25 يناير ... موعد المصريين (18)

[fatfouta]

الجزيرة..

خطاب مبارك فاجأ رئيس السي آي إيه حيث أعلن الأخير عصرا في اجتماع بمكتبه أن الرئيس مبارك سيعلن تنحيه اليوم في العاشرة مساءا بتوقيت القاهرة وهو مالم يحدث

تم تعديل 11 فبراير 2011 بواسطة fatfouta

[سكر]

يارب احمى مصر وشباب مصر

http://www.youtube.com/watch?v=bN5DOBi2JYc

[سكر]

الجزيرة..

خطاب مبارك فاجأ رئيس السي آي إيه حيث أعلن الأخير عصرا في اجتماع بمكتبه أن الرئيس مبارك سيعلن تنحيه اليوم في العاشرة مساءا بتوقيت القاهرة وهو مالم يحدث

دة التفسير الوحيد حتى الان للمونتاج بتاع الخطاب وتغير الكاميرا

وتاكيدة على الجمله التاليه

لكن الحرج كل الحرج والعيب كل العيب ومالم - ولن - أقبله أبدا أن أستمع لإملاءات أجنبية

تأتى من الخارج أيا كان مصدرها وأيا كانت ذرائعها أو مبرراتها .

تم تعديل 11 فبراير 2011 بواسطة موعود

[م تيمور المراغي]

[م تيمور المراغي]

ماكانش العشم يا وائل يا غنيم ,,

ثوره ثوره

حتى النصر ,,

وقبل العصر ,, جوه القصر ,,

ان شاء الله ,,

[fatfouta]

نكته للتخفيف

سيتم إنتقال السلطة بشكل سلمي وجدول زمني محددو هو : الرئيس يحكم أحد وثلاثاء وخميس .. عمر سليمان سبت وإثنين وأربعاء ويوم الجمعة مرة شفيق ومرة الجيش إلي يصحى الأول

[بركة]

ماكانش العشم يا وائل يا غنيم ,,

ثوره ثوره

حتى النصر ,,

وقبل العصر ,, جوه القصر ,,

ان شاء الله ,,

وضح حضرتك تقصد ايه

[م تيمور المراغي]

ده الستاتس قبل الاخير من صفحة غنيم

الموقف معقد بجد: أنا مش عايز أفرط في دم الشهداء وفي نفس الوقت عايز أحقن دماء المصريين .. احنا حققنا مكاسب سياسية نوعية فعلا في فترة قليلة ولكن مطلب الشباب المعتصم بالتنحي متحققش .. أنا لأول مرة حاسس إني مش عارف آخد قرار

هو كان لعب عيال ,,

الثوره لن تتوقف الا بعد رحيل النظام الفاسد بالكامل ,,

الجيش محل ثقتنا ,,

عمر يرحل

النظام كله يرحل ,,

[بركة]

لو حضرتك شفتها من وجهة نظر إنسان الناس حملته أمانة توصيل صوتها

حوالي 280 ألف مفوض لوائل بالتمثيل لمطالبهم

أكيد كنت هتبقى زيه خايف من سؤال ربنا

هو ده اللي لمسته من كلامه

لو كان وائل لسه بيمثل نفسه فقط كان الموضوع هيبقى أوضح و يقدر ياخد قراره بدون ضغط نفسي

لقد إحترمته أكثر بعد ما قال اللي في قلبه

على فكرة أنا فوضته عن نفسي وأنا كمان خايفه زيه

من حقنا نخاف ياباشمهندس

[م تيمور المراغي]

القرار بايد الثوار اللي في الشارع ,,

وائل قلبه رهيف ودمعته قريبه

الثوره عاوزه قلب ميت و عزيمه من حديد ,,

الشهيد مش حيرتاح في قبره

الا بعد سقوط النظام ,,

عاوزين شرفاء يحكمونا مش كذابين وفاسدين ,,

قبل العصر

جوه القصر ,,

[م تيمور المراغي]

لا يجوز لنائب الرئيس - حتى مع التفويض الرئاسي - مايلي :

لا يجوز له تعديل الدستور

لايجوز له حل مجلسي الشعب والشورى

لا يجوز له اقالة الحكومة ,,

يعني حركة مبارك بالتفويض كانت للهرب من اهم مطالب الثوره ,,

الافاعي لا تستانس

الافاعي لن تهمد الا اذا قطعت راسها ,,

[ComingSoon]

ده الستاتس قبل الاخير من صفحة غنيم

الموقف معقد بجد: أنا مش عايز أفرط في دم الشهداء وفي نفس الوقت عايز أحقن دماء المصريين .. احنا حققنا مكاسب سياسية نوعية فعلا في فترة قليلة ولكن مطلب الشباب المعتصم بالتنحي متحققش .. أنا لأول مرة حاسس إني مش عارف آخد قرار

