25 يناير ... موعد المصريين ( 9)

[wsadani]

يا جماعة الجيش بينسحب ولا ايه

[بركة]

برنامج العاشرة مساءا

[fatfouta]

وفى المحلة كمان انضربوا برضو المتظاهرين

R.N.N | شبكة رصد من راصدنا في المحله ضرب من بلطجية الداخليه للمعتصمين وبدات تبعات الخطاب

[fatfouta]

أحمد شفيق عالعاشرة مساءا

الراجل ده ماتعبش دى تالت قناة طب مايقول اللى هيقوله مرة واحدة ونخلص

[شرف الدين]

تفتكروا ممكن نعمل وزارة جديدة في الحكومة الجديدة اسمها وزارة البلطجية

طب ممكن نقترح واحد لحقيبة البلطجية

انا شخصيا ارشح الوزير السابق حبيب العادلي

بتهيألي هو أنسب واحد للمنصب ده.

[بركة]

دكتور يحي الجمل

الرئيس احسن لنفسه وللبلد

وانا كنت بطلب منه هذه المطالب التي جاءت في الخطاب

وما جاء جزء من الطموحات

وان الوضع الان اكثر اطمئنانا

دعوة لانتخاب لجنة تأسيسية عمل دستور جديد

مجلس الشعب باطل

واعادة الامن للشارع المصري

تم تعديل 1 فبراير 2011 بواسطة بركة

[fatfouta]

وفى بور سعيد كمان انضربوا

الجزيرة : إعتداء على المتظاهرين بالسلاح الأبيض والعصي في بورسعيد

بداية العهد الجديد

[Al Mohager]

يا جماعة الرئيس كان بيخيرنا يا إما هو يا إما الفوضى

طبعا الجماهير ردت رد فورى فى ميدان التحرير و فى الاسكندرية و بعدها ب 10 دقائق بدأ البلطجية يضربوا فى المتظاهرين فى الاسكندرية و المحلة و عشرات الجرحى ...................... افتكر كده الرسالة وضحت

الشعب اللى امه مربتهوش ... هيربيه و يعلمه الأدب

كمان بكرة يا جماعة اعتقد ان البلطجية هيكتروا و هييمنعوا الناس الوحشين دول من التظاهر و الناس ممكن ترد و يبدأ الناس يجيبوا اسلحة فى المظاهرات عشان يردوا على البلطجية و هتبقى مجزرة

[ozoozo]

اعتقد كمان ان هايكون في موجه اعتداءات علي المنازل الليله

حذروا اهاليكم

[fatfouta]

R.N.N | شبكة رصد

المتظاهرون: عنادنا أشد وأقوى من عناد الرئيس المخلوع8 minutes ago

[fatfouta]

يا لهووووووووى

التحرير كمان بتتعرض للبلطجة والناس بتكلم الجزيرة اهو دلوقتى

[شرف الدين]

يا جماعة دي خطة

خطة تانية لإشاعة الفوضى

عشان نخاف

صدقوني لو الراجل ده فضل

هتبقى مذبحة

[mohamedmohsen]

اخراخر الاخبار انا لسه مكلم اخويا في مدينة 6 اكتوبر الناس مبسوطة من الخطاب بتاع حسني مبارك وعاملين له مظاهرة تأييد

حسبي الله ونعم الوكيل

ضحك على عامة الشعب

دم الشهداء في رقابته ليوم الدين

قل هل ننبأكم بالاخسرين اعمالا الذين ضل سعيهم في الحياة الدنيا وهم يحسبون انهم يحسنون صنعا

[ozoozo]

صحح صحح يامبارك

افرم افرم ياسادات

[hyyyr]

الواحد الضغط علي علية

وتعبنا بجد

النصر من عندك يا رب

[الســـاري]

مصطفى بكري على قناة المحور يقول انه سينزل للمتظاهرين في ميدان التحرير غدا لتهدئتهم

والاتصالات عبارة عن بكاء ودموع .. وسيدة تبكي وتقول بعد 30 سنة نتكلم عليه كدا ؟

كل المتصلين مع الرئيس .. وكلهم يوجهوا بندائاتهم لمصطفى بكري ويرجوه بان يقوم بتهدئة المتظاهرين

[م تيمور المراغي]

بسم الله الرحمن الرحيم ,,

اول مره من وقت طويل اكون متردد في حسم رأي لا ينطلق به لساني عفو الخاطر ,,

لاني متردد ما بين قناعاتي الخاصه والتزامي نحو الجماعه فيما تتفق عليه من خطوات ,,

لكن ما ساكتبه الان سيكون هو رأي الخاص ,, و الذي من الممكن تنقيحه بعد ذلك ,,

1 - تعهد الرئيس بعدم الترشح مره اخرى كانت من اهم مطالب الثوره وقد تحقق

2 - اقالة وزير الداخليه كانت من اهم مطالب الثوره وقد تحقق ,,

3 - تعديل المادتين 76 و 77 من الدستور تحقق

4 - زيادة الحد الادنى للاجور قد تحقق ,,

بقى امران

حل مجلس الشعب الحالي الذي جاء بالتزوير ,, ورأي ان تستمر المظاهرات حتى يتم صدور قرار رئاسي بحل المجلس واجراء انتخابات تشريعيه تتم تحت الاشراف الدولي

