25 يناير ... موعد المصريين ( 9)

[fatfouta]

الجزيرة: هيلاري كلينتون شددت في حديث هاتفي مع نائب رئيس الجمهورية عمر سليمان على ضرورة إجراء انتقال للسلطة في مصر اليوم

تم تعديل 2 فبراير 2011 بواسطة fatfouta

[عبير يونس]

غالبية الذين يتكلمون هنا ايديهم مش في النار

احنا اللي مكويين بالنار

احنا اللي تعبنا من الفوضي وقلة القيمة والانقطاع عن اعمالنا والجري علي طوابير العيش والخضار

انا اتكلم بصفتي اب ومسؤول عن اولاد صغار مسؤول عن توفير الطعام والشراب لاطفال صغار ومسؤول عن عمال يعملون لدي ومسؤول ايضا عن توفير اجورهم اي مسؤول ايضا عن عائلاتهم

انا تعبت بصراحة وهناك مثلي كثيرون في مصر

ارحمونا يرحمكم الله

إذا كان ممكن كلامي يهدي حضرتك

فعايزة اقولك ان اختي و بنتها الشابة في مصر لوحدهم

من غير لا أب و لا أخ و لا زوج

معهامش حد غير ربنا

اختي اتصلت بيها وقت الانفلات الأمني

و كانت بتصرخ و بتقوللي البلطجية في الشارع بمكبرات الصوت بيقولولهم انزلوا بالذوق من الشقق بدل ما نطلع نخلص عليكم

و كانت بتبكي في التيلفون و تقوللي بهيستريا حيغتصبوا بنتي اللي مليش غيرها

و انا هنا لا حول لي و لا قوة

بقيت اطمنها و اذكرها بربنا

و اقول لها قل لن يصيبنا الا ما كتب الله لنا

لحد ما هديت

طبعا ما كانش ينفع احكي الكلام ده

و في معانا هنا ناس زوجاتهم في مصر

بس بأقوله دلوقت

عشان تعرف حجم المعاناة اللي احنا شفناها هنا كمغتربين بعيد عن مصر

احنا بقى لنا 9 أيام مش بننام

و لا عايشين أصلا

و مبنتحركش من البيت الا للضرورة

اوعوا تفتكروا اننا كمغتربين مش حاسين بيكم

احنا مكويين زيكم و اكتر

احنا حنتجنن على أهالينا و أصدقاءنا و اللي حتى منعرفهمش من أهل مصر

ربنا يكتب الخير

كل الخير

لمصر الحبيبة و أهلها

[عبير يونس]

للي في مصر.....(يا رتني كنت هناك.....يا رتني...كنت اشرف ميت مرة من القعدة دي و مصر بتتحرق قدام عينينا)

فيه مناشدات من الناس في التحرير لأي دكاتره ساكنين في وسط البلد إنهم يتوجهوا لمسجد عباد الرحمن في الشارع اللي خلف التحرير لتقديم المساعدة الطبية و مناشدة للي يقدر يقدم أدوية ، شاش أو قطن و بلاستر ليهم

بالعكس ياريهام .. يمكن ربنا بيحبك انه محطكيش في موقف تكوني مضطره فيه تقرري مااذا كنتي هتشاركي في الي بيحصل ولا لاه ..

احنا في فتنه مايعلم بيها الا الله والناجي الوحيد منها الي مشاركش فيها لا بخير ولا بشر ..

يمكن اتفق معاكي في حاجه واحده بتدور في ذهني من الصبح .. كنت بتمنى لو استطيع اوصل لمكان اسعاف الجرحى واساعد باي طريقة ربنا يقدرني عليها .. لكن ارجع واقولك مستعجلين على ايه .. هي مسألة وقت .. الجرحى هيوصلوا عندنا ياريهام وربنا العالم هنقدر نساعدهم وقتها ولا هننضم ليهم بالجراح ..

ربنا يسلم يارب ..

