مبروك لمصر ... حسني مبارك تنحي

[se_ Elsyed]

في أول يومين تلاته للثورة ومع بداية إرسال جميع الدول لطائرات لغجلاء رعايها ومنهم

تركيا

على فكرة .. في العبور عندنا أتراك كتير قوي لإن له مصانع كتيره هناك

فلقيت زوجتي بتقول لي : اللي عمرها ما حصلت وبعت طائرات لأي دولة فيها كارثة لأجلاء مصريين ؟

قلت لها : ده راجل ما عندوش كرامة ولا عُمره سمع عنها

[عبير يونس]

مبارك شعب مصر ..

مبارك شعب مصر..

مبارك شعب مصر .

ع جنب بقي

مش مبسوطة انا بقي ايه...مبارك....شعب مصر

مش قادرة اشوفه تاني جنبينا حتي لو كان في جملة مفيدة

بهزر طبعا

مسااااكي فرحة تشيلنا من ع الارض شيل

اتاري الحلم حلو

اتاري الخير طعمه حلو

ربنا لك الحمد كما ينبغي لجلال وجهك و عظيم سلطانك

مبرووووووووووووووووووووووووووووووووووووووووك....ماما سلوي...آد البحر و السما و الكون بحاله

عشان كنتي دايما تغيظيني و تقوليلي مباااااااااااااااارك

فاكرة؟

:P

[se_ Elsyed]

مش عارف مين الراجل أبو شكل وحش ده اللي كان واقف ورا عمر سليمان في البيان

ده عبد العزيز سليمان إبن خالته

[م تيمور المراغي]

مش عارف مين الراجل أبو شكل وحش ده اللي كان واقف ورا عمر سليمان في البيان

تلاقيه رئيس حراسته الشخصية اكيد

[شرف الدين]

الف شكر يا أيمن

والله عيطت عياااااط وخصوصا لما حيا ارواح الشهداء

عشان كده يا فتفوتة أنا بقول نطلب من المجلس الأعلى للقوات المسلحة اعتبار شهداء الثورة شهداء عسكريين

ده أقل واجب تقوم بيه القوات المسلحة تجاه الشهداء دول

[سكر]

مصر هتلاعب تونس ان شاء الله فى النهائى

[aimen]

الناس يوم 17 ( لما المتعوس اتحفنا بالخطاب اللى فوض فيه الصلاحيات لعمر سليمان )

اليوم لما الناس اتاكدت انه غار فى ستين داهية

[Scorpion]

طب فيه حاجة مش عارف اذا كنتم اخدتم بالكم منها و الا لأ ...

في كل البيانات اللي اتعملت سواء من الأستاذ حسني مبارك ( الرئيس سابقآ ).. او من نائبه ... او من احمد شفيق .. او من العسكريين .. اللي كان بيتكلم كان لوحده بيبص علي عدسة الكاميرا ...

ما فيش غير ال 15 ثانية اللي طلع فيهم عمر سليمان النهارده بيعلن قرار تنحي الرئيس ... مافيش غير دي اللي كان فيه واحد شكله مخبر عتاقي كده واقف وراه ... مين ده بقي ؟؟؟ و كان بيعمل ايه ورا عمر سليمان و ايديه مستخبية ورا ضهره ... و كان بيبص ليه زي البودي جاردات علي كل اللي في الأستوديو ؟؟؟

اذا عرفت الحل ... اتصل بالقوات المسلحة

[se_ Elsyed]

باراك أوباما .... عالهوا دلوقت

ولا يهمنا ... وممكن نبعت لك جيش أوله في واشنطن وأخره في منيل الروضة ونجيبك من قفاك

ده انا مصري ياض

[م تيمور المراغي]

مصر هتلاعب تونس ان شاء الله فى النهائى

جامده موت دي

بس السكور معانا

هما 27 يوم

احنا 18 يوم فقط

:happy:

[aimen]

[شرف الدين]

