25 يناير ... موعد المصريين ( 9)

[الغريب]

يا بخته بالشهاده ..

سبحان الله كان من شويه معطيهم ضهره ولكن قدر الله ان يقتل بالرصاص بعد ان استدار اليهم وواجههم ليستشهد مقبلا غير مدبر ,,

ياريتني كنت مكانه ,,

ماشاء الله على ملاحظتك يا بشمهندس

بارك الله فيك وبلغني وإياك والجميع منزلة الشهداء

[moory]

المفروض هنا يظهر دور قوى المعارضة المحترمة التي لا تسعى إلى السُلطة أو الكراسي

هنا يجب أن يخرجوا على الشعب من خلال قنوات يعرفونها وتصل إليهم وتقدم لهم حلول للأزمة التي نحن فيها الان ويخاطبوهم بلغة يفهمونها بعيداً عن التقعر .. ومن ضمن هذه اللغات " لغة أكل العيش " ... ويجب أن يوضحوا لهم المؤامرة التي يدبرها هذا الخبيث في حالة بقاءة ولو ليوم واحد في الحكم ....

الأبواق الإعلامية الخاصة به بدأت بالفعل في ذلك .... ورأينا بكاء مرير من معتز الدمرداش ومنى الشاذلي ومكرم محمد احمد .. تأثراً بخطاب هذا الرجل النبيل الذي يُذكرنا بنبلاء القرون الوسطى

وعشرات الإتصالات من ناس تبكي بحرارة على إجرامنا في حقه .. أو مثلما قالت إحدى المتصلات " إخص عليكم يا شباب مصر .. حد يعمل في ابوه كده ؟ أبوه اللي رباه لمدة 30 سنة يروح طاعنه في ضهره زي ما طعنه الفاسدين المحيطين به واللي اختارهم عشان يخدموا الشعب لكن خانوه وبقوا مفسدين ؟ "

وهكذا أيها السادة ... أصبح الشعب هو المجرم ... وأصبح المحيطين بالرئيس هم المجرمون الفاسدون ... أما الرئيس .. فهو أبونا اللي ربانا وتعب على تربيتنا 30 سنة وفي الأخر أهانناه وبهدلناه

انا كنت شوية و اعيط يا مستر س س

اييه التمثييل ده

[م تيمور المراغي]

يا بخته بالشهاده ..

سبحان الله كان من شويه معطيهم ضهره ولكن قدر الله ان يقتل بالرصاص بعد ان استدار اليهم وواجههم ليستشهد مقبلا غير مدبر ,,

ياريتني كنت مكانه ,,

ماشاء الله على ملاحظتك يا بشمهندس

بارك الله فيك وبلغني وإياك والجميع منزلة الشهداء

ان شاءا لله ستنتصر الثوره

وسنمسك بالمجرمين لنحاكمهم ,,

القصاص للشهداء ,,

[Diab]

بسبب الأمية تغلب العاطفة علي العقل

العاطفة بتقول أن الشعب يرمي سلاحه ويسلم نفسه لمبارك

عشان أول مايقبض عليه ينزل سلخ فيه

أفتكرت مشاهد الأفلام لما كان البوليس بيحاصر السجين وبينده في الميكرفون وبيقول

متحاولش الهرب المكان كله محاصر

هو يسلم نفسه فياخد إعدام

طب ماهي هي

يموت بشرف أحسن ما يموت خايف

[طبيبة بالخارج]

يا جماعه انتو مش بتقولوا ديموقراطيه و اغلبيه و لا احنا فاكرين نفسنا بنفهم و الناس الى

فى مصر مابتفهمش اسئلوا اهلكم كلهم هتلاقو الناس كلها مع الخطاب

فى ازمه فى الاغذيه فى مصر لو استمرت يومين الناس هتموت بعض على رغيف

اختى نزلت مشى من التجمع لمدينة نصر

ما فيش بنزين و لا فلوس و لا اكل

الناس فى الميدان ممكن تستحمل بس فى ناس كتير فى البيوت مش قادره

صدقونى انا الى خايفه منه مش البلطجيه الناس الى موافقه على خطاب مبارك

و الى حالها واقف بقالها كام يوم هيبتدوا يتهجموا على المتظهرين

و نوقع الناس فى بعض

المكاسب كتير بس الى عايزينه ضمانات ( ممكن وفد من المتظاهرين على الهوا يعرض

المطالب الباقيه ذى قانون الطوارئ و محاكمة العادلى و يتعهد عمر سليمان قدام الموفوض