اوعي تخافي يا ضحى

بإذن الله الأزمة حتعدي على الخير كله

و أكيد واحدة زيك حتكون أول الناس اللي حيشاركوا في تضميد الجراح

[ozoozo]

ياجماعه كفايه فتنه بقي حرام عليكم

البيتزا السوبر سوبريم وصلت 75 جنيه

عايزين ايه تاني

نستني لما توصل 100 جنيه يعني

ارجوكم اوقفوا التظاهر حتي لاترتفع اسعار البيتزا

[Ahmed Anwer]

وصلت القاهرة صباح اليوم ،، الحمد لله ،،

بعد رحلة طويلة من باريس لمدة عشر ساعات

ليست هيا المهم الآن ،،

في ساعات الانتظار بمطار شارل ديجول ،، شاهدنا علي كمبيوتر أحد المنتظرين المصريين بيان الرئيس مبارك

في الواقع استقبله جميع المصريين المنتظرين في المطار بسعادة بل صفقنا بعد نهاية الخطاب

فقد أعلن عدم ترشيحه مرة آخري ، أعلن تحديد فترة رئاسة محددة ،، أعلن تعديل مواد الدستور المعيوبة

و أمتلأ وجهنا بالسعادة فقد انتهت الأزمة و نجحت الثورة

وصلت القاهرة و في ساعات الانتظار الطويلة لم أجد ما أفعله سوي الجلوس مع بعض الأصدقاء علي مقهي بمدينة نصر

عرض أحد الأصدقاء إن نذهب لميدان التحرير ،، حيث كان هناك بالأمس في وقت المظاهرة المليونية ، و كان الجو العام ظريف

شباب و رجال و نساء و عجزة و أطفال و أسر و مشايخ و فرافير و محجبات و منتقبات و متبرجات كلهم في مكان واحد

علي حسب وصفه و لما شاهدنا في التليفزيون صور الخيالة و الجمال المقتحمة للميدان ،، قلنا لا مشاكل فلنزيد عددهم

و نؤازرهم و صراحة ،،،، اهو تسلية بدل فراغ الانتظار

و ليتني ما ذهبت !!!!

لم نستطع الوصول إلي ميدان التحرير حيث فوجؤنا ببلطجية أشكالهم و العياذ بالله بالضبط كده زي اللي بتشوفوهم بيقولوا عليهم مجرمين هاربين

في التليفزيون المصري

مع ناس شفتهم بعيني دوول ماسكين لاسلكي و و طبنجات في جنوبهم و للأمانة شفتهم في مظاهرات التأييد في شارع 26 يوليو

حسبي الله و نعم الوكيل ،،، في المناظر اللي شفتها

عربيات نص نقل شايلة شوية عربجية ،، و ستات أشكالهم و العياذ بالله

قنابل مولوتوف ،، زجاجات مكسرة ،، سنج ، مطاوي ، سيوف ،،

عاملين نلف من كل ناحية مش عارفين نوصل للمحتجين مش للمؤيدين البلطجية

البلطجية عمالين يقولوا كلام جامد أووي البرادعي الخاين ،، عايز نرجع شغلنا ،، هوا ميدان أهاليهم ،،

مش هيمشي ،ن دوول تبع إيران ،، دول عملاء ،، مين اللي بيأكلهم و بيشربهم

الغريب ،،، إن البلطجية ما كانوش قادرين علي المتظاهرين و كانوا بيجروا منهم و ده لحد ما مشيت

مش عارف أيه اللي حصل بعد كده ،،

حسبي الله و نعم الوكيل

خيرة شباب مصر و زهرتها و أجمل ما فيها يقتل علي ايد شوية عربجية و مسجلين خطر

للأمانة شفت بعض مظاهرات تأييد للرئيس فعلا ،، تحس إنها مش مفتعلة و ناس محترمة و لكن أعداد قليلة جدا

بالأمس كنت باقول نجحت الثورة و تحققت أهدافها و نحتفل ببيان الريس

اليوم أقول و لا يوم واحد زيادة

[امير مجروح]

باذن الله خلاص هانت بعد مااستبرا منه الخارج والداخل وهذا أخر ورقه يدفع بها وباذن الله ستحرق

تم تعديل 2 فبراير 2011 بواسطة امير مجروح

[wsadani]

عارفين من الحاجات الرائعة في هذه الثورة والأحداث التي واكبتها أنها فرزت الصالح من الطالح وأظهرت معادن الناس الحقيقية ... والحمد لله أن معظم من معنا في المنتدى هم أناس من ذهب.