هو كان لعب عيال ,,

الثوره لن تتوقف الا بعد رحيل النظام الفاسد بالكامل ,,

الجيش محل ثقتنا ,,

عمر يرحل

النظام كله يرحل ,,

صحيح كلامك يابشمهندس

انا كنت فاكر انه شخص ذكي هيقود الجماهير للهدف

لكن لما سمعت كلامة لقيتة شخص متردد يقول كلام ويرجع يناقضة وتحس انه بيرتعد وهو بيتكلم

شوفتة في اتصال علي الجزيره لقيتة بيتهته في الكلام ومستني المذيع يكملوا الكلام

مش عارف ده لأنه جديد في الظهور الاعلامي ؟ ولا هيفضل كده علطول ؟

انا حاسس انه كارثة وحطت علي راس الثورة

يارب يخيب ظنوني

[م تيمور المراغي]

هو كتر الف خيره لحد كده خلاص ,,

قلت قبل كده " الثوره عاوزه عين فاجره تبص في عين الشمس الحمرا ما ترمشش "

الجيش ناقص يبوس ايدينا يا جماعه

الجيش ناقص يجيبلنا اوتوبيسات تودينا عشان نسقط النظام

[م تيمور المراغي]

الجيش ناقص يبوس ايدينا يا جماعه

الجيش ناقص يجيبلنا اوتوبيسات تودينا عشان نسقط النظام

[م تيمور المراغي]

بيان من حركة شباب 6 ابريل

مع تصاعد مطالب الشعب المصري المتلف يدا واحدة حول مطلبة الموحد برحيل النظام الحالي ورئيسة الديكتاتور، ومع إنضمام كل طوائف وفئات الشعب المصري من أجل إسقاط النظام.

ومع إعلان القوات المسلحة وقوفها بجوار الشعب المصري ومطالبة، وإعلانها شرعية مطالب المعتصمين في كل ميادين مصر الحرة، ومع تأكيدها اليوم وقوفها بشكل كامل مع الشعب المصري الذي إستقبل القوات المسلحة بالورود والفرحة مع ظهوره في شوارع مصر بعد هروب قوات الشرطة التي كانت دائما من أجل حماية النظام الحاكم ورئيسة.

إننا نثمن هذا الموقف المشرف من القوات المسلحة، التي إعتدنا منها طوال عهدها التضحية بأبنائها من أجل هذا الوطن ومن أجل رفعه مواطنية.

وإننا اليوم نطلب من القوات المسلحة، وفورا تلبية كل مطالب الشعب المصري مع رحيل مبارك .

أولا: تشكيل مجلس رئاسي يضم مدنيين، بإختيار الشباب، لإدارة شئون هذا الوطن لفتره إنتقالية لحين تعديل الدستور وإجراء إنتخابات رئاسية وبرلمانية .

ثانيا: تشكيل حكومة إنقاذ وطني بإختيار الشباب، تضم كل التيارات، والمشهود لهم بالوطنية وبالكفاءه.

ثالثا: حل مجلسي الشعب والشورى و المجالس المحلية.

رابعا: تشكيل لجنة من الخبراء الدستوريين وأساتذه القانون الوطنين، بإختيار الشباب، من أجل وضع وتشكيل دستور جديد للبلاد، يضعها علي طريق الإستقرار والتحول الديمقراطي.

خامسا: الإفراج الفوري عن كل المعتقلين السياسيين، ومن حوكموا ظلما أمام محاكم عسكرية.

سادسا: إلغاء حالة الطوارئ.

سابعا: ضمان حرية الإعلام وخصوصا الإعلام المملوك للدولة

[عبير يونس]

بعد خطاب الرئيس ا فبراير

خاف الناس من حدوث مجزرة و عادوا إلى بيوتهم و التزموا بيوتهم خوفا من الفتنة و حقنا للدماء

واقنعوا أنفسهم أن ما حصلوا عليه من مكاسب يكفي

فماذا حدث؟؟

مجزرة في التحرير على ايدي بلطجية النظام يوم 2 فبراير

هل خوف الناس حقن الدماء؟؟

هل يقتنع الخائفون فعلا أنهم بالتراجع يحقنون الدماء؟؟؟!!!

الدماء سالت بالفعل

و بضراوة

فليتولى من الزحف من يتولى

و ليُقنع نفسه و يعطيها تبريرات كما يحب

و يعمل من نفسه بطلا حاقنا للدماء

و لكنها للأسف دمائه هو فقط

و لكل خائف أذكركم

{أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ }النساء78

{ثُمَّ أَنزَلَ عَلَيْكُم مِّن بَعْدِ الْغَمِّ أَمَنَةً نُّعَاساً يَغْشَى طَآئِفَةً مِّنكُمْ وَطَآئِفَةٌ قَدْ أَهَمَّتْهُمْ أَنفُسُهُمْ يَظُنُّونَ بِاللّهِ غَيْرَ الْحَقِّ ظَنَّ الْجَاهِلِيَّةِ يَقُولُونَ هَل لَّنَا مِنَ الأَمْرِ مِن شَيْءٍ قُلْ إِنَّ الأَمْرَ كُلَّهُ لِلَّهِ يُخْفُونَ فِي أَنفُسِهِم مَّا لاَ يُبْدُونَ لَكَ يَقُولُونَ لَوْ كَانَ لَنَا مِنَ الأَمْرِ شَيْءٌ مَّا قُتِلْنَا هَاهُنَا قُل لَّوْ كُنتُمْ فِي بُيُوتِكُمْ لَبَرَزَ الَّذِينَ كُتِبَ عَلَيْهِمُ الْقَتْلُ إِلَى مَضَاجِعِهِمْ وَلِيَبْتَلِيَ اللّهُ مَا فِي صُدُورِكُمْ وَلِيُمَحَّصَ مَا فِي قُلُوبِكُمْ وَاللّهُ عَلِيمٌ بِذَاتِ الصُّدُورِ }آل عمران154

