25 يناير ... موعد المصريين ( 9)

[fatfouta]

بسم الله والحمد لله والصلاة والسلام علي رسول الله و آله

هو اسراء عبد الفتاح لسه مقبوض عليها؟

لا دى كانت بتتكلم فى قناة المحور ماعرفش خلصت ولا لأ

[se_ Elsyed]

بأفتخر والله إن وائل غنيم صديقي .. وزاد إحترامي له بعد ما عرفت إنه كان يخفي إنه هو أدمن موقع خالد سعيد احد مفجري الثورة ... ما كانش باين عليه

على فكره .. ما شاء الله عليه طول عُمره شاب مرفه جداً ودماغه متكلفه ...

كنت امسك جواز سفره أجده مليء بالتأشيرات السياحية خصوصاً لدول أفريقية .. وأستغرب .. أتاريه أهلاوي مجنووووووووون وبيلف ورا الأهلي في كل العالم

تُرى ما الذي حول إهتمامه بهذ الشكل وأستفزه وجعله أحد رموز الثورة في مصر ؟

هذا هذا موقع وائل على تويتر وبه أخر بوست بعته قبل ان يتم ألقاء القبض عليه

وائل غنيم

[capitshino]

الهبل اشتغل اهو

السادة فى ميدان التحرير يوجهون نداء الى اوربا والى امريكا والى امين الاننم المتحده

اهلا بالاستعمار

برده حد يجاوبنى

مين دول اللى فى ميدان التحرير

شكلك كده من المنتفعين من النظام الفاسد

الي في ميدان التحرير دول يابو هنا ولادنا لا هم عملاء ولا هم خونة هم بس قليلي حيلة وكانوا فاكرين ان لو هم قرروا يتغيروا ويعبروا عن رايهم فبالضرورة الآخرين هيقرروا معاهم يتغيروا ويسمعوا له ..

للاسف لو حصل واستعان الناس دي بالاستعمار زي مابتقول لانقاذهم فاللوم مش عليهم في الحالة دي وانما على الي اضطرهم لكده ..

يارب .. قلبي هينخلع على الناس الي هناك دي وبتموت وملهاش ذنب .. ياااارب نجيهم يارب

اعتقد ان الاخ ابو هنا عارف كل حاجة كويسة .. بس هو بيكتب فقط للاستهزاء باخونا المتظاهرين اللى ماتو علشانك وعلشانى

شكلك زعلت من السالب الي اديتهولك لما اتهمت زميلك المعارض لك بالانتفاع لمجرد انه خالفك في الراي وعليه قررت تديني سالب على مداخلتي اعلاه ..

على فكره مش زعلانه من السالب بتاعك ببساطه لان قلبي مليء بالمراره و ( الزعل ) على الي بيحصل لدرجه اني بيتهيء لي مش ممكن هزعل على حاجه تاني النهرده ..

ربنا يعدي الايام دي على خير ولايحملنا مالاطاقة لنا به .. يارب نطلع منها زي مادخلناها من غير مانشيل فيها ذنب ..

مش موضوع موجب ولا سالب يا مدام ضحى

الموضوع ان الاخ ابو هنا واضح اوى انه مستفيد من النظام وبيتكلم بطريقة مش كويسة على المتظاهرين .

[se_ Elsyed]

محللين سياسين : ما حدث اليوم هو بروفة بسيطة لما كان سيحدث خلال التسعة أشهر القادمة من حكم مبارك

[fatfouta]

عمر سليمان...

لا حوار مع القوى السياسية قبل وقف المظاهرات....الجزيرة

[شرف الدين]

هناك مصادمات شديدة في الميدان الآن

والجيش كالعادة يقف موقف المتفرج

[fatfouta]

مصطفى الفقى...

أعتقد ان وزير الداخليه حاول حل الامور جذريا من خلال احداث صدام بين المتظاهرين....الجزيرة

اما بتاع سجون صحيح....غبى

[امير مجروح]

لا حول ولا قوة الا بالله

الكر وافر رجع تاني ورجعوا الكلاب وبيحدفوا المتظاهرين بالمولوتوف

ومجموعة منهم توجهوا لميدان مصطفى محمود لترويع الموجودين أيضاً

هذه خيانة عُظمى من الجيش

كيف لا يدفع بجنود المشاة للتصدي لهؤلاء ؟

كيف يسمح لدبابته بان تحترق من المولوتوف ويقفوا يتفرجوا ؟

بالعكس يا س ,, الجيش اعطى الضوء الاخضر من كام يوم للثوار انهم يكملوا المسيره ,,

والثوار والحمد لله وصلتهم الرساله ,,

موعدنا بعد صلاة الجمعه معهم ان شا ءالله

وخطة التعامل مع المتخلفين بيتم الان الترتيب لها من عقول عللى اعلى مستوى والحمد لله ,,

وسينبهر العالم بتكتيكات تعامل الثوار مع البلطجيه عصر الجمعه ان شا ءالله ,,

بس ياريت تكون هذة التكتيكات على مستوى عالى من السرية يا باشمهندس ....

