25 يناير ... موعد المصريين ( 9)

[شرف الدين]

تفتكروا يا شباب ايه اللي ورا دعوة الجيش دي

انا ما اعتقدش ان الجيش هيستخدم القوة أبدا

لكن يا ترى ايه مغزى الدعوة دي

ويا ترى متحدث الجيش ما قالش لو الشباب ما استجبش للدعوة ( وإن شاء الله مش هيستجيب )

الجيش هيعمل ايه

على العموم أنا متأكد ان الجيش مش هيدخل

واحنا لازم نصمد حتى النهاية

مش عايزين نتراجع في كلامنا

لا يمكن نثق في الراجل ده تاني

لازم نصمد على موقفنا للنهاية

هو ده بس اللي يخلينا نطمن لما بعد مبارك

اننا صمدنا حتى النهاية

يبقى خلاص بنقولها بالواضح

لا يمكن ان ينضحك علينا تاني بشوية وعود زائفة

لا يمكن ان حد يقدر يضحك علينا تاني بشوية كلام عاطفي

لا يمكن اننا نخاف او نتراجع تاني مهما كان حجم القمع او الاعتقال

ده الضمان الوحيد لينا اللي يخلينا نطمئن لما بعد مبارك

يا شباب

صبر صبر * حتى النصر

أوفياء أوفياء * لدماء الشهداء

[Salwa]

ها قد عدنا

رجع النت يا جماعة

حد سبقني و رجع المنتدي قبلي

حمدلله على السلامة ياجويرية ..احكى لنا بقى كل اللى حصل.

عقبال عودة الباقى بالسلامة .. :give_rose: :give_rose:

[بيبو كندا]

منكم لله هو ده اللى نفسى اقوله لكم

منكم لله

البلد باظت

يومين تانى و ما فيش اكل.......................... الناس هتقتل بعض علشان العيش

الخسائر بقت بالملايين للشركات

و شركات عالمية بتسرح العمالة من الان علشان هيقفلو

منكم لله و يجازيكم الله عما فعلتوه بالبلد

مش كفايه كده ولا الاخوان عايزين ايه تانى

الرجل الفلسطينى هرب من السجن وتانى يوم الصبح كان فى بلده

ازااااااااااااااااااااااااااى ولا الشرطة هى اللى عملت كده ؟؟؟؟؟؟

ما هى المؤامرة دى اللى هتجيبها تحت والله تحت منكم لله

مش دول حماس برضوا دخلوا علشان يهدموا بلدا من اعظم بلاد العرب

و اخيرا حسبى الله و نعم الوكيل فى كل من شارك او اشعل فتيل هذا الخراب

[fatfouta]

مادام الانترنت رجع اعتقد ان دلوقتى هنشوف صور وفيديوهات ماحدش فينا شافها وماتعرضتش للمظاهرات ظلم الشرطة

حمد لله عالسلامة يا جويرية وعقبال الباقى ان شاء الله

[شرف الدين]

منكم لله هو ده اللى نفسى اقوله لكم

منكم لله

البلد باظت

يومين تانى و ما فيش اكل.......................... الناس هتقتل بعض علشان العيش

الخسائر بقت بالملايين للشركات

و شركات عالمية بتسرح العمالة من الان علشان هيقفلو

منكم لله و يجازيكم الله عما فعلتوه بالبلد

مش كفايه كده ولا الاخوان عايزين ايه تانى

الرجل الفلسطينى هرب من السجن وتانى يوم الصبح كان فى بلده

ازااااااااااااااااااااااااااى ولا الشرطة هى اللى عملت كده ؟؟؟؟؟؟

ما هى المؤامرة دى اللى هتجيبها تحت والله تحت منكم لله

مش دول حماس برضوا دخلوا علشان يهدموا بلدا من اعظم بلاد العرب

و اخيرا حسبى الله و نعم الوكيل فى كل من شارك او اشعل فتيل هذا الخراب

بخصوص إن الناس هتقتل بعضها عشان الأكل

ما سمعناش عن حوادث القتل دي ليه.

وأما موضوع الخساير بالملايين

استعير جملة عمار الشريعي

يا عيني - يا سيدي - يا حبيبي

دلوقتي بس حسينا بخساير بالملايين

أمال مسمعناش صوتكم ليه في تصدير الغاز لإسرائيل ( آه افتكرت أصل دي خساير بالملاليم )

مسمعناش صوتكم ليه في بيع أراضي الدولة لرجال الإفساد - وليس رجال الأعمال ( آه افتكرت أصل دي خساير بالملاليم )

أما حكاية الإخوان عايزين ايه تاني ...

