25 يناير ... موعد المصريين (18)

[fatfouta]

القرضاوى فى الخطبة على الجزيرة مباشر بيقول كلام جميل الله يبارك له

[امير مجروح]

الصعيد ينتفض ....

[fatfouta]

شوفوا الفيديو ده واتفائلوا واضحكوا وقولوا يارب

رد فعل الناس بعد خطاب مبارك

http://www.youtube.com/watch?v=uvTVZGffrKI&feature=player_embedded

تم تعديل 11 فبراير 2011 بواسطة fatfouta

[رضوي]

ماذا لو ؟؟؟

ايه اللي ممكن يحصل

دلوقتي المجلس الاعلي للقوات المسلحة قال فيه بيان بعد قليل ( الكلمة دي بتستفزني بعد قليل )

طيب عندنا 3 سيناريوهات

- اما انه يقف مع المتظاهرين ويتعهد بحمايتهم

- او يكون ضامن لخطاب مبارك وسليمان

- او انه يتخذ موقف الوقوف بجانب مبارك ونائبه ( ويخذل الشعب بس استبعد السيناريو دة وربنا يستر او مش عايزة اصدقة )

طيب لو اتخذ الجيش الموقف التاني ؟؟؟

يعني انه يكون ضامن للخطابين وتحقيق كل القرارت اللي اتخذت في الفترة اللي فاتت ؟؟؟

ياتري ايه اللي هيحصل ؟؟؟

وبعدين ايه حكاية الماسيجات اللي الشرطة بترسلها علي الموبايل دي ؟؟؟؟ ياتري وصلت لحد غيري ؟؟

من وزارة الداخلية : الشرطة لن تكون الا في خدمة الشعب وحمايته ؟؟؟؟

هي الشرطة بتحاول تحسن علاقتها بالشعب .؟؟؟؟؟؟؟ خير الله اجعله خير

[arkan]

يارب اجعلها جمعة خير وبركة وأمل

فين كلماتك يامصرية متغربة بجد بلاقي فيها تصبير وتثبيت وتفاؤل

جزاك الله خير وكل من يبشرنا ويشد على يد الثورة المباركة

[fatfouta]

كلنا خالد سعيد

إلى كل من يريدون اغتيال شخصيتي وأنزلوا بيانات بإسمي بأنني أدعو الناس للعودة لبيوتهم ووضعوا تصريحات صحفية باسمي .. التخلص منكم كان هو السبب لقيام ثورتنا

27 minutes ago

كلنا خالد سعيد

أنا مع الثورة .. أنا مع حقوقنا .. أنا مع حريتنا .. أنا مع استئصال كل الفاسدين .. أنا مع إنهاء الحزب الوطني وتصفيته .. أنا مع محاسبة كل المجرمين .. أنا مع إنهاء تلاتين سنة من انتهاك حرية وكرامة المصريين

35 minutes ago

[لماضة مصرية جدا]

احنا هنشيلها

احنا هنحميها

مصر هتبقي احسن مما لما كنتو فيها

الظابط المصري....اللي انضم للمتظاهرين امبارح...قال كده

صباح اليقين.....انه يوم مصري جدا...جدا جدا

لماضه : الطيبه

لست مع النظام واعوانه من المفسدين الذين طغوا فى الارض

وظلموا وقتلوا وحرقوا واطلقوا المساجين وستعانوا بالبلطجيه

وااكد على انى واحد من الشعب واومن بمطالبه المشروعه بل واشاركه اياها.

فقط ادعو الى التريث،ودراسه اى قرار قبل اتخاذه،خاصه والثوره من غير ذى قائد.

او متحدث بالسانها،فقط اقول سلميه،غير تخريبيه، منظمه،غير اصتداميه،حتى لا تكون دمويه.

