25 يناير ... موعد المصريين ( 9)

[الغريب]

الشباب في مصر هيهون عليهم يضيع تعب الايام السودة اللي فاتت

الراجل ده لازم يمشي

على فكرة أحنا ناسيين وااحد متخفي هناااااااك أسمه الحزب الوطني ، هيظهر لو الدنيا هديت

والكلاب اللي بيظهروا دلوقتي في الإعلام بيحاولوا يمتصوا حماس الناس ، بكرة هنلاقيهم كلهم بيغنوا على لصوص السلطة ، وإن منقذ مصر لازم يكون شخص مسيطر زي مبارك

الثورة لو همدت الفئران هتخرج من جحورها وهتتكلم

[لونا]

سبحان الله

أكيد حسني مبارك عمل الكثير من الإنجازات لمصر.. و حتى لو كنا بنعتبرها التطور الطبيعي لأي بلد.. و لكنها في النهاية إنجاز

( و ما حدش يسألني إيه هي .. لأني مش فاكرة له و لا حاجة في الظروف دي )

ليه يختم عمله بنهاية سيئة زي دي؟؟

نهاية مهينة و مسيئة

أنا حقيقي مش متخيلة الناس اللي ماسكة مناصب دي بتنام إزاي ..

و هي عارفة إنها ظالمة ناس ..

أو حد من اللي تحت إيديهم ينقصه شيء

هما مش عارفين إنهم سوف يساءلون؟

يمكن مش عارفين ؟

يمكن فاكرين إنهم عملوا اللي عليهم و إن ما فيش في الإمكان أحسن مما كان ؟

و مصدقين نفسهم ؟

طيب يا ترى مش ملاحظين حاجة؟

إن الأيام دي بنقول على مبارك

زي ما كان بيتقال على السادات في أواخر أيامه؟

يا ترى حيجي يوم و نقول إن مبارك كان كويس بالرغم من أخطاؤه ..

زي ما بقينا دلوقت بنقول على السادات و بنترحم عليه؟

بجد على المستوى الشخصي ..

لازم أدعي كتير إن ربنا يرزقني حسن الخاتمة

خرج علينا رسول الله صلى الله عليه وسلم وفي يده كتابان فقال أتدرون ما هذان الكتابان ؟ فقلنا : لا يا رسول الله إلا أن تخبرنا ، فقال للذي في يده اليمنى : هذا كتاب من رب العالمين فيه أسماء أهل الجنة وأسماء آبائهم وقبائلهم ، ثم أجمل على آخرهم فلا يزاد فيهم ولا ينقص منهم أبدا . ثم قال للذي في شماله : هذا كتاب من رب العالمين فيه أسماء أهل النار وأسماء آبائهم وقبائلهم ، ثم أجمل على آخرهم فلا يزاد فيهم ولا ينقص منهم أبدا . فقال أصحابه : ففيم العمل يا رسول الله إن كان أمر قد فرغ منه ؟ فقال : سددوا وقاربوا فإن صاحب الجنة يختم له بعمل أهل الجنة ، وإن عمل أي عمل ، وإن صاحب النار يختم له بعمل أهل النار وإن عمل أي عمل . ثم قال رسول الله صلى الله عليه وسلم بيديه فنبذهما ثم قال : فرغ ربكم من العباد ، فريق في الجنة وفريق في السعير

الراوي: عبدالله بن عمرو بن العاص المحدث: الترمذي - المصدر: سنن الترمذي - الصفحة أو الرقم: 2141

خلاصة حكم المحدث: حسن غريب صحيح



[م تيمور المراغي]

طيب

وبالعوده للماضي وتذكر ما فعله مع اثيوبيا و افريقيا كلها بعد حادثة اديس ابابا وتنكره لدول قاره بحالها رغم انها تمثل بعد استراتيجي غايه في الاهميه للامن القومي المصري لكن مادامت تعدت عليه هو شخصيا يبقى تتحرق الدول دي باللي فيها ,,

يبقى الحل الوحيد هو ان يتنازل مبارك اليوم قبل الغد عن كافة صلاحياته القانونيه والدستوريه الى نائبه عمر سليمان

