25 يناير ... موعد المصريين (18)

[fatfouta]

ايه بيان الثوار اللي على الأولى ده؟

ده اللى قاله وائل غنيم برضو على بى بى سى الصبح

[شرف الدين]

تخيلوا يا جماعة لو مبارك طلع في البيان الرئاسي الجاي ده وقال ( سوف أعمل سوف أظل )

[fatfouta]

انتوا سمعتوا التليفزيون المصري و هوا بيعتذر لنا و بيقول انه معانا؟؟

انا شوفت رشا المذيعة متأثرة قوى وهتعيط

أنا بصراحة يا فتفوتة مبقيتش اتابع التلفزيون المصري خالص

لا ده بيعيطوا اهو وبيقولوا كلام حلو الظاهر عشان الناس محاصرة التليفزيون ومش راضيين يدخلوهم ولا يخرجوهم

فـ بيتوسلوا للناس

وبعدين برضو الواحد يا شرف يا خويا لازم يشوف الرأى والرأى الآخر

[مغتربة]

كنت عايزة أقول لكم بلاش يا جماعة نتفائل أوي علشان ما ننزلش على ما فيش زي إمبارح

و بعدين قلت بلاش كدة

تفائلوا بالخير .. تجدوه

يا رب احفظ مصر و المصريين

يا رب سلم .. يا رب سلم

معاكى يا لونا فى كل حرف

لو بطلنا نحلم نموت

زمان كانوا بيقدروا يسيطروا علينا علشان كانوا قادريين يموتوا فينا الامل

لكن دلوقتى لا

دلوقتى عرفنا ان احنا لما بنتمسك باملنا هما الى بيبقوا خايفين

مش هنمشى هو الى هيمشى

و ان شاء الله النهارده احلى و اجمل من المبارح

[ذهبية]

اشتباكات بين المتظاهرين و الشرطة فى سوهاج

[مغتربة]

من العربيه اربعه قتلى فى اشتباكات فى العريش

[ياسر]

السلام عليكم,

يا تري يا جماعة لو كل واحد فينا كان من المتظاهرين اللي في ميدان التحرير بالذات كان اية هيبقي موقف كل واحد فينا؟ هيمشي و ينتظر التعديلات ولا هيقعد و يطالب بتنحية الرئيس فضلا عن محاكمتة؟

لما الشباب الرائع دة قام بالمظاهرات اللي تحولت لثورة كان ليهم مطالب محددة,, ايوة تطورت و زادت بس نقدر نجملها و نقول انها : تنحي الرئيس و اسقاط نظامة,,الغاء قانون الطوارئ ,, محاكمة المسئولين عن احداث الاربعاء و الجمعة ,,, و محاسبة الفاسدين.

لو انا كنت من الشباب الرائع دة انا كنت همشي انتظارا للتطبيق العملي لما تعهد بة الرئيس و ضمنة الجيش

لية هامشي؟

لان بدات فعلا محاسبة الفاسدين او خلينا نقول رموز الفاسدين

و بدا فعلا محاسبة حبيب العادلي باعتبارة مسئول عن احداث الاربعاء و الجمعة تحديدا

و الرئيس الغي المادة 179 الخاصة بقانون الطوارئ

بالاضافة لتعديل خمس مواد من اهم مواد الدستور

بقيت النقطة الاخيرة الخاصة بتنحي او استقالة الرئيس و كلنا عارفين ان مبارك انتهي يوم 25 مع بداية المظاهرات ووجودة مجرد وجود رمزي بغض النظر عن تفويض سلطاتة لعمر سليمان فما بالك بعد ما فوض.

و بعدين هو تنحي او استقالة مبارك هتجيب اية من الانجازات اكتر من كدة.

زي ما قلت انا شخصيا همشي و هنتظر اية اللي هيحصل و هعتبر نفسي منتصر و اذا لقيت القرارات دي بيتلعب بيها هانزل تاني و ما اسهل الخروج تاني بعد ما حدث,, مصر قبل 25 مش هي مصر بعد 25

اتمني تشاركوني الراي و تقولو اذا كنتو من المتظاهرين هتمشوا بعد خطاب الرئيس و ضمان الجيش ولا هتستمروا ,, و لية.

