25 يناير ... موعد المصريين (5)

[fatfouta]

الجزيرة..

عاجل..إعادة خدمة الهواتف النقالة بصفة جزئية

[alikhedr]

رئيس الحكومة الجديد هو رشيد محمد رشيد........وبكرة تقولوا فتفوتة قالت

وممكن كمان يخلى نظيف يمسك الشورى عشان مايزعلوش

وهيخلى العادلى فى مكانه ذى ماهو

وفتحى سرور طبعا ذى ماهو

وشريف مش عارفة هيوديه فى انهى داهية

المهم يعنى كلاب امريكا هيفضلوا ومش هيمشوا

العملية فيها طبخة كبيرة جدااااااا اتطبخت امبارح وحسيتها من ساعة ما أستدعوا رئيس الاركان من امريكا وانا مش عارفة هو ايه اللى يوديه امريكا دلوقتى

اوباما طلع قال اتصلت من يومين بالرئيس حسنى مبارك بعد ما البيت الابيض نفى انه اتكلم معاه خلال الايام الثلاثة الماضية

فيه كذب ومؤامرررررررررة عالشعب وفى النهاية امريكا واسرائيل مش عاوزين غير عميلهم حوووووسنى عشان هو اللى بيراعى مصالحهم فى مصر

عرفتوا بقى ان بلدكم مش سهلة ولو وقعت هتقع كل الدول العربية حواليها والشرق الاوسط هيتهز؟؟؟؟؟

فين اللى كانوا بيقولوا لو لم اكن مصريا لا ارتحت نفسياااا.....تعالوا اعرفوا قيمة بلدكم

دلوقتى العملاء عرفوا ان مصر ليها قيمة ومرعوبين من عدم استقرارها.....كلاب فعلا كلاب

أما الشعب بقى فبيضرب بقنابل مسيلة للدموع مكتوب عليها...........صنع فى امريكا

لك الله يا مصر.....أنصرنا يااااااارب

[/quote

الاخت فتفوته احب اقولك ان صفوت الشريف رئيس مجلس الشورى مش واحد من الحكومة اللى استقالت ومش هيتغير حتى الانتخابات القادمة وفتحى سرور ايضا ومش ممكن نظيف يمسك مكانهم بالتاكيد

[fatfouta]

عاااجل

مراسل الجزيرة

تجدد المضاهرات امام مسجد القائد ابراهيم في الاسكندرية

[Simba]

20 شهيد في الاسكندرية ..... 17 شهيد في السويس ......

[fatfouta]

حسبى الله ونعم الوكيل

السويس 17 شهيد و25 حالة خطيرة و180 اصابة

تم تعديل 29 يناير 2011 بواسطة fatfouta

[مغتربة]

للاسف نمت امبارح من الاحباط بدرى و لسه عارفه خبر الخطاب الغريب دا النهارده الصبح

بجد من كل قلبى بحييه على كميه البرود الى هو بيتمتع بيها

اربع ايام مصر مولعه و قتلى و جرحى و انعدام للامن و هو طالع يقول هقيل الحكومه

و لا جاب اى سيره عن نفسه

للدرجه دى الكرسى بيعمل كدا فى الناس

مش قادره اصدق الى هو قاله يا ريته ما طلع اساسا

[fatfouta]

الحره : مظاهرات حاشدة امام البيت الابيض بواشطن من المصرين والعرب ترفع الاعلام تتطالب بسقوط مبارك ورحيل النظم7 hours ago

[se_ Elsyed]

من على لسان ناس ليبراليين مصريين أحرار ...

