25 يناير ... موعد المصريين (18)

[امير مجروح]

انا حاسس فى مخطط مدروس و متكتكله كويس بي ايه هو الله اعلم .... ربنا يستر

[fatfouta]

ما بأحبش الرقص على السلالم

الجيش .. إنت معانا ولا مش معانا

الجيش الأن يقوم بإرسال الاف الرسائل النصية إلى الموبايلات في مصر يطمنهم إنه معاهم

وبعدين ؟؟

أيوه يعني أخرة التثبيت ده إيه ؟

الضربة القاضية لابد ان تحدث الأن قبل غداً ...

ده تخبط والله انا مش فاهمة حااااااااااجة

[se_ Elsyed]

أكبر غلط

الالاف تتوجه الان إلى قصر العروبة

في الضلمة وبالليل وبعيداً عن الكاميرات .. غلطططططططططططططططططططططططط

ربنا يستر

[fatfouta]

الجزيرة:عبد الحليم قنديل: هذا الرجل فقد الحواس كلها (يتحدث عن مبارك)

[Ahmed Anwer]

نقلا عن واحد صاحبي في منطقة مجلس الشعب و ميدان التحرير

فيه ناس أغمي عليها و أصيبت بأزمات قلبية أثناء إلقاءه الخطاب

و العيادات شغاله عليهم

الناس ما بين عايزين يطلعوا علي القصر و مبني التليفزيون

و ما بين بكره هنصلي العصر في القصر

و المظاهرات ممتدة و حاشدة من أول ميدان التحرير و في ميدان رمسيس و غمرة

عند المسجد الشهير للسنية

و في ميدان العباسية و بجوار الكاتدرائية يعني قريبين جدا جدا من القصر الجمهوري

و بخصوص موقف الجيش منهم ،، بيقولي الجيش نفسه مش فاهم اي حاجة

و مش عارف يعمل أيه ،،

و ربنا يستر ،،،،

[fatfouta]

الناس اغمى عليها بعد خطاب اللى ما يتسمى منه لله

[لونا]

مس لونا

يا ريت السيناريو اللي كتبتيه يكون صحيح

يعني حضرتك هو ده اللي احنا عاوزينه .. لأن لو كدة الجيش عاوز يجيبها من الشعب .. ماشي يا سيدي

لكن للأسف أعتقد إن مش هو ده اللي حصل .. و لو هو يبا اشطة أوي (سوري على اللغة)

قصدك إن الجيش باعنا ؟؟؟؟

أتمنى من الله ألا يكون هذا صحيحًا

يا رب احفظ مصر .. و احفظ المصريين

[fatfouta]

عااااااجل:::::

عاجل: الشيخ خليفة بن زايد ال نهيان يستقبل حسني مبارك رسمياً .دبي (لوكل نيوز الامارات) 11/02/2011: علمت لوكل نيوز الامارات ان رئيس دولة الامارات سيستقبل الرئيس المصري حسني مبارك رسمياً في ابوظبي.

جاء ذلك وفق الترتيبات التي عرضها وزير الخارجية الاماراتي عبد الله بن زايد ال نهيان خلال زيارته الاخيرة الى القاهر...ة.

الراجل هيسيبنا مولعين ويمشى

[عبير يونس]

خدعة كبرى

و كارثة شيطانية يتم تدبيرها

لا تنخدعوا

لا تنخدعوا

لا تنخدعوا

لا ثقة إلا بك يارب

لاثقة إلا بك يارب

لا ثقة إلا بك يارب

اليقين

اليقين

اليقين

[mekkawy]

العالم كله مقلوب من أكبر قوة لأصغر قوة

شفتوا يا ولاد أد ايه احنا جامدين و مهمين في العالم كله

شفتوا العالم كله مقلوب و صاحي ازاي عشان مصر و اللي عمله شباب مصر

و الكلاب فهمونا و خلونا في ديل الأمم و إحنا بالعكس تماماً حقيقتنا إننا قادة للأمم