منذ يومين كان الجميع مؤيدا للثورة ومظهرا التعاطف معها ... لكن بعد خطاب الرئيس والبلطجة التي مورست بعده بدأ البعض يتبرأون منها ويهاجمونها لاعتقادهم أنها سقطت ... وهنا تمايزت المواقف وظهر الصادقون و المنافقون والمرجفون.

رغم حزني على ما وقع من خسائر اليوم فإنها كانت فرصة لفضح من حاولوا التسلق على كتف الثورة وركوب الموجه من أمثال رؤساء الأحزاب الرسمية والكارتونية الذين أصبحوا كروتا محروقة لدى الجماهير.

صج الحمد لله الأحزاب التعبانة طلعت عل حقيقتعا

[fatfouta]

انا شايفة ان احمد شفيق يستقيل احسن ذى ما قال او يقيل وزير الداخلية الجديد

المتظاهرين فى التحرير بيمسكوا المعتدين عليهم ولغايت دلوقتى مسكوا 150 واحد ومتحفظين عليهم فى محطة المترو ولا عزاء لجهاز الشرطة

تم تعديل 2 فبراير 2011 بواسطة fatfouta

[عنبو]

غباء النظام

انا كنت عارف ان فيه ناس هيتعاطفوا مع خطاب الرئيس لانى عارف ان الشعب المصرى عاطفى

او شعب مسالم بطبعه يعنى

ولكن ما حدث الان

فقد النظام كل تعاطف الشعب معاه واللى حصل ده فضيحه على مستوى العالم

لازم يتم التحقيق فى الجريمه دى ومحاكمة كل من تورط فيها باقصى عقوبه

فهى جريمه انسانيه وخيانه للوطن ايضاً

وحسبى الله ونعم والوكيل

[aimen]

RT @AhmedMoneim:

اللواء "فؤاد علام" الخبير الأمني بيقول إن التلفزيون المصري اذاع خبر القاء "كرات النار" قبل ان يتم القائها بالفعل .. اعلام فتح المندل

#Jan25

RT @Lastoadri:

أهم ح يكروا ورا بعض أهم...

مصطفى الفقي ودلوقتي فؤاد علام بيتنصلوا من اللي حصل النهاردة.. النظام يسقط

! #Jan25

تم تعديل 2 فبراير 2011 بواسطة aimen

[شرف الدين]

ألا يوجد في مصر كلها رجل رشيد يقول لمبارك كفى

كفى عنادا ومكابرة على حساب مصر ودماء المصريين

ألهذه الدرجة يبلغ التمسك بالكرسي ؟

ألا يهمك دماء الشعب

الشعب الذي أقسمت على حمايته ؟

[مغتربة]

نفسى اعرف الى شار عليه بالعمله السودا الى عمالها فى ميدان التحرير

لان الراجل دا بجد لازم يتحاكم بتهمه الغباء السياسى على راى الفيلم

[capitshino]

نفسى اعرف الى شار عليه بالعمله السودا الى عمالها فى ميدان التحرير

لان الراجل دا بجد لازم يتحاكم بتهمه الغباء السياسى على راى الفيلم

يقال انه صفوت الشريف

[لماضة مصرية جدا]

غالبية الذين يتكلمون هنا ايديهم مش في النار

احنا اللي مكويين بالنار

احنا اللي تعبنا من الفوضي وقلة القيمة والانقطاع عن اعمالنا والجري علي طوابير العيش والخضار

انا اتكلم بصفتي اب ومسؤول عن اولاد صغار مسؤول عن توفير الطعام والشراب لاطفال صغار ومسؤول عن عمال يعملون لدي ومسؤول ايضا عن توفير اجورهم اي مسؤول ايضا عن عائلاتهم

انا تعبت بصراحة وهناك مثلي كثيرون في مصر

ارحمونا يرحمكم الله

أقل ما نستطيعه ان نحمي ظهورهم

لعل الله يمن علينا بنصر من عنده

ربنا يجازي حضرتك كل خير

ما هو ده اللي عمالين نقوله من الصبح لكل الناس علي الفيس بوك......يعني اححنا مش معاهم....بلاش نبقي عليهم

