل عيد الشرطة: صورة لبدلة ضابط جيش على جروب كلنا خالد سعيد على الفيسبوك وعلى البدلة تأييد للمظاهرات

2- ما قبل عيد الشرطة: صحف مصرية تكثف تغطيتها لاستعدادات مظاهرات عيد الشرطة

3-يوم عيد الشرطة: فيديو لضابط أمن مركزي من المظاهرات ينضم للمتظاهرين

(لا يوجد تخريب أو انفلات أمني إطلاقا والأمن مستتب)

4-صباح يوم الجمعة: قطع الاتصالات عن الهواتف المحمولة للشبكات الثلاث

5-ظهر يوم الجمعة: الفضائيات تغطي المظاهرات مع تركيز على مشاهد حرق عربات أمن مركزي

6-عصر يوم الجمعة: الفضائيات تبث أخبارا عن "حصار" لأقسام شرطة

(هنا بداية الشرارة)

توجه أهالي المعتقلين فضلا عن المحبوسين على ذمة القضايا إضافة لأرباب السوابق والبلطجية، توجهوا بكثافات كبيرة مع أسلحتهم البيضاء ليس فقط للأقسام ولكن كذلك للسجون.

تزامن هذا مع انقطاع اتصالات الهواتف المحمولة في ظل أخبار إعلامية متزايدة تشكل ضغطا كبيرا على الشرطة بينما المواطنون في منازلهم يتابعون بث إحراق عربات شرطة، ... إلخ.

استدعى هذا أنْ يتصرف بعض ضباط أقسام الشرطة بشجاعة (قسم محرم بك بالإسكندرية وكذلك مطار الإسكندرية صمدا حتى فجر السبت أمام اعتداءات البلطجية حتى وصلت قوات الجيش وساعدتهم في السيطرة)، ولكن هذا لم يمنع أن بعض أقسام الشرطة تهاوى فيها الضباط والجنود وسمعت من مصادر موثوق فيها إجبار بعض ضباط مباحث بأقسام على خلع ملابسهم بل وقتل بعضهم؛ وكلّ هذه الأحداث اقتصرت في الغالب الأعمّ على القاهرة والجيزة والسويس والإسكندرية وهي محافظات ذات طبيعة خاصّة ديموغرافيا/اجتماعيا [سكان غير متجانسين فيهم القضاة وفيهم مهربو المخدرات] أو جغرافيا [صحراء مترامية الأطراف].

اقتحام وإحراق بعض أقسام الشرطة في المحافظات الأربعة أعلاه نشر حالة من التخوف بين الجهاز الشرطي [تم صباح السبت اقتحام ونهب مرور محرم بك بداية الطريق الصحراوي] وهي حالة أعطت ثقة لأهالي المسجونين وبين أرباب السوابق الذين انقسموا إلى قسمين الأول مارس سرقة ونهب المحلات التجارية [بشكل خاص مساء الجمعة وصباح السبت واقتصر على الأسواق التجارية النائية والمعزولة عن الامتداد السكاني مثل كارفور وأسواق التجمع الخامس وغيرها] وقسم آخر من أرباب السوابق حاصر بعض السجون (والتي هاج المساجين داخلها ضد الأمن) وتمكن من اقتحامها، وبالتالي أصبحت الأسلحة المنهوبة من أقسام الشرطة مع الأسلحة المنهوبة من إدارات السجون متاحة في أيدٍ شريرة.

من النقاط التي أخفاها الإعلام (وفشل في إبرازها الإعلام الرسمي) هي أنّ المساجين الهاربين وأرباب السوابق أصبحوا في ثأر مع المجتمع عموما ومع المخبرين وأمناء الشرطة خصوصا بحكم احتكاكهم الدائم بهؤلاء المساجين وأرباب السوابق، مما دفع قلة من المخبرين (خصوصا في مباحث مكافحة المخدرات) إلى الثورة ضد المجتمع ليس بتحريض من أحدٍ كما أشاع البعض، وإنّما لأنّ الانفلات الأمني وخوفهم من انتقام البلطجية والمساجين الهاربين أمسى بلا حدود. أضف إلى ذلك أن بعض المساجين أنفسهم كانوا يبررون خروجهم بأن الشرطة –زعموا- فتحت لهم أبواب السجون وشجعتهم على الخروج مما فاقم من حالة

External locus of control

على كل حال، فإنه ومع حلول عصر السبت بدأت جماهير المواطنين تنظم أنفسها وأصبحت ومئات الآلاف من أقراني الشباب ننزل بالأسلحة بأنواعها (وألوانها) نحمي شوارع المحيطة.

ما ذكرته أعلاه لا ينفي الحاجة إلى تتم إعادة النظر في آلية اختيار الضباط والعاملين بالأقسام والسجون عموما، وبشكل خاص في المحافظات الأربعة: القاهرة، الجيزة، الإسكندرية والسويس، خصوصا وأنني أستدعي إلى الذاكرة ما نشرته المصري اليوم عن حادثة اعتداء على ضباط في سجن طرة عام 2009م.

ملحوظة: تساءل البعض لماذا لم ينزل الجيش لمساندة الشرطة قبل عيد الشرطة أو حتى صباح الجمعة التالية له، والحقيقة أن أحدا لم يرصد كثافة للمتظاهرين تستدعي تأهبا مبكرا، خصوصا وأنّ نزول الجيش ستكون له معاني سياسية سلبية (خصوصا في أول الأمر).

[pink rose]

عااااااااااااجل:

عن مراسل bbc العربية من بعد التحدث مع المتظاهرين المؤيدين لمبارك انه اجبروا على التظاهر والا يتم رفدهم من العمل

من شوية صحفية كانت بتتكلم بتقول مجدي الدقاق منعها من دخول مبني الصحيفة عشان شاركت في المظاهرات

[جويرية]

بكل أسف لابد أن أقول

أصرخ لكم يا أهل الأصول

بعد كل هذا التحدي

وكل هذا التصدي

بعد كل هذا الصمود

وهذا الجمود

أمام تلكم الجنود

بعد كل هذا الصبر

على ضفاف النهر

بعد دماء الشهداء

وصرخات الأبرياء

والسهر تحت حبات البرد

في ليالي الشتاء

بعد ساعات الخوف

وانكشاف أبواق الزيف

بعد أن اكتشفنا قوة هذا الشعب

وتخلصنا من وهاء الشيب

بعد ساعات الأمل الطويلة

وابتسامات الأطفال الجميلة

بعد أن عرف الكون قوتنا

واكتشف العالم وحدتنا

لو لم يرحل هذا النظام

فأنا حزين حزين حزين

لأنني مصري

لا ما احنا في حالة حرب مع النظام

انا اول مرة اشوف دبابات في الشارع

و الحرب كر و فر

و ان شاء الله ننتصر في يوم قريب

[fatfouta]

الله اكبر الله اكبر فضيحة كبرى يرجى النشر

الان على التلفزيون المسخرة

بعد ان وضعوا ثلاثة كادرات

كادر للمهندسين فى اليمين المؤيدين و كادرين لميدان التحرير على اليسار ملايين معارضين لمبارك و اعترف التلفزيون بذلك

تفتكروا ايه عمل التلفزيون الان

كتموا الصوت بعد ان تعالت الهتافات ارحل ارحل

منقول

تم تعديل 2 فبراير 2011 بواسطة fatfouta

[جويرية]

تشابك بالايدى بين المعارضين والكذابين...قصدى المؤيدين

والجيش واقف مش بيعمل حاجة

دى خطة ومرسومة كويس جداااا من الكلاب

ما هما المعارضين اللي خرجوا

النهاردة

ناس فاضية

يعني كفاية كدة اللي حققناه

اسلوب المظاهرات مش حيحققلك اكتر من كدة

[ComingSoon]

حتي الان يظل المعارضين اكثر بكثير من مظاهرات البلطجية المؤيديين لمبارك