و ان يتنحى تماما ونهائيا عن اي منصب رسمي ,,

وهيا ماجتش على السبع شهور الجايين دول مرتبك يا باشا ماشي زي ماهو ماتقلقش مع مكافأة نهاية الخدمة كمان ,,

لابديل عن تنحي الرئيس مبارك عن الحكم

ده موقفنا الثابت والنهائي الذي لا رجعة فيه ,,

وستتواصل ثورة الملايين وتزداد كل يوم حتى يتحقق هذا المطلب

ان شاء الله

[م تيمور المراغي]

اتفضلوا ده ايميل رسمي تم تعميمه من احد المديرين المصريين في بن لادن جروب على كل المهندسين

أنا آسف يا سيادة الرئيس

آسف على الإهانات التي وجهت لك ، لرئيس مصر ، لمصر

مصر العظيمة التي صنعتنا

سامحنا يا سيادة الرئيس ، على ما إرتكبناه من أخطاء في حق مصر

أنا سامحتك على أخطاءك

و من منا لا يخطئ

" أدخلوا مصر إن شاء الله آمنين "

صدق الله العظيم

مواطن مصري

ماحدش يا مغتربي السعوديه والخليج يرد على اي ايميلات رسميه تحتوي على اراء او مواقف سياسيه سواء بالسلب او الايجاب ,,

[الغريب]

انا عندى علامة استفهام ليه السيناريو عتدنا ماشى زى السيناريو فى تونس بالظبط ؟؟؟

سنة الله في خلقه

وده كلنا توقعناه

الرئيس ميستسلمش بسهولة

والثورة نفسها طويل لأن ملهمتها هي الثورة التونسية، ومنتظرين نفس النهاية

والأيام بيننا

أنما اللي هيتغير عن تونس من رأيي ، أن الرئيس مبارك ربما لن يترك مصر، وسيضمن له البقاء فيها الجيش أو نائبه بالإضافة لكرم ثورة المصريين

[لونا]

****************************************************************

مش جمال ده مواطن مصري من حقه يترشح زي اي حد تاني ,,

ادي السناريو التاني

طيب ايه الحل ؟؟

ماج النيسكافيه ونرجع نكمل سوا الليله اللي مش حتخلص على خير دي

في لقاء أحمد شفيق مع قناة الحياة ..

و لما سأله المذيع خلاص لن يترشح جمال مرة تانية؟

قاله لا طبعًا ده غير دستوري .. لا يوجد قانون يمنعه من الترشح

لا يوجد قانون يمنع أقارب الرئيس من الترشح

اللي عاوز يترشح .. يترشح ..

و أنت لو مش عاوزه روح قول رأيك في صندوق الإنتخابات

كدة ببساااااااطة jdw::

[الغريب]

متهيألي دلوقتي تنطبق المقولة :

"النصر صبر ساعة "

هي دي الساعة الصعبة

ربنا يصبرنا ويصبر أخوانا المرابطين ، حتى يردهم إلى أهلهم فرحين مطمئنين

[fatfouta]

متهيألي دلوقتي تنطبق المقولة :

"النصر صبر ساعة "

هي دي الساعة الصعبة

ربنا يصبرنا ويصبر أخوانا المرابطين ، حتى يردهم إلى أهلهم فرحين مطمئنين

آميييييييييين

يارب

[لونا]

حاجة مهمة إتقالت غلط في وكالات الأنباء

في خطاب إمبارح حسني مبارك قال : أنا لم أكن أنوي الترشح لفترة قادمة

و لكنه لم يقل أنه لن يترشح .. و الفرق كبير..

معنى كدة أنه لم يعطي وعد بعدم الترشح

************************************

كمان في ناس كتير على النت و على قناة الجزيرة بتحذر من أعمال إرهابية ضد الكنائس

لازم القوات المسلحة و اللجان الشعبية

تقوم بحماية الكنائس و الإهتمام بها على غير العادة

لما الشرطة اختفت من الشوارع لم يحدث أي تهديد للكنائس

و لكن دلوقت مع عودة الشرطة و أعوانها على الأرض ... ربنا يستر

[Alshiekh]

معلش يمكن رأيى متأخر شوية

انا اتفرجت على العاشرة مساءا ( باشوفه هنا بعد 9 ساعات )

قرفت من منى الشاذلى وطريقتها فى زق المتصلين بها انهم يصقفوا ويتبسطوا ويحمدوا ربنا ان الريس فاجئهم بأنه ماكانش ناوى يترشح فى الدورة اللى جاية.