يعني شباب.....صامد وواقف و منظم نفسه.....و بيقاوم لغاية دلوقتي

بلاش دلوقتي نبقي عليه

مينفعشي

لازم نقف في ضهره

و لما نشوف الخيول و الجمال بتطلع عليه.....بندعي مليون مرة ان احنا كنا مش بس في ضهره....كنا في كتفه

ربنا معاكم....و يثبتكم.....و اعرفي ان احنا مبنتوقفشي عن الدعاء....و لا البكاء...و بنموت معاكم في اليوم ميت مرة

ربنا يررحمنا كلنا

[Al Mohager]

يا جماعة انا صعبان عليا الناس اللى فى ميدان التحرير

الناس متحاصرين من كل الاتجاهات و البلطجية معاهم كل الاسلحة و هما عزل من السلاح

انا هنا فى الغربة ببكى على انى مش موجود فى مصر عشان اناضل معاهم

يا جماعة الناس المحاصرة هيفضلوا يتهاجموا طول الليل لحد ما البلطجية يسيطروا على الميدان و بعدين يموا الميدان بالجيش و الشرطة و يسيطروا على المداخل و المخارج عشان يمنعوا مظاهرة يوم الجمعة

يا جماعة انا بناشد الناس تصلى ركعتين تدعى للمتظاهرين الموجودين الشرفاء المسلمين و المسيحيين

يا رب انصرهم و اهلك الطغاة و اهلك ظالمين و اهلك من يروع الناس

يا رب

يا رب

يا رب

[fatfouta]

ألا يوجد في مصر كلها رجل رشيد يقول لمبارك كفى

كفى عنادا ومكابرة على حساب مصر ودماء المصريين

ألهذه الدرجة يبلغ التمسك بالكرسي ؟

ألا يهمك دماء الشعب

الشعب الذي أقسمت على حمايته ؟

إسمع الخبر ده

السيناتور الامريكى....يطالب مبارك بالتنحى عن السلطة فورا....عن الجزيرة

[لماضة مصرية جدا]

للي في مصر.....(يا رتني كنت هناك.....يا رتني...كنت اشرف ميت مرة من القعدة دي و مصر بتتحرق قدام عينينا)

فيه مناشدات من الناس في التحرير لأي دكاتره ساكنين في وسط البلد إنهم يتوجهوا لمسجد عباد الرحمن في الشارع اللي خلف التحرير لتقديم المساعدة الطبية و مناشدة للي يقدر يقدم أدوية ، شاش أو قطن و بلاستر ليهم

بالعكس ياريهام .. يمكن ربنا بيحبك انه محطكيش في موقف تكوني مضطره فيه تقرري مااذا كنتي هتشاركي في الي بيحصل ولا لاه ..

احنا في فتنه مايعلم بيها الا الله والناجي الوحيد منها الي مشاركش فيها لا بخير ولا بشر ..

يمكن اتفق معاكي في حاجه واحده بتدور في ذهني من الصبح .. كنت بتمنى لو استطيع اوصل لمكان اسعاف الجرحى واساعد باي طريقة ربنا يقدرني عليها .. لكن ارجع واقولك مستعجلين على ايه .. هي مسألة وقت .. الجرحى هيوصلوا عندنا ياريهام وربنا العالم هنقدر نساعدهم وقتها ولا هننضم ليهم بالجراح ..

ربنا يسلم يارب ..

ربنا بيحبنا كلنا يا ضحي....منين ما نكون

هقولك علي حاجة....و مش عارفة هتصدقيني و لا لا

بس فعلا انا لو كنت في مصر.....مكنشي الموضوع هياخد كل مساحة التفكير دي...و مكنتش هتردد اروح هنا و لا اقعد هناك......يا ضحي فيه حاجة بتتولد....فيه حاجة بتصحي في الناس و انتي بنفسك قولتيلي كده

فيه وقت مينفعشي نقعد نحلل و نفند.....حقيقي نفكر و دي حاجة كويسة....بس فيه حاجة هتلاقيها في الفطرة بتخليكي تهبي و تقومي....

