25 يناير ... موعد المصريين ( 9)

[tarek hassan]

جملة اعتراضية

إذا كنت ترضى أن يحكمك كلب بدعوى الاستقرار المزعوم فنحن لا

وإن كنت ترضى أن تساق كالبهائم من أجل الاستقرار المزعوم فنحن لا

وإذا كان قلبك بفته بيضة وفرت الدمعة من عنيك علشان الرئيس المخلوع فنحن لا نخون الشهداء علشان الكلمتين دول اللي ضحك بيهم عليك

ربنا يهديك وتحية للباقي الشرفاء

تم تعديل 2 فبراير 2011 بواسطة tarek hassan

[شرف الدين]

ياتري الجيش لما يشوف الدنيا بتولع و يسيب الدنيا زي ما هي

يبقي برضه واقف علي الحياد!!!

أنا مش عاوز أتهم حد,,بس الواحد ما بقاش فاهم حاجة

الجيش يا سيدي متواطيء

الجيش سايب مصر تتحرق وبيتفرج

[jasmin hamed]

محمد الشنقنقيرى بيقول انه كان فى مظاهرات المهندسين لم تنتقل لميدان التحرير كانت

سلميه و كنا متفقين على عدم الذهاب لميدان التحرير

[المهندسه]

بيقولوا الشرطه لابسه جيش و بتضرب

جملة اعتراضية

إذا كنت ترضى أن يحكمك كلب بدعوى الاستقرار المزعوم فنحن لا

وإن كنت ترضى أن تساق كالبهائم من أجل الاستقرار المزعوم فنحن لا

وإذا كان قلبك بفته بيضة وفرت الدمعة من عنيك علشان الرئيس المخلوع فنحن لا نخون الشهداء علشان الكلمتين دول اللي ضحك بيهم عليك

ربنا يهديك وتحية للباقي الشرفاء

ايه ال انت بتقولهولى ده

افتح قناة العربيه و اقرأ شريط التعليق هتلاقى جملتى دى منقوله عنهم

وافتح الجزيره هتلاقى نفس الكلام

وبلاش نمسك فى بعض فى الظروف دى ...البلد بتولع يا استاذ طارق

[امير مجروح]

انا خلاص حفقد الثقة فى قادة الجيش المصرى وعلى راسهم طنطاوى

[se_ Elsyed]

يارب نصرك .. يارب نصرك

إلقاء كثيف مع دخول الليل لقنابل حارقه على الشباب الأحرار

ده كفر

ده كفر

إنت كافر يا مبارك

أنت لا تؤمن بالله يا مبارك

حسبي الله ونعم الوكيل

أين المجتمع الدولي .. أين شرفاء وعقلاء هذه الأُمة

[شرف الدين]

بجد خلاص مش عارف أقول ايه

مش لاقي حاجة اقولها

يا رب

انتقم من الظلمة

انتقم من الظلمة

[se_ Elsyed]

عائشة عبد الهادي تصاب بالاغماء أمام مقر جريدة الأهرام وهي تحشد وتقبل أيدي اعضاء النقابات العمالية هناك للخروج في تظاهرات تأييد للرئيس

مراسل نيويورك تايمز يقول أنه شاهد بعينه باصات تصل ساحة التحرير محملة بأشخاص مسلحين بهراوات وأمواس وأسلحة حادة أخرى

[عبير يونس]

يا جماعة

المتحاورين هنا المفروض أصحاب فكر و عقل

و ليس من العقل إطلاقا اننا نمسك في بعض أو حتى نحرق دم بعض

بجد مش وقت الآراء المخالفة للجميع

بعدين أما نهدى و نرسى على حاجة

نبقى نناقش الرأي و الرأي الآخر

مصر بتضيع بسبب الخلاف في الرأي

رحمتك بينا يارب

رحمتك بينا يارب

رحمتك بينا يارب

[الغريب]

الأمر كله لله

أدعو الله

ساعة الصبر

[se_ Elsyed]

النصر يارب

النصر من عندك يارب

من فوق الكباري الأن يتم إلقاء قنابل المولوتوف على المتظاهرين الأبرياء ..