فدي أنسب رد عليها

هههههههههههههههههههههههههههههههههه

واستعير جملة عمار الشريعي

المفروض إن الشباب دول يكونوا علموكم إن الشعب المصري ما عادش ينضحك عليه

[جويرية]

الله يسلمكم يا جماعة

اما عن الأحداث اللي شفتها

فلأني مش في القاهرة فالأجواء في بلدنا مستقرة

مظاهرات عددها محدود ، غلاء في اسعار الخضار ، ، نقص في الخبز ،

الناس حست بانفراج الأزمة بمجرد خطاب الرئيس

اللي خلانا نتحمل 30 سنة مش حنتحمل 7 شهور

[hOuSsAm]

مكالمة تليفونية مع صديق كان فى المظاهرة امبارح

اول حاجة محدش راضى عن الخطاب

تانى حاجة محدش هيتراجع

التالت حاجة مستمرين فى المظاهرات فى التحرير (بيعملوا ورديات) لحد يوم الجمعة وهتبقى اخر جمعة باذن الله

الشباب يفرح القلب كانوا عاملين لجان تفتيش فى كل مكان

اللجان جزئين رجالة بيفتشوا رجالة وستات بيفتشوا ستات (كان نفسى فى حاجة زى دى من زمان) (صديق لى كان نازل مصر اجازة وزوجته منتقبة وظابط امن الدولة يصر انها تكشف وشها وحسبى الله ونعم الوكيل وصديقى يقوله ياعم خلى واحدة ستى تفتشها زى كل بلاد العالم يقوله لاء اشوف وشها بعينى ولما صديقى اصر ومرضاش فضل مذنبهم 6 سعات جنبه مش راضى يروحهم)

انا عايز الشباب دول هما اللى يستقبلونى فى المطار

صديقى قالى كمان كان مروح وعدى على لجان تفتيش كتيرة (وهو حاسس بالامان اكتر من الاول)

كان رايح يوقف تاكسى ماشى واحد من لجان التفتيش قاله عايز ايه يا استاذ قاله عايز اى حاجة تودينى ناحية العاشر

وقفله تاكسى بالقوة هو وزوجته (نفسى من زمان عسكرى يعمل معايا كدة بدل مبياخدوا اتاوات فى المطار)

قالى كمان احنا ملناش احزاب ولا ممثلين احنا الشعب

قالى احنا كنا بنضطر ندخل بعض الاحزاب لشرب المائ او لدورات المياه يلاقوهم فاتحين التلفزوينات واعدين يتفرجوا ومبسوطين ومحدش فيهم بيشارك باى شئ

قالى يا حسام محدش بيمثلنا والاحزاب دى بالنسبة لينا ملهاش اى وجود دول طلعوا مع الهوجة

مبسوط كمان بمشاركات اللى موجودة بمحاورات المصريين

قالى كمان على كمية الناس اللى كانوا عايزين يدخلوا التحرير امبارح بالسنج والمطاوى والبنزين وكلهم (قلة مندسة تبع الحزب الوسخ المنافق) (الحزب الوطنى الديمقراطى سابقا)

بيطلبوا منكوا الدعاء

اللهم وفقهم وانصرهم

[shiko]

الانفلات الامنى صنيعة ...وانقلاب ....من هم حول الرئيس ....

صنيعة وزير الداخلية واعوانه ...

اما عن رغيف العيش ....

فلازال رمق الحياة ..يسرى فى نهر النيل ....

ولم ولن يحدث ما يتوقعه الشامتون فى ان نقاتل من اجله ...

ولابد ان نتذكر اننا خلال 30 عام مات منا الكثير فى طابور العيش ....

مصـر فوق الجميع

[شرف الدين]

الله يسلمكم يا جماعة

اما عن الأحداث اللي شفتها

فلأني مش في القاهرة فالأجواء في بلدنا مستقرة

مظاهرات عددها محدود ، غلاء في اسعار الخضار ، ، نقص في الخبز ،

الناس حست بانفراج الأزمة بمجرد خطاب الرئيس

اللي خلانا نتحمل 30 سنة مش حنتحمل 7 شهور

عارفة يا جويرية

كنت ممكن اوافق على كلامك ده لولا

أولا: إن الثورة دي عشان تكون انتصرت لازم تحقق هدفها المعلن للنهاية

عشان تكون الثورة انتصرت

ثانيا: ودي أهم نقطة - هل انتي خلاص سامحتي في دم الشهدا

ال 300 شهيد اللي ماتوا ( والعدد الحقيقي أكبر بكتير ) هنقول لهم ايه - هنقول لهم اننا تراجعنا ليه - طب دمهم ده راح هدر ولا ايه

