فسفس بيه و فسافس هانم..

[بنت شعنونة]

ما عرفتش اكتب الموضوع دا فين او ازاي

انما زي ما يجي يجي..

مشاهد يومية نراها جميعا...

فسافس: مش ناسي حاجا النهاردا يا فسفس؟

فسفس: فيه حاجا كنتي عاوزاها من السوق وانا نسيتها؟

فسافس: لا.. طب فكر شوية كدا؟!؟

فسفس: يفكر عميقا ثم يمسك بالجريدة مرة اخرى لا مبالي..

مش فاكر الصراحا!

فسافس: عيد ميلادي طيب!

فسفس: اااااااااه........طيب

:rolleyes:

فسافس عقلها الباطن شايط...

الا ما لبت منه دهب والا الماظ!!

كل اللي كان نفسي فيه كلمة كل سنة وانتي طيبة بس!!

حاجا تقرف!

فيييييين ايام الخطوبة :(

بينما عقل فسفس الباطن بيقول

" الحمدلله اني ما افتكرتش زمانها دلوقتي عاوزاني اخرجها او اجيبلها هدية!! انا نااااااااااقص!"

[بنت شعنونة]

المشهد التــــــــــــاني...

فسافس عاملة طبخة جديدة نوفي لسا متعلماها

وفرحانا بيها اووووووووي

طبعا مش عروسة ما بقالهاش 4 شهور

حطت الأكل على السفرة وبشغف تتابع تعبيرات وش فسفس اللي عمال يااااااااااااكل ومش واخد باله من اي حاجا

فسافس: ها؟

فسفس: متعجبا؟ في ايه؟

فسافس: ايه رايك في الأكل؟

فسفس: ماله؟

فسافس وهيا ابتديت تتعصب... دي اكله جديدة انا عاملاها ايه رايك فيها؟

فسفس: ناقصا ملح وشوية توابل عشان تديها طعم

وراح قايم من ع السفرة وراح ينام

" عقل فسافس الباطن....

الا ما قالي تسلم ايديكي او شكرا حتى وبعدها يقولي انها ناقصا ملح طيب‌‍؟؟"

بتفكر تولع في البيت :rolleyes:

[بنت شعنونة]

فسافس عمالة تتفرج على مسلسل هيا متابعاه مهم بالنسبة لها

فسفس وصل وبحركة بهلوانية انيقة مسك الريموت

وهوووووووووب راح قالب وجايب الماتش اللي ها يبتدي دلوقتي

وحط رجل على رجل وقعد واستريح

:rolleyes:

" عقل فسافس الباطن ها ينفجر.. ازاي حتى ما يقولش عن اذنك او حتى يقولها انه عاوز يشوف الماتش؟ هيا مش بني ادمة زيه؟؟"

المشهد التـــــالي..

فسافس عندها دور برد هاددها

مالحقتش تطبخ وطلعت بقية اكل امبارح

فسفس رجع من الشغل هلكان واول ا عرف انه هوا اللي ها يسخن الأكل عمل خنااااااااااقة معتبرة لآنه تعبان من الشغل‍‍؟؟

قال يعني هيا اللي مش تعبانة يعني؟

فسفس صحيح‍؟

[بنت شعنونة]

المشهد اللي بعده

فسفس حب يعمل رومانسي

وراح اشترى هدية لمراته

راح جابلها برفان على ذوقة

فسافس بعد ما شمت البرفان: شكرا؟..............#‌$‌$#%$^

البرفان ريحته وحشة جدا ومش على ذوقها

فسافس رميته في الدولاب من يومها ولا جت جنبه

فسافيس صحيح :rolleyes:

[Cleo]

ماما....

كفاية عشان ضغطى على..... :rolleyes:

[maksoof]

و الله يا شعنونة فكرتينى بواحد و مراته كانوا فى الستينات من عمرهم و كانوا متجوزين أكتر من أربعين سنة و مرة قالت له :

االتين اللى إنت إشتريته النهاردة حلو قوى . رد عليها : إنتى أحلى

و الله يرحم أيام زمان cbyb:

[فــيــروز]

و الله يا شعنونة فكرتينى بواحد و مراته كانوا فى الستينات من عمرهم و كانوا متجوزين أكتر من أربعين سنة و مرة قالت له :

االتين اللى إنت إشتريته النهاردة حلو قوى . رد عليها : إنتى أحلى

إيه الجمال ده :angry: hpc:!: