25 يناير ... موعد المصريين ( 9)

[hOuSsAm]

عبد الله كمال ابن التييييييييت بيقول 750 الف فى ميدان مصطفى محمود يؤيدون مبارك

يا كذاب يا...............

استغفر الله العظيم عالاشكال دى

[المهندسه]

يا جماعه انا خايفه على البلد و الشباب الغلبان و اعصابى تعبت

كفايه بقه كفايه

يا جماعه فى مخطط لزرع الفتنه بين الشعب و الجيش و ساعتها هتبقى الفرصه قدام امريكا و اسرائيل يدخلوا و هتبقى جاتلهم على الطبطاب

يارب سلم يارب سلم

[fatfouta]

حسبى الله ونعم الوكيل

الناس بتحدف بعضها بخشب الكراسى وبالطوب فى ميدان التحرير والجيش بيرسم مخططهم كويس

[م تيمور المراغي]

لوسمحتم يا جماعة

سيبو الناس اللى خرجت من معتقل الانترنت فى مصر تعبر عن رايها

لازم فى ديمقراطية - سيبو بيبو يتكلم وجويريه وشيكو هما دول الكاميرا اللى بتنقلنا الواقع هناك كان ايه

هما دول افضل من قناه العربية والبي بي سي والجزيرة والفضائية المصرية

...........

ماهو اللي عايز يدخل زي ماقلتي ينقل ويتكلم ويقول اللي حصل اوكي ,,

انما داخل بدون اي داتا خالص ويدعي ويشتم وخلاص ,,

يبقى يا اما سنه صغير او مش فاهم اللي بيدور حواليه

ياريت حد يدخل يفيدنا بمعلومات و بصور او كليبات عن اللي حصل

انما المغيبين والمستخبيين والمرعوبين حيفيدوا الثوار بايه ؟

يا بشمهندس كلامك كدا مش ديمقراطى خالص - بتحدد الكلام يكون ازاى - امال ازاى بتطالب بالديمقراطية بقى ؟

كل واحد كان فى معتقل الانترنت فى مصر وخرج بالسلامة - يعبر عن وجه نظره ولا لازم يبقى بيشجع كلامك وبس او كلام الثوار ؟

لازم اسمع كلام كل اخوانى المصريين ايه حصل معاهم وايه اللى سمعوه وايه اللى استفدوه من التجربة دي

احكولنا ايه حصل معاكم بدون قيود لو سمحتم

ياريت يا بشمهندس تكون ديمقراطى اكتر من كدا

وداه التوبيك بتاعك يعنى لازم تسمع كل الاراء وترحب بالجميع

هو كل اللى مختلف معايا فى الراى يبقى اهاجمه او احددله شروط فى الكلام يمشي عليها

خدو مساحة من الحرية يا معتقلين انترنت مصر - واتكلمو - وكل واحد براحته يقول من وجهة نظره ايه حصل

بالعكس يا اغابي تعرفي لو المعترضين بيقول انتم عملاء او مغيبين او عندكم قصور في الفهم والله اقبلها

انما اسلوب كشف الراس والحسبنه و منكم لله يا وحشين عيب المقام هنا مقام رجوله وتضحيه ووطنيه من كل الموجودين سيداتها قبل رجالتها ,,

وشفنا بعنينا بنات مصر وسيداتها ازاي وقفوا بيطالبوا بحقوقهم ونالوا اغلبها عشان كان لديهم مبدأ ولم ييكونوا جبناء او مطأطي الرؤوس عشان لقمة العيش

بقى المجتمع الدولي يقف في صف الثوار ويرغم النظام الفاسد على التنازل ونسمع منكم لله حسبي الله اشوف فيكوا يوم يا وحشين !!!!

ده انا مكسوف لهم والله بجد ,,

بنخاطر بنفسنا ضد كلاب امن الدوله عشان نحمي كرامتهم وحريتهم وكل الدنيا بتأيدنا وهما يقولوا وانت مالك احنا عاجبنا وراضيين بكده !!!