الامريكى بالتنفيذ الفورى مثلا

شوفي يا اختي انا لما كلمت والدي و والدتي وجدتهم يحذروني من قناة الجزيرة و انها قناة مغرضة و كمان ان في قوى خارجية هي اللي بتعمل كده في البلد و لما سألتهم بتشوفوا قنوات ايه قالوا الأولى و الثانية و دريم

سألتهم وهي القنوات دي مش بتكذب قالوا اهو يعني انتي عارفة

اختي عايزة تاخد فيزة سفر مش عارفة و حالها واقف

انا حكيت عن ده ليه عشان اقول لك ان مش لازم كل الناس تكون متفقة على نفس الرأي لكن الأهم ان صاحب الرأي الأصح هو اللي يسود

أهلي دول اللي بحترمهم طبعا جدا و بقدرهم لو طلبوا مني عدم المشاركة مع الثورة كنت بكل ادب سأرفض ليه لأن ابي طول عمره من اول ما الواحد اصبح يقرأ جرائد و يعرف يعني ايه سياسة و كل لما اقول رأيي يقول " أوعي تقولي الكلام ده بره البيت" يبقى سكوت الناس او حتى قبولهم باستمرار مبارك و لو حتى الكام شهر الباقيين دول يا ترى عشان هم فعلا بيحترموه ام لأنهم خايفيين

الناس اللي بتقولي عليهم موافقين على كلام الريس هل فيهم احد اتعذب او قتل له اقارب او اوذي على يد النظام الحالي؟

الناس اللي بتشتكي من الحالة الاقتصادية هي الناس اللي اتعودت على مستوى عالي نسبيا للمعيشة لكن اغلب الشعب فهو معتاد على الصيام و ربط الحزام

هل اغلبية المصريين التي تحكين عنها تعرف يعني ايه ديمقراطية او حرية تعبير عن الرأي؟ اجزم بأن لا

يا جماعة دي ثورة و كل ثورة ليها اعراضها الجانبية (معلش اكل العيش بيحكم على الألفاظ) يعني الدواء مر بس مضطرين نأخذه عشان نخف

و هل لم يبكي العديد من المصريين على الملك فاروق و هو يغادر مصر بالرغم من كونه ليس من اصول مصرية

و مسألة انه صاحب الضربة الجوية يا اسيادنا متهيألي 30 سنة حكم منفرد كفته شكر منا على ذلك و هل هو اللي عبر لوحده؟

[se_ Elsyed]

بالله عليكم .. سؤال عاطفي .. هل حد في الدنيا لمح في لهجته بالامس أي شيء يُشير إلى حنية الأب وعطفه على ابناءه ؟

أم لاحظتم لهجة التهديد والوعيد والنفخ اللي هايحصل ضد المخربين بعد ما تستقر له الأمور طبعاً

عارفين مين المخربين ؟

أقسم بالله لا تتملي المعتقلات من أمثال سحر الجيوشي وأسماء محفوظ وإسراء عبد العال وشباب المدونين والفيس بوك وكل من أظهر معارضته للنظام .. لإنه مخرب وأشاع الفوضى في المجتمع

اما الشرطة التي تصدت لذلك فجميعهم سيحصلون على وسام الدولة من الطبقة الأولى لإنهم حموها لاخر لحظه وما هربوش إلا لما حصل هجوم عليهم من المخربين من الشعب المصري ..

وما إختيار محمود وجدي ولا ما أعرفش إسمه إيه الجديد ده اللي كان مدير مصلحة السجون إلا لذلك .... واحد طول عُمره ما أتعاملش إلا مع مساجين وخصوصاً السياسين منهم ... عيشوا وإتخيلوا ممكن يعمل إيه لما الناس تتراجع والجو يروق ويشتغل بمزاج ...

يا شعب مصر العظيم ... هل كنتم تتخيلوا إن في 17 الف مسجون سياسي في مصر تحت تهمة " الإرهاب " .. هل تخيلتم ذلك أيها السادة ؟ طبعاً بدون أحكام ... وبدون مدد محددة ... وبدون إتصال بأهلهم ...