لنا مطالب وحقوق مشروعه وسنأخزها سنأخزها،واولها دم الشهداء.(رحمهم الله تعالى المقتدر)

السلام عليكم و رحمة الله و بركاته

هو ليه حضرتك بتفتكر ان الحماسة ممكن تتقلب لصدام دموي

نفس الكلام بسمعه من المحيطين بيا و خاصة اهلي.....و ده اللي مخليني في حالة صدمة و دهشة جدا

طب ده علي اعتبار انهم كانوا بيربوا مشروع بلطجي صغير و في اول فرصة انفلاتية هتظهر الميول العدوانية...(بتكلم لاني تخيلت نفسي لوهلة في ميدان التحرير....اذا انا مؤمنة بمبدأ ما مش ممكن هلجا لاي وسيلة تخليني اهدم كل المبادي التانية اللي جوايا عشان احققه....مش ممكن هتخليني امد ايدي علي حد و لا اقتل عشان اصلي كنت بطلب الحرية و مطالب مشروعة جد....البني ادم لوكشة واحدة...و معدنه الحقيقي بيظهر في الازمة)

حقيقي الشباب متحمس....لكنه واعي....وواعي جدا

اذا كانت المظاهرات بدأت سلمية و في اكثر من منحي لها كان ممكن جدا تتقلب تبقي باستخدام القوة.....و كان معاهم العذر لكن علي الرغم من ذلك الشباب الثوار حافظوا عليها سلمية

عشان هو ده المكسب الحقيقي للثو رة.....الشعب هيقدر يحقق مطالبه بطريقته هو مش بالطرق الملتوية اللي عمالين نغرق فيها و نتوحل من الحكومة

الشباب عنده حماسة ده حقيقي....و حقيقي...جدا

لكنها مش حماسة التور الهايج....و معذرة في اللفظ....اللي هيروح ينطح في اي حاجة قدامه

زي ما الحماسة بتكبر

الوعي كمان بقي اقوي

و بقي عارف ان اي تصرف غير سلمي....هيخليه يخسر القضية كلها اللي اعتصم عشانها طول الفترة دي

العالم عينه علينا

لكن الشباب هو نفسه....عينه علي نفسه

خلاص مبقاش فيه مساحة نزرع فيها في ارض الخوف

كان فيه شبورة علي الدماغ انقشعت

حاولت اعمل اللي حضرتك بتقول عليه من موضوع التريث امبارح.....لكن لقيت كان فيه فريقين كل واحد واخد جنب و كل واحد بيتكلم لغة التاني مش فاهماها

الريس سد ودانه خلاص مش عايز يسمع

و الشباب كمان سدوا ودانهم خلاص مستمرون....و صامدون

متحمسون....و ستبقي سلمية.....و ده اللي بدعي بيه...و متيقنة منه علي الرغم من كل محاولات التعبئة و التضليل و التخويف

عشان النموذج اللي اتولد ده يفضل بنقاء اللوب الابيض ميلوثوش اي نقطة غدر

دي وجهة نظري

و لك مني كل الاحترام

بنوتة حضرتك الطيبة.....لماضة

ع هامش وجهة النظر بقي

ابن حضرتك عامل ايه.....يا تري لسه في المظاهرات و لا موقفه ايه....ربنا يحافظ لحضرتك عليه

جمعة كلها نور...و يقين....ان ذلك كله خير

[باهى الطائر الحزين]

الصعيد ينتفض ....

فضلا : هلا اوضحت / امير

[أحمد سيف]

والله عيني تدمع كلما شاهدت هذا المقطع ... فرحة الشعاب التونسي بنيل حريته ... وكان بإمكان المصريين أن يفرحوا نفس الفرحة بالأمس ... ولكن ابن التييييييييييييييييت أبى أن يرى شعبه سعيدا ولو ليوم واحد في حياته

http://www.youtube.com/watch?v=W0L4kp9I01A

[لماضة مصرية جدا]

كلنا خالد سعيد

إلى كل من يريدون اغتيال شخصيتي وأنزلوا بيانات بإسمي بأنني أدعو الناس للعودة لبيوتهم ووضعوا تصريحات صحفية باسمي .. التخلص منكم كان هو السبب لقيام ثورتنا

27 minutes ago]

الثورة مش وائل غنيم

و عشان كده انا رايي الشخصي

انا احنا لا نندفع ورا تصريحاته...و خصوصا دلوقتي....يعني لا نهلل انه قال اطلعوا مظاهرات و لا معذرة في اللفظ نكب عليه تحليلاتنا النفسية لشخصيته...لو قال ارجعوا البيت