حقيقي بغبط كل واحد في مصر...علي الاقل عارف يعمل.....حاجة...يتصل بالناس....يطمن علي جيرانه...يتصل بالدكاترة...ان شاله ينزل يشيل حد

كنا هنلاقي مليون حاجة نعملها

و ربنا يلطف بينا

[aimen]

صور ضحايا الهجوم الغبى اللى حصل اليوم

صور من رفعوا رؤوسنا عاليا فى وسط العالم

من احيوا الأمل فى قلوبنا

صور ابطالنا

صور من احرجونا ببطولاتهم

صور من اعادو مصر الينا

جاليرى صور اخبار مصر

تم تعديل 2 فبراير 2011 بواسطة aimen

[الترجمـان]

هناك تصريح خرج على ال bbc صرح فيه احد المتواجدون في ميدان التحرير على انه ينتمي صراحة لجماعة الأخوان المسلمين ..

وان هناك اعداد كبيره منهم متواجدون الآن على أطراف الميدان ويديرون الصراع مع بلطجية النظام على الجانب الأخر ...

يقول عبد الحميد الذي صرح بهذا التصريح انهم قبضوا على عدد من البلطجية وضباط امن الدولة الذين تم احتجازهم في احد مخارج انفاق المترو وأضاف على انه قبض بنفسه على ضابط من امن الدولة وأن معه بطاقة تثبت ذلك .. وحينما سألته مذيعة ال bbc عن هذا الضابط .. قال لها انه سلمه لقوات الجيش ولم يحتجزه ...وحين سألته عن اسم هذا الضابط .تهرب من السؤال وقال ان بطاقة الهوية ليست معه الآن وانه سيحاول إحضارها ..

لا اعلم إذا كان هذا التصريح حقيقي ام لا ولكن ما اعرفه انني استمعت إليه مباشرة على قناة الbbc

تم تعديل 2 فبراير 2011 بواسطة الترجمـان

[doha]

ربنا بيحبنا كلنا يا ضحي....منين ما نكون

هقولك علي حاجة....و مش عارفة هتصدقيني و لا لا

بس فعلا انا لو كنت في مصر.....مكنشي الموضوع هياخد كل مساحة التفكير دي...و مكنتش هتردد اروح هنا و لا اقعد هناك......يا ضحي فيه حاجة بتتولد....فيه حاجة بتصحي في الناس و انتي بنفسك قولتيلي كده

فيه وقت مينفعشي نقعد نحلل و نفند.....حقيقي نفكر و دي حاجة كويسة....بس فيه حاجة هتلاقيها في الفطرة بتخليكي تهبي و تقومي....

حقيقي بغبط كل واحد في مصر...علي الاقل عارف يعمل.....حاجة...يتصل بالناس....يطمن علي جيرانه...يتصل بالدكاترة...ان شاله ينزل يشيل حد

كنا هنلاقي مليون حاجة نعملها

و ربنا يلطف بينا

وانا متاكده انك لو موجوده كنتي هتشاركي اكيد بايجابية .. لكن .. فين هنحط جهدنا وفين هيبقى تضامنا صح .. يعني ممكن جدا انزل في مظاهرات وممكن جدا اساهم في اسقاط النظام بس ممكن جدا برضه اكتشف بعد فوات الاوان اني كنت بجاهد في الاتجاه الخاطيء .. هي دي الفتنة بعينها

النوايا الطيبة لا تكفي وحدها والشباب الي خرجت دي متاكده ان معظمهم ان لم يكن كلهم خرجوا وهم فاكرين نفسهم بيعملوا واجبهم الوطني الي اي شريف مكانهم كان هيعمله .. بس هل ياترى هم كدا خدموا وطنهم بجد ؟ هل ياترى هم على حق فعلا ولا تم التغرير بيهم ؟

اهو ده الي مش هنعرفه غير مع الايام والكارثة الكبرى هتبقى لو اكتشفنا يقينا انهم من الذين ضل سعيهم في الحياه الدنيا ومصيبتهم حسبانهم انهم يحسنون صنعا ..

يارب سلم ..