رسايل صغيرة كدة علي جنب

لما لاحظت الاعلام العربي لقيت ان قناة زي الجزيرة عندها جبل حقد علي مبارك و مصر و طبعا قناة موزة حقدها علي مبارك اكبر لانة منعها من ممارسة دور اكبر بكتير من موزة و لان مبارك نفسة كان ضد التدخلات الايرانية في الشأن العربي

الملاحظة التانية اني تابعت علي قناة موزة مباشر الاخوة العرب ماشااللة ظهر حب مفاجئ لمصر و المصريين و دة حب انا بشوفة بس لما مصر تكون في ازمة مادامت الازمة بعيدة عنهم,,, فمثلا لاحظوا رسائل اخواننا السوريين ماشااللة رسائل ثورة و حب و غزل في الثورة و الشعب,, بينما علي ارض الواقع مافيش سوري واحد حدف طوبة علي جندي او مستوطن يهودي في الجولان المحتل من اكتر من اربعين سنة,بالاضافة لقمع الحريات المشهورة بية سوريا,حزب البعث بقي و التقارير اللي بيكتبوها في بعض,, تعرفوا ان الفاس بوك و تويتير ممنوعين في سوريا, و قيس علي كدة بقية الاشقاء العرب,,, يا تري دة يأكد مقولة ناعوم تشومسكي بان العرب ظاهرة صوتية؟؟ ولا زي ما قال واحد اللة يرحمة العرب عاوزين مصر تسيب الاعتدال و تنجرف للحرب حتي اخر جندي مصري؟

اخيرا اتمني من كل واحد فينا يسمع خطاب المرشد بتاع ايران و تصريحات حسن نصر اللة الخاصة بثورة مصر,, ويسأل نفسة يا تري الناس دي عايشين في حرية و بيحبوها و من طيبتهم و كرمهم عاوزين يصدروا الحرية للمصريين المقموعين الغلابة

اخيرا بجد المرة دي,,, كلنا بنحب مصر,, و انا شخيا ماعتقدش ان في مصري واحد مابيحبش بلدة حتي الناصريين ( معلش اصل ماعنديش مرارة ليهم)

و فكرة التخوين فكرة غير محببة.

اللهم ارنا الحق حقا و ارزقنا اتباعة, و ارنا الباطل باطلا و ارزقنا اجتنابة و هيئ لمصر و شعبها امر رشد و صلاح يأمر فية بالمعروف و ينهي فية عن المنكر.

[عربي غيور]

قلوبنا معكم وصلواتنا ودعواتنا لله بنصركم على فراعنة الزمان

لله دركم ياشعب مصر العروبة

تحية لمن رفع رؤوسنا واثبت للعالم ان الروح العربية لم تمت

تحية لكم ايها الشرفاء المثابرين على جبهات القتال في وجة الطغاة

هنيئا لكم ايها الابطال ماصنعتوة من مجد وشرف

الرحمة والمغفرة لشهداء ثورة 25يناير

الموت والعار والخزي لعملا الصهيونية وسارقي وناهبي ثروة مصر العروبة

اللعنة لحسني مبارك بلاطجتة الماجورين

اللعنة لكل خائن عربي

ربنا يبارك لكم ويسدد خطاكم ويجنب ارضكم الشر

اخوكم عربي

[م تيمور المراغي]

يارب متحدث الجيش مايكونش تنح يااااااارب زي التنح التاني وتابعه قفه

اللهم امين ؟؟

[شرف الدين]

انتوا سمعتوا التليفزيون المصري و هوا بيعتذر لنا و بيقول انه معانا؟؟

انا شوفت رشا المذيعة متأثرة قوى وهتعيط

أنا بصراحة يا فتفوتة مبقيتش اتابع التلفزيون المصري خالص

لا ده بيعيطوا اهو وبيقولوا كلام حلو الظاهر عشان الناس محاصرة التليفزيون ومش راضيين يدخلوهم ولا يخرجوهم

فـ بيتوسلوا للناس

وبعدين برضو الواحد يا شرف يا خويا لازم يشوف الرأى والرأى الآخر

المشكلة يا فتفوتة إن التلفزيون المصري مبقاش يعبر عن الرأي الآخر

ده بقى عبارة عن الخبر الكاذب

[رضوي]

رويترز : متحدث باسم الجيش يصل الي مبني التليفزيون

خير خير يارب خير

[ذهبية]

فية مؤتمر غدا فى المنصورة فى نادى الزراعين بجوار الاستاد المنصورة الرياضى

يحضرة الشيخ محمد حسان

و دكاترة من المنصورة

وذلك لجعل مصر دولة اسلامية

[عبدالحميد ابراهيم]

الان مصطفى بكرى على الحياه بيقول ان مبارك سيتنحى

[fatfouta]

