25 يناير ... موعد المصريين (5)

[مغتربة]

تعيين عمر سليمان فى اعتقادى معناه ان الاداراه الامريكيه انتهت تماما من مبارك و تخلت عنه بشكل كامل

كل ما كان يقلق الاداره الامريكيه فى حاله تنحى مبارك هو البديل الذى سياتى

اما الان فلو تنحى مبارك فلا خوف لانه علم سلفا من هو البديل

اعتقد ان قرار تعيين عمر سليمان هو يعنى ايضا قرار بابعاد مبارك

[fatfouta]

عمر سليمان !!!!!

وليه القرار ده دلوقتى

حاجه غير متوقعه

طيب ايه الفايده من تعيين نائب دلوقتى

تفتكروا ليه؟؟؟؟؟؟؟؟؟؟

تيمور انت كنت عاوز عمر سليمان رئيس

وسى السيد مكانش عايزة

طب الراجل ده ظروفه ايه؟

الفائدة انه لما هيمشى مبارك هو اللى هيمسك بداله علطول لحين انتخابات

دا اذا ماكنش مشى وغااار اساسا

يعنى افهم من كده انه هايمشى وكان عاوز يضمن الامان لمصر اول مايمشى

عشان كده حط نائب وبعدين هايقول انا هاتنحى

تفتكروا يبقى كده فى نيه بتنحيه

ماهو مفيش اى تفسير غير كده

حد عنده تفسير للقرار ده

تفسيرى انه كده

باى باى مباااااااارك

[Simba]

يعني كده السيناريو خلص ولا ايه

[Alattar]

الصاغه اتنهبت بالكامل

لا حول ولا قوة الا بالله

كل دي أوامر من الحيوان الكبير

لمصلحة مين؟؟..ما حدش عارف

الفوضي دي مش في صالح أي حد

حتي لو قرر انه يستمر

اللي حصل ده كتير أوي ولا هو ولا غيره هيقدر يصلحه

[المهندسه]

الصاغه اتنهبت بالكامل

لا حول ولا قوة الا بالله

انا ليا ناس اعرفهم ساكنين فى الصاغه و فعلا الخبر صحيح الصاغه اتنهبت بالكامل و البلطجيه بيسرقوا كل حاجه و الناس فى بيوتها خايفه لانهم كمان بيسرقوا محلات الملابس ال فى شارع الغوريه و دى منطقه كلها حوارى يعنى مش سايبين حاجه

لا حول و لا قوه الا بالله

[مغتربة]

عاجل عن الجزيره نقلا عن مصادر فى الجاليه المصريه تؤكد ان علاء و جمال مبارك وصلا برفقه عائليتهما الى لندن

[الغريب]

عاجل عن الجزيره نقلا عن مصادر فى الجاليه المصريه تؤكد ان علاء و جمال مبارك وصلا برفقه عائليتهما الى لندن

والبي بي سي قالت وكمان أحمد عز

ذهابهم للندن يعني إتمام ثفقة تأمين أمريكية

[jasmin hamed]

عمر سليمان رجل شريف و ايديه بيضاء

[Alattar]

عاجل عن الجزيره نقلا عن مصادر فى الجاليه المصريه تؤكد ان علاء و جمال مبارك وصلا برفقه عائليتهما الى لندن

والبي بي سي قالت وكمان أحمد عز

ذهابهم للندن يعني إتمام ثفقة تأمين أمريكية

لا حول ولا قوة الا بالله...يعني نهبوا البلد بالكامل و خدوا كل حاجة و مسافرين دلوقتي

و ياتري البتاع الكبير ما راحش معاهم ليه؟؟

ولا لسه مستني كام محل ما اتنهبوش؟؟

[مغتربة]

فى حاجه مهمه يا جماعه و اعتقد هى السبب فى تشبث امريكا ببقاء مبارك لهذا الحد

و هى اسرائيل

اسرائيل لا يمكن انها ترضى بوصول حد للسلطه يهدد الاتفاقيات الموقعه او يعملها صداع عندنا

و هو دا الكرت الوحيد من وجهه نظرى الى حسم الامر و خلى امريكا تساعد مبارك فى البحث عن حلول للخروج من المازق الى هو فيه

هما مستعدين يضغطوا عليه فى اى حاجه الا انه يمشى

و دا السقف الى عمر الاداره الامريكيه ما هتوصل ليه مع مبارك

أختي مغتربة

الكلمة الان للشعب

لا أمريكا ولا الشيطان حتى ....

