مبروك لمصر ... حسني مبارك تنحي

[م تيمور المراغي]

مجدي الدقاق اللي بقى في الزبالة دلوقت حزين كان أمه ماتت

وعُمر سليمان لما قال البيان في دقيقة واحده كأن جوز خالته ماتت ووشه أسود من الأسفلت

سبحان الله ,,

يوم تبيض وجوه وتسود وجوه

الحمد لله الذي نصر دولة الحق على دولة الباطل

كل الدول العربيه فرحانين زي المصريين واكتر !!!!

بيرووووت مولعين الدونيا هههههه :happy:

[se_ Elsyed]

تحيه خاصه منى الى سين سين

الراجل ده كان كل لما يشوف فساد الاقيه جاى على الصبح فتح توبيك ويقعد يشد فى شعره

من خوفه على البلد ويقول دائما جمله فاكرها

علشان لما اقولكم اننا دوله ملهاش ريس والراجل فى غيبوبه اساساً

ميبقاش حد يصدقنى

تحيه خاصه الى احمد باشا

وتقبل تحياتى صديقى العزير

عنبو

يا حبيبي أنا لما أكن إلا مثل اي مصري غيور على بلده ....

لكن الفرق أنني أمتلك قلماً

وأمتلك مساحة للتعبير

والحمد لله قبل كل ذلك ... لا أخاف إلا من الله سبحانه وتعالى

[زهرة الجبل]

إكتب يا تاريخ

سجـِل كفاحنا و عندنا مليون دليل

وثـَّق يا تاريخ

إكتب على سطور الشرف

و إنظم لنا ديوان طويل

إكتب بحبر كرامة المصري الأصيل

سجـِّـل شهادة حق

إنتفاضة عـِزه للشعب الجميل

قام و إنتفضو حـِـلـِـف بسماها و بترابها

و بالهوا و النيل

لتعود الحريه لأرضه

و لا غير الحريه بديل

اقسم ليجيب حقه بيده

و يشد الهمه و الحيل

و يغير دستوره بفرضه

و تبرق شمسه فـ حضن الليل

حالف يزرع مصر بكده

بعرقه و شرفه مـُنى و قناديل

و حلف يطرد منها الظالم

و يخرجه صاغر و ذليل

إكتب يا تاريخ

سجل كفاحه و وثـَّـقه.. بمليون دليل

***********************

الشعب حدد كلمته : أنا المصـــري

زاع ثورته ... أنا المصـــري

بعلو الصوت

و حق البث مش حصري

أنــا المصـــري

أنا المصري .. أنا إبن النيل

أنا اللي جعلت من الهرم ضهري

أنا البنت القويه و أنا الشباب الأسمر

أنا اللي في التحرير كفاحي و ثورتي

و نـــصـــــري

أنا ... أنا ... أنا المــصـــــــــري

و إشهد يا تاريخ

أنا المـصــــري

أم كريم

تم تعديل 11 فبراير 2011 بواسطة زهرة الجبل

[aimen]

عملية فصل التوأم “حسني” و “الكرسي” تتكل بالنجاح!

بعدما أمضى طاقم طبي متخصص أكثر من اسبوعين في غرفة العمليات، نجح الأطباء في فصل التوأم “حسني” و “الكرسي” عن بعضهما في عملية فريدة من نوعها في تاريخ الطب الحديث.

وبعدما تكللت بالنجاح، خرج الأطباء ليعلنوا الخبر السعيد على العالم، وليحذروا وسائل الإعلام من إستعمال أي عبارة لتهنئة الشعب تحوي على كلمة “مبارك” أو “مبروك” أو “بوركتم” وذلك تحت طائلة الضرب المبرح بالأحذية. ومن المستحسن إستعمال عبارة “ما شاء الله!” وشكراً!

