25 يناير ... موعد المصريين ( 9)

[م تيمور المراغي]

2:31 السماح للمتظاهرين من مؤيدى مبارك بدخول ميدان التحرير وبعضهم يحملون صواعق كهربائية وعصى

ودول جابوا الصواعق الكهربائية منين لو هما مدنيين؟؟؟؟؟؟؟؟

الحمد لله

الحمد لله

دلوقتي الثوار حيستولوا على العصيان والصواعق دي ويستخدموها

ابعت بلطجيه كمان يا سونسون عاوزين نتمرن عليهم شويه :happy:

[hOuSsAm]

فى ميكرفونات مع المتظاهرين

مش عايزينه مش عايزينه.....البلطجى مش عاوزينه

يسقط يسقط حسنى مبارك

حسنى مبارك يا جبان يا عميل الامريكان

يا فتفوتة لحد النهاردة الصبح بقول عالبنى ادم اللى لازق عالكرسى ده انسان ذكى انه يقدر ينيم الناس ويقسم اراء الناس لراين

لكن بعد اللى حصل من شوية ده

بكدة هو اغبى انسان شوفته فى حياتى

وكنت بقول قبل كدة يرحل ومش عايزين منه حاجة

دلوقتى هيرحل والجزمة فوق رقابته وهيتحاكم محاكمة عسكرية سيشهدها التاريخ

سيشهدها كل من له شهيد فى المظاهرات

سيشهدها كل ديكتاتور بيظلم فى شعبه

ايها الشهداء لا تقلقوا فلن تضيع دماؤكم

حقكم هيرجع مهما تكلف الامر

[مغتربة]

مش عايزينه مش عايزينه

البلطجي مش عاوزينه

حسني مبارك يا جبان يا عميل الامريكان

يرحل يرحل

دا هتافات الناس في التحرير دلوقتي

يعنى مستنى ايه بعد كدا

انا عايزه اعرف هو اساسا كان ناوى يكمل ازاى و هيبته و احترامه بينه و بين الشعب وقعت بالشكل دا

يا جماعه فى 9 ايام دى انكسر حاجات استحاله تتصلح بينه و بين الشعب

مينفعش

[م تيمور المراغي]

وائل غنيم

هو ادمن جروب

خالد سعيد

انت متاكد من المعلومة دى يا تيمور

الانسان ده عبقرى جدا

وكلامه بيدل عن انسان واعى مش مندفع فى كلامه ومنظم جدا وفاهم هو بيعمل ايه

يارب فك اثره ورجعه لاهله بالسلامة

يارب عليك بالظلمة

الخبر وصلني من ثقه ,,

وائل غنيم هو ادمن خالد سعيد بالفعل

يارب مايكونوا قتلوه الكلاب ,,

[pink rose]

واحد على الجزيرة بيقول

احتمال كبير احمد شفيق يعتذر عن رئاسة الوزراء لانه مش راضي عن اللي بيحصل دا

لانه امبارح كان بيطمن الناس يقوم يحصل كده النهاردة

[مغتربة]

يا جماعه حد فاهم الصور الناس الى داخله مجمع التحرير بحصنه و جمال بتجرى دول مين

[شرف الدين]

مدبحة في ميدان التحرير

بعضهم بالخيول دخلوا ميدان التحرير

وبيحاولوا يدوسوا الناس

والشباب بيتصدى ليهم

[Alattar]

ياتري لسه فيه ناس برضه مصدقة الريس؟؟

وفين أحمد شفيق اللي كان بيقول علي رقبتي مافيش حد من المتظاهرين هيصاب بأي سوء

للأسف..احنا فعلا بينضحك علينا بطريقة ساذجة و للأسف بيستغلوا ان فيه ناس

من أهالينا طيبين و بيصدقوا الكلام ده

حسبنا الله و نعم الوكيل

[م تيمور المراغي]

والله العظيم ان النظام ده اهبل

لان الصبح جاتلي الاخبار ان اليوم والخميس تهدئة واستعادة نشاط لقيادات الثوار تمهيدا لجمعة الرحيل ,,

لكن الان الكل نزل وحيطوق البلطجيه المساكين من قدام ومن ورا ويسحقوهم ,,

هما اللي حطوا نفسهم بين المطرقة والسندان يستاهلوا ,,

[mekkawy]