وياحرام كانت حاتعيط ومش متخيلة إن الرئيس مش حيبقى رئيس المرة اللى جاية.

إيه القرف ده

ريجان دخل البيت الأبيض وطلع ومفيش حد عيط

جه بعده بوش الأب وبرضه طلع من البيت الأبيض ومحدش عيط ولا حتى مراته ولا ابنه

جه بعده كلينتون وقعد ومشى وبرضه محدش عيط

وجه بوش الابن قعد ومشى ومحدش عيط

مش عارف بقى منى كانت حتعيط ليه؟

لا وبكل سذاجة بتقول لو الرئيس مشى فورا يبقى الدستور مش حيتعدل ، وكأن التعديل ده مفتاحه محطوط فى صباع مبارك ولو خرج النهاردة مش حايلاقوا صباعه

وكل ماتعمل اتصال تشغل لنا الخطاب من تانى ، ايه ده؟ الناس دى بتمثل علينا والا بتمثل على مين؟

ياجماعة يابتوع الليستة ، والنبى حطوا منى الشاذلى فيها

وياريت تحطوا معاها صاحب القناة احمد بهجت لانه ان شاء الله حيبقى له كشف حساب قريب

[اغابي]

طيب

لابديل عن تنحي الرئيس مبارك عن الحكم

ده موقفنا الثابت والنهائي الذي لا رجعة فيه ,,

وستتواصل ثورة الملايين وتزداد كل يوم حتى يتحقق هذا المطلب

ان شاء الله

ايوه يا تيمور بس اسماء محفوظ نفسها قالت على المحور ان تنحي الرئيس - ما كنش مطلب الشباب فى التظاهرات من الاول

شكلك كدا يا تيمور عميل لحزب معين من الاحزاب المعارضة - لانهم هما اللى مصلحتهم

تنحي الرئيس وهياكلو بعض على كرسي السلطة وقولوا اغابي قالت

ولعلمكم بقى برضوه هيزورو الانتخابات وهيفتحو المعتقلات اكتر من مبارك وجمال عبد الناصر

الاحزاب المعارضة من دلوقتى بيركبو موجة المظاهرات ويزوقو فى بعض على الفضائيات

ما بالك بقى لو فى مكان موجود فاضي - دا انتم يا شعب مصر هتشوفو اللى عمركم ما شفتوه

شكلنا كدا يا مصريين هنخلص من مبارك يطلع لنا 100 عفريت غيره

وكل ضلمة يطلعلنا عفريت

طب ازاى اتحول موقف المظاهرات من مطالب عادية للبطالة والمرتبات

ووصلت لتنحى الرئيس ليه يا تيمور الكلام اتغير - دلوقتى يعنى لو انت رجعت ورا شوية فى المشاركات كانت كل مظاهرات الشباب كانت محددة جدا وهى

عيش - حرية كرامة انسانية - ايه اللى غيرها

هل فعلا فى حد دخل فى المظاهرات وحرض الناس وسخنهم

؟؟

صباح المفــــــــاجات

والترقــــــــــــبات

تم تعديل 2 فبراير 2011 بواسطة اغابي

[م تيمور المراغي]

حاجة مهمة إتقالت غلط في وكالات الأنباء

في خطاب إمبارح حسني مبارك قال : أنا لم أكن أنوي الترشح لفترة قادمة

و لكنه لم يقل أنه لن يترشح .. و الفرق كبير..