[se_ Elsyed]

لا اله الا الله

لا حول ولا قوة إلا بالله

الكلاب يحولون ميدان التحرير إلى جحيم

اعتلوا جميع العمارات ويقومون بحرق الميدان بالكامل بالمولوتوف

يارب يارب أنصرهم

[عنبو]

مكتوب على الجزيره

ان عمر سليمان يرفض التفاوض الا بعد فض المظاهرات

مش فاهم

تم تعديل 2 فبراير 2011 بواسطة عنبو

[se_ Elsyed]

اوووووووووووووف

كما قلت لكم

النار الأن بكثافة في ميدان التحرير حررررررررررررام

إنت لو كنت كافر ما كنتش عملت كده إنت لو كافر ما تعملش بلدك كده يا مبارك

عمرو أديب يقول : مستحيل أن يكون هؤلاء هم شباب 25 يناير

[شرف الدين]

لا اله الا الله

لا حول ولا قوة إلا بالله

الكلاب يحولون ميدان التحرير إلى جحيم

اعتلوا جميع العمارات ويقومون بحرق الميدان بالكامل بالمولوتوف

يارب يارب أنصرهم

مش قلت لك يا سي السيد

احنا محتاجين وزارة جديدة في الحكومة الجديدة اسمها وزارة البلطجية

[doha]

عارفين من الحاجات الرائعة في هذه الثورة والأحداث التي واكبتها أنها فرزت الصالح من الطالح وأظهرت معادن الناس الحقيقية ... والحمد لله أن معظم من معنا في المنتدى هم أناس من ذهب.

منذ يومين كان الجميع مؤيدا للثورة ومظهرا التعاطف معها ... لكن بعد خطاب الرئيس والبلطجة التي مورست بعده بدأ البعض يتبرأون منها ويهاجمونها لاعتقادهم أنها سقطت ... وهنا تمايزت المواقف وظهر الصادقون و المنافقون والمرجفون.

رغم حزني على ما وقع من خسائر اليوم فإنها كانت فرصة لفضح من حاولوا التسلق على كتف الثورة وركوب الموجه من أمثال رؤساء الأحزاب الرسمية والكارتونية الذين أصبحوا كروتا محروقة لدى الجماهير.

بما اني من البدايه وحتى الآن من غير المؤيدين لما تسمونه ثورة . . فيمكن بعد كلام حضرتك وجب بعض التوضيح كونه قد يشملني ضمنا كون الي مش معانا على مايبدوا هو ضدنا..

لازم نفرق مابين الشباب الي خرجت للتظاهر ومشروعية مطالبهم ومابين عملية الخروج نفسها والطريقة الي دفعوا بيها للخروج ..

عن الشباب الي خرجت في ذاتهم فاكيد انا معاهم قلبا وقالبا وبدعي لهم من يومها يرجعوا بيوتهم سالمين وان انتصروا في مسعاهم فحلال عليهم عمري ماهدعي في يوم من الايام اني شاركت في ماانجزوه ايا كان ..

اما عن عملية الخروج نفسها وعن الدعوة ليها فاكيد انا ضدها الف في المية ولا عمري هشترك فيها فضلا عن اني اشجع حد على المشاركه ..

يجوز مقلتش رايي اليومين الي فاتوا لانقطاع النت بس الحمد لله الفاضلة لماضه موجوده تكلمكم انا قلت لها ايه بالحرف لما كلمتني في التليفون امبارح وقبل خطاب الرئيس الاخير في عز انتصار المتظاهرين وهل اختلف رايي وقتها عن ماقلته قبل الازمه او مااقوله الآن ولا كان هو نفسه ..

موقفي هو ذاته الي اعلنته من قبل يوم الثلاثاء لم يتغير ولا لدقيقة واحده . .

انا مش معاكم واي كان ماسيتترتب على ماتطالبون به فليس من حقي ادعاء ان لي فيه نصيب .. خير .. او .. شر ..

[fatfouta]

هو عمرو اديب فى اى قناه يا جماعة الله يخليكم؟؟؟

[se_ Elsyed]

التليفزيون المصري صدق وعده

وصلت جحافل حاملي كرات اللهب والقنابل

والأن يحرقون كل شيء ...

المتحف أيضاً يحترق الأن

النار تُقذف من كل مكان

أيها السادة .. هل سمعتم عن هذا حتى في سيرة التتار او أي ملحدين كفار ؟

الجيس يقف متفرجاً على ألياته وهي تحترق

[se_ Elsyed]

هو عمرو اديب فى اى قناه يا جماعة الله يخليكم؟؟؟

الحياة 2

[fatfouta]

عااااجل || المتظاهرون بميدان التحرير يناشدون كل أحرار مصر النزول إلى ميدان التحرير لمؤازرتهم .. والمتظاهرون يقولون لقد سيطرنا على الوضع الآن داخل الميدان ولن نغادر الميدان ولو متنا جميعا أو يتم إسقاط نظام مبارك

[fatfouta]

هو عمرو اديب فى اى قناه يا جماعة الله يخليكم؟؟؟

الحياة 2

متشكرة جدا

انا سمعت بصراحة شوية ناس ماجرينهم عالتليفون بيقولوا لعمرو اديب ان اللجان الشعبية بيقلبوهم فى سجاير يا عينى وبياخدوا منهم ممتلكاتهم...ما كفاية كذب بقى

[doha]

عماد الدين اديب على قناه مودرن سبورت ..

الشخص ده مع عدم اتفاقي معه غالبا الا انه مش من الناس الي بتقول اي كلام وخلاص وكونه على اتصال بمن في يدهم الامر مع احتفاظه بموقفه المحايد فغالبا بيكون عنده مايستحق الاستماع ..

[شرف الدين]

منى الشاذلي شغالة دلوقت