يا جماعة مش في مصلحة الأخ أدمن خالد سعيد أننا نفضل نذيع في كل حتة ان الشخص الفلاني ده هو الأدمن للجروب ده

ركزوا و بلاش نشر كل حاجة .. هناك ما ينفع و ما يضر

[pink rose]

يا جماعه حد فاهم الصور الناس الى داخله مجمع التحرير بحصنه و جمال بتجرى دول مين

تفتكري مين يا مغتربة

باينة زي الشمس

ريحوهم كام يوم لحد ما الناس تهلك و بعيد يرجعوا يطلقوهم عليهم تاني

[م تيمور المراغي]

خيول البلطجيه تدخل الميدان

والثوار يسقطوهم ويعتقلوهم ويسحقوهم

والله حرام على النظام ارواح البلطجيه دي ,,

[fatfouta]

يا جماعه حد فاهم الصور الناس الى داخله مجمع التحرير بحصنه و جمال بتجرى دول مين

دول تقريبا هم السافلا مسلحينهم بكل حاجة حتى الحصنه والجمال وهما حمير....سورى يعنى لانهم انطردوا من ميدان التحرير من قبل المتظاهرين الشرفاء

[mekkawy]

الجيش يلقي القبض على ما لا يقل عن 10 من البلطجية ... و الجيش يحاول حماية المتظاهرين

شاهد عيان من الميدان على البي بي سي لايف

[hOuSsAm]

واحد على الجزيرة بيقول

احتمال كبير احمد شفيق يعتذر عن رئاسة الوزراء لانه مش راضي عن اللي بيحصل دا

لانه امبارح كان بيطمن الناس يقوم يحصل كده النهاردة

كلهم عملا كلهم كلاب كلهم سفاحيين

خاينين

مش عايزنكم

لو كنتم كدة كلاب خاينين مش عايزنكوا

قتلة الشرفاء

حسبى الله ونعم الوكيل

مفكيش راجل يا حكومة

مفيش راجل يعرف يفتح بقه

كلهم بايعين شرفهم وذمتهم

مش عايزينه يرحل ولا يمشى

عايزينه يتحاكم محاكمة عسكرية

الغبى الجبان

مش هيرحل

هيتحاكم

[fatfouta]

ايه قلة الادب دى ؟؟؟؟؟

ده فُجر والله داخلين بجمال وبيسحقوا المتظاهرين

تم تعديل 2 فبراير 2011 بواسطة fatfouta

[pink rose]

هو الراجل دا مفكر نفسه في مولد الحسين

مدخل جمال و حصنة

انا حاسة اني هاتجيلي سكتة قلبية بجد

[م تيمور المراغي]

ابن الهبله باعت جمال لمواجهة الثوار !!!!!

يا اخي انت سقطت من نظري انت و المهرجين اللي حواليك جتك القرف

ده خرف ده والا ايه ؟؟

[Alattar]

خيول..و جمال..و عربات تجرها خيول كمان

ايه اللي الحكومة بتهببه ده

و هما عاوزين يقنعونا ان مؤيدين للرئيس هيركبوا جمال و خيول

ليه..هما المؤيدين دول مين اللي باعتهم..أبو الحكم بن هشام؟؟؟؟؟

مش ناقص غير انهم يضربوا المتظاهرين بالمنجنيق

حسبنا الله و نعم الوكيل

تم تعديل 2 فبراير 2011 بواسطة Alattar

[mekkawy]

شاهد عيان (اسمه أحمد ياسين) على البي بي سي لايف:

قوموا علينا الشعب .. الشعب وقع في بعضه .. ارحمونا و سيونا نحس ببعض .. العناصر المندسة هم الشعب اللي عنده فشل كلوي و سرطان و الفقراء و الجعانين

بيشخطوا في وشنا .. بيقولونا انتوا مندسين و احنا بقالنا 8 ايام في برد قاعدين نايمين شايفين .. و انا محتاج فلوس ولا أنتمي لأي سياسين

أطلقت قنابل مسيلة للدموع .. بأشوف ناس ملكي بتضرب .. بأشوف القنابل بتتحدف علينا .. انا مش محتاج حاجة من حد .. انا محتاج بلد بدون مشاكل .. احنا كدة بنولع ف بعض

رجال القوات المسلحة واقفة 8 أيام بحياد .. النهاردة سابوهم يخشوا علينا .. نفس العينة اللي شوفناها في الانتخابات البرلمانية .. العينة المأجورة