[شرف الدين]

توقعات بأن يكون بيان الجيش يتمضن تولي رئيس المحكمة الدستورية العُليا مقاليد الفترة الإنتقالية

يا ريت يا سي السيد

رئيس المحكمة الدستورية هو المستشار / فاروق سلطان

وبخصوص المحكمة الدستورية

شوفوا اللي بلدنا كانت فيه

مأزق دستوري بسبب الموقع الجغرافي للمحكمة الدستورية

صدر عن التقسيم الجديد لمحافظات إقليم القاهرة الكبرى استحداث محافظتين جديدتين هما: حلوان، والسادس من أكتوبر بتاريخ 18 إبريل 2008، وبعد صدور القرار الخاص بإنشاء محافظة حلوان‏ فوجئت المحكمة بأن مقرها الواقع علي كورنيش النيل وضمن دائرة حي البساتين قد أصبح تابعا جغرافيا لمحافظة حلوان‏ وليس للقاهرة العاصمة‏ مما يشكل مخالفة دستورية‏ ^[50] حيث ينص الدستور علي أن تقع المحكمة في العاصمة ^[51]، والنص موجود في الفصل الخامس من الباب الخامس من الدستور تحت مسمى "المحكمة الدستورية العليا"، المادة رقم 174 والتي تنص على:ولحلّ هذه المشكلة، تدخل الرئيس محمد حسني مبارك لحسم المأزق الدستوري بتاريخ 21 إبريل 2008، وأعلن أن الدستور ينص على أن المحكمة يجب أن تقع في العاصمة، وأصدر قراراً بإعادة تبعية المحكمة إداريا لمحافظة القاهرة ^[53].

[م تيمور المراغي]

الشعوب العربيه تحمل صورة عبد الناصر ,,

الشعوب العربيه محتاجه ترجع مصر تانيه نوارة الامه العربيه وقائدتها ,,

ان شاء الله حيكون ده دورنا المقبل

العلم والتقدم والحريه والفرحه

لكل العرب ,,

ان شاء الله ,,,

[se_ Elsyed]

المشير حسين طنطاوي يتجول أمام قصر العروبة ويحيي الموجودية

نفسي أدخل الكهف ده في مره وأشوف هما كانوا عايشين إزاي

يااااااااااااااااااااااااااااه

صدق الله العظيم

وينزٍع المُلك ممن يشأ

[عنبو]

تحيه خاصه منى الى محاورات المصريين

ذلك المنتدى الذى تعلمت منه الكثير

وتعرفت على ناس اعتز بيهم كثيراً

واحب ان اتوجه بالشكر الى الوالد الفاضل عادل ابو زيد منشأ هذا المكان

شكراً لجميع الاقلام التى استفدت منها

شكراً للوالد الفاضل ابو محمد الذى طالما وقفت كثيرا لاقرأ كلامه لكى اتفهم ما يقوله

شكراً للشيخ اسلام المصرى

شكراً للشيخ طارق حسان

شكراً للاستاذ محمد

شكراً للدكتور احمد سيف

واقلام كتير كان هذا على سبيل الذكر لا الحصر

وتقبلوا جميعاً

تحياتى

عنبو

[arkan]

تحيه خاصه الى فتفوته

اختى الغاليه والمقربه جدا الى قلبى

انتى كنتى عامله زى الدينامو فى نقل الاخبار

واكيد طبعا اسمك اتعلم عليه بس انا عارفك انك بميت راجل

__________________________________

تحيه خاصه الى مدام مصريه متغربه اللى كانت كل شويه تقولنا الثقه بالله

الثقه بالله يا جماعه وكان عندها يقين فى نصر الله

من حقى افتخر ايضاً انى شرقاويه

_________________________________

تحيه ايضا الى ريهام لماضه يعنى

اللى كل شويه كانت تقول طيب يا جماعه مش هينفع نقعد كده لازم نعمل حاجه تفتكروا نعمل ايه

موافقاك في كل كلمة

وانت كمان تستحق على تحليلاتك المفيدة

وكل الشكر لمهندس تيمور المتفائل

ربنا يكرمكم جميعا بجد وتحققوا كل احلامكم

وعايزين نفتح توبيك لاحلامنا في مصر في عهد الحرية والكرامة

[ozoozo]

