25 يناير ... موعد المصريين (5)

[Ahmed Anwer]

هيا قصدها بالكلاب ،،، حسني مبارك و رجالته و نظامه و الأمريكان و اليهود

مش قصدها حضرتك أو حد من الشعب

عموما التحليل اللي كتبتيه لسه واحد مصري كبير في السن قايلهولي في باريس

علي فكرة أنا عالق في باريس و مش عارف أرجع و شركة الطيران كل شوية تقولي أجلنا الرحلة يوم

أدعولي ربنا يفرجها من عنده

تم تعديل 29 يناير 2011 بواسطة Ahmed Anwer

[أسد]

أتمنى ..

أتمنى من الله ..

وليس كثير على الله أن يحقق لي أمنيتي وأمنية الكثيرون ...

أتمنى أن يكون هذا الرجل قد عاد له صوابه ..

وأن يكون قد وجد من ينصحه نصيحة مخلصة ..

وأن يشكل حكومة تضم مصريين .. مصريين بحق .. يريدون أن يعملوا من أجل مصر ..

ليس لهم شركات ولا أموال يريدون زيادتها ..

مصريين شرفاء وطنيين .. وما أكثرهم في مصر

أتمنى أن يخفي تلك الوجوه القبيحة التي طالما نكدت علينا .. وغمت نفسنا ..

أتمنى أن نتخلص من الفساد .. والفاسدين ..

أتمنى أن تنهمر تلك الروح الوطنية الرائعة هادرة تغسل أحزاننا .. وتظهر البلد من اللصوص الكبار .. وحتى الصغار الذين رأيناهم بالأمس يسلبون وينهبون ..

أتمنى أن يفهم .. ويكون قد فهم .. قد فهمنا ..

أتمنى ألا يأتي علينا أكتوبر القادم ومبارك يحكمنا ..

وأن تكون تلك الفترة هي مرحلة لأن تختار مصر رئيسها الجديد ..

أتمنى أن تكون الشهور القادمة هي الطريق .. والبداية .. والإنطلاق لإصلاح مصر ..

مع تلك الأزمة الرهيبة ..

شعرت بالفخر والإعزاز .. عندما تسمع وترى كل محطات العالم تراقب مايحدث في مصر ..

شعرت بالفخر .. لأهمية مصر للعالم كله ..

نحن لسنا هينين ..

بل نحن مهمين جداً ..

ولنظل .. ولنستمر ...

هالني منظر السرقات والنهب والسرقة ..

هالني مشهد شباب ضائع .. لا مبدأ له .. محسوب علينا ..

من زرع حصد ..

هذا ما تمت زراعته خلال السنوات الثلاثين الماضية ..

زرع شيطاني .. فاسد .. يضر بالحقل ..

إجتذوه من أراضينا ..

قلموه .. أو إقلعوه ..

[fatfouta]

هيا قصدها بالكلاب ،،، حسني مبارك و رجالته و نظامه و الأمريكان و اليهود

والنبى قوله يا أحمد الله يخليك

ربنا يرجعك بالسلامة

مصر للطيران امبارح بالليل اجلت كل رحلاتها لمدة 12 ساعة واعتقد كل شركات الطيران بتأجل رحلاتها لمصر برضو

ربنا يسترها معاك ومع كل مصرى فى الخارج ويعرف يرجع بلده فى امان

تم تعديل 29 يناير 2011 بواسطة fatfouta

[عبير يونس]

حصل خير يا فتفت

اللي ما يعرفك يجهلك يا جميل

[fatfouta]

حصل خير يا فتفت

اللي ما يعرفك يجهلك يا جميل

ربنا يخليكى يا مصرية يارب :clappingrose:

بس اتمنى انه مايكونش زعلان

تم تعديل 29 يناير 2011 بواسطة fatfouta

[fatfouta]

مراسل البى بى سى بيقول ان المتظاهرين فيه عدد كبير منهم باتوا فى ميدان التحرير والجيش ماتعرضلهمش واعطاهم بعض الاطعمة والمياة

وان هما هيواصلوا النهاردة تانى وخصوا اان النهاردة أجازة

ويوجد جبهة من شباب مصر عينوا نفسهم للحفاظ على الممتلكات

بس زعلت جداااا على مجمع التحرير هذا المبنى الضخم الذى يضم كل سجلات مصر انه يتحرق كده

