25 يناير ... موعد المصريين (5)

[se_ Elsyed]

الحمد لله .. الجيش يلقي القبض على كثير من المخربين المجرمين الذين يحاولوا نهب الممتلكات

----------

[الغريب]

الحمد لله باتصل باهلي جميعاً ..

الامور هادئة وشباب المنطقة واقف بالسكاكين والعُصي والشوم لأي حد يقرب .. وهم قادرون على ذلك

ده المشهد في مصر كلها

بس الكلب يمشي هو واللي معاه وأحنا هنرتب أمورنا

[Al Mohager]

يا جماعة الموضوع واضح وضوح الشمس

الشرطة انسحبت امس من الساعة 6 عشان ينفذوا الخطة القذرة ده

الشرطة مع البلطجية هما اللى راكبين موتوسيكلات و ماسكين رشاشات عشان يخوفوا الناس

و مطلعين اشاعات ان فى 60 حالة اغتصاب

و عمالين يعملوا سلب ونهب و حرق فى الاماكن التى الناس هتتحسر عليها زى مستشفى سرطان الاطفال و المتحف المصرى

يعنى انهى حرامى اللى هيروح يسرق كارفور و بعدين يحرقه الحرامى بيسرق و يمشى مش هيهتم يحرق

كمان كل الحرامية فى كل احياء مصر منتشرين بشكل منظم و راكبين موتوسيكلات و معاهم اسلحة و رشاشات

هما بيعملوا كده عشان الناس كلها تسيب المظاهرات و تروح تحمى بيوتها و نسائها

و عشان الناس تخاف من حالة الانفلات الامنى و يقولوا الحقونا يا جيش الحقونا يا حكومة الحقنا يا مبارك و يقولوا برده مبارك احسن من السرقة بيوتنا و اغتصاب نسائنا

يا ناس افهموها بقى

عاوزين تعرفوا و تتأكدوا ان هما عاوزين يرعبوا الناس اتفرجوا على القنوات المصرية هتلاقوا كل الناس مرعوبة و بتنادى على الحكومة الحقونا

بس هما اللى عاملين السلب و النهب عشان زمام الامور ترجعلهم تانى

ربنا ينتقم منهم

ربنا ينتقم منهم

ربنا بنتقم منهم

يا رب انصر عبادك و اهلك الطغاة

[الغريب]

انا مش وااثق فى الاعلام نهائى معرفش ليه حاسس ان الموضوع كبير قوووى

الناس تتصل باهاليهم فى السويس يقولوا احنا واقفين فى الشارع وحامين الناس العربيه تقول فيه نهب وسرقه

مش عارف بجد الواحد يصدق مين

ياريت يا جماعه

رجااااااااااااااااااااااااااااااااااااااااااااااااااااء حار اللى يجيب خبر يقول مصدره ايه

مش يرميه وخلاص

تحياتى

عنبو

ما هو ده اللي بنقولوا يا عنبو

خدوا بالكم كويس

الإعلام القذر مش بس في مصر

و الفضائيات عايزين جنازة و يشبعوا فيها لطم

و فيهم كتير مغرضين

و ده وقتهم دلوقتي

و الناس حتتجنن و تعرف ايه اللي بيحصل

عشان كده أناشد نفسي و حضراتكم جميعا

بالتحلي باليقين في الله سبحانه و تعالى

و ألا تنجرفوا وراء الشائعات

اللي دلوقتي وقتها

أحذروا قناة العربية .. فقط لا غير

[se_ Elsyed]

حرق مصنع السكر في الحوامدية

ليييييييييييييه ؟

ده كفر كفر كفر

إطلع وقول أنا هاغور .. حررررررررررام

قلت لك ان ده حيحصل

ماكنتش مصدقني

هم اللي بيعملوا الكوارث دي يهمهم إنه يغور ولا مايغورش

دول مابيفكروش في الكلام ده

وهل كان الجياع في حاجه إلى مظاهرات ليقوموا بذلك ؟

ومن دفع البلد إلى هذا يا اخي الكريم ؟

وماذا لو كان إستمع إلى صوت العقل ورحل بدلاً من التشبث بالكرسي الزائل على حسابب جثثنا ؟

[أسد]

إحنا في حرب

إحنا في حرب

العدو منا

ولكنهم لصوص ومجرمين

نحن المصريين الأبطال .. بالتأكيد يمكننا أن ندافع عن وطننا

يمكننا الدفاع عن الوطن

حررنا أرضنا ..