كم ألف هايسقطوا النهاردة يا كافر يا من ترتكب جرائم في حق شعبك لم يتركبها شارون أو فرعون ؟

[fatfouta]

حسبى الله ونعم الوكييييييييييييييل

[المهندسه]

يارب نصرك .. يارب نصرك

إلقاء كثيف مع دخول الليل لقنابل حارقه على الشباب الأحرار

ده كفر

ده كفر

إنت كافر يا مبارك

أنت لا تؤمن بالله يا مبارك

حسبي الله ونعم الوكيل

أين المجتمع الدولي .. أين شرفاء وعقلاء هذه الأُمة

فيش شرفاء و عقلاء ..الشعب المصرى مش لاقى حد معاه دلوقت

معهوش غير ربنا

ادعوا الله

اللهم ارفع الغمه عنا يارب

[se_ Elsyed]

هل صدقتكم كلامنا ؟

أقسم بالله هذا متوقع بعد خطاب التحدي والغل الذي ألقاه

أقسم بالله أنه كان يُخطط لإبادتنا جميعاً قبل أن يرحل أو يموت

الجيش يقوم برش ملقي المولوتوف فوق الكباري بالمياه ... لكن ماذا سيُفيد هذا

حسبي الله ونعم الوكيل

حسبي الله ونعم الوكيل

البلطجية يحرقون المتحف المصري تماماً

يا الله

يا الله

يا الله

الجيش يقف مشاهداً

حرام مصر تحترق يا الله

[fatfouta]

بيولعوا فى المتحف المصرى

[الســـاري]

حسبنا الله ونعم الوكيل ..

من قناة الجزيرة ... الصحفي احمد عبد الجواد ... القاء قنابل مولوتوف على المتحف المصري واشعاله

[se_ Elsyed]

أنا في كابوس

أنا في كابوس

قنابل رهيبة تُلقى من اعلى الاماكن والكباري على المتظاهرين

[jasmin hamed]

المتحف المصرى يحترق من الكلاب بقنابل مولوتوف

[darlengs]

يا جماعه اللي بيحصل دا حرام احنا بره مصر ما بنامش و جواها ما بيناموش -الواحد ماشي بيكلم نفسه - الراجل مش ناوي يمشي و المتظاهرين بردو مش نويين يوقفو و دا حقهم و حقناو حق الشهداء اللي دمهم ما بردش لكن المعادله صعبه و عشان تتحل لازم نعرف فين الغلط -- من ناحيه النظام طبعا عرفين مشكلته (او مشكلاته)ايه و متمسك بالسلطه ليه لكن بالنسبه للمتظاهرين او الثوار حماهم الله لازم يتداركو اخطائهم اليوم و ليس غدا لان فعلا بدأو اليوم ينشقو في صفوفهم و يدخل عليهم الدسائس

مفي حد يتكلم باسمهم و ما بيتفقوش علي حد هما مجهولين بالنسبه للناس و الاشاعات كتير لازم يخرج منهم اليوم حد علي اي قناه تليفزيونيه يتكلم باسمهم (مش البرادعي ولا اي شخصيه عامه ) بيان منظم في نقاط محدده يقولو فيها عيزينه يمشي ليه الغرض من البيان مش اقناع النظام بالتنحي و لكن اقناع الناس كلها ليه هما طلبين التنحي يظهرو فيه

اولا اللي بذله النظام عشان استقرار مصر(حتي و لو من باب النفاق و الكذب )فالحرب خدعه و برضو في نقاط محدده

ثانيا و بعد كده يستعرضو مساوئ النظام من اول رصيد الرئيس و اولاده و حاشيته في البنوك الاجنبيه و مشاركاتهم في المشاريع الحيويه و المصايب اللي حلت علينا من اسمده مسرطنه و اكياس دم مغشوشه و حادث العباره و الدويقه و القطار المحترق واهدار اموال الدوله من الغاز اللي بيصدروه لاسرائيل بثلث السعر اللي بيدوه للشعب الخصخصه و فلوسها اللي مشفناهاش وووووغيره كتير لا يعد و لا يحصي و لكن اعتقد المجهود دا ممكن الشباب بالتعاون بينهم يحصروه بسرعه و كأنه كشف حساب سنوي يستعرضوه علي شاشه التلفزيون

الخطه دي كأنها مرافعه بيقنعو فيها الشعب المتعاطف معاه و فضحه امام العالم الحرالمستثني منه امريكا و اسرائيل بموقفهم و اسباب طلباتهم وصدقوني الانقسام دا هينتهي لان مفي واحد الا و اكتوي بتلك الاخطاء يارب يكون حد بيتابع معانا من الشباب اوالله يكرمكو اللي ممكن ينشر هنا الموضوع و يعرضه يعمل كدا بسرعه جدا لان النهارده الراجل يا قاتل يا مقتول --

[شرف الدين]

يا رب

انتقامك

انتقامك

انتقامك

انتقامك