شفتوا رخصونا إزاي و حسسونا و أقنعونا إننا رخاص و إحنا للأسف صدقنا .. بس النهاردة عرفنا و العالم كله عرف قد ايه المصري غالي

من هنا و رايح .. قدام كل واحد مننا اشارة حمراء بتقول للعالم .. خد بالك ... أنا مصرى

[mekkawy]

تنبيه || أكثر من 50 ألف حساب وهمي على فيس بوك أنشأتها اللجنة الالكترونية بالحزب الوطني طبقا لمصادر مسئولة منها وائل غنيم في حديثه للعاشرة مساءا أخبر بذلك ، والهدف منها هو التأثير على اتجاهات الشباب من خلال كومنتات محبطة ومثبطة ..وقد كانوا يئسوا إلى ماقبل خطاب مبارك ..وهم قد عاودوا نشاطهم بعد الخطاب ونجن نهيب بروادنا أن يهملوا آراءهم المحبطة تماما وألا ندخل معهم في أي حوار حتى لو شتموا

[لونا]

طيب يا جماعة حد عنده معلومات من أرض الواقع عن اللي بيحصل في رفح

ده شيء خطير و يجب أنه لا يتوه في الأحداث

يا رب احفظ مصر و المصريين

[fatfouta]

ردود الفعل بعد الخطاب

[امير مجروح]

مجموعة من شباب الثورة يتجهوا الى القصر الجمهورى

[mekkawy]

عااجل || الجيش المصري يرسل رسائل SMS مفادها أنه سيذيع بيان بعد قليل

[fatfouta]

عااجل || الجيش المصري يرسل رسائل SMS مفادها أنه سيذيع بيان بعد قليل

بعد قليل امتى بقى الساعة بقت واحدة فى مصر

اتوقع ان الجيش هيطلع بالبيان اللى هو ويعلن الاحكام العرفية وساعتها بقى يبقى الدنيا هتولع لان الشعب خلاص مابقاش نافع معاه لا حظر تجول ولا احكام عرفية

تم تعديل 10 فبراير 2011 بواسطة fatfouta

[mekkawy]

انتوا نمتوا يا شباب ولا ايه .. مع بعض بليز

اصبروا و صابروا و رابطوا

[ذهبية]

اقدر اقول بمنتهى الثقة

مصر الان فى خطر

بجد اكاد ارى امامى المستقبل مظلم للغاية

للاسف الشديد نحن بين سلطة فقدت كل شىء و شعب فقط كل السيطرة

بطىء و غباء السياسى و انانيتة هيدوا الشعب فى داهبة

و الشعب تعدى مرحلة الغليان و يريد تنفيذ رغبانة بدون اى تنازل

انا اخشى بكل اسف للتدخل الخارجى القريب

و ساعتها يلام كل من الرئيس وكل من الشعب ايضااااا

[fatfouta]

تنبيه || أكثر من 50 ألف حساب وهمي على فيس بوك أنشأتها اللجنة الالكترونية بالحزب الوطني طبقا لمصادر مسئولة منها وائل غنيم في حديثه للعاشرة مساءا أخبر بذلك ، والهدف منها هو التأثير على اتجاهات الشباب من خلال كومنتات محبطة ومثبطة ..وقد كانوا يئسوا إلى ماقبل خطاب مبارك ..وهم قد عاودوا نشاطهم بعد الخطاب ونجن نهيب بروادنا أن يهملوا آراءهم المحبطة تماما وألا ندخل معهم في أي حوار حتى لو شتموا

[mekkawy]

الفاضلة ذهبية

لا أخاف من التدخل الأجنبي قدر خوفي من الظلم الداخلي

التدخل الأجنبي شعب مصر يقدر عليه .. كله يخاف من المصريين و عارف يعني ايه مصري في الحرب .. انا مش خايف أبداً من التدخل الخارجي لأنه مستبعد و لو حصل هينتهي بأسرع من حدوثه

القضية الأكبر دلوقتي هي الحال الداخلي

و عامة ربنا يستر علينا من الداخلي و الخارجي و يكفينا شر المستخبي