معنى كدة أنه لم يعطي وعد بعدم الترشح

************************************

كمان في ناس كتير على النت و على قناة الجزيرة بتحذر من أعمال إرهابية ضد الكنائس

لازم القوات المسلحة و اللجان الشعبية

تقوم بحماية الكنائس و الإهتمام بها على غير العادة

لما الشرطة اختفت من الشوارع لم يحدث أي تهديد للكنائس

و لكن دلوقت مع عودة الشرطة و أعوانها على الأرض ... ربنا يستر

لا الموضوع ده خلاص بقى مكشوف ومعروف للجميع اقباط قبل مسلمين

لما الشرطه اختفت من البلد ما حصلتش حالة اعتداء واحده ولو على سبيل المجامله يعني ضد اي شيئ مسيحي في مصر ,,

الثوره ميزت الخبيث من الطيب ,,

[Alshiekh]

كمان في ناس كتير على النت و على قناة الجزيرة بتحذر من أعمال إرهابية ضد الكنائس

لازم القوات المسلحة و اللجان الشعبية

تقوم بحماية الكنائس و الإهتمام بها على غير العادة

لما الشرطة اختفت من الشوارع لم يحدث أي تهديد للكنائس

و لكن دلوقت مع عودة الشرطة و أعوانها على الأرض ... ربنا يستر

سمعت أن اللجان الشعبية بالتعاون مع شباب الأخوان والسلفيين اتكلموا فى الموضوع ده وقالوا انهم سيقومون بحراسة دور العبادة لتوقعهم ان الامن واعوانه ممكن يقوم بأعمال ارهابية

[اغابي]

جه بعده كلينتون وقعد ومشى وبرضه محدش عيط

لا سيادتك يا فندم - اعترض فى دى

لانى انا عيطت

الا كلينتون

cr((:

تم تعديل 2 فبراير 2011 بواسطة اغابي

[م تيمور المراغي]

طيب

لابديل عن تنحي الرئيس مبارك عن الحكم

ده موقفنا الثابت والنهائي الذي لا رجعة فيه ,,

وستتواصل ثورة الملايين وتزداد كل يوم حتى يتحقق هذا المطلب

ان شاء الله

ايوه يا تيمور بس اسماء محفوظ نفسها قالت على المحور ان تنحي الرئيس - ما كنش مطلب الشباب فى التظاهرات من الاول

شكلك كدا يا تيمور عميل لحزب معين من الاحزاب المعارضة - لانهم هما اللى مصلحتهم

تنحي الرئيس وهياكلو بعض على كرسي السلطة وقولوا اغابي قالت

ولعلمكم بقى برضوه هيزورو الانتخابات وهيفتحو المعتقلات اكتر من مبارك وجمال عبد الناصر

الاحزاب المعارضة من دلوقتى بيركبو موجة المظاهرات ويزوقو فى بعض على الفضائيات

ما بالك بقى لو فى مكان موجود فاضي - دا انتم يا شعب مصر هتشوفو اللى عمركم ما شفتوه

شكلنا كدا يا مصريين هنخلص من مبارك يطلع لنا 100 عفريت غيره

وكل ضلمة يطلعلنا عفريت

طب ازاى اتحول موقف المظاهرات من مطالب عادية للبطالة والمرتبات

ووصلت لتنحى الرئيس ليه يا تيمور الكلام اتغير - دلوقتى يعنى لو انت رجعت ورا شوية فى المشاركات كانت كل مظاهرات الشباب كانت محددة جدا وهى

عيش - حرية كرامة انسانية - ايه اللى غيرها

هل فعلا فى حد دخل فى المظاهرات وحرض الناس وسخنهم

؟؟

صباح المفــــــــاجات

والترقــــــــــــبات

انا ده كان كلامي يا اغابي لحد كام ساعه فاتت وكنت عمال اقول ان موقفي مش نهائي ومحتاج شوية تفكير ,,

وبعد التشاور و التفكير وضحت النوايا اللي بين السطور ,,

وده حيكون كلام الحركه نفسها بكل افرادها في المرحله القادمه ,,- ولا املك ابدا ان اتحدث باسمها ولكنها مجرد توقعات مني -

الرئيس بعد ثورة الامس فقد شرعيته

تجاربنا السابقه معه تخبرنا انه لا يتسامح ابدا مع من اساء اليه كائنا من كان والكل سيتم التنكيل به لو هدأت الثوره

الثوره لن تتوقف ولن تنفض ولن تهدأ الا بتنحي مبارك عن الرئاسه

ده المطلب الحالي والوحيد لكل اطياف المعارضه في مصر ,,

لحركة 6 ابريل وغيرها

وان شاء الله بالصبر سيتحقق ,, لانه كلما ضغطنا عليه كلما اعطانا مطلبا من مطالبنا ,,