هل تحدث السيد الرئيس الأب عن قانون الطواريء اللعين ؟

هل تحدث عن القضاء وإشرافة على الإنتخابات ؟

هل تحدث عن مهازل العملية الإنتخابية والبلطجة و و و و و و و؟

هل يُمكن ان يعترف بذلك ؟

هل يُمكن أن يعترف بذلك كل اللواءات اللي إختارهم سواء نائبه أو رئيس وزراءه ؟

بالمناسبة .... عارفين ملك الأردن اللي الناس فرحانه إنه غير الوزاره وجاب رئيس وزراء جديد عشان خايف من رياح المد الثوري المتجهة إلىه من الغرب إلى الشرق ... عارفين مين رئيس الوزارة ؟

هو لواء سابق في الجيش .. وبرضوا كان مدير للمخابرات ....

وخلي بلاد العُرب تفضل كده وتتحكم بالحديد والنار

[jasmin hamed]

يا جماعه انتو مش بتقولوا ديموقراطيه و اغلبيه و لا احنا فاكرين نفسنا بنفهم و الناس الى

فى مصر مابتفهمش اسئلوا اهلكم كلهم هتلاقو الناس كلها مع الخطاب

فى ازمه فى الاغذيه فى مصر لو استمرت يومين الناس هتموت بعض على رغيف

اختى نزلت مشى من التجمع لمدينة نصر

ما فيش بنزين و لا فلوس و لا اكل

الناس فى الميدان ممكن تستحمل بس فى ناس كتير فى البيوت مش قادره

صدقونى انا الى خايفه منه مش البلطجيه الناس الى موافقه على خطاب مبارك

و الى حالها واقف بقالها كام يوم هيبتدوا يتهجموا على المتظهرين

و نوقع الناس فى بعض

المكاسب كتير بس الى عايزينه ضمانات ( ممكن وفد من المتظاهرين على الهوا يعرض

المطالب الباقيه ذى قانون الطوارئ و محاكمة العادلى و يتعهد عمر سليمان قدام الموفوض

الامريكى بالتنفيذ الفورى مثلا

شوفي يا اختي انا لما كلمت والدي و والدتي وجدتهم يحذروني من قناة الجزيرة و انها قناة مغرضة و كمان ان في قوى خارجية هي اللي بتعمل كده في البلد و لما سألتهم بتشوفوا قنوات ايه قالوا الأولى و الثانية و دريم

سألتهم وهي القنوات دي مش بتكذب قالوا اهو يعني انتي عارفة

اختي عايزة تاخد فيزة سفر مش عارفة و حالها واقف

انا حكيت عن ده ليه عشان اقول لك ان مش لازم كل الناس تكون متفقة على نفس الرأي لكن الأهم ان صاحب الرأي الأصح هو اللي يسود

أهلي دول اللي بحترمهم طبعا جدا و بقدرهم لو طلبوا مني عدم المشاركة مع الثورة كنت بكل ادب سأرفض ليه لأن ابي طول عمره من اول ما الواحد اصبح يقرأ جرائد و يعرف يعني ايه سياسة و كل لما اقول رأيي يقول " أوعي تقولي الكلام ده بره البيت" يبقى سكوت الناس او حتى قبولهم باستمرار مبارك و لو حتى الكام شهر الباقيين دول يا ترى عشان هم فعلا بيحترموه ام لأنهم خايفيين

الناس اللي بتقولي عليهم موافقين على كلام الريس هل فيهم احد اتعذب او قتل له اقارب او اوذي على يد النظام الحالي؟

الناس اللي بتشتكي من الحالة الاقتصادية هي الناس اللي اتعودت على مستوى عالي نسبيا للمعيشة لكن اغلب الشعب فهو معتاد على الصيام و ربط الحزام

هل اغلبية المصريين التي تحكين عنها تعرف يعني ايه ديمقراطية او حرية تعبير عن الرأي؟ اجزم بأن لا

يا جماعة دي ثورة و كل ثورة ليها اعراضها الجانبية (معلش اكل العيش بيحكم على الألفاظ) يعني الدواء مر بس مضطرين نأخذه عشان نخف