الحرة | أنباء غير مؤكدة | البيان الرئاسي المرتقب سيتضمن تنحي مبارك ونقل سلطاته للجيش

تااااااااااااانى وفى نفس الوقت من كل يوم خلصونا بقى الناس تعبببببببببتتتتت

[أحمد سيف]

التليفيزيون يعتذر للناس على الهواء ويقول كنا مجبرين والمعلومات التي تصلنا خطأ

بكده انتهى عصر الرياله الإعلاميه

[م تيمور المراغي]

قلوبنا معكم وصلواتنا ودعواتنا لله بنصركم على فراعنة الزمان

لله دركم ياشعب مصر العروبة

تحية لمن رفع رؤوسنا واثبت للعالم ان الروح العربية لم تمت

تحية لكم ايها الشرفاء المثابرين على جبهات القتال في وجة الطغاة

هنيئا لكم ايها الابطال ماصنعتوة من مجد وشرف

الرحمة والمغفرة لشهداء ثورة 25يناير

الموت والعار والخزي لعملا الصهيونية وسارقي وناهبي ثروة مصر العروبة

اللعنة لحسني مبارك بلاطجتة الماجورين

اللعنة لكل خائن عربي

ربنا يبارك لكم ويسدد خطاكم ويجنب ارضكم الشر

اخوكم عربي

ارحب بيك وسط اخوانك و اخواتك اخ عربي ,,

وان شاء الله كلنا معا حتى النصر ..

[مغتربة]

فية مؤتمر غدا فى المنصورة فى نادى الزراعين بجوار الاستاد المنصورة الرياضى

يحضرة الشيخ محمد حسان

و دكاترة من المنصورة

وذلك لجعل مصر دولة اسلامية

كل من خرج فى المظاهرات و كل المطالب التى اعلنت و كل التاييد هو لدوله مدنيه

الشباب المتحضر الفاهم الى قام بالثوره العظيمه دى يستحيل انه يسيب حد يسرقها او يحاول يطلع على كتافها لتحقق اغراض معينه

بلاش اللعب بكارت الدين دلوقتى لانه بجد هيحرق كل حاجه فى سكته

الشيخ محمد حسان مع احترامى الكامل ليه بالطبع لكن مطلوب الاول منه انه يحدد موقفه الى اتغير على مدار الثوره اكتر من ثلاث مرات

مصر دوله مدنيه و لن تكون ابدا افغانستان او باكستان

تم تعديل 11 فبراير 2011 بواسطة مغتربة

[arkan]

الحرة | أنباء غير مؤكدة | البيان الرئاسي المرتقب سيتضمن تنحي مبارك ونقل سلطاته للجيش

تااااااااااااانى وفى نفس الوقت من كل يوم خلصونا بقى الناس تعبببببببببتتتتت

والله يافتفوتة انا تعبت وسايبة شغلى ومش مركزة خالصة

امبارح عملت فرح لما كان عندنا امل انه يتنحى

يارب يعملها النهاردة خلينا نشوف شغلنا

[fatfouta]

مصادر: مبارك يعلن تنحيه من منصبه فى بيان رسمى بعد قليل

الجمعة، 11 فبراير 2011 - 17:37

كتب دندراوى الهواري

كشفت مصادر مطلعة لـ"اليوم السابع" أن الرئيس مبارك سيعلن فى بيانه بعد قليل تنحيه عن منصبه، وحل مجلسى الشعب والشورى، وإلغاء حالة الطوارىء.

كما أكدت المصادر أن القوات المسلحة المصرية بصدد إعداد البيان رقم 3 عقب بيان الرئيس مبارك يؤكد فيه ضمانات الجيش لكافة مطالب الثورة الشعبية وحمايتها، وتنفيذها وفق جدول زمنى.

http://www.youm7.com/News.asp?NewsID=350143

تم تعديل 11 فبراير 2011 بواسطة fatfouta

[عنبو]

فية مؤتمر غدا فى المنصورة فى نادى الزراعين بجوار الاستاد المنصورة الرياضى

يحضرة الشيخ محمد حسان

و دكاترة من المنصورة

وذلك لجعل مصر دولة اسلامية

طيب ده وقته يانهار مش فايت على الناس اللى مش عاوزه تفهم حاجه خالص

ياااااااااربى

لا يوجد فى الاسلام مصطلح يسمى باسم الدوله الاسلاميه

والنبى الناس دى تخيلها قاعده بعيد وتسيب الشعب هو اللى يقرر

يخلوهم فى نفسهم

ايه القرف ده

الكلام مش ليكى يا ذهبيه علشان متزعليش