رأوا رأي العين بأنفسهم شباب الاخوان مع إخوانهم شباب مصر وهم يحموون بصدورهم ممتلكات مصر وكونوا فيما بينهم لجان شعبية للتصدي لأي خروج عن النظام وإلى الان هم موجودن بالشارع لهذا الغرض

هما دول شباب مصر ... هما دول الجيل الجديد اللي بإذن الله لا هايحتاج يهاجر ولا يحتاج يتذل ويقف على باب سفارة عشان سيبي لهم البلد باللي فيها

كنت قد حكيت لكم حكاية واحد من شباب مصر ... وهو مالك فرع شركتنا في مصر ورئيس مجلس إدارتها وهو شاب لم يبلغ الخمسين من عُمره ومليونير يعني مش موظف ولا محتاجة وله عدة شركات وكان حتى وقت قريب من أكثر المتحمسين لمصر وكل إستثماراته هناك وله علاقات قريبة وشخصية من اول أحمد نظيف لحد كل وزير له علاقة بقطاع التكنولوجيا .. لكن عشان شريف فما قدرش يكمل وقدم على الهجرة لكندا وبعت أولاده يتعلموا بره من كثر الفساد اللي بقى عيني عينك وعشان تشتغل لازم تفتح مخك وتراضي الناس الكبار اللي بيقسموا معاك عشان يسيبوك تعيش .... تخيلوا حتى فين ؟

حتى في الأزهر الشريف .. الزاهر بتاع قال الله وقال الرسول .... عشان يعمل برنامج للمصحف الشريف وياخذ عليه موافقه من الأزهر ... لازم يفتح مخه ويلمح الدرج المفتوح وإلا .............

فما بالنا أيها السادة بالناس البسطاء اللي هما أهالينا وناسنا اللي مرتباتهم 400 ج والبهوات بتوع الحزب الوثني يطلعوا يقولوا اللي مش عاجبه يقدم إستقالته وهانجيب بداله ناس من بنجلاديش وإن 400 ج مبلغ زي الفل ومنتهى الرفاهية ... سمعت ده بودني من وزراء الفساد اللي لازم يتحاسبوا ولا يتركوا هكذا

لازم يحاسبوا قبل أن يتولى بعض منهم رئاسة مجالس إدارة البنوك والشركات المختلفة ويبقى ملياردير أكثر ما هو مثلما يفعل عاطف عبيد الان ومحمد إبراهيم سليمان والرزاز وغيرهم وغيرهم من الحرامية ..

في حين يجلس الكفراوي وسليمان متولي والجنزوري وماهر أباظه وغيرهم من شرفاء الوطن يجلسون بعدياً ليشاهدوا مكافآة الوطن لهم على شرفهم وتفانيهم في عملهم

يعني بلدنا وبيطردونا منها

بلدنا وبيجيبوا بدالنا ناس من تايلاند وبنجلاديش

بلدنا وبينزلوا يضربونا بفرق الكاراتية والعصيان وشوفت منظر أمس يجعلنا نطالب بشنق مبارك في ميدان عام وهو لإنسان بريء مقتول في مظاهرات السويس والكلب الظابط واقف على جثته بحذائه

اليس كل هذا من صنع مبارك الذين تطالبون ببقاءه أمناً حتى نوفمبر حتى يعتلقنا ويسحلنا جميعاً .. فهو لن ينسى ما فعلناه يوم 25 يناير حتى 28 ؟

أليس هذا هو مبارك اللي بيقول أجيبلكو منين وفي نفس الوقت يُعطي الضوء الاخضر للكلاب لتنهش في لحم الوطن وتنهب ثرواته ويمتليء كروشها بمليارات ... فيعيثوا فساداً وينفقوا ملايين الدولارات على العاهرات وعلى القصور الفاخرة والطائرات الخاصة ويدهسوا 40 % من الشعب ويجعلوهم تحت خط الفقر ولا يجدون قوت يومهم ؟

ألم أحكي لكم عما شاهدته من اسبوعين في القاهرة .. العاصمة ... من ناس واقفه ومرابطه امام فرن العيش منذ أذان الفجر من أجل بضعة ارغفة أو أنبوبة بوتاجاز ؟

أليس هذا هو مبارك الذي يُصدر الغاز لأسرائيل بأقل من تكلفة أستخراجة في حين نستجدي نحن انبوبة غاز ؟

نعم مصر فوق الجميع

وأمن مصر هو الأول ...