و هل لم يبكي العديد من المصريين على الملك فاروق و هو يغادر مصر بالرغم من كونه ليس من اصول مصرية

و مسألة انه صاحب الضربة الجوية يا اسيادنا متهيألي 30 سنة حكم منفرد كفته شكر منا على ذلك و هل هو اللي عبر لوحده؟

يا سيدتى ربنا يستر الخوف المصرين الى على حق و الى مش على حق يضربوا فى بعض

ربنا يسلم

[م تيمور المراغي]

بسم الله الرحمن الرحيم

الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ (173) فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ (174)

صدق الله العظيم ,,

ستستمر الثوره

حتى لو قل العدد

وانتشر الياس في كل النفوس ,,

سنقولها ونرددها كل يوم

يسقط يسقط حسني مبارك

[moory]

نفك شوية و نسمع واحد من الناس الي بتأيد عدم التظاهر

http://www.youtube.com/watch%3Fv%3DuvvJkzKteRE&h=11762

و نرررررررررجع تاني..

[طبيبة بالخارج]

في حاجة مهمة برضه تفتكروا هو ليه جعل مجلس الشعب الحالي متكوس تمام و مفهوش معارضة ؟

و الكلام ده قبل انتخابات الرئاسة القادمة؟

اكيد كان بيطبخ حاجة و احنا جينا بوظنا عليه الطبخة

لمن يسأل هو عايز يقعد ليه الكام شهر دول؟ فكرة كرامته اكيد داخلة في الموضوع بس في حاجة اهم ضمان استمرارية النظام المتمثل في الحزب الواطي حتى لو لم يكن هو فيه عشان محدش يأتي بعده و يطلب محاكمته و عشان كده هو اختار عمر سليمان كنائب ليه عشان ضامن ولائه مش عشان شايف انه الأصلح للحكم من بعده لأ لأنه ضامن انه لن يحاكمه و ممكن يكون مضبط معاه مسألة عودة ظهور ابنه على الساحة السياسية

و بعدين هو خسران ايه؟ ده واحد قاعد مرتاح معندوش لا مشكلة عيش و لا مرتب

مسألة استدرار عواطف الناس بقت حيلة قديمة خصوصا بعد ما فعله في المتظاهرين

و مسألة انه لو ذهب الآن حتعمل لخبطة في مصر. طب هو مش كان فيه لخبطة موجودة فعلا أم الناس كانت آخر انبساط و متريشة و الثورة هي اللي فقرت الشعب؟ و لنفرض انه كان مات فجأة كنا حنعمل ايه؟

الذي يقلقني و يشغلني اكثر هو كم سيحتاج الناس في مصر للتعود على جو الحرية و على انهم يبطلوا يقولوا لأولادهم: اوعى الكلام ده يطلع بره البيت!!!!

[م تيمور المراغي]

.............

و مسألة انه لو ذهب الآن حتعمل لخبطة في مصر. طب هو مش كان فيه لخبطة موجودة فعلا أم الناس كانت آخر انبساط و متريشة و الثورة هي اللي فقرت الشعب؟ و لنفرض انه كان مات فجأة كنا حنعمل ايه؟

الذي يقلقني و يشغلني اكثر هو كم سيحتاج الناس في مصر للتعود على جو الحرية و على انهم يبطلوا يقولوا لأولادهم: اوعى الكلام ده يطلع بره البيت!!!!

مراتي بتكلمني من مصر بتقول لي اكتر ايام نمنا فيها مطمنين ومرتاحين لما اللجان الشعبيه نزلت وملأت الشوارع وقعدت تحرس اهلها وناسها

كان فيه في شارعنا عائلتين كبيرتين في خصام بقاله سنين دلوقتي انتهت الخصومه وحل محلها الموده والحب و الروح الجديده

مش عاوزينه يرجعنا تاني للقرف والاكتئاب والتناحه الله ينتقم منه الناس ما صدقت فاقت وداقت طعم الحريه والنضافه

ده حتى الفتنه الطائفيه اللي كانوا مخوفينا منها اختفت تماما الاسبوع اللي فات

منظر الثوار وهما في ميدان التحرير بينضفوه وبيفتشوا بنفسهم اي مندس بينهم يشرح القلب