[jasmin hamed]

مذبحه

مذبحه

[جويرية]

الفاضلة جويرية

يعني الانسان الطبيعي حضرتك لو خير بين قتل الأبرياء و فقد عمله هيختار ايه؟

حضرتك هتختاري ايه؟؟؟

البشري الطبيعي لو خير بين قتل الأبرياء و فقد حياته مش شغله يختار فقد حياته .. ده البشري الطبيعي

إنما البشري الكلب هيختار اللي اتعمل ده

فياريت بلاش ندافع ف الباطل الله يبارك فيكي و يحفظك .. مش عشان شغلي أقتل

كدة تبا الحياة جميلة أوي و اللي تعجبه عربية يقتل صاحبها و ياخدها ... اصله مكنش عاوز يفقدها .. كدة ولا ايه؟

المظاهرات عمل غير منظم

يعني ال 300 اللي ماتوا مثلا ، الدولة مش حتسأل في اسرهم ، هل كان فيه قبل المظاهرات اتفاق ان القتلي حيبقي فيه تأمينات مادية لأسرهم

عسكري الأمن المركزي اللي مش حينفذ الأوامر ، هل في اتفاق من القائمين علي المظاهرات ، ان حيبقي ليه وظيفة

بديلة ده اذا متحبسش يعني

كل واحد من المتظاهرين مش بيخسر مصدر رزقه ، اشمعني بتطلب من حد يضحي بمستقبله

[شرف الدين]

الجيش للأسف باعنا

والاشتباكات بدأت

للأسف الجيش المصري باعنا

للأسف لو لم يتدخل الجيش المصري الآن

فلا اعتقد أنه سيظل مصريا

[fatfouta]

شوفو الجزيرة

بقوا فريقين منهم لله جابوهم منين دول؟؟؟؟؟؟؟؟

[se_ Elsyed]

وتفتكروا ما فيش تحديف حصل ليه الأيام اللي فاتت ؟

والملايين اللي بتحب مبارك كانت فين في الأيام اللي فاتت ؟

[مغتربة]

حسبى الله و نعم الوكيل

حسبى الله و نعم الوكيل

ايه الى بيعملوه فى مصر دا

حرام حرام حرام

الى بيحصل فى ميدان التحرير جريمه بكل المقاييس

[aimen]