لكن لا أمن في وجود هذا الظالم وعصابته وزبانية الجحيم من الشرطة وأمن الدولة ...

نفسي أناقش ظابط شرطة وأقول له إنتو بتعملوا كده ليه وإيه رأيك في اللي بيحصل وعشان مين ده كله ؟

[hOuSsAm]

حسبى الله ونعم الوكيل

السويس 17 شهيد و25 حالة خطيرة و180 اصابة

حسبى الله ونعم الوكيل

ربنا يرحمهم برحمته

وكل واحد سبب المجزرة دى يتحاسب ويتعاقب وياخد فوق دماغه

وبعد كدة يتعدم فى ميدان عام (بابشع طرق الاعدام) عشان اللى زيهم فى كل مكان يتعظوا

[مغتربة]

فى حاجه مهمه يا جماعه و اعتقد هى السبب فى تشبث امريكا ببقاء مبارك لهذا الحد

و هى اسرائيل

اسرائيل لا يمكن انها ترضى بوصول حد للسلطه يهدد الاتفاقيات الموقعه او يعملها صداع عندنا

و هو دا الكرت الوحيد من وجهه نظرى الى حسم الامر و خلى امريكا تساعد مبارك فى البحث عن حلول للخروج من المازق الى هو فيه

هما مستعدين يضغطوا عليه فى اى حاجه الا انه يمشى

و دا السقف الى عمر الاداره الامريكيه ما هتوصل ليه مع مبارك

[se_ Elsyed]

حسبى الله ونعم الوكيل

السويس 17 شهيد و25 حالة خطيرة و180 اصابة

حسبى الله ونعم الوكيل

ربنا يرحمهم برحمته

وكل واحد سبب المجزرة دى يتحاسب ويتعاقب وياخد فوق دماغه

وبعد كدة يتعدم فى ميدان عام (بابشع طرق الاعدام) عشان اللى زيهم فى كل مكان يتعظوا

مش هو ده مبارك اللي معين لواء شرطة محافظ للسويس يطلع في ساعة متأخر من الليل يقول إن ده كله كذب وإن القتلى هم 3 فقط ...

حتى لو 3 ... لو منهم إبنك أو أخوك أيها الظالم ؟

[مغتربة]

انا متاكده تماما انه هيستبعدالعادلى من تشكيله الحكومه الجديده كترضيه للناس

مفيش مجنون يحط العادلى تانى فى تشكيله وزاريه

الا بقى لو كان فقد عقله رسمى

[se_ Elsyed]

فى حاجه مهمه يا جماعه و اعتقد هى السبب فى تشبث امريكا ببقاء مبارك لهذا الحد

و هى اسرائيل

اسرائيل لا يمكن انها ترضى بوصول حد للسلطه يهدد الاتفاقيات الموقعه او يعملها صداع عندنا

و هو دا الكرت الوحيد من وجهه نظرى الى حسم الامر و خلى امريكا تساعد مبارك فى البحث عن حلول للخروج من المازق الى هو فيه

هما مستعدين يضغطوا عليه فى اى حاجه الا انه يمشى

و دا السقف الى عمر الاداره الامريكيه ما هتوصل ليه مع مبارك

أختي مغتربة

الكلمة الان للشعب

لا أمريكا ولا الشيطان حتى ....

فليفعل هو ما يشاء ... ولنفعل نحن ما نشاء .. والله فوق كل الظالمين

[the consultant]

حريق في محكمة الجلاء وسط القاهرة.. وإطلاق نار قرب محتجين

[se_ Elsyed]

اللي في الشغل وعاوز يتابع الجزيرة مباشرةً

الجزيرة

[alikhedr]

انا فعلا يا جماعه مش قادر اصدق اللى بيحصل على قد ما انا فرحان على قد ما انا حزين للى بيحصل ومش قادر ابطل اسال نفسى ليه ده حصل ليه على مدار 30 سنه مسمعش مره للشعب محققش مرة حلم من احلامنا