حسبى الله ونعم الوكيل فى بلطجية الحكومة اللى حرقوا كل الاقسام ومقر الحزب واى مكان فيه مستند يدينهم ويطلع فضايحهم

تم تعديل 29 يناير 2011 بواسطة fatfouta

[عبير يونس]

شوفوا قناة بي بي سي العربي

http://www.watchfomny.com/News-tv.php

عاملين تغطية كويسة

و عناوين الصحف فرحتني بجد

البريطانيين يقولون أننا كسرنا حاجز الخوف

و هو مكسب عظيم

عقبال تمام النصر يارب

[fatfouta]

R.N.N | شبكة رصد

وصلنا الان من اكثر من راصد من مصر ان الشباب في استجابه فوريه للرصد تم تشكيل دروع بشريه من الشباب الحر للحفاظ علي مصرنا الحبيبه6 minutes ago

[Alshiekh]

والنبى يا أستاذة فتفوتة تقولى لى فى انه حتة باراك اوباما قال انه كلم مبارك من يومين أحسن مش لاقيهاعلشان عايز أعرف مين هم كلاب امريكا دول علشان اشتمهم،

لأن الحقيقة انا سمعته اكثر من مرة وكان ملخص اللى فهمته منه أنه مهتم بشكل رئيسى بحياة الناس وبالاصابات التى لحقت بهم وانه يدعو السلطات المصرية الى الامتناع عن إستخدام العنف ضد المظاهرات السلمية وعلى حق المصريين فى الاجتماعات والتواصل والحصول على حقوقهم الانسانية والتحدث بحرية ، ودعا الحكومة بعدم حجب الشبكات الاجتماعية على الانترنت وعدم قطع خدمة التليفون المحمول والتى اصبحت وسيلة مهمة فى اتصالات القرن الواحد والعشرين.

ونبه على أن على المتظاهرين المصريين "مسؤولية" التظاهر سلميا.

وقال انه يرى أن على مصر انتهاز الفرصة وحضّهم على اجراء اصلاحات اجتماعية واقتصادية.

وقال إنه ابلغ مبارك -حيث تحدث معه بعد خطاب مبارك مباشرة- ان علي مبارك مسؤولية الالتزام بوعده بتنفيذ اصلاحات ، وطالبه باتخاذ خطوات "ملموسة" للاصلاح السياسي، مشيراً إلى أنه ملتزم بالعمل مع الحكومة المصرية والشعب المصري.

http://www.youtube.com/watch?v=MbFHWEgxx-Y

[اغابي]

انا فخورة جدا بالمصريين وببلدى

مصر دولة مهمة جدا وقوي

اتمنى الان من الله ان تكون الحكومة الجديدة تضم شرفاء حقيقين من ابناء الوطن

وانا اثق تمام فى الله اولا - واثق فى ان المصريين الشرفاء كثيرون جدا فى مصر

وددت فقط القى الضوء على نقطتين

اولا : لولا فقط اللصوص اللى سرقو الممتلكات الخاصة والعامة - كان المشهد سيظل للنهاية بصورته المشرقة

اعتقد ما حدث فى الساعات الاخيرة من يوم امس - كان بمثابة الخطوط والرتوش السوداء

فى اللوحة الجميلة التى رسمها شباب مصر من رقى طوال ايام المظاهرات التى كانت محترمة ومتحضرة بكل ما يقال

ثانيا : موقف شبابنا فى المظاهرات الذى عمل دروعا بشرية لحماية المتحف المصرية

من النهب او السرقة وفى انتظار وصول مدرعات الجيش لحمايته

كان مشهد اقل ما يقال عنه انه مشهد تاريخي وانهم شباب مصر الصغارالاقوياء والشرفاء والمتعلمين المثقفين

فهؤلاء هم ابناء وطنى

اتمنى من الله ان يزول الفساد ونظامه - عن بلادي فى اقرب وقت

[pink rose]

صباح الخير عليكم

صبحنا و صبح الملك لله

اخبارنا ايه النهاردة

حاولت اتصل باهلي في مصر لسا الموبايلات مقطوعة

مش هايحترموا نفسهم بقى و لا ايه ولاد ستين في سبعين دول؟

[fatfouta]

