25 يناير ... موعد المصريين (18)

[م تيمور المراغي]

معلش يا جماعة

هاخدكم بس شوية من جو الحماس ده

دلوقتي علي دريم 2 واحد اتصل منهار جدااا وبيبكي في برنامج الحقيقة بيقول ان اخته كانت خرجت في المظاهرات بس مش علشان اسقاط النظام ولا حاجة خرجت قدام المحافظة مع زميلاتها علشان تطالب برفع الاجور

بعد كده اختفت وبعدين اكتشفوا انها في امن الدولة بعد كده امن الدولة بيقول مش عندهم

وراح عمل بلاغ للنائب العام واللي يسمع الولد ده قلبه يقع

واحدة تانية اتصلت

بتقول ابنها عنده 15 سنة اختفي لما كان رايح مع اصحابه التحرير وقلبوا عليه الدنيا واخر حاجة سمعوها انه في الجيش الحربي ومش عارفين يوصله له

حرام كده

الوضع لو ما بقاش اهدي الايام اللي جاية ناس مالهاش ذنب بتدفع التمن

محدش عارف حاجة والله

ولا انا كمان بقيت عارف حاجة

فين الصح وفين الغلط

الله اعلم

يا بختهم

ياريتني كنت مكانهم ,,

انك تتسجن عشان وطني وقلت لأ لولاد الحرام

وراكم وراكم يا ولاد الحرام

[Om Zayd]

معلش يا جماعة

**************

حرام كده

الوضع لو ما بقاش اهدي الايام اللي جاية ناس مالهاش ذنب بتدفع التمن

محدش عارف حاجة والله

ولا انا كمان بقيت عارف حاجة

فين الصح وفين الغلط

الله اعلم

انت فاكر ان الناس دي ممكن تقف دلوقت؟

و فرضضا فقرروا الرجوع لبيوتهم.. الاعتقالات هتقف؟؟؟؟

هنضحك على نفسنا؟؟

ادعي قوي قوي

[Simba]

واحد من موظفي التلفزيون اسمه خالد اتصل علي برنامج الحقيقة دلوقتي

وقاعد يقول ما لذ وطاب في انس الففي

وعايز انه يتقال ويتحاكم

علي راي اسماعيل ياسين

صلاة النبي احسن

[fatfouta]

لو حد فاتح التليفزيون المصرى دلوقتى فيه مذيع نازل للناس وعمال يهدى فيهم حتى المذيعة رشا بتقول ده زميلنا فى قناة الاخبار وبنحاول نتصل بيه ونشوف فى ايه

تقريبا الراجل عاوز يعدى والناس مش بتدخل ولا تخرج حد ويا عينى بقاله ساعة بيتوسل للناس وهما بيشاوروله لأ لأ

طب عاوز ايه منهم؟؟؟

[م تيمور المراغي]

قال صحيح مبارك ساب البلد وسافر وفيه بيان بعد قليل؟؟؟

طب بيان من مين؟؟ من الجيش ولا من مبارك ولا من المذيع؟؟

معلش اصلى كنت نايمة وصحيت عالخبرين دول قولت يعنى البيان هيكون ايه ممكن يقولنا الفالانتاين قرب وكل سنة وانتوا طيبين يا ولاد

يعنى لما البلد كلها خرجت النهاردة فى الشوارع هما مستنيين ايييييييه؟؟؟؟؟؟؟؟؟

ماحدش حيدينا حريتنا لا مجال للشك في هذا

لا الرئاسه ولا الجيش ولا امريكا ,,

مافيش غير ارادة المصريين الصلبه

هي فقط الامل وهي المصير ,,

[fatfouta]

المتحدث باسم القوات المسلحة يدخل الأن مبنى التليفزيون ويؤكد للمتظاهرين أنه سيلقي الآن بيانًا يحقق مطالبهم

[ذهبية]

اتوقع ان البلد تكون تحت قبضة الجيش

و يقول ان مبارك غادر البلاد

اعتقد ان دة هو البيان الثالث

عموما نحن فى انتظار البيان

[م تيمور المراغي]

التكنوقراطية،

كلمة اصلها يوناني كلمات Tecne (فني أو تقني) Cratos (السلطة)، وباعتبارها شكلا من أشكال الحكومة، تعني حرفيا حكومة الفنيين.

التكنوقراطية او التقنقراطية حركة بدأت عام 1932 في الولايات المتحدة, وكان التكنوقراطيون يتكونون من المهندسين والمعماريين والاقتصاديين المشتغلين بالعلوم ودعوا إلى قياس الظواهر الاجتماعية ثم استخلاص قوانين يمكن استخدامها للحكم على هذة الظواهر وإلى أن اقتصاديات النظام الاجتماعي هي من التعقيد بحيث لا يمكن أن يفهمها ويسيطر عليها رجال السياسة ويجب أن تخضع إدارة الشؤون الاقتصادية للعلماء والمهندسين, وكانت هذه الدعوة نتيجة طبيعية لتقدم التكنلوجيا.

التكنوقراط هم النخب المثقفة الأكثر علما وتخصصا في مجال المهام المنوطه بهم, وهم غالباً غير منتمين للأحزاب. والتكنوقراط كلمة مشتقة من كلمتين يونانيتين: (التكنلوجيا ):وتعني المعرفة أو العلم ،و ( قراط ) وهي كلمة اغريقية معناها الحكم, وبذلك يكون معنى تكنوقراط حكم الطبقة العلمية الفنية المتخصصة المثقفة.

الحكومة التكنوقراطية: هي الحكومة المتخصصة غير الحزبية التي تتجنب الانحياز لموقف أي حزب كان وتستخدم مثل هذه الحكومة في حالة الخلافات السياسية.