أنا عن نفسي مش مسامح ( واعتقد ده رأي أكبر الشباب المتظاهر )

ثالثا: تضمني مبارك

تضمني إنه فعلا يسلم السلطة تدريجيا لعمر سليمان

تضمني إنه يسيب المتظاهرين دول وما يعتقلهمش أو يصفيهم واحدة واحدة عن طريق وزارة الداخلية الجديدة

افتكري كام وعد كده وعده وقال أنه سوف يعمل وسوف يقوم وسوف يظل.

وبعدين لا عمل ولا قام ولا ظل

صبر صبر حتى النصر

أوفياء أوفياء لدماء الشهداء

تم تعديل 2 فبراير 2011 بواسطة شرف الدين

[fatfouta]

حمد على السلامى يا شيكو يا حبيبتى وحشتونا جدااااااااا

بجد كان كاننا ناقصنا حاجة والله

فعلا هو ده الكلام المشجع اللى احنا محتاجينه منكم يا اللى فى مصر وربنا يحميكم ياااارب :clappingrose:

تم تعديل 2 فبراير 2011 بواسطة fatfouta

[جويرية]

اول حاجة محدش راضى عن الخطاب

تانى حاجة محدش هيتراجع

لأ يا جماعة اللي خارج مصر يقول مش حنتراجع

بس الوضع في مصر صعب جدا

الناس مش حتلاقي تاكل ، البنوك قافلة ، مفيش بنزين للعربيات ، مفيش عيش

حرام

وبعدين ايه يعني 7 شهور ، و بعدين ما هوه حسني مبارك من سنين مفوض السلطة لأبنه

7 شهور نفكر احنا حنختار مين

[Salwa]

منكم لله هو ده اللى نفسى اقوله لكم

منكم لله

البلد باظت

يومين تانى و ما فيش اكل.......................... الناس هتقتل بعض علشان العيش

الخسائر بقت بالملايين للشركات

و شركات عالمية بتسرح العمالة من الان علشان هيقفلو

منكم لله و يجازيكم الله عما فعلتوه بالبلد

مش كفايه كده ولا الاخوان عايزين ايه تانى

الرجل الفلسطينى هرب من السجن وتانى يوم الصبح كان فى بلده

ازااااااااااااااااااااااااااى ولا الشرطة هى اللى عملت كده ؟؟؟؟؟؟

ما هى المؤامرة دى اللى هتجيبها تحت والله تحت منكم لله

مش دول حماس برضوا دخلوا علشان يهدموا بلدا من اعظم بلاد العرب

و اخيرا حسبى الله و نعم الوكيل فى كل من شارك او اشعل فتيل هذا الخراب

ياسيد بيبو كندا..

رغم ان مداخلتك تبدأ ب...منكم لله.

وهذا طبعااا مرفوض لأنها موجهة للأعضاء هنا وكأنهم اشعلوا شرارة الحرب ..

فسوف نتركها كما هى وايضا...لن نحذف اى من اتهاماتك.

فقط..

سؤال...

حضرتك محاسب ...وتقريبا مرتاح ماديا فى مصر...عندك 38 سنة ..........حاتهاجر ليه؟؟

ليه؟؟؟

لاأظن انك تهرب من بطش الاعتقالات التى تمت ...فى اى عصر سبق؟؟؟

او..

انك تتمنى العيش فى بلد أفضل؟؟...........اقول لاأظن لأنك تكيل المديح وكأننا فى مصر نعيش ازهى عصور النهضة ؟؟

لن اتحدث عن صفقات الغاز ولا عن الاستثمارات الأجنبية ولا غيره..

فقط..

ارجو الاجابة بكل شفافية ..

هل حضرتك تركت مصر..أو..فى طريقك لتركها ...سواء لكيبك او تورنتو ...لأنك تريد مستقبل افضل لأولادك؟؟؟

تعليم وصحة وكله يعنى كله؟؟

طيب...

لما مصر جميلة قوى كدة...........بتمشى ليه؟؟؟

انا رأيى المتواضع جداااااا...........بحكم السن يعنى .

والخبرة ....وحاجات كتيرر..

ان اللى سافروا...سافروا ...لأن مكانش ممكن يعملوا حاجة تانية .