والنبى يا أستاذة فتفوتة تقولى لى فى انه حتة باراك اوباما قال انه كلم مبارك من يومين أحسن مش لاقيهاعلشان عايز أعرف مين هم كلاب امريكا دول علشان اشتمهم،

R.N.N | شبكة رصدمسؤل امريكي .. اوباما تحتدث لمده نصف ساعه مع مبارك يوم الاربعاء

أما عن هما مين كلاب امريكا فأنا وضحت قصدى فى المداخلة رقم 16

معقوولة يا أستاذ محمد لسه ماعرفتنيش!!

[hOuSsAm]

يا جماعة اغمى عليا من التعب امبارح وصحيت على خطاب..... مستحملتش وكملت نوم

طيب يا ترى الناس اللى تعبت وباتت فى ميدان التحرير عملت ايه؟

هل فقدت صوابها بعد كل ده

ولا ناوية تعمل ايه

حزنت جدا للسرقات اللى حصلت فى ستى ستارز واركديا وهيلتون واقسام الشرطة ومحلات المجوهرات وحسبى الله ونعم الوكيل

ينبغى عالحكومة(دى لو استمرت) تعويض الناس دى كلها....... عشان ربنا ميرضاش بالظلم

كل الصعب عدى وباقى السهل

[عبير يونس]

أستاذ محمد

لا يخفى على أحد أن نظام مبارك حليف للسياسة الأمريكية

و اوباما قال عنه: ( انه حليف لنا)

و كلينتون كمان قالت ان الحكومة مستقرة في مصر

و هو اللي بينفذ السياسات الأمريكية في المنطقة و خصوصا المتعلقة بدلوعة مامتها اسرائيل

الموقف عامل زي ما تكون السياسة الأمريكية بتشد ودنه و بتقوله مش تعمل كده تاني يا سونسون

و انت يا شعب كفاية بقى بالراحة عليه شوية

و احنا حنخليه يجيبلوكم شوكولاتة

يللا يا ولاد العبوا سوا

أمريكا أساسا بتتدخل ليه؟؟؟

عشان المعونة؟؟

تقطعها

لو المغتربين اللي برة كلهم رجعوا من كل دول العالم

مصر مش بس حتبقى أغنى دولة عربية زي ما كانت في السابق

لا

دي حتبقى أغنى دولة في العالم

المغتربين بعلمهم و أموالهم و مهاراتهم و بأعدادهم ما شاء الله الكبيرة

يستطيعون أن يجعلون مصر غير محتاجة لأي معونة من أي دولة

و تعود الأمور إلى نصابها الطبيعي

[لونا]

على الفضائية المصرية ..

شاهدة عيان تقول إن طول الليل .. و حتى الآن ..أشخاص معاهم سنج و أسلحة يسرقون كارفور المعادي

و بيحملوا كل اللي يقدروا عليه

و على الbbc

واحدة قالت نفس الكلام على محلات نادي الزمالك

بس كمان بيحرقوا المحلات بعد ما يخلصوا اللي فيها

ده غير مجمع التحرير و أقسام الشرطة ووو..

مش عارفة ده طبيعي ؟

ناس عادية تسرق و تحرق لمجرد إن ما فيش أمن؟

يعني ما فيش أي ضمير أو وازع ديني أو أخلاقي ؟

و لا دول مش ناس عادية و لكن بلطجية و بينفذوا المطلوب منهم؟؟؟؟

ربنا يستر عليكي يا مصر

[Alshiekh]

يا جماعة اغمى عليا من التعب امبارح وصحيت على خطاب..... مستحملتش وكملت نوم

طيب يا ترى الناس اللى تعبت وباتت فى ميدان التحرير عملت ايه؟

هل فقدت صوابها بعد كل ده

ولا ناوية تعمل ايه

حزنت جدا للسرقات اللى حصلت فى ستى ستارز واركديا وهيلتون واقسام الشرطة ومحلات المجوهرات وحسبى الله ونعم الوكيلينبغى عالحكومة(دى لو استمرت) تعويض الناس دى كلها....... عشان ربنا ميرضاش بالظلم

كل الصعب عدى وباقى السهل

أعتقد ان ماحدث كان مقصودا ، يعنى بيقولوا لنا ياترضوا بالذل ونضربكوا بالجزمة ونحميكم ، يا اما حنسيب عليكم البلطجية والحرامية وحنعمل نفسنا مش عارفينهم وحنغمض عينينا ، وهو ده اللى حصل.