نواره نجم

إنما النصر صبر ساعة

نداء الى شعب مصر العظيم: الشعب المصري يذكر خطبة الرئيس مبارك عام 1981 حين قال أن "الكفن مالوش جيوب" وأنه لا ينوي الترشح للرئاسة إلا لدورة واحدة ثم جثم على صدورنا لمدة ثلاثين عاما.الشعب المصري يذكر وعود الرئيس مبارك بتشجيع الصناعة المصرية ثم فكك المصانع المصرية وباعها للمستثمرين الأجانب ورجال الأعمال.الشعب المصري يذكر وعود الرئيس مبارك بتحسين أوضاع محدودي الدخل ثم رفع نسبة الفقر في مصر من 15 بالمائة إلى 45 بالمائة. الشعب المصري يذكر رد الرئيس على إضرابات 6 أبريل بوعود العلاوة، وما كان منه إلا أن أعطى الموظفين العلاوة في الصباح، وضاعف سعر البنزين في ذات اليوم مساء. فليذكرنا أحد بوعد واحد للرئيس مبارك تم تنفيذه على مدى الثلاثين عاما. هل خرب نظام مبارك البلاد على مدى ثلاثين عاما ليصلحها في ستة أشهر؟ هل هناك من ضمانة قانونية أو سياسية أو فعلية على الأرض تضمن أن الرئيس سيكمل فترته الرئاسية بسلام ولا يترشح مرة أخرى؟ أم أنه ملتزم أمام الجماهير بالكلمة؟ ومتى كانت لكلمة مبارك ووعوده مصداقية؟ لقد ألقى الرئيس مبارك خطابه عن الإصلاح والزهد في السلطة المزعومين أثناء قطعه للقطارات والطيارات والشبكة العنكبوتية ورسائل الهواتف المحمول النصية. وحتى بعد أن أعاد الإنترنت مازال يحجب موقعي التويتر والفيس بوك، وإنما أعاد خط الإنترنت ليفسح المجال لإدارة عجلة مصالح رجال الأعمال الذين يحمون نظامه. في جمعة الغضب توقعنا أن يلقي الرئيس مبارك خطابا يقسم فيه صف الشعب، وها هو يحاول، ويلقي بآخر أوراقه، فلنثبت ولنصبر، إنما النصر صبر ساعة، وإنما قوتنا في عددنا المتواجد في الشارع، ونذكر بني الوطن أننا حققنا نصرا مؤزرا على الولايات المتحدة الأمريكية التي سجلت موقفا مشينا في يوم الثلاثاء 25 بدعمها الكامل لنظام مبارك أمام جموع الشعب، ثم ظلت تتخبط وتترنح، وها هي ترفع الراية البيضاء أمام الملايين الرافضين لخطاب مبارك الأخير. نحن نخوض معركتنا الأخيرة أمام هذا النظام الغاشم، وعلينا الصبر والثبات، فالحرية على الأبواب، ذلك لأن النظام المصري البائد لو نجح، لا قدر الله، في إدخالنا للبيوت فإنه سيضرب على رأس الوطن بيد من حديد، وسيتخذ كل الإجراءات اللازمة من بلطجة، وتنكيل، وتكميم للأفواه، وربما تفجيرات متعمدة تستوجب أحكاما عرفية، ليضمن ألا نعود للشارع مرة أخرى، ولن يتزحزح عن مكانه، بل وسينكل بنا وينتقم منا كعهده دوما معنا. يا بني مصر.. الثبات الثبات الثبات، فالحرية على الأبواب، وهذه هي المعركة الأخيرة، وسلاحنا الوحيد هو بقاؤنا في الشارع بالملايين حتى يرحل هذا النظام، بل إننا إن ثبتنا قد يسقط النظام وأذنابه قبل جمعة الرحيل. ونحذر شعب مصر العظيم، من بعض رموز النخبة المنتفعة والتي تستغل الثورة الشريفة لتحقق مكاسبا وتعقد صفقات مع النظام على حساب دماء شهدائنا. ونتوعد كل الرموز الإعلامية المنتفعة الدنيئة بأن الشعب سينتصر في معركته وسيحاسبهم حسابا عسيرا.

[مغتربة]

وتفتكروا ما فيش تحديف حصل ليه الأيام اللي فاتت ؟

والملايين اللي بتحب مبارك كانت فين في الأيام اللي فاتت ؟

نفس الخطط الامنيه القذره

علشان بس الناس الى اتخدعت

[مغتربة]

فين الجيش

خلاص الموضوع اطبخ و راضوا بعضهم

و الضحيه شباب مصر

حسبى الله و نعم الوكيل

[hOuSsAm]

تشابك بالايدى بين المعارضين والكذابين...قصدى المؤيدين

والجيش واقف مش بيعمل حاجة

دى خطة ومرسومة كويس جداااا من الكلاب

ما هما المعارضين اللي خرجوا

النهاردة

ناس فاضية

يعني كفاية كدة اللي حققناه

اسلوب المظاهرات مش حيحققلك اكتر من كدة

المعارضين اللى خرجوا ناس فاضية؟؟؟؟

يعنى اللى خرجوا عشانى وعشانك وعشان نعيش حياة كريمة ناس فاضية

كانوا من يومين ناس مش فاضيين والنهاردة بالذات ناس فاضية

لالالالالالا يا سيدتى عمرهم مكانوا فاضيين ولا مهمشين

حتى الان لم يتحقق الهدف

يا جماعة افتحوا الجزيرة وشوفوا المهازل

شوفوا الناس وهى بتضرب هناك من المجرمين

يارب افضحهم واذلهم

[fatfouta]