دي بلدنا احنا وبتاعتنا مش عاوزينها بالله العظيم تضيع من ايدينا تاني

جايب مدير السجون ابن التييت يمسكه وزارة الداخليه ده ايه السفاله دي

[fatfouta]

هو صحيح ليه جمال مبارك لم يستقيل من الحزب لغايت دلوقتى؟؟

طبعا عشان لما الناس تسكت ويقعد هو على قلبنا الكام شهر الباقيين فجاة نلاقى ابنه مترشح لانتخابات الرئاسة

وذى ما احمد شفيق قال امبارح من حقه يترشح ومن حقكم تقوله لا

خايفة احسن على ما نوصل للانتخابات يبقوا وصلونا بظلمهم وافتراهم اللى هيعملوه معانا لدرجة انه يبقى استفتاء على......جمال مبارك (نعم-لا)

تم تعديل 2 فبراير 2011 بواسطة fatfouta

[pink rose]

صباح الخير و النور و الفل عليكم

صباح الزفت و القطران على دماغ مبارك و كلابه

طبعا بعد الخطاب اللولبي بتاع امبارح تعبت جدا و كان لازم افصل تماما عشان ما اطقش اموت و انا لسا صغيرة

المفروض اللي يطق يموت هو اللي عنده 85 سنة و لسا مفكر نفسه في العشرينات و لسا له نفس يحكم

كلمت اهلي من شوية لقيتهم الحمدلله كويسين و حسيت انهم متماسكين و فعلا الناس بدأت تتغير بس ناحية الشباب

منه لله اللي عمل كده في الشباب منه لله اللي بهدل الناس

ربنا يذله زي ما ذلهم

المهم حبيت اخليكم تفصلوا شوية عن الغم

عارفين الشباب كانوا بيقولوا ايه في المظاهرات

ماسكين طبل و عمالين يغنوا

انت فين يا علي حسني بيدور عليك

صباحكم زي الفل ان شاء الله

ارجوكم

الصبر و الدعاء

[hOuSsAm]

بسم الله الرحمن الرحيم

الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ (173) فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ (174)

صدق الله العظيم ,,

ستستمر الثوره

حتى لو قل العدد

وانتشر الياس في كل النفوس ,,

سنقولها ونرددها كل يوم

يسقط يسقط حسني مبارك

باذن الله الثورة هتستمر

ودم الشهداء مش هيروح هدر

الوقت ده وقت الدعاء

يارب عدى الايام دى على خير

ربنا اقهر الظالمين واذلهم

[moory]

هو صحيح ليه جمال مبارك لم يستقيل من الحزب لغايت دلوقتى؟؟

طبعا عشان لما الناس تسكت ويقعد هو على قلبنا الكام شهر الباقيين فجاة نلاقى ابنه مترشح لانتخابات الرئاسة

وذى ما احمد شفيق قال امبارح من حقه يترشح ومن حقكم تقوله لا

خايفة احسن على ما نوصل للانتخابات يبقوا وصلونا بظلمهم وافتراهم اللى هيعملوه معانا لدرجة انه يبقى استفتاء على......جمال مبارك (نعم-لا)

الراجل بقالو 30 سنة بيوعد..بيوعد

وجاي دلوقتي كمان يوعد،

فين احمد عز

فين جمال مبارك

فين حبيب العدلي

فين ممدوح بتاع العبارة

فين يوسف والي

[الغريب]

كان فيه في شارعنا عائلتين كبيرتين في خصام بقاله سنين دلوقتي انتهت الخصومه وحل محلها الموده والحب و الروح الجديده

مش عاوزينه يرجعنا تاني للقرف والاكتئاب والتناحه الله ينتقم منه الناس ما صدقت فاقت وداقت طعم الحريه والنضافه

ده حتى الفتنه الطائفيه اللي كانوا مخوفينا منها اختفت تماما الاسبوع اللي فات

أختي أكدتلي الكلام ده وقالت أن الجيران في الشارع الواحد معرفوش بعض إلا في الأحداث دي

[se_ Elsyed]

أيها السادة

النظام الفاسد يراهن الأن الأن على لعبة " النسيان "

نسياننا نحن ...