[Alshiekh]

جه بعده كلينتون وقعد ومشى وبرضه محدش عيط

لا سيادتك يا فندم - اعترض فى دى

لانى انا عيطت

الا كلينتون

cr((:

علشان انتى مصرية

لكن فى أمريكا هو وكل الأمريكيين عارفين انه بره بعد تانى مرة

كلهم عارفين ان البيت الأبيض ده زى غرفة فى اوتيل ، الرئيس ده يقعد شوية ويمشى وييجى رئيس ثانى ويمشى وهكذا.

[Diab]

سبحان الله

نفس اللي حصل في غزوة حنين

عدد مظاهرات كبير الناس قالت لن نغلب اليوم عن قلة وأكيد هيتنحي

اتحاصروا وزلزولوا وفروا ومحدش فضل مع الرسول عليه الصلاة والسلاة إلا نفر قليل يقال 11 او 13

ولكن الناس لما فاقت رجعت وحاربت وانتصرت

يارب النصر

انما النصر صبر ساعة

اللهم يامن استجاب ليونس في بطن الحوت واستجاب لزكريا من بعد ابيضاض الشعر واستجاب لابراهيم في وسط النار ياسميع الدعاء فرج هم مصر

[عنبو]

طيب

لابديل عن تنحي الرئيس مبارك عن الحكم

ده موقفنا الثابت والنهائي الذي لا رجعة فيه ,,

وستتواصل ثورة الملايين وتزداد كل يوم حتى يتحقق هذا المطلب

ان شاء الله

ايوه يا تيمور بس اسماء محفوظ نفسها قالت على المحور ان تنحي الرئيس - ما كنش مطلب الشباب فى التظاهرات من الاول

شكلك كدا يا تيمور عميل لحزب معين من الاحزاب المعارضة - لانهم هما اللى مصلحتهم

تنحي الرئيس وهياكلو بعض على كرسي السلطة وقولوا اغابي قالت

ولعلمكم بقى برضوه هيزورو الانتخابات وهيفتحو المعتقلات اكتر من مبارك وجمال عبد الناصر

الاحزاب المعارضة من دلوقتى بيركبو موجة المظاهرات ويزوقو فى بعض على الفضائيات

ما بالك بقى لو فى مكان موجود فاضي - دا انتم يا شعب مصر هتشوفو اللى عمركم ما شفتوه

شكلنا كدا يا مصريين هنخلص من مبارك يطلع لنا 100 عفريت غيره

وكل ضلمة يطلعلنا عفريت

طب ازاى اتحول موقف المظاهرات من مطالب عادية للبطالة والمرتبات

ووصلت لتنحى الرئيس ليه يا تيمور الكلام اتغير - دلوقتى يعنى لو انت رجعت ورا شوية فى المشاركات كانت كل مظاهرات الشباب كانت محددة جدا وهى

عيش - حرية كرامة انسانية - ايه اللى غيرها

هل فعلا فى حد دخل فى المظاهرات وحرض الناس وسخنهم

؟؟

صباح المفــــــــاجات

والترقــــــــــــبات

معرفش انه اتحول اللى اعرفه ان الناس كانت من اول يوم كانت عاوزه تعمل زى تونس

ويمكن يكون سبب اجماع الناس على الليله دى

موضوع الناس اللى ماتوا والضرب والاهانه اللى تعرضوا ليها

بس النت يرجع بس وانا متأكد هتشوفى مجازر حصلت

متخفيش يا اغابى من المعارضه المعارضه مش بعبع

الناس اللى قدرت تقف فى وش النظام اكيد هتقدر تقف فى وش اى وقى معارضه خارجه

وطالما بعيد عن الجيش يبقى سهل خلعه

تحياتى

عنبو

[aimen]

اللهم يامن استجاب ليونس في بطن الحوت واستجاب لزكريا من بعد ابيضاض الشعر واستجاب لابراهيم في وسط النار ياسميع الدعاء فرج هم مصر

[moory]

السلام عليكم و رحمة الله و بركاته،

يا جماعة انا هاتكلم عن رأي الشخصي ف الي حدث، بعيدا عن إني من مؤيدي الثورة و استمرارها أو لأ...