[م تيمور المراغي]

يا جماعة اغمى عليا من التعب امبارح وصحيت على خطاب..... مستحملتش وكملت نوم

طيب يا ترى الناس اللى تعبت وباتت فى ميدان التحرير عملت ايه؟

هل فقدت صوابها بعد كل ده

ولا ناوية تعمل ايه

حزنت جدا للسرقات اللى حصلت فى ستى ستارز واركديا وهيلتون واقسام الشرطة ومحلات المجوهرات وحسبى الله ونعم الوكيلينبغى عالحكومة(دى لو استمرت) تعويض الناس دى كلها....... عشان ربنا ميرضاش بالظلم

كل الصعب عدى وباقى السهل

أعتقد ان ماحدث كان مقصودا ، يعنى بيقولوا لنا ياترضوا بالذل ونضربكوا بالجزمة ونحميكم ، يا اما حنسيب عليكم البلطجية والحرامية وحنعمل نفسنا مش عارفينهم وحنغمض عينينا ، وهو ده اللى حصل.

دي بلطجيه مبعوته من الحزب الزفت عشان زي ماقلت حضرتك بالظبط ,,

ان شاء الله سيتم تشكيل مجموعات لحفظ النظام من الشباب المصري كل موجود في منطقته ,,

مش دول الناس اللي خرجت في المظاهرات دول بلطجية الحزب والحكومه اللي حرقوا مقرات الحزب وسجلاته واخفوا اجهزة الكمبيوتر

[عبير يونس]

على الفضائية المصرية ..

شاهدة عيان تقول إن طول الليل .. و حتى الآن ..أشخاص معاهم سنج و أسلحة يسرقون كارفور المعادي

و بيحملوا كل اللي يقدروا عليه

و على الbbc

واحدة قالت نفس الكلام على محلات نادي الزمالك

بس كمان بيحرقوا المحلات بعد ما يخلصوا اللي فيها

ده غير مجمع التحرير و أقسام الشرطة ووو..

مش عارفة ده طبيعي ؟

ناس عادية تسرق و تحرق لمجرد إن ما فيش أمن؟

يعني ما فيش أي ضمير أو وازع ديني أو أخلاقي ؟

و لا دول مش ناس عادية و لكن بلطجية و بينفذوا المطلوب منهم؟؟؟؟

ربنا يستر عليكي يا مصر

أستطيع أن أؤكد أن حتى الحرامي المصري

قصدي طبعا الحرامي اللي بيسرق عشان مش لاقي ياكل

اللي لا يقام عليه الحد

النوع ده من الحرامية ما يعملوش اللي حصل ده

مؤكد دول مأجورين

للانتقام من المتظاهرين

و لإقناع الشعب بأهمية الشرطة

و ان الشعب خسر لما ما سمعش كلام الشرطة

و لمعاقبة المتظاهرين

ليلقى الشعب باللوم عليهم بأنهم السبب في اللي حصل

يمهل و لا يهمل

فلنحسن الظن في الله تعالى

فهو وحده من سينصرنا

[the consultant]

يا جماعة الله يكرمكو اللي عنده اي خبر جديد ينقله هنا على المحاورات لانها الطريق الوحيد لمعرفة الاخبار كل المواقع المصرية الاخبارية قافلة

[م تيمور المراغي]

شبكة رصد وصلنا الان من اكثر من راصد من مصر ان الشباب في استجابه فوريه للرصد تم تشكيل دروع بشريه من الشباب الحر للحفاظ علي مصرنا الحبيبه

شبكة رصد الا يستحق الشهداء الذين سقطوا اعتذاراً من سيادة الرئيس .. ام انهم أمر ليس بالأهمية لأن يفرد لهم جملة اعتذار أوعزاء لأهاليهم بخطابه المتأخر

لن نتنازل عن دماء الشهداء