مبروك لمصر ... حسني مبارك تنحي

[Ahmed Anwer]

السلام عليكم ،،،

عائد من أمام القصر الجمهوري بالعروبة ،،

من أمام البوابة الرئيسية لنادي هليوبليس

صليت الجمعة و ذهبت إلي هناك

في البداية كان العدد قليل ،، و معظمه من أعضاء النادي و سكان المناطق المحيطة

و أعتقد القليل من نشطاء حركة الشباب من ميدان التحرير

الهتافات كانت واحدة

مش هنمشي هوا يمشي

هوا مبارك عايز أيه الشعب المصري يبوس رجليه

لا يا مبارك مش هنبوس ،،، بكره عليك بالجزمة ندوس

ارحل ،،، أرحل ،،، أرحل

يالي عملت أزمة

هنديك بالجزمة

بااااااااااااااااااااطل مع وضع اسماء و رموز الفساد

الشعب يريد إسقاط النظام

الشعب يريد محكمة السفاح

يا مبارك يا سفاح كفاية جبن كفاية خسة

حسني مبارك يا طبار جبت منين سبعين مليار

و المزيد و المزيد من الهتافات و الأبيات الشعرية الجميلة دا و المعبرة جدا

و خلال ذلك كان العدد يتزايد بكثرة وافد من التحرير و غيره

و أهم شئ صور الشهداء و بعض اقاربهم و بعض الجرحي اساسا

كانت روح جميلة من يوزع مأكولات و مشروبات ،،، و شباب الثورة ينضفون الشوارع بايديهم

تزايد العدد كثيرا جدا و استمر الحماس و الهتافات

و تزايدت الهتافات في موقفين ،،، مشاهدة طائرتين هليكوتيبر ترحلان من داخل قصر الرئاسة

و عندما قام جندي مصري من خلف الأسلاك الشائكة بالتقاط علم مصر من المتظاهرين و قام بتعليقه علي دبابته

العد كان زاد جدا و ملأ المنطقة من بوابة نادي هليوبوليس حