مبروك لمصر ... حسني مبارك تنحي

[شرف الدين]

جوووووووووووووووول

كل الظلمة دلوقتي حاطين ايدهم علي قلبهم

بس احنا يااخواتي لازم نرجع الاستقرار باسرع وقت ............. بلاش نخلي العالم يضحك علينا ............. لازم نثبت اننا كنا قد الثورة .......... وماتخلوش انصار النظام اللي فات يقولوا علينا شوية عيال

علي جنب

مش كل اللي بات في ميدان التحرير شباب

فيه رجال كبار في السن كانوا مقيمين هناك اقامة كاملة ............ تحية لكل منهم وشرف ليا اني اعرفهم شخصيا

وفيه منهم مسئولين علي فكرة ........ شايفين الفساد بعيونهم وبيحاربوه

تحية لكل اللي تعب علشان بلدي

تحية لكل بيت مصري واجه الخوف والبلطجة ...... واجه انعدام الامن والامان ...... واجه قلة السلع وانعدام الخدمات

تحية للجان الشعبية ....... وكل شاب وراجل سهر طول الليل في الشارع بيحرسنا واقف في ايده عصاية وبيواجه بلطجي مسلح مجهول ........ لكن كفاية صوته في الشارع يهرب اي غوغائي

تحية لكل رفيقاتي ............ اللي تعبوا معايا وصوتهم راح من النقاش والكلام ومواجهة البشر ........... ياربيييييييييي نفسي اشوف وشوش كل العارضين دلوقتي

انتوا فييييييييييييييييين ........... دة احنا صوتنا راح وهما برده مقتنعين ان اللي في التحرير اما مش فاهمين حاجة او شباب فاضيين ............ او بياخدوا فلوس

انتوا فييييييييييين دلوقتي ؟؟؟؟؟؟؟؟؟؟؟

ما تشغليش نفسك بيهم

حيفضلوا زي ما همة

أعضاء حزب أعداء النجاح

لا مكان لهم بيننا الآن

حتى بالتفكير فيهم

لابد أن يتغيروا

حتى يلحقوا بركب التغيير

صح

كان في ناس تعبنا كتير جدا من محاولة إقناعهم بإننا صح

وإن اللي بيعمل الحكام الطغاة هو الشعوب الخانعة فقط لا غير وليس الدعم الأجنبي أو غيره

واليوم والحمد لله ظهر الحق

إذا الشعب يوما أراد الحياة * فلابد أن يستجيب القدر

[عصام أبوالفتح]

ياترى اسمائنا اتحذفت من كمبيوتر المطار ولائحة ترقب الوصول ولا لسه موجوده يا كبير ؟؟ :happy:

مش قوي كده ..

إحنا ما نجيش حاجه أمام من تصدى للمدرعات بصدره العاري وسال دمه على أرض مصر الطاهرة عشان إحنا نعيش

أقسم بالله يا تيمور عُمري ما خفت لا من امن ولا من غيره ...

طب ليه ؟

هو أنا تاجر مخدرات ولا كنت بأروج لأشاعات عشان أضر بلدي ؟

ايه يا برنس الحلاوة دى ؟ .. فين سلاحك يا محارب الكيبورد

لازم الماوس فى ايد واللابتوب فى الايد التانية ولا ايه ..هههههه

وعلى رأى تيمور .. المحارب الديجيتال

بجد عندى اقتراح تتبناه المحاورات وتنشره باذن الله

كل مغترب مصرى يتبرع براتب شهر لمصر

يتم التنسيق فى ذلك مع البنك المركزى المصرى مباشرة

لتعويض اهالينا بصرف راتب شهر لكل الموظفين فى القطاع العام والخاص

اتوقع ان 8 مليون مغترب يقدروا يغطوا رواتب باقى ال 80 مليون مصرى

لان الظروف المادية دلوقتى فى مصر صعبة اكيد على معظم الناس

[أبوعمار]

الحمد لله

مبروك عليكي يا مصر ياحبيبتي ...حريتك وفرحة ولادك بيكي

يا أهل شهداء الثورة البواسل.... مبروك عليكم

يا تيمور ... ياشعلة الحماس واليقين.... مبروك عليك

يا كل المصريين... بحبكم والله العظيم

اللي أعرفه واللي ماأعرفوش

حاسس إني لما أنزل مصر ....هأخد كل المصريين بالحضن

وهأنزل وأبوس أرضها

وأول فسحة لولادي هأوديهم.... ميدان التحرير "ساحة الشهداء" أطهر بقعة على أرض مصر

أنا حسيت بالفرج النهاردة ... لأن ابني عمار لسه ما كملش 6 سنين وشايفني وأنا بأتابع أخبار الثورة وقلقان... وشايف أمه شوية تبكي وشوية تدعي

