25 يناير ... موعد المصريين ( 9)

[se_ Elsyed]

أساليب قذرة لا تنطلي على أي طفل ....

وبإذن الله السحر الأسود هاينقلب عليهم

حسبي الله ونعم الوكيل

حسبي الله ونعم الوكيل

شهود عيان من دمنهور الان .. نفس الشيء .. الجيش عنده أوامر إنه لا يتدخل ويتصدر للبلطجية

اللهم أنصر شبابك يارب

[fatfouta]

يا جماعه اتفرجوا على قناه المحور حالا ...فى ناشطه مصريه دربوها فى امريكا على قلب النظام ...اتفرجوا بسرعه و قولولى رأيكم ايه

هو فيه لسه حد بيصدق سيد وهناء؟؟؟؟

طب قوليلى بس ليه مغطيين وشها ؟؟؟

كفاهم افلام بقى دلوقتى الكل مكشوف

[عنبو]

يا جماعه اتفرجوا على قناه المحور حالا ...فى ناشطه مصريه دربوها فى امريكا على قلب النظام ...اتفرجوا بسرعه و قولولى رأيكم ايه

صح ايه بس يا باشمهندس

انتى لسه مصدقه الكلام ده وهى امريكا هتلاقى احسن من النظام ده فين

ياريت نشغل دماغنا شويه

امريكا واسرائيل مش هتلاقى افضل من النظام الحالى

[شرف الدين]

[se_ Elsyed]

مش عارفه الكلام ده صح ال بتقوله البنت دى؟؟؟؟

وأنتي عندك شك ؟

صح طبعاً والبنت ضميرها صحي وهاتعترف على كل أعضاء التنظيم وهايطلع كل المليون اللي كانوا موجودين في ميدان التحرير سافروا واشنطن ونزلوا في أفخر الفنادق وتم تدريبهم على قلب نظام الحكم

اما باقي الـ 7 مليون اللي طلعوا امبارح فدول عشان ضغط المصاريف .. سفروهم جزر المالديف .. برضوا عشان يتدربوا على قلب نظام الحكم

[الغريب]

طب قوليلى بس ليه مغطيين وشها ؟؟؟

علشان يقولوا أنها يعيني منشقة عن الجماعة الوحشة وخايفة على نفسها

[Om Zayd]

اسرائيل اعلنت اكثر من مرة ان بقاء نظام مبارك ضمان لامن اسرائيل

بالعقل كده .. يبقى اكيد بقاء هذا النظام ليس في مصلحتنا

ما يحدث الآن جريييييييييييييييييييييمة

خايفة من مظاهرات يوم الجمعة

آسفة .. مش هقدر اكتب اكثر من كده

ربنا يحمي مصر و المصريين

[se_ Elsyed]

كل الحقيقة هاتنكشف

البنت بتقول إن يوم 25 ما حدش حدف طوب .. لكن شباب الأخوان كان معاهم حجارة وزجاج وحدفوا الشرطة ..

كل ليدر من الشباب قبض 50 الف دولار

ومنهم طبعاً أخي وصديقي وائل غنيم أدمن موقع خالد سعيد ....

وهما دول اللي إتدربوا على حرق مقار الحزب الوطني

إحنا شباب ما بنشتغلش .. وبناخد مصروف من بابا وماما .. عشان كده بناخد تمويل من بره

يا ولاد الـــــ

[لماضة مصرية جدا]

يا جماعة الناس في ميدان التحرير اديلهم اكتر من ساعتين دلوقتي

انا ببكي و انا بتفجر علي مصري....و مصري...مش عارفة اميز.....