فليفعل هو ما يشاء ... ولنفعل نحن ما نشاء .. والله فوق كل الظالمين

بخصوص امريكا واسرائيل

ما مدى رصيد البرادعى عند امريكا

يعنى طالما امريكا حاشرة مناخيرها فى الموضوع طيب ليه احنا منلعبش عالوتر ده ولو كان البرادعى محبوب بالنسبة ليهم يبقى نلعب عليه

(بصراحة مش عارف علاقات البرادعى مع امريكا واصلة لفين)

بس وجهة نظرى اننا نحل المشاكل الداخلية الاول وبعد كدة اى حد عايز يعمل اى حاجة مع اسرائيل يبقى ده مش وقته خالص

معاك استاذ حسام

انا شايفه ان جزء كبير من حسم تردد اسرائيل و الاداره الامريكيه نفسها فى التخلى عن مبارك

ان احنا كشعب نقدم لهم البديل الى موافقين عليه

لان مخاوفهم كلها تنصب على ان لو حركه الاحتجاجات دى نجحت من غير رمز الشعب ملتف حوله دا هيؤدى الى ان ممكن اى حد ينط على الحكم هما مش عايزينه زى الاخوان المسلمين مثلا

لكن لو لاقت ان الشعب قابل بشخصيات بتتمتع باعتدال دينى و سيايى اعتقد انه موقفها هيتغير و ممكن انها تفتح معاه قنوات حوار

اعتقدد ان البرادعى بديل جيد بالنسبه لها فى كمان عمرو موسى لكن مش بنفس الدرجه لانه صحيح هو راجل دبلوماسى يعرف كويس اصول السياسه الا انه سبب ازعاج لاسرائيل شديد قبل كدا فى كمان عمر سليمان او احد قاده الجيش

دول الى ممكن يطمنوهم شويه ان التغير فى مصر مش هيادى لكارثه بالنسبه ليهم

هما كل رعبهم ان الاصلاحات الديموقراطيه توصل الاخوان للحكم زى ما وصلت حماس للسلطه و لغايه دلوقتى مش عارفين يخلصوا من الصداع بتاعها

مبارك راجل عسكرى و فاهم و لعب معاهم على الوتر دا

دى مداخله ليا الصبح و الى كنت بتكلم فيها عن اسباب طريقه معالجه امريكا للموضوع

اعتقد انه لنفس الاسباب الى ذكرتها فوق هما ضخطوا على مبارك بتعيين عمر سليمان نائب ليه

عمر سليمان بيتمتع بعلاقات ممتازه جدا معهم و عارفين سياسته كويس و كدا فى اى وقت باى باى مبارك محدش هيسال عنه اساسا

[المهندسه]

تعيين نائب للرئيس ده فى حد ذاته ممتاز لان مبارك من توليه الرئاسه من 30 سنه كان رافض منصب نائب الرئيس يعنى كان ماسك بأيديه و سنانه لكن دلوقت خلاص ده معناه انه هيسيبها و كان عنده دم بس بيحفظ ماء و جهه بتعيين بائب له...

ربنا يستر الاول على الناس ال راحت ضحايا و الناس ال اتخربت بيتها و اتنهبت محلاتهم

انا بتفرج و بحس انه مش دى مصر مش ممكن يكون دول مصريين

دى ايادى منظمه و عصابات منظمه

[Alattar]

عمر سليمان رجل شريف و ايديه بيضاء

الايام الجاية ان شاء الله هتبين لنا حاجات كتير..و نشوف لون ايده ايه بالظبط

تم تعديل 29 يناير 2011 بواسطة Alattar

[مغتربة]

عمر سليمان رجل شريف و ايديه بيضاء

الايام الجاية ان شاء الله هتثبت ده..و نشوف لون ايده ايه بالظبط

معاك تماما و لازم مننساش انه فى الاول و الاخر رجل عسكرى

[akramgroup]

طيب كده علاء وجمال اتوكلوا على الله

واذاعوا دلوقتى انهم وصلوا لندن

يبقى كده مبارك هايمشى

ومعنى سفرهم ايه واحمد عز كده بقى كبش الفدى

وهو اللى هايقعد الشعب يتسلى عليه

يافرحتك يابكرى انت ومرتضى

[اغابي]

الحمدالله

عمر سليمان محترم وما بيختلفش عليه اتنين واستلم فى ظروف صعبة والبلد فى حالة يرثى لها

حتى لو ما اثبتش انه عند حسن الشعب المصري - هنعمل ثورة واعتقد انه فهم كدا كويس

زى تمام ما اعرف عنه انه راجل نزيه جدا وتاريخه مشرف

كمان لازم احنا الشعب نساهم بنهضة مصر حتى لو بالمحافظة على بلدنا ونضافتها ومنشاتها احنا كشعب لينا دور مهم

انشالله مصر تبقى احسن بلد

تم تعديل 29 يناير 2011 بواسطة اغابي

[مغتربة]

عاجل من الجزيره مبارك يكلف الفريق احمد شفيق بتشكيل الحكومه الجديده

[fatfouta]

التليفزيون المصرى...

مبارك يكلف أحمد شفيق بتشكيل الحكومة الجديدة

تم تعديل 29 يناير 2011 بواسطة fatfouta

[مغتربة]

على الجزيره الان محلله تقول بعدم رضا امريكا عن اتخاذ عمر سليمان نائب للرئيس و انها كانت تفضل تسميه سامى عنان رئيس الاركان

تم تعديل 29 يناير 2011 بواسطة مغتربة

[hOuSsAm]

مبارك يكلف احمد شفيق لتشكيل الحكومة الجديدة

من الجزيرة

[fatfouta]

على الجزيره الان محلله تقول بعدم رضا امريكا عن اتخاذ عمر سليمان نائب للرئيس و انها كانت تفضل تسميه سامى عنان رئيس الاركان

عشان كده كان واخدينه عندهم من كام يوم