وسألني:قلت له مصر في خطر ... فيها حاكم ظالم وشباب مصر عايزين يطردوه

قعد يكلم ربنا....ويدعي بمنتهى البراءة

وجه قال لي: خلاص يا بابا مصر هاتبقى بخير ...أنا كلمت ربنا وقلت له: يارب احمي مصر من الأشرار وانصر المصريين على الحكام الظالمين

الحمد لله اللي استجاب دعوات الملايين

الحمد لله

الحمد لله

[م تيمور المراغي]

تيمور باشا

سعادتك مارديتش عليا في موضوع شيل الشنطه ده

اوعي سعادتك تكون ناوي تجيب حد غيري

وشلوط سعادتك دفعه للامام

ههههههههههههه

رديت عليك والله يا اوزو

اوعى تكون اتحذفت بس :)

[شرف الدين]

بجد عندى اقتراح تتبناه المحاورات وتنشره باذن الله

كل مغترب مصرى يتبرع براتب شهر لمصر

يتم التنسيق فى ذلك مع البنك المركزى المصرى مباشرة

لتعويض اهالينا بصرف راتب شهر لكل الموظفين فى القطاع العام والخاص

اتوقع ان 8 مليون مغترب يقدروا يغطوا رواتب باقى ال 80 مليون مصرى

لان الظروف المادية دلوقتى فى مصر صعبة اكيد على معظم الناس

فكرة رائعة يا باشمهندس

[م تيمور المراغي]

يا تيمور ... ياشعلة الحماس واليقين.... مبروك عليك

يا كل المصريين... بحبكم والله العظيم

اللي أعرفه واللي ماأعرفوش

الله يبارك فيك يا بو عمار

ايها الانسان الاصيل

ولا ننس مواقفك واياديك البيضاء المشرفه ومن اول يوم فيها ,,

[شرف الدين]

صحيح يا تيمور

رسالتي الأخيرة ليك على الايميل قريتها ولا لأ

[لماضة مصرية جدا]

النهاردة فرحي يا جدعان...(وش سعد الصغير ع المرسح)

يا ربي

ايه احلي من كده تبقي قاعد في مكان و الناس كلها من كافة الاطياف و الالوان و اللغات

اشي فلبيني....اشي سوري.....اشي اماراتي

انا شوية كنت هتشال علي الاعناق يا جدعان

انا كنت عارفة اني بحبها

بس مكنتش عارفة ان نطق سمها هيفرحني اوي كده

مكنتش عارفة اني ممكنا اقوووووول......هييييييييييييييييييييييييييييه......الله اكبر بعلو صوتي وسط الناس اوي كده

مكنتش عارفة ان قلبي متعلق بيها هناك و عيني عليها حتي و انا هنا

مليون خاطرة فرح عدت علي قلبي

و 80 مليون مبروك سمعتها من وشوش الناس في ميدان التحرير

انا مش عارفة انا بعيط....و لا بفرح.....و لا عمالة اجري من اليمين للشمال

احلي زفة عربيات.....كانت فيكي يا امارات الليلادي

و احلي علم هنشيله بين الضلوع

ع هامش الزغروطة

انا ليا الحلاوة علي فكرة...(وش اي صبي مكوجي)....مش من انبارح و انا بقولكم انا خلاص هجهز صينية بيشاميل....قلبي بيقولي الريس خير اللهم جعله خير هيهل علينا الامارات....و قلبي مبيكدبشي عليا...(وش مددام نظيفة و هي ماسكة القطنة اللي مبتكدبشي)

مسااااااااكم م.......ص.......ر

[se_ Elsyed]

نفسي 4 أشخاص مصريين كانوا يبقوا معانا في اللحظة دي

الراحل العظيم الأفوكاتو

الراحل العظيم اخناتون

الراحل العظيم العالم عبد الوهاب المسيري

الراحل العظيم العالم جمال حمدان

[شرف الدين]

الشعب خلاص أسقط النظام

[م تيمور المراغي]

صحيح يا تيمور

رسالتي الأخيرة ليك على الايميل قريتها ولا لأ

قريتها يا شرف بالطبع ولكن جاتلي تعليمات من الاداره بعدم فتح الموضوع لحساسيته الشديده

فماحبيتش يحصل قلق دماغنا كلها مع الثوره وبس ,,

[حلواني]

الف مليون مبروك لكل المصريين

الف مليون مبروك لكل المحاورين

الف مليون شكرا لشباب مصر

الف مليون تحية للشهداء الابرار

[لماضة مصرية جدا]

مبارك شعب مصر ..