مثال:دكتور متخصص في العلوم السياسية يسند له منصب رئاسة الحكومة, طبيب معروف وخبير في الطب ينال وزارة الصحة, ودكتور متخصص في الاقتصاد وزارة الاقتصاد, وآخر متخصص في التكنلوجيا وزارة الاتصالات وهكذا

نقلا عن ويكيبيديا

[شرف الدين]

(خاص - الجريدة الكويتية) - كشف وزير الداخلية السابق حبيب العادلي أثناء التحقيقات معه عن وجود غرفة في مقر الحزب 'الوطني الديمقراطي' الرئيسي في ميدان التحرير بالقاهرة، يعلم مكانها ويحتفظ بأسرارها كل من أمين الحزب السابق صفوت الشريف وأمين لجنة السياسات السابق جمال مبارك، تحتوي على تقارير موثقة بالصوت والصورة والمستندات لما سماه 'جرائم' كبار المسؤولين بالدولة والبعثات الأجنبية العاملة في القاهرة.

وقال العادلي إن هذه التقارير كانت تسلم أولا بأول إلى الشريف ومبارك الابن وانهم كانوا يخفونها في غرفة مجهولة في مقر 'الوطني' الرئيسي، وانهم كانوا يطلقون عليها 'غرفة جهنم'.

وأكد الوزير السابق الموضوع تحت الإقامة الجبرية رهن التحقيقات، أنه كان عضوا من أعضاء الحكومة وليس كل شيء بها، وأنه لم يكن الآمر الناهي الوحيد في الوزارة ، بل كان ينفذ في أغلب الأحيان تعليمات عليا كانت تأتي إليه عبر الهاتف من قيادات بارزة في الحزب الحاكم.

وأشار إلى أن التنظيم السري الذي تم تأسيسه في الوزارة عام 2000 باسم 'الجهاز السري للأمن السياسي' كان يعمل تحت قيادته المباشرة ولم يكن هدفه التخريب بشكل مباشر، كما أشيع خلال الأيام الماضية، مؤكدا أن هذا التنظيم كان هدفه الأساسي إعداد تقارير 'غرفة جهنم'.

وقال العادلي في ثالث جلسات التحقيق معه بمعرفة نيابة أمن الدولة العليا، إن الاتهامات الموجهة إليه مضحكة، وانه قدم ككبش فداء للنظام، وذلك بسبب كره عدد كبير من الشعب له ظنا من النظام أن مثل هذا الإجراء سوف يهدئ من روع المواطنين، وأضاف: 'لكن الناس لم تصدق أنني المجرم في حقهم، لأن الجميع في مصر وخارجها يعلمون أنني وجميع الوزراء نعمل طبقا لتعليمات السيد الرئيس وليس من رؤوسنا، لأننا باختصار دورنا مختزل في رفع التقارير والتوصيات إلى الرئيس وهو صاحب القرار، وبالتالي فإن أي اتهام موجه إلي يجب أن يسأل عنه الرئيس لا أنا'.

وشدد على أنه لن يقبل أن يكون 'كبش فداء لرجال الأعمال'، واعدا بتقديم مستندات تدين الجميع وتبرئ ساحته وتلقي بالاتهامات الموجهة إليه على رؤوس أصحابها الحقيقيين.

وطالب العادلي في نهاية جلسة التحقيق الثالثة التي لم تستمر إلا حوالي نصف ساعة بإرجاء التحقيق إلى حين إجراء اتصالات بمقربين، لإحضار المستندات التي ذكرها في التحقيق إلى محل إقامته الجبرية، وبناء عليه تم تأجيل جلسات التحقيق إلى بعد غد السبت المقبل لتقديم المستندات.

------------------------------------------------------

سؤال: هل وجود غرفة جهنم هذه يفسر حريق مقر الحزب الوطني ؟

[سكر]

د حسام بدراوى يعلن استقالته من الحزب الوطنى

على قناة الحياة

[fatfouta]

التليفيزيون يعتذر للناس على الهواء ويقول كنا مجبرين والمعلومات التي تصلنا خطأ

تم تعديل 11 فبراير 2011 بواسطة fatfouta

[عنبو]

بلاش تفاؤل يا جماعه

بلاش تفاؤل يا جماعه

خلينا هادين خالص

علشان مافيش حد فينا يقع من الصدمه

[Om Zayd]

انتوا سمعتوا التليفزيون المصري و هوا بيعتذر لنا و بيقول انه معانا؟؟

[م تيمور المراغي]

حسام بدراوي استقال

[لونا]

كنت عايزة أقول لكم بلاش يا جماعة نتفائل أوي علشان ما ننزلش على ما فيش زي إمبارح

و بعدين قلت بلاش كدة

تفائلوا بالخير .. تجدوه

يا رب احفظ مصر و المصريين

يا رب سلم .. يا رب سلم

[Om Zayd]

ايه بيان الثوار اللي على الأولى ده؟

[شرف الدين]

التليفيزيون يعتذر للناس على الهواء ويقول كنا مجبرين والمعلومات التي تصلنا خطأ

اعتقد أن الجيش هو اللي هيمسك البلد في الفترة القادمة

[رضوي]

استقالة حسام بدراوري

[fatfouta]

انتوا سمعتوا التليفزيون المصري و هوا بيعتذر لنا و بيقول انه معانا؟؟

انا شوفت رشا المذيعة متأثرة قوى وهتعيط

[شرف الدين]

انتوا سمعتوا التليفزيون المصري و هوا بيعتذر لنا و بيقول انه معانا؟؟

انا شوفت رشا المذيعة متأثرة قوى وهتعيط

أنا بصراحة يا فتفوتة مبقيتش اتابع التلفزيون المصري خالص