ليه نفس الوجوه مفيش غيرها

قد نفهم حب الرئيس للسلطة وقد نفهم خوفه من المحاكمه بعد الرحيل عنها لكن الغريب ليه الاصرار على كل القيادات اللى الناس بتكرهها

من المعقول ان يتمسك الرئيس بالحكم 30 سنه لكن ليه صفوت الشريف ، ليه فتحى سرور ، ليه فاروق حسنى ، كان ممكن الرئيس يستمر مدى الحياه لكن ليه حابب يجمد مصر حتى التغيير اللى جه بيه الحزب كان احمد عز وشلته

ليه انتظر النظام حتى احتراق مصر لتغيير الحكومة بالرغم من اشتعال المظاهرات لاكثر من 4 ايام وقبل ذلك نداءات الاحزاب وحرق المصريين لانفسهم

وفى كل مرة يطل علينا صفوت الشريف بوجهه القبيح ليلقى علينا المزيد من المهاترات وحق التعبير والاقلية ومجموعه لا تتعدى 200 واحد والقنوات الشرعية

كلام لايزيد النار الا توهجا داخل نفوس المصريين ولا ينسى احد تلك الجريمة الفجه التى ارتكبها النظام فى انتخابات مجلسى الشعب والشورى ليغلقو بذلك كل ابواب الامل فى وجه المصريين متحدين ارادة الشعب كله وواثقين كل الثقة فى قدرتهم على قمع المصريين والسيطرة عليهم وقدرتهم على فعل ما يشاؤن وقتما يشائون بلا رقيب ويزيفون الواقع امام العالم بما انهم يملكون الاعلام وادواته

فكم احترقت غيظا وانا ارى احمد عز يتفاخر بالمكاسب الساحقه للحزب فى الانتخابات وصفوت الشريف يتكلم عن القنوات الشرعية للتعبير عن الراى وان حق التظاهر مكفول حتى الرئيس نفسه ولاول مرة يخرج علينا ساخرا من المعارضة والبرلمان الموازى قائلا خليهم يتسلو واحكام القضاء النهائية ببطلان عضوية اعضاء فى مجلس الشعب ومقابلتها بالبلطجة السياسية من المجلس سيد قراره والدعاوى المزيفة من المرتزقه لتاييد مبارك ويوم الوفاء

فكانت هذه هى النتيجة الحتمية لكل ذلك لا محاله فكيف لم يرى النظام هذه النهاية المؤكده بغطرسته وثقته فى قبضته الحديدية

فنتمنى من الله ان يكون فى عون الشعب المصرى وادعو الله ان يخلصنا من كل هذه الرموز الفاسده ولا نرى منهم احدا ابدا على كرسيه بعد اليوم

[fatfouta]

حريق في محكمة الجلاء وسط القاهرة.. وإطلاق نار قرب محتجين

دى الحريقة اللى فى مقر الحزب لسه ماحدش اتحرك لهو طفاها وعشان كده مسكت فى محكمة الجلاء

[fatfouta]

شكرا استاذ alikhedr لتوضيح المعلومات

[fatfouta]

منهم لله وربنا يرحم شهدائنا وشبابنا اللى بيروحوا بسبب هذا المتغطرس الطاغى

R.N.N | شبكة رصد

عــــــاجل من راصدنا فى مستشفى باب الشعرية || 100 قتيل و 1000 مصاب و20 حالة حرجه

[fatfouta]

عاشت مصر حرة مستقلة.... أمس مساء وأثناء تغطية قناة الحرة لاحتجاجات القاهرة .. قالت ربة منزل كانت مشاركة فى الاحتجاجات وذكرت أن الامور كانت تسير بشكل طبيعى .. وكان الأمن يمنع دخول أى شخص الجهة الأخرى .. .. وفجأ .. جاءت مجموعة من الدراجات النارية وعليها مجموعة تشبه رجال العصابات ومسجلين خطر .. والغريب ان الأمن قد فتح لها الطريق لتعبر وتنظم للمظ...اهرات .. وأكدت أن هذه المجموعة هى من قامت بتنفيذ أعمال النهب