خللى الناس تعبر عن نفسها وخصوصا انت رايح( او رحت) بلد ديمقراطى فيه حرية تعبير ..

وصدقنى ...

مش المتظاهرين اللى حرقوا ..

مش المتظاهرين اللى دخلوا البيوت بالسلاح..

مش المتظاهرين اللى اشاعوا الفوضى ..

وسيبك بقى من حماس والفلسطينيين والاخوان والقصص الغريبة دى ...الغريبة فعلا ..وكأن الانسان المصرى يجب عليه السمع والطاعة مدى الحياة ..

حصل خراب ؟؟

حصل....

خلاص ياسيدى الفاضل....للأسف احنا الشعب المصرى اتعودنا على المسلسل ده..

نعيش شوية ف امان...وييجى انسان كويس يقود البلد بضمير...يتلموا عليه شوية ...تبوظ البلد تانى ..ونرجع نثور ...وهكذا...هكذا ..هكذا..

وتتوالى الايام .

لاتحاسب الناس المكبلة ان صرخت وطالبت بالحرية والعدالة وفك القيود...ان كنت انت حر.

قليل من الموضوعية مطلوب ....او...الصمت افضل .

[م تيمور المراغي]

منكم لله هو ده اللى نفسى اقوله لكم

منكم لله

البلد باظت

يومين تانى و ما فيش اكل.......................... الناس هتقتل بعض علشان العيش

الخسائر بقت بالملايين للشركات

و شركات عالمية بتسرح العمالة من الان علشان هيقفلو

منكم لله و يجازيكم الله عما فعلتوه بالبلد

مش كفايه كده ولا الاخوان عايزين ايه تانى

الرجل الفلسطينى هرب من السجن وتانى يوم الصبح كان فى بلده

ازااااااااااااااااااااااااااى ولا الشرطة هى اللى عملت كده ؟؟؟؟؟؟

ما هى المؤامرة دى اللى هتجيبها تحت والله تحت منكم لله

مش دول حماس برضوا دخلوا علشان يهدموا بلدا من اعظم بلاد العرب

و اخيرا حسبى الله و نعم الوكيل فى كل من شارك او اشعل فتيل هذا الخراب

لو بلطجي خاطف اختك يا بيبو وهددك يا تسكت يا اما مش حتفتح المحل بتاعك ولا حتنزل من بيتك للشارع

حترضى ؟؟

مصر مسروقه مننا من مبارك وشلته وحزبه

انت مش عارف ان البلطجيه طلعوا على الشعب بتوجيه من الشرطه ؟؟

انت مش عارف ان المتظاهرين هما اللي دافعوا عن البلد من بلطجية النظام ؟

انت مش عارف ان الثوار كانوا عزل من السلاح ؟؟

مين اللي هرب السجناء من السجن مهما كانوا مش الشرطه اللي اطلقتهم فقام مبارك الجبان كافيئ مدير السجون بمنصب وزير الداخليه

انت ماشوفتش وشه وهو بيتوعد المخربين ( اللي هما الثوار ) بالقصاص ,, طيب ما توعدش العادلي ليه ولا احمد عز ولا حرامية البلد

ياراجل يا طيب رايح للي عاوزين يحرروا اختك من البلطجي و خاطروا بنفسهم و بارواحهم عشانك وتدعي عليهم بكل الدعوات دي ؟؟

اذا كان هو نفسه عزل المجرمين وجاب غيرهم بسبب ثورتنا ,, تقوم داخل وتدعي علينا ؟؟

اذا كان اوباما و قادة اوروبا نفسهم انتقدوا النظام وانتقدوا مبارك وطالبوه بعدم قمع المتظاهرين

تقوم انت مغلط كل الدنيا وماسك في الشرفاء النشطاء الثوار ؟؟

الله يهديك يا ( بيبو ) ويهدينا كلنا وينور بصيرتك للحق

[شرف الدين]