وحاربنا في السويس

وحاربنا في بورسعيد

وحاربنا الإنجليز

والفرنسيين

والإسرائيليين

مش حنقدر على اللصوص

مش ممكن اللي بيحصل ده

مفيش راجل شجاع حيقف ساكت ومنزله يتعرض لسطو

أو لنهب

[مغتربة]

الاخ بيادبنا علشان اتجرانا و قولنا عايزينه يرحل

بيادب البلد كلها و مش فارقه معاه

الكل اجمع على ان الفوضى سببها الشرطه او المجرمين الى برضه اطلقتهم الشرطه على الناس

ربنا يسترها على مصر و ينجيها من شر اى واحد عايز يحرقها

[الغريب]

يا أهل الداخلية والله لن ننساكم

[se_ Elsyed]

الحمد لله رب العالمين

بيان من القوات المسلحة بغنها توجهت فوراً إلى مدينة نصر والمعادي وشرق القاهرة ومصر الجديدة ومناطق أخرى وألقوا القبض على كثير من المجرمين وسيتم أستجوابهم لمعرفة هويتهم ومن وراءهم

[عنبو]

اسلوب ضغط قذر من الحكومه باستخدام بلطجيه

طيب دى حكومه نثق فيها حتى لو ساعه

عمليات قذره وان شاء الله الناس هتصبر

الناس صااااااااامده

الناس صاااااااااااااامده

[الغريب]

الآن سحرة الداخلية أنقلبوا على الساحر

[pink rose]

حسبي الله و نعم الوكيل في القنوات الفضائية

اللي لما مات ابن ابن ال***(عشان بس الرقابة) عملوا حداد و قفلوا الدنيا و نكدوا علينا و على

اللي جابونا

دلوقتي جايبين اعلانات و الدنيا فل الفل

كأن اللي بيحصل دا في كوالالمبور

منكم لله يا بعدا

كل واحد حارق دمنا في البلد دي منه لله

[ozoozo]

اخواتي اللي انا فخور بيهم واقفين الان في مدينه نصر بالاسلحه لحمايه اهالينا

والجيش وصل مدينه نصر بيلف في عربيات مكشوفه ماليانه جنود

[زهرة الجبل]

المتحف المصري إتنهب

المتحف المصري كسروا الآثار

الآثار مرميه عالأرض

انا هموت

حد فاهم حاجه ؟

الكلاب حتى مش بيسرقوا دول بينتقموا

دول كسروا الآثار و رموها في الأرض و دمروها و سابوها

هو في إيه ؟

أنا تعبانه

حد يقول لي في إيه

[عبير يونس]

لاده السيناريو كده أكبر من تحليلاتنا

الشرطة و البلطجية يروعوا الناس

و الجيش هو اللي يحميها

عشان الناس هي اللي تطالب بحكم العسكر

و تفرح بيه

[se_ Elsyed]

الله أكبر

شركة فرنسية تقدم خدمات الانترنت المجانية في مصر عن طريق الرقم

0033172890150

[شرف الدين]

0033172890150

شركة انترنت فرنسية تزود الانترنت في مصر

[se_ Elsyed]

الله أكير

الله أكبر

الله أكبر

جهات فتحت خطوط ساخنة لإغاثة اي شخص يتعرض لإعتداء او يشعر بالخطر

رقم لجان صناع الحياة للدفاع الشعبي

0020106020012

ورقم الأخوان المسمليمن مع الجمعية الوطنية للتغيير

0140319661

دير الفرنسيسكان بالعمرانية

0127331219

[se_ Elsyed]

الفرج قادم

شباب مدينة نصر كله نزل الشارع لتأمين الممتلكات ومافيش حد قادر يهوب ناحيتهم

اللهم صلي عالنبي ... والمساجد تنادي على الناس للنزول لحماية البلد

الله أكبر الله أكبر الله أكبر

[hOuSsAm]

الله أكبر

شركة فرنسية تقدم خدمات الانترنت المجانية في مصر عن طريق الرقم

0033172890150

طب ازاى

نعمل ايه عشان نتكلم نت من مصر