زي ما نسينا ضحايا العبارة .... حد فاكر إنها كانت في فبراير برضوا ؟

وز ما نسينا قطار الصعيد ؟

وزي ما نسينا صخرة الدويقة ؟

وزي ما نسينا ضحايا الطائرة المصرية في أمريكا ؟

وزي ما نسينا معدلات السرطان والكبد الوبائي ؟

وزي ما نسينا الغاز اللي بيصدره هو لإسرائيل ؟

وزي ما نسينا توشكى ؟

وزي ما نسينا الحالة الإقتصادية المتردية اللي عايشينها الان ؟

هو يراهن إننا هاننسا و 10 شهور كفيلة إنها تنسينا إسمنا .... وخلالها بقى ... إعادة تشغل إسطوانة " إخترناك إخترناك " وفجاة ... تحت ضغط جماهيري مهول .. ورضوخاً لمطلب الشعب بكافة طوائفة حتى الجنين في بطن أمه مثلما قال نبيل لوقا باباوي إن الجنين في بطن أمه يبايعك يا مبارك ... هايقبل يحكمنا تاني وهو عاصر على نفسه لمونه ... مع إنه إيه ؟ لا يسعى لسُلطة أو جاه يا عيني ....

هذا الديكتاتور لم يتخيل نفسه إنه يكبر في السن يوم من الأيام أو يُحال إلى المعاش أو يهرب إلى خارج البلاد .. مثلما قال أحد المتصلين بمعتز الدمرداش : حرام عليكم .. عُمر مصر ما بهدلت كرامة فرعونها ... فرعونها واخدين بالكم ؟.... عُمر مصر ما طردت فرعونها .....

بل هو خُلق ليحكم أبد الأبدين ... وأنه فرعون لا يموت .. لإنه إله ... وأن الألهة لا تموت .. ويوم ما إبراهيم عيسى يكتب " هل مرض السيد الرئيس " ؟ يتسجن سنة مع الشغل ...

إذن هو باق .. ونحن إلى زوال

وفي أسوء الظروف ... من يسافر ويغرق في البحر هم شعب مصر ؟

ومن يتمرمط في جميع انحاء العالم بدون كرامة هم شعب مصر ؟

ألم يقلها أحمد أبو الغائط بإن الرئيس مبارك هو وحده من يرسم السياسة الخارجية لمصر ؟

يعني خنوع وخضوع وتكبير دماغ وحكمه وعقل وخيار السلام الأستراتيجي ... وخليهم ياكلوا طين ... وخلي السفارات والقنصليات تعاملهم أوسخ معاملة ممكن تجدها على وجه الأرض لمغترب ؟

ده خارج مصر

أما داخلها فحدث ولا حرج .. فعزز مكانة رجال الشرطة .. وأغدق علهم بالاموال والامتيازات .. وسلحهم بأحدث الأسلحة .. لأن مصر مستهدفة .. مستهدفة من شعبها ... اللي لازم يتسحل ويتعلق على الفلكة ويزج بـ 17 الف منهم في المعتقلات .. وتسب له الدين ليل نهار من أصغر عيل في الشرطة ..

انا الأن أكتب تلك الحروف وأنا أبكي والله .... هل حد فينا من المغتربين المتبهدلين حس يوم في مره إن السافل ده حاسس به ؟ .. ولو حتى بكلمة حلوه تبل ريقنا يوجهها إلى المغتربين ويوعدهم إن مصيرهم يرجعوا بلدهم يعمروها ؟

هل حسينا بكده أيها السادة ؟

هل رأيتم رئيس وزراء الدنمارك عندما قطع زيارته لإحدى الدول عشان في إتنين من جنود إتقتلوا في أفغانستان وقلب الدنيا وهدا شعبه ووعده بسحب كل الجنود من هناك وإن شالله تولع أفغانستان ؟

هل رأيتم رئيسة الفلبين وهي تهدد السعودية ودول الخليج كلها في حالة تعرض ولو خادمة فلبينية للإهانة ؟

أقسم بالله رأيت ذلك بأم عيني ... سيارات دبلوماسية فارهة تحاصر منزل أحد أصدقائي وأنا هناك ... لإن خادمته الفلبينينة قامت بتقديم شكو ضده لسفارتها ... فهرعوا في لمح البصر لنجدتها ... وهناك طاقم محامين ومترجمين يساندونها بدون مقابل ....

