25 يناير ... موعد المصريين (5)

[Alattar]

شبكة رصد شاهد عيان مذبحة في ابو زعبل تستهدف قيادة الاخوان

كده الموضوع واضح جدا ان مش عائلات بتهرب مساجين من أقربائها زي ما تخيل البعض

ده مخطط لتصفية ناس من الاخوان..و تخليص حسابات

وإضعافهم...عشان لو كانوا بيفكروا في اعتلاء السلطة ولا حاجة في حالة الفوضي

و العجيب..انهم الجماعة الوحيدة اللي أعلنت انها مش هتشارك في الثورة

لكن هنقول ايه..الغباء مالوش حد معين

[se_ Elsyed]

التلفزيون المصرى : قبول استقاله أحمد عز من الأمانه العامه للحزب الوطنى

اللي هو إزاي يعني ؟

[Alattar]

التليفزيون المصرى

قبول استقالة احمد عز من الامانة العامة بالحزب الوطنى

علي رأي الأخ تامر

هو فين الحزب الوطني

هو لما لقي نفسه مش عارف يهرب..قال أما أقدم استقالتي و ألوي بوزي شوية

و أعمل فيها زعلان..يمكن ييجوا يصالحوني

[زهرة الجبل]

التلفزيون المصرى : قبول استقاله أحمد عز من الأمانه العامه للحزب الوطنى

اللي هو إزاي يعني ؟

اللي هو كداهوه بالظبط سيادتك

كبش الفداء الجديد

و يا ترى الدور على مين

[fatfouta]

الشيخ القرضاوى ربنا يكرمك يا شخ

أسمعوووه عالجزيرة

[hOuSsAm]

يا جماعة ارجوكو مش كل حاجة تتصدق و لا داعي للتهييج اكتر من كدة البلد بتضييع و اهالينا هتجوع . الناس بيضربو بعض على الاكل و التجار علو الاسعااار ارجو عدم نشر الاخبار غير المؤكدة و التي تشعل الفتنة اكثر . الموضوع خرج عن الحماسة و القضاء على الفساد . البلطجية بيفتشوا الناس في الشوارع و بيكسرو الشقق على الناس . ياااااارب استر ياااااااااااااااااااارب استر

كلامك صح

عندك حق فى الموضوع ده

الشائعات ممكن تدمر اى اقتصاد وممكن تخلى الناس تحارب بعضها

ربنا يسترها ويحنن قلب الناس على بعض

ومحدش ينفلت عالتانى

اراهن ان بعض الناس اللى ايمانها ضعيف بدات تاخد الحجات التموينية بكميات كبيرة وعمل مخزون فى البيت

لمواجهة اى مجاعة تحصل

هتلاقوا تفكير العامة بالطريقة دى

وحسبى الله ونعم الوكيل فى اللى كان السبب

[أهااات روح]

القرضاوى : إرحل يامبارك وإرحم هذا الشعب

[se_ Elsyed]

التلفزيون المصرى : قبول استقاله أحمد عز من الأمانه العامه للحزب الوطنى

اللي هو إزاي يعني ؟

اللي هو كداهوه بالظبط سيادتك

كبش الفداء الجديد

و يا ترى الدور على مين

لأ مش قصدي ...

قصدي يعني أنا لو حرامي ومُسجل خطر جرايم نفس وسرقة ونهب ... وجيت طلعت بيان وقلت خلاص يا رجالة أنا اعتزلت السرقة وأشتغل طبال ورا رقاصه ....

كده خلاص يعني تبقى خلصت وصفحة وأتقفلت ؟

[أسد]

أنا النهاردة فهمت أكثر عظمة الخالق

لقد إكتشفت سبب جديد لأن الله خلق لي عينتان ..

عين تبكي فرحاً بما قام به المصريون

وعين تبكي حزناً على ما يحدث من نهب وسلب

إتصلت بناس كتير في مصر اليوم

الدنيا بايظه خالص

المسألة أكبر من ثمن رحيل طاغية

سندفع ثمن رحيل هذا الطاغية سنوات سنعودها للخلف

لنا الله

[fatfouta]

R.N.N | شبكة رصد

نزول الجيش بتواجد كثيف في شوارغ المحلة و تعاون بين قيادة الجيش و القيادات الشعبية في المحلة للحفاظ علي الممتلكات العامة و الخاصة

و اخر احصائية لاعداد القتلي فهم قتيلان حتي الان و اكثر من 300 مصاب و اكثر من 50000 متظاهر في الشارع الان2 minutes ago