وتفتكروا ما فيش تحديف حصل ليه الأيام اللي فاتت ؟

والملايين اللي بتحب مبارك كانت فين في الأيام اللي فاتت ؟

دى مخططات قذرة عاملاها الحكومة

هو قالهم لو ماعجبهمش سيبوا عليهم البلطجية بقى عشان يبان ان فيه فرقة بينهم

تم تعديل 2 فبراير 2011 بواسطة fatfouta

[se_ Elsyed]

المظاهرات عمل غير منظم

يعني ال 300 اللي ماتوا مثلا ، الدولة مش حتسأل في اسرهم ، هل كان فيه قبل المظاهرات اتفاق ان القتلي حيبقي فيه تأمينات مادية لأسرهم

عسكري الأمن المركزي اللي مش حينفذ الأوامر ، هل في اتفاق من القائمين علي المظاهرات ، ان حيبقي ليه وظيفة

بديلة ده اذا متحبسش يعني

كل واحد من المتظاهرين مش بيخسر مصدر رزقه ، اشمعني بتطلب من حد يضحي بمستقبله

والله حرام عليكي

لإن إستفزاز مشاعر الناس أكبر حرام

تخيلي نفسك وعندك ميتم لواحد من الضحايا واللي داخلين يعزوكي بيقولوا لك " يستاهل .. كلب وراح " أصل المظاهرات عمل غير منظم وكان يجب عليه أن ينخرط في العمل السياسي من خلال القنوات الأرتوازية الشرعية .... في نفس الوقت يجب علينا أن نُعطي العسكري اللي ضربه بالنار في رأسه نيشان الواجب عشان أدى عمله على أكمل وجه . أه الحق حق والواحد يقول اللي ليه واللي عليه .

عيب ... عيب يا أخت جويرية ....

[مغتربة]

النت رجع من ساعه بس و كل المواضيع فى كل المتتديات بقدره قادر بقت عن جمال و حلاوه حكم مبارك

و حقك علينا يا مبارك و اعتذارات لمبارك

و ميصحش يا جماعه

و عيب يا جماعه

و دا كبيرنا

و الكل بقى فجا بيتغزل فى فتره حكم مبارك كانه بيفطرنا كل يوم كرواسان و بنيخلينا نحلى بمارونج لاسه

حتى المنتديات النسائيه حتى الناس الى مبتعرفش الفرق بين السياسه و كبشه الطبيخ

الكل بقى يفتى و يتغنى بحلاوه مبارك

[طبيبة بالخارج]

يا جماعه انا خايفه على البلد و الشباب الغلبان و اعصابى تعبت

كفايه بقه كفايه

يا جماعه فى مخطط لزرع الفتنه بين الشعب و الجيش و ساعتها هتبقى الفرصه قدام امريكا و اسرائيل يدخلوا و هتبقى جاتلهم على الطبطاب

يارب سلم يارب سلم

لأ ما تخفيش هو موش حيعملوا كده هم حيكتفوا بتوقيع الناس في بعض و الجيش حيقول ما ليش دعوة انا مش بضرب حد

[moory]

الي بيحصل في ميدان التحرير ده حراااام

حررام عليك يالي عامل نفسك ريس

في مجازر هاتحصل

لو كان في ذرة احترام ليك، فبعترف انها انتهت دلوقتى

يااارب ذل مباارك..يا رب ابطش به

اللهم اذله..

[fatfouta]

المتظاهروتن فى ميادن التحرير يتهمون الامن بلبس ذى مدنى التعرض اليهم

مش قلت لكم بيان الجيش مش مطمئن وفيه تحذير للناس بيقولولهم احنا حذرناكم ومافيش فايدة يبقى اشربوا بقى