كلنا كنا مستنين خطاب الريس امبارح، و الي كان اتكلم فيه عن تسليم سلمي للسلطة الي كانت امريكا بتتكلم عنها بقالها 3 ايام تقريبا، و فعلا تم ده بعد ما السفير الأمريكي ما وصل مصر بيوم واحد.

والنقط الي قالها تتلخص في:

1. لن أترشح للرئاسة

2. هننظر في المادتين 76 و 77 في الدستور

3. هاننظر في الطعونات لمجلس الشعب

4. هانحارب الفساد

5. مستوى اقتصادي و عدالة اجتماعية

6. الأمن و الأمان

ده طبعا غير تعيين نائب الرئيس و تغيير الحكومة.

كل ده كلام كان نفسنا فيه من زمان، و الحمد لله أخيرا اتقال و الريس اتكلم عنه.

أنا رأي ان الرئيس كان بيحاول يستغل عاطفية المصريين و طيبتهم، مش في انهم يتعاطفو معاه، لأ، في انو يحدث انشقاقات و يقسم التوحد الي الناس كانت فيه، للأسف هوا نجح في ده بعض الشئ.

استغل خوف الأم و الأب على ابنهم الي قرر انو يخرج ولا رجعة فيها، حاول يستغل العقلية الي كونها عند الجيل القديم من المصريين بتحريك الخوف و القلق بداخلهم عشان يحرضو ولادهم على عدم التظاهر، استغل الحب الي هوا لا يستحق اي منه، و لو استحق منه قبل ذلك، فهو الأن لا يستحق منه اي شئ...

يا جماعة عايزين نفصل ما بين حسني مبارك الشخص، و حسني مبارك المسؤول

حسني مبارك الشخص، هوا انسان اعتقد ان أغلبنا بيقدره كفرد من أفراد القوات المسلحة و من الناس الي حاربت في 73، و لكن

حسني مبارك المسؤول، هو رئيس جمهورية مسؤول عن اكتر من 80 مليون مصري، و الرئيس امبارح اثبت في خطابه انو غير متحمل للمسؤولية تماما، و رمى كل المسؤولية لكل قرارته على مرة مجلس الشعب و مرة القضاء و مرة الحكومة و مرة الأمن، و لم يعترف أو حتى يترحم على شهداء المصريين بل على العكس، حملهم المسؤولية بسبب قلة مندسة تحاول استغلال الثورة و توجيهها لمصالحها، يا راجل حررام عليك، طب حتى اذكرهم و ترحم عليهم..و لم يتحدث عن خيانة حصلت للشعب بسبب جهاز مسؤوليته حماية هذا الشعب..

ولول فعلا مسؤول، و حاسس بخطورة النكسة الي البلد ممكن تدخل عليها لو الوضع ده استمر اكتر من كده، وضعه كمسؤول تحتم عليه ان يتنحى خوفا على المصلحة العامة، و ليس خوفا على الكبرياء و السمعة..

و لو فعلا كما يقال ان الي حواليه غررو بيه و اقنعوه ان الناس بتحبك و هوا ما يعرفش، وفضلو مشغلين التلفزيون المصري و يقنعوه بالهبل الي بيحصل فيه، والي اعتقد انو كان موجه للرئيس مش للناس، لأن ماحدش من الناس كان بيتفرج على التلفزيون المصري قبل كده، هايتفرجو عليه دلوقتي، يبقى حاجة من اتنين:

- يا اما هو عارف و مصهين، و اكيد الي حواليه عارفين برده

- يا اما فعلا الي حواليه ضحكو عليه،

و في الحالتين لازم يمشي و يرحل، مش هوا بس، هوا و كل الفاسدين الي حواليه، لأنهم سكتو على كل الي بيحصل،

انا شايف ان الي حصل ده بالبلدي زي ما بنقول، حاول يليف المصريين او يثبتهم، حاول يستغل أجمل ما فيهم، لمصالح شخصية و دولية

ونسي مسؤولية شعب هو محااسب عيه و مسؤول عنه،