الفيس بوك كله بيتخلي عن الشباب الصامد في ميدان التحرير و بسمع من اقرب الناس انهم سبب الفتنة...و سبب التدمير

ليه كل ده

يا جماعة.....و الله حرام.....حد يتدخل في الميدان

اللي في الميدان هناك......كلهم مصريين.....حتي البلطجية منهم.....معلشي برضه مصريين

كلنا مصريين

حد يتدخل

هنفضل كده...نتفرج علي الجزيرة ...حتي علي الفيس بوك...الناس بتقطع في بعضها

الناس سايبة الشباب....يموت ليه

حد ينزل يحتوي الازمة.....الليل هيحصل فيه ايه.....اللي في الميدان....دولم مصريين

اخويا......و اهلي....و الله حرام

لا حول و لا قوة الا بالله العلي العظيم

لله الامر من قبل و من بعد

[darlengs]

حسبي الله و نعم الوكيل ايه دا؟؟ في يوم و ليله كل دا حصل ؟؟ شفت المحور يا مهندسه و دورت علي طول لاني والله عندي حاله عثيان يااااااااااااااااااارب ياريت دا كابوس و اصحي منه -- ياااااااااااارب انت ناصر المستضعفين انصرنا-- يااااااااااارب اب كميه الكذب و النفاق و الله الشباب دول لو محدش وقف معاهم هيضيعو و لو ضاعو ذنبهم في رقبه مين ؟؟ دي مهزله -- شاب كان بيبكي و هو بيتكلم علي الجزيره بعد كلام القرضاوي بيقول قال لواحد من البلطجيه ابوس ايدك احنا اخواتك بتعمل فينا كده ليه؟؟و غلبو يقولو سلميه سلميه هيعملو ايه تاني مات كام واحد و اتسجن كام و فقد كام ؟؟؟؟؟ علشان كام واحد؟؟ حد يجاوب حسبي الله و نعم الوكيل

[fatfouta]

تم تعديل 2 فبراير 2011 بواسطة fatfouta

[fatfouta]

شوفوا بقى الصورة دى

الشعب الاعزل بيخلع البلاط اللى فى الميدان عشان يبقى سلاحهم وحسبى الله ونمع الوكيل فى كل من روع مؤمن

[المهندسه]

ضميرها صحى؟؟؟!!!!طيب راحت من الاول ليه الدوره دى ولا ضحكوا عليها و ما فوتولهاش حاجه من ال 50 الف دولار

بتقول لحسنى انا اسفه يا بابا

[se_ Elsyed]

مظاهرات تأييد السيد الرئيس في كفر الشيخ ...

الله يخليكم إتفرجوا عليها

http://www.youtube.com/watch?v=uEUQUxCBK0c&feature=player_embedded

[aimen]

سى السيد

يا ريت تشووف الفيديو ده

ممكن وائل غنيم يكون الشخص اللى اتقبض عليه بعد الدقيقه الأولى

http://vimeo.com/19255226

http://google-arabia.blogspot.com/2011/02/wael-ghonim-missing-in-egypt.html

تم تعديل 2 فبراير 2011 بواسطة aimen

[م تيمور المراغي]

الله اكبر

الله اكبر :happy:

عااااااجل من الجزيره

الثوار يستعيدون السيطرة على ميدان التحرير الآن

تابعوا بالله حديث الشيخ القرضاوي على المحور الآن ,,

[fatfouta]

R.N.N | شبكة رصدعاجل || تظاهرات مؤيدة للمحتجين تتجه نحو ميدان التحرير من مناطق مختلفة من القاهرة

ياااااااااارب

[ابوهنا]

هما مين اللى فى الميدان دول

انا مافوضتهومشى

ثم ده وقت فتنه

وفى وقت الفتنه الزم بيتك

وبعدين يطلع علينل الشيخ القرضاوى فى دولة الجزيره الصهيونيه يقول على الشباب ان يخرج

حسبى الله ونعم الوكيل

[المهندسه]

مظاهرات تأييد السيد الرئيس في كفر الشيخ ...

الله يخليكم إتفرجوا عليها

http://www.youtube.com/watch?v=uEUQUxCBK0c&feature=player_embedded

ههههههههههههه والله بقالى اسبوع ما ضحكتش يا ابو عمر

حتى مش عارفين يسبكوا و يحبكوا الكدبه

طالعين بسيارات المديريه نفسها

دماغهم على قدهم يا عينى

[fatfouta]

750 جريح الان في ميدان التحرير .... طبيب علي الجزيرة

والدكتور بيقول حالات تحطم طحال

حالات مفقود الامل فيها

حالات كسر فى الجمجمة

حالات نزيف حاد فى البطن

حالا تحطم فى عظم الرئتين

وحسبى الله ونعم الوكيل