الثورة هي ناس كتيرة اوي....حطوا قدام عينيهم هدف..و اي محاولة للتحايل علي الهدف ده مش هتخليهم يتراجعوا

ووائل مجرد فرد

و بلاش نقع في نفس الغلطة اللي قبل كده

مصر ليست مبارك

و الثورة ليست وائل غنيم

و دي وجهة نظري

[doha]

التلفزيون المصري قطع برامجه واعلن ان القوات المسلحه هتذيع بيان هام بعد قليل ..

[fatfouta]

كلنا خالد سعيد

إلى كل من يريدون اغتيال شخصيتي وأنزلوا بيانات بإسمي بأنني أدعو الناس للعودة لبيوتهم ووضعوا تصريحات صحفية باسمي .. التخلص منكم كان هو السبب لقيام ثورتنا

27 minutes ago]

الثورة مش وائل غنيم

و عشان كده انا رايي الشخصي

انا احنا لا نندفع ورا تصريحاته...و خصوصا دلوقتي....يعني لا نهلل انه قال اطلعوا مظاهرات و لا معذرة في اللفظ نكب عليه تحليلاتنا النفسية لشخصيته...لو قال ارجعوا البيت

الثورة هي ناس كتيرة اوي....حطوا قدام عينيهم هدف..و اي محاولة للتحايل علي الهدف ده مش هتخليهم يتراجعوا

ووائل مجرد فرد

و بلاش نقع في نفس الغلطة اللي قبل كده

مصر ليست مبارك

و الثورة ليست وائل غنيم

و دي وجهة نظري

عندك حق يا لماضة

[arkan]

كل ما التحدى كان أكبر

كل ما الفرحة بالانجاز اكبر ان شاء الله تعالى

[fatfouta]

البيان الان

[لماضة مصرية جدا]

الصعيد ينتفض ....

فضلا : هلا اوضحت / امير

ميدان تحرير جديد فى المنيا يوم جمعة التحدى

أمام مبنى محافظة المنيا

اعتصام شباب محافظة المنيا تضامنا مع شباب ميدان التحرير

ميدان مجمع المحاكم

[رضوي]

البيان بيتذاع دلوقتي

[باهى الطائر الحزين]

شكرا لك بنوتتى : اللمضه

عندنا فى المثل الشعبي يا ابنه السيده وهى من احب احياء القاهره الى قلبي بيقول

اكبر منك بيوم يعرف عنك بسنه،ليه.0000000000؟ لانه خاض تجربه يوم قبلك.

وطبعا انا وابنى نختلف فى اشياء،ونتفق فى اشياء،لكننا دائما ما نجد نقطه للتلاقى.

وهو حالا فى ميدان التحرير.

[doha]

البيان رقم اثنين من المجلس الاعلى للقوات المسلحه المصرية ..

قرر المجلس ضمان تنفيذ الاجراءات الآتية ..

انهاء حالة الطواريء فور إنتهاء الظروف الحالية

الفصل في ا لطعون الانتخابية

اجراء التعديلات التشريعية اللازمه واجراء انتخابات رئاسية حرة ونزيهة في ضوء ماتقرر من تعديلات دستورية

ثانيا .. تلتزم القوات المسلحه برعاية مطالب الشعب المشروعه ومتابعة تنفيذها في التوقيتات المحدده بكل دقة وحزم

ثالثا .. تؤكد القوات المسلحة على عدم الملاحقة الامنية للشرفاء الذين رفضوا الفساد وطالبوا بالاصلاح وتحذر من المساس بامن وسلامة الوطن والمواطنين

[fatfouta]

انهاء حالة الطوارئ فور انتهاء الظروف الحاليه

يعنى هنفضل فى حالة الطوارئ برضوا ومافيش فايدة

ياريتهم كانوا سكتوا احسسسسسسسسسسن

[شرف الدين]

بيان رقم 2

إجراء التعديلات التشريعية اللازمة

تؤكد القوات المسلحة المصرية على عدم ملاحقة الشرفاء