اما الامر الثاني وهو تنحي الرئيس مبارك فده اللي بقالي ساعتين عمال افكر فيه واستقر ضميري على تاجيل اخذ قرار بشانه وان كنت اميل الى الموافقه على بقائه في السلطه والتي اعلم ان دوره في الشهور المقبله سينحسر بالتدريج وان السلطه الفعليه الان هي بيد اللواء عمر سليمان بمشاوره متساويه مع مبارك ,,

الدور المقبل الان هو تقويه اللجان الشعبيه في كل منطقه وتكاتفها لتحقيق الاستقرار الامني في كل منطقه ,, وبقاء التظاهرات الحاليه مشتعله حتى يتم حل مجلس الشعب المزور ,, وارى ان يكف المتظاهرون عن المطالبه بتنحي الرئيس مبارك والاسائه اليه والتركيز على حل مجلس الشعب ومحاسبة المجرمين والمقصرين عن الايام الماضية كما اشار هو نفسه في خطابه ,,

واتوقع ان لاتطلق الشرطه يدها في الشعب لانها تعلم ان ايام النظام الحالي قد اصبحت معدوده وان هناك نظام جديد مع نهاية العام سوف ياتي به الشعب بالانتخاب الحر النزيه وسيكون على رأس اولوياته محاسبة كل المقصرين عن الفترة الماضيه ومن خاف العقوبه التزم بالادب ,,

رأي ايضا ان المعارضه الان صارت اقوى من اي وقت مضى فعليها توحيد صفوفها حول المطلب الاساسي وهو حل مجلس الشعب الحالي والدعوه الى اجراء انتخابات تشريعيه في خلال اسابيع قليله ان شاء الله ,,

ولي عوده ان شاءا لله بعد دراسة الموقف بشكل اوسع ,,

[شرف الدين]

مصطفى بكري على قناة المحور يقول انه سينزل للمتظاهرين في ميدان التحرير غدا لتهدئتهم

والاتصالات عبارة عن بكاء ودموع .. وسيدة تبكي وتقول بعد 30 سنة نتكلم عليه كدا ؟

كل المتصلين مع الرئيس .. وكلهم يوجهوا بندائاتهم لمصطفى بكري ويرجوه بان يقوم بتهدئة المتظاهرين

عارف يا أخ ساري

كل دول مش هينفعوا

الموضوع دخل في طور العند يا أخ/ ساري

ومبارك إذا كان مصري وعنيد

فاحنا برضه مصريين واكتر عند منه

وبعدين عارف مبدأ لويس الرابع عشر ( أنا الدولة والدولة أنا )

للأسف مبارك تعامل مع مصر بالمبدأ ده

افتكر ان مصر دي ملكية خاصة بيه

عارف كان ممكن مبارك يخلص الليلة دي من بدري

يتنحى عن الحكم - تأتي قيادة الجيش تمسك بزمام الأمور

تقوم قيادة الجيش بتعيين عمر سليمان رئيس جمهورية

يقوم عمر سليمان بتعيين أحمد شفيق رئيس وزراء.

مش هو ده اللي مبارك عمله فعلا.

كان هيعمله وكان الشباب هيتقبله لو كان حصل عن طريق قيادة الجيش

لكن للأسف غرور السلطة خلاه يتخيل إنه برضه هو الرئيس الشرعي وإنه من حقه هو اللي يعين ويشيل.

ومبارك كان يطلع على ألمانيا عشان يشوف مشاكل العمود الفقري بتاعته.

والموضوع كان انتهى وخلص من زمان

ومصر كانت تجنبت ده كله.

لكن للأسف مبدأ أنا الدولة والدولة أنا

مبدأ ( ما أريكم إلا ما أرى وما أهديكم إلا سبيل الرشاد ).

[شرف الدين]

كلمة اوباما

يجب أن يحدث انتقال منظم للسلطة في مصر

ويجب أن يحدث هذا الانتقال الآن

[شرف الدين]

R.N.N | شبكة رصد

رجال الثورة التونسية استمروا وصمدوا قرابة 27 يوما حتى أسقطوا طاغيتهم وهم يرددون حتى الآن

أوفياء ... أوفياء ...لدماء الشهداء

تم تعديل 2 فبراير 2011 بواسطة شرف الدين