اول حاجة محدش راضى عن الخطاب

تانى حاجة محدش هيتراجع

لأ يا جماعة اللي خارج مصر يقول مش حنتراجع

بس الوضع في مصر صعب جدا

الناس مش حتلاقي تاكل ، البنوك قافلة ، مفيش بنزين للعربيات ، مفيش عيش

حرام

وبعدين ايه يعني 7 شهور ، و بعدين ما هوه حسني مبارك من سنين مفوض السلطة لأبنه

7 شهور نفكر احنا حنختار مين

دي مداخلة ليا ردا على مداخلتك الأولى

عارفة يا جويرية

كنت ممكن اوافق على كلامك ده لولا

أولا: إن الثورة دي عشان تكون انتصرت لازم تحقق هدفها المعلن للنهاية

عشان تكون الثورة انتصرت

ثانيا: ودي أهم نقطة - هل انتي خلاص سامحتي في دم الشهدا

ال 300 شهيد اللي ماتوا ( والعدد الحقيقي أكبر بكتير ) هنقول لهم ايه - هنقول لهم اننا تراجعنا ليه - طب دمهم ده راح هدر ولا ايه

أنا عن نفسي مش مسامح ( واعتقد ده رأي أكبر الشباب المتظاهر )

ثالثا: تضمني مبارك

تضمني إنه فعلا يسلم السلطة تدريجيا لعمر سليمان

تضمني إنه يسيب المتظاهرين دول وما يعتقلهمش أو يصفيهم واحدة واحدة عن طريق وزارة الداخلية الجديدة

افتكري كام وعد كده وعده وقال أنه سوف يعمل وسوف يقوم وسوف يظل.

وبعدين لا عمل ولا قام ولا ظل

صبر صبر حتى النصر

أوفياء أوفياء لدماء الشهداء

وازيدك يا جويرية

لازم نتخلص بجد من شوية مصطلحات عندنا احنا المصريين

اللي نعرفه أحسن من اللي منعرفوش

يا جماعة هانت

الحاجات دي لازم نتخلص منها

ولا خلاص يا جويرية

هنسلم

أنا شخصيا مش هسلم

أنا عنيد زي شادية ما قالت

ولا شاف العناد في عيون الولاد وتحدي الزمن

[ComingSoon]

اللي خلانا نتحمل 30 سنة مش حنتحمل 7 شهور

ومين قال ان حسني مبارك هايسيب الحكم بعد 7 شهور ؟

حسني مبارك اذا خرج من هذه الازمة لن يترك الحكم ابداً طالما فيه قلب ينبض

[شرف الدين]

حاليا:

الجيش يخفف حظر التجوال ليكون من

5 م - 7 ص

[jasmin hamed]

شوفتوا الجيش المصرى بيقول ايه :Head:

فى بيان من المتحدث الرسمى

الجيش المصرى يدعو الموطنين للعودة الى ديارهم لاستعادة الامن والامان

تفتكروا ده تحذير بقى والموضوع هياخد شكل جديد؟؟؟

اتصور ان المشكله مش انهم يضربوا نار المشكله انهم ينسحبوا

[جويرية]

هنسلم

أنا شخصيا مش هسلم

أنا عنيد زي شادية ما قالت

ولا شاف العناد في عيون الولاد وتحدي الزمن

حضرتك عايش برة مصر مش كدة ؟

كفاية الأنجازات اللي حققناها

ده شئ غير مسبوق

لكن لازم يكون فيه تكافؤ في القوة

ده بيملك كل شئ القائد الأعلي للقوات المسلحة و الشرطة و الصحةو المواصلات

ده شوية كانوا حيقطعوا المية و الكهربا عن الناس

خلوا البلد يومين من غير امن

الناس ماسكة شوم و عصيان المقشات عشان تحرس بيوتها من البلطجية

[جويرية]

اللي خلانا نتحمل 30 سنة مش حنتحمل 7 شهور

ومين قال ان حسني مبارك هايسيب الحكم بعد 7 شهور ؟

حسني مبارك اذا خرج من هذه الازمة لن يترك الحكم ابداً طالما فيه قلب ينبض

ما هوه ان كان عليه مش عايز يسيب الحكم خالص

لكن الحكام الحقيقيون اللي بيحكمونا ، من مصلحتهم استقرار المنطقة و ميفرقش معاهم س من ص

[fatfouta]

تعليقات من الفيس بوك....الانترنت رجع مصر وابتدت تعليقات الشباب اللى كانوا فى المظاهرات وهيفضلو فيها كل يوم لغايت مانقضى عالنظام ان شاء الله

فهموا اصحابكم و اهلكم ان في 300 شهيد و 500 مفقود ، النظام سفاح مينفعش نصدقه و لازم يمشي دلوقتي مش كمان 8 شهور

مبار ك ينتظر ان نتراجع ويقوم بتجميعنا بعد ان ظهرنا له كلنا كنا فى الشارع اصبحنا معروفين للكلاب سوف يقوموا بذبحنا اصحوا لا تراجع لا تراجع لا تراجع