[fatfouta]

R.N.N | شبكة رصد القاهره : الجيش المصرى يصد محاوله لإقتحام مطبعه البنك المركزى بالقاهره

[أهااات روح]

استحلفكم بالله ان تدعو لمصر وتدعو لاخوتنا فى مصر

هذا الوقت ماقبل المغرب وقت استجابة دعاء

[fatfouta]

اللهم انا نعجلك فى نحورهم ونعوذ بك من شرورهم

اللهم امكر لنا ولا تمكر علينا

اللهم ولى علينا من يصلح به شائن الدين والدنيا

[se_ Elsyed]

رجال الداخلية يتوجهون الى مدينة الرحاب والاهالى تتكلم عن مجازر بحقهم

[Alattar]

رجال الداخلية يتوجهون الى مدينة الرحاب والاهالى تتكلم عن مجازر بحقهم

طيب لمصلحة مين الخراب ده..مستحيل يكون لمصلحة النظام

يعني مستحيل يكون بيعمل كده عشان عاوز الناس تهدي..و هو يكمل

دي حركات واحد خلاص ماشي ماشي...بس بيخربها و بيصفي شوية حسابات الأول

تم تعديل 29 يناير 2011 بواسطة Alattar

[arkan]

طبعا رجعت من الشغل بعد اكتئاب لافاجىء باخبار تجيب اكتئاب اكتر

مناظر الجثث في التليفزيون كأننا في حرب

حسبنا الله ونعم الوكيل

-------------------

معلش ياجماعة هو الرقم اللى بندخل به على النت من التليفون الارضي في السعودية كام

تم تعديل 29 يناير 2011 بواسطة arkan

[الغريب]

رجال الداخلية يتوجهون الى مدينة الرحاب والاهالى تتكلم عن مجازر بحقهم

طيب لمصلحة مين الخراب ده..مستحيل يكون لمصلحة النظام

يعني مستحيل يكون بيعمل كده عشان عاوز الناس تهدي..و هو يكمل

دي حركات واحد خلاص ماشي ماشي...بس بيخربها و بيصفي شوية حسابات الأول

الداخلية بتعمل ليه كدة في الشعب

يطلعوا البلطجية من الاقسام والسجون ويضربوا المعتقلين السياسيين بالنار

حسبي الله ونعم الوكيل

أبوس إيديكم نصلي وندعي لبلدنا وأهلنا

محدش هينجينا غير الله عز وجل

[aimen]

يارب ارفع مقتك وغضبك غن مصر يارب يارب وعزتك وجلاتك يا حى يا قيوم ياذا الجلال والاكرام يا حنان يا منان يا بديع السموات والارض يارب العرش العظيم اللهم انى اسألك بإسمك الاعظم الذى سميت به نفسك والذى استأثرت به فى علم الغيب او علمته لاحد من عبادك ان تحمى مصر شعبا وارضا وتجعلها امنة كما ذكرتها فى كتابك العظيم اللهم احميها من المفسدين والمخربين اللهم ارفع عنها الفتنة ونارها اللهم امننا فى بيوتنا يارب نحن الفقراء وانت الغنى يارب نحن الضعفاء وانت القوى اللهم استجب يارب اللهم استجب يارب ليس لنا سواك يارب قولوووووووووو امييييييييييييييييييييين

[fatfouta]

رجال الداخلية يتوجهون الى مدينة الرحاب والاهالى تتكلم عن مجازر بحقهم

طيب لمصلحة مين الخراب ده..مستحيل يكون لمصلحة النظام

يعني مستحيل يكون بيعمل كده عشان عاوز الناس تهدي..و هو يكمل

دي حركات واحد خلاص ماشي ماشي...بس بيخربها و بيصفي شوية حسابات الأول

اصل هو فاكر ان هو اللى عمل البلد دى ولازم يخربها لو عاوزينها احنا

يعنى بيقولنا ياللا خدوها لكن هسيبهالكم خربانة

ربنا يرد مكره وكيد ان شاء الله

[samehmagdy]

لسه مكلم واحد صاحبى فى مظاهرات التحرير دلوقتى حالا

وبيقولى الشباب مقسمين نفسهم وبيحرسو وبيقبضو على اى حرامى او مخرب

ومعظم اللى مسكوهم لحد دلوقتى امناء شرطه فى الداخليه وعساكر بلبس مدنى

وبيقلى ان الفرحه اللى فى قلوب الناس هناك ملهاش حدود والكل متاكد ان مبارك هيمشى يعنى هيمشى