هل فعلها السيد الرئيس مع أي مغترب في أي زمان ؟

نعم فعلها فقط عندما تفحم 350 إنسان بريء غلبان راكب القطار العادي ورايح يعيد سنة 2002 .. قطع رحلته للصين ورجع ... وعمل إيه ؟

ولا حاجه ....

كعادته فهو لمدة 30 سنة يعتبر ولا حاجه ....

بل أنه شارك بشكل غير مباشر في تهريب ممدوح إسماعيل مالك العبارة السلام المسئول عن قتل أكثر من 1000 شخص

1000 شخص ايها السادة ولم يتحرك له رمش واحد ...

وكيف شارك ؟

اتعلمون أيها السادة إن مبارك هو من أختار ممدوح إسماعيل لإحتلال كرسي بمجلس الشورى .. بالإختيار المباشر من الرئيس

وإن رئيس الديوان زكريا عزمي اللي يعتبر أقرب شخص للرئيس وبمثابة سكرتيرة الشخصي هو من هربه خارج البلاد حتى الان ؟

وإن الرئيس عُمره ما رفع السماعة وتحدث مع أي حد في بريطانيا عشان يسلمنا المجرم ده ؟

وغيره وغيره من المجرمين وأخرهم محمد إبراهيم سليمان المسئول الأول عن كارثة الدويقة وعن حالات نهب وسلب لمليارات من ثروات الشعب المصري ....

بل عندا في الشعب المصري الذي لا يهمه في شيء لأنهم مجرد عبيد لديه .. قام بمنحه وسام النيل من الطبقة الاولى

هذا هو السفاح مبارك أيها السادة

أقسم بالله لو شارون هو اللي بيحكمنا كان إتقى ربنا فينا وكنا بقينا غير كده

هل لاحظتم إن بالأمس بدأ خطابة بجُملة " بسم الله الرحمن الرحيم " .. طب أرجعوا كده لأي خطاب له وشوفوا كام مره قالها ؟

[jasmin hamed]

الحكومه الاردنيه اقيلت & بوتفليقة يستدعي وزراءه غدا لدراسة الأوضاع في البلاد

[طبيبة بالخارج]

منقول عن موقع الدستور الأصلي

10:34 مئات الآلاف من المتظاهرين في الإسكندرية يطالبون الرئيس مبارك بالتنحي عن السلطة .

10:29 في ميدان التحرير الآن أبو العز الحريري يردد عاش الثورة وعاشت مصر ...برة برة حسني مبارك إطلع برة وسط هتاف الجماهير واشعب يريد إسقاط النظام.

10:16 استمرار المظاهرات في معظم المحافظات المصرية و المتظاهرون في ميدان التحرير الأن يستخدمون مكبرات الصوت ويرددون عاوزين حرية وعدالة إجتماعية ويرددون ارحل ارحل .

10:00 مازالت الحشود في التحرير تطالب إسقاط النظام وأجمعوا عن انهم لن يضحو بدماء الشهداء.

[Simba]

بعيد عن اي حاجة

هو ايه كمية البلطجية اللي في مصر دي ... انا فاكر زمان زمان تقريبا كان فيه كده قانون رادع للبلطجة والله اعلم ولا باين علي انا كنت بحلم ومش واخد بالي

والله اي كان اللي هيمسك بقي لو البلد دي نضفت من البلطجية والناس دي مش بتفرق معاها سجون اصلا لان دي بيتها الاول والتاني والتالت ..هيكون فيه فرص لشباب كتير ياخد بايد البلد للي احسن

الايام اللي فاتت شفنا في ميدان التحرير شفنا شباب بيخلي العالم يشوف قد ايه في شباب متحضر وواعي وعايز كل اللي حواليه نضيف

طبعا من غير وزارة نضيف ولا الوزراة اختها التوأم

الناس اللي هناك عندها حماسة غير عادية ممكن تدي كتير اوي وممكن تصبر كمان لحد ما تشوف نتايج شغل ايديها لو صدقت ان مبقاش في وعود في الهوا يابا

كفاية الناس اللي في الميدان دي انها تنقل مصر نقلة غير عادية بين الدول لو لقت فرص مناسبة وعادلة لقدراتها في جو تقدر تقول فيه نعم ولا وتقدر تختار اللي يمثلها