يتحدث الخائفون و كأن ما يحدث بعيد عن إرادة الله وقدرته

و كأن خوفهم هو الذي سيحميهم من قدر الله

كل قطرة دم تسيل بقدر الله

و لن يحقن الدماء التزام البيوت

من كُتب له الموت سيموت

و من لم يُكتب عليه لم يمت

ما أصابك لم يكن ليخطئك

و ما أخطأك لم يكن ليصيبك

سبق السيف العذل

و الملايين في الميدان بالفعل

لا نامت أعين الجبناء

لا نامت أعين الجبناء

لا نامت أعين الجبناء

[م تيمور المراغي]

مداخله رائعه ومحكمة استاذه مصريه رصيدي من النقاط خلص للاسف

[سكر]

الشهيد مش حيرتاح في قبره

اية الى عرفك المعلومة دى

[م تيمور المراغي]

إحذروا من وائل غنيم

بدأ يتحدث بروح إنهزامية فى جروب كلنا خالد سعيد

وبدأ يقول حققنا مكاسب سياسية وهعمل إستطلاع على إكمال الإعتصام أم لا

وقاعد يقول انا خايف وعايزين نحق الدماء ومبين حالة من التردد وبيأثر على معنويات الناس

يا جدعان فوقوا ومتخلوش حبكم لشخص مهما كان يلغى عقلكم لما يحاول الشخص ده يضعف معنوياتكم فى ثورة زى دى

معلش يا جماعة دى ثورة....ثووووووووورة

يعنى مينفعش نمشى زى العمى ونسلم نفسنا لقيادة واحد مهما كنا بنحبه

القيادة جماهيرية من جميع المتظاهرين كما كانت وكما نجحت يجب أن تستمر

أخاف بشدة أن يكون تم تجنيده من أمن الدولة خلال ال12 يوم إعتقال وصنع كل هذه الفرقعة الإعلامية له لهذا الهدف الآن

أرجوا ألا يغضب منى أحد عندما أقول هذا ولكن الثورة لا تحتمل أن تتفكك أو تضعف ويجب أن نخاف عليها جميعاً ولازم نفكر فى كل الإحتمالات

يا جماعة نكمل زى ما إحنا محدش قال لحد خرب أو إقتل

لكن لا يمكن الآن السماح لتحبيط الناس وتقليل عزيمتهم أبداً

كل الشعب المصرى خارج بكره

اللى عمله حسنى مش تنحى ده تحايل

يا جماعة أنا بعلنها صراحة أنا بشك فى وائل غنيم وعقلى رافض حديثه

يجب أن نكون حذرين جداً الآن لأى شخص يثق به الكثير من الناس

فيه ناس حزب وطنى ضاربة عضويات وداخله تقوله كفاية كده وناس تانية برضه مش حزب وداخله تقولوا كفاية كده بسبب كلامه

يا جماعة خافوا على الثورة متخافوش على وائل

وأقسم بالله كلامى مش هجوم عليه وأنا كمان بحبه بس ده مصير ثورة ومصير بلد

لازم نكمل لغاية ما نحقق كل أهدافنا

لازم

أنا مفوضتش وائل ومش هفوضه فى التحدث عنى رغم إنى بعتبره بطل

لكن لا يمكن المخاطرة الآن بإتباع أى شخص مهما كان

أرجوا إعمال العقل فقط من فضلكم

اللى بتعمله دلوقتى يا وائل غلط غلط غلط

وائل أنت شرارة ولكن لا تصلح قائد بهذا التردد وهذه الروح الخائفة

من فضلك دع الثورة كما هى بدون قائد فهى نجحت كذلك بكل الشعب وستستمر كذلك لتحقيق أهدافها

من فضلك لو تخاف على الثورة دعها تستمر بدون تلك المشاركات المحبطة للنفوس

الشعب لن يتوقف قبل تحقيق أهدافه كاملة

لو سمحت لو تخاف أخفى ذلك الآن فى نفسك ولا تشاركنا الخوف

ولكن إنتظر لحظة قوة وشجاعة وشاركنا بها

إحذر أن تكون أحد الوسائل الغير مباشرة فى الحرب النفسية على الشعب

إحذر يا وائل

من فضلك

[م تيمور المراغي]

سبحان الله نفس السحنه هيا هيا

كوبي \ بيست

عاوزين خلق تانيه جديده ووطنيه وشريفه