مبارك شعب مصر..

مبارك شعب مصر .

مسا الاحمر....الاسود....الابيض و في القلب الشعب الدهبي

مسا الحلم...اللي بيتصدق.

مسا اليقين....انه هيتحقق

مسا الافاقة....مسا عودة الروح

مسا الباب المفتوح علي كل خير مصري اوي

مساكي كل الهنا يا ماما سلوي

ع جنب بقي

مش مبسوطة انا بقي ايه...مبارك....شعب مصر

مش قادرة اشوفه تاني جنبينا حتي لو كان في جملة مفيدة

بهزر طبعا

مسااااكي فرحة تشيلنا من ع الارض شيل

اتاري الحلم حلو

اتاري الخير طعمه حلو

ربنا لك الحمد كما ينبغي لجلال وجهك و عظيم سلطانك

مبرووووووووووووووووووووووووووووووووووووووووك....ماما سلوي...آد البحر و السما و الكون بحاله

[شرف الدين]

صحيح يا تيمور

رسالتي الأخيرة ليك على الايميل قريتها ولا لأ

قريتها يا شرف بالطبع ولكن جاتلي تعليمات من الاداره بعدم فتح الموضوع لحساسيته الشديده

فماحبيتش يحصل قلق دماغنا كلها مع الثوره وبس ,,

مهو عشان موضوع الإدارة ده أنا بعتهالك على الإيميل

لكن الحمد لله تحقق الهدف بدون اللجوء لهذا الطريق

[rewsha]

من ميدان التحرير الى اخواتنا في الدول الشقيقه....حد عنده رئيس مزعله؟

[se_ Elsyed]

شوفتوا كلام ربنا الراسخ ؟

إن الله لا يُغير ما بقوم .. حتى يغيروا ما بانفسهم

يعني لا حد نزل علينا من السما عشان يغيرنا ... ولا قوة جت من بره تغيرنا

[rewsha]

عاجل؛المتظاهرون في ميدان التحرير يطالبون بتنحي الرئيس اوباما

:egyflag:

تم تعديل 11 فبراير 2011 بواسطة rewsha

[fatfouta]

يا ولااااااااااد البيان اتقال؟؟؟

كان فيه ايه طيب؟؟

حد يقوللى والنبى انا ماكنتش موجودة ماشوفتش بيان الجيش

حد يقول بقى...

[سكر]

إزاى ترضيلى حبيبتى

أتمعشق إسمك و انتى

عماله تزيدى فى حيرتى وما انتيش حاسه بطيبتى إزاى ؟

مش لاقى في عشقك دافع

ولا صدق فى حبك شافع

إزاى أنا رافع راسك و انتى بتحنى فى راسى إزاى ؟

أنا أقدم شارع فيكى

و آمالك م اللى باليكى

أنا طفل اتعلق بيكى فى نص السكه و توهتيه

أنا لو عاشقك متخير

كان قلبى زمانه اتغير

و حياتك لفضل أغير فيكى لحد ما ترضى عليه

ازاى سيبانى فى ضعفى

طب ليه مش واقفة ف صفى

وأنا عشت حياتى بحالها علشان ملمحش فى عينك خوف

وفى بحرك ولا فى برك

ازاى أحميلك ضهرك

وأنا ضهرى فى آخر الليل دايما بيبات محنى ومكشوف

أنا أقدم شارع فيكى

و آمالك م اللى باليكى

أنا طفل اتعلق بيكى فى نص السكه و توهتيه

أنا لو عاشقك متخير

كان قلبى زمانه اتغير

و حياتك لفضل أغير فيكى لحد ما ترضى عليه

و ازاى ترضيلى حبيبتى..

[se_ Elsyed]

عاجل؛المتظاهرون في ميدان التحرير يطالبون بتنحي الرئيس اوباما

:egyflag:

ما أحنا خلاص بقينا خبرة وعندنا محترفين ثورات

انا شخصياً جالي عرض من سوريا واليمن والجزائر ... بس لسه بأدرسهم .... وإن كنت أُفضل سوريا لظروف خاصة .. إحم إحم .. وكدهوت يعني