زمان جمال عمال يضرب الارض برجله ويقوله يعني مش هاحكم يابابا

خلاص بقي انا مخاصمك انا عايز احكم ماليش دعوه

[se_ Elsyed]

أجمل مكالمة جائتني من حارس موقف السيارات التابع لشركتنا وهو رجل يمني محترم ... وقال لي " أنا ما عنديش تليفزيون ... لكن بلغوني الخبر وفررررررررررررحت وقلت ابارك لك وأبارك لكل مصري "

[عنبو]

ياريت يا جماعه مننساش شهداء الثوره

وياريت نحاول نقدم ليهم حاجه كمغتربين

فين اقتراحتكم

[م تيمور المراغي]

وكل الشكر لمهندس تيمور المتفائل

ربنا يكرمكم جميعا بجد وتحققوا كل احلامكم

وعايزين نفتح توبيك لاحلامنا في مصر في عهد الحرية والكرامة

الله يبارك فيكي يا ست الكل ,,

والفرحه ودموع عيوننا وقلوبنا اللي كانت على المحك وحتقف اكتر من مره لكن ربنا اراد ان يثبتنا عل الحق

ونثق في الامل في المستقبل

وفي قدرة الشباب المصري العظيم على ان ياتي للنا بالحق

الحمد لله مصر رجعت لنا تاني

وبقت بتاعتنا احنا خلاص مش بتاعت اسوأ خلق الله واحط انواع البشر

الحمد لله اللي طهر لنا مصر

ودورنا من اللحظه دي لازم يبدا نملاها علم و ايمان وضمير ومكارم اخلاق

ان شاء الله ,,

[se_ Elsyed]

موقع الدستور الاصلي

تعليق : من النهاردة دي بلدك انت، تاريخك انت، وطنك انت، بيتك انت. ماترميش زبالة، ماتكسرش إشارة، ماتدفعش رشوة، ماتزوّرش ورقه، اخلص في شغلك. بإدينا نقدر نبني بلدنا. كلنا ايد واحده. المصريين كلهم ايد واحده

[Om Zayd]

للذكرى

يا رب كملها على خير

يا رب ساعدنا نبنيها

http://www.youtube.com/watch?v=At-EWUIIyUE

[لونا]

كل العرب بيحتفلوا بنجاح ثورتنا المصرية

مش عاوزين ننسى إن ثورة الياسمين التونسية

كانت هي الملهمة للثورة المصرية

تحية للشعب التونسي الملهم

[م تيمور المراغي]

ياجماعه كل حكومات وشعوب العالم فرحانه

بجد عاوز اسال ليه الفرحه دي كلها ؟؟

ده مافيش دوله ولا مكان في العالم الا وهو فرحان

منك لله يا سونسون

هههههههههههه :happy:

ده ايه اللي شايفه ده ؟؟؟؟؟؟؟؟؟

[se_ Elsyed]

أول رد فعل لمحمد البرادعي : لن أترشح في الإنتخابات الرئاسية القادمة

أتمنى الا يفعلها .. وأتمنى أن تسفتيد منه مصر في أي موقع لإنه إنسان محترم ووطني ومتواضع وكان شراراة من ضمن الشرارات الأولى للثورة

مش قلت لكم

باحلم بالبرادعي

بزويل

يجودت الملط

بالجنزوري

بممدوح حمزة

بفاروق العقدة

بيحي الجمل

بكل شرفاء مصر ينقلونا نقلة تاريخية إلى الأمام

نحن نستحق أكثر من ذلك

نحن نستحق أن نكون دُرة الشرق

[arkan]

جايبين طيارة اللى كان رئيس بتحلق من قصر العروبة

على الحياة

[se_ Elsyed]

يا ولاد الذين يا رويترز

لقطة تاريخية وتدخل التاريخ

لبدوا قريب من قصر العروبة وصوروا المخفي وهو خارج من قصر الرئاسة بطائرة هيليكوبتر هذا الصباح إلى غير رجعه

نفسسي حد يدخل القصر ويرمي هدومه في الشارع دلوقت ....