شفتو خطاب أوباما

شفتو مصر قيمتها كبيرة أد ايه

القيمة اللي كان النظام السابق هدرها وحاططها في الأرض

-----------------------------------------------

خطوط عريضة من خطاب أوباما

المصريون كانوا مصدرا للإلهام

حققوا العدل بدون عنف

لقد تحركت مشاعر الشعب الأمريكي تجاه شعب مصر

كيف غير المصريون بلدهم

وبهذا غيروا العالم بأسره

-----------------------------------------

شفتوا يا شباب

كل العالم مشغول بمصر

مصر أم الدنيا

يعني أم أوربا وأم أمريكا وأم اللي جابوا أمريكا

[se_ Elsyed]

كلام كله إحترام لمصر وما يقدرش يقول غير كده

على فكرة .. لازم نطالب بضرورة تنظيم الحصول على الجرين كارد المصرية

والفيش والفايل والميديكال وكدهوت

[الغريب]

المفروض بقى محاورات المصريين تعمل معانا واجب كبير

يعني مثلا توزع على كل عضو عشرين نقطة خضرا ، أو نبقى كلنا مشرفين :)

[fatfouta]

طب فيه حاجة مش عارف اذا كنتم اخدتم بالكم منها و الا لأ ...

في كل البيانات اللي اتعملت سواء من الأستاذ حسني مبارك ( الرئيس سابقآ ).. او من نائبه ... او من احمد شفيق .. او من العسكريين .. اللي كان بيتكلم كان لوحده بيبص علي عدسة الكاميرا ...

ما فيش غير ال 15 ثانية اللي طلع فيهم عمر سليمان النهارده بيعلن قرار تنحي الرئيس ... مافيش غير دي اللي كان فيه واحد شكله مخبر عتاقي كده واقف وراه ... مين ده بقي ؟؟؟ و كان بيعمل ايه ورا عمر سليمان و ايديه مستخبية ورا ضهره ... و كان بيبص ليه زي البودي جاردات علي كل اللي في الأستوديو ؟؟؟

اذا عرفت الحل ... اتصل بالقوات المسلحة

الووووووو

القوات المسلحة

ده تقريبا الحرس بتاعه يا فندم

اوووو بقى واحد موقفينه وراه يراقبه عشان لو قال اى حاجة كده ولا كده ومش هوضح اكتر من كده

سكوب الغالى العزيز.....ألف مبرووووووووووووووووووك :clappingrose:

تم تعديل 11 فبراير 2011 بواسطة fatfouta

[لماضة مصرية جدا]

[م تيمور المراغي]

يااااه دي ايه الاصاله دي ,,

شوفتوا احترام اوباما عامل ازاي لمصر وشعب مصر ,,

ده ايه ده احنا كنا ناسيين ازاي كل ده ,,

مسير الايام تعود بينا

لمجد ماضينا

ان شاء الله

,,,,

[se_ Elsyed]

على فكرة يا جماعة

وائل غنيم في حديثة مع قناة العربية عصر اليوم قبل التنحي والهروب .. طالب بان يكون للمغتربين حق التصويت في أي إنتخابات .. وجه من أقل حقوقنا ولازم نتمسك به جميعنا

[Simba]

والله دايما بحس بنفسي وسطكم الفترة اللي فاتت كنا عاملين ازاي كلنا زي ما نكون ............. هاسيب ليكم تكملوا مكان النقط يا حلي ناس يا احلي مصريين يا احلي محاورتييين ... اختلفنا او ولا بس اجتمعنا علي الحب البلد والخير للبلد ... والله كانت الناس اللي خايفة علي الشباب كنت تقرا مشاركتهم بمنتهي الصدق ..... اما علي صاحبي اللي اقصده أكيد مش انتم يا احلي ناس والله ... لأنكم عمركم ما اتفذلكتم بمصطلحات اللغة ف اصعب الاوقات .... :) 

[م تيمور المراغي]

المفروض بقى محاورات المصريين تعمل معانا واجب كبير

يعني مثلا توزع على كل عضو عشرين نقطة خضرا ، أو نبقى كلنا مشرفين :)

شكر واجب لاكبر صالون سياسي وثقافي مصري فعلا على الانترنت

يمكن لا يكون الاكبر في الحجم

ولكن الاكبر في القيمه الادبيه لكل فرد هنا فيه ,,

الموقع الذي كان محط انظار الالوف الذين يدخلونه كزائرين يوميا لمتابعة كتابات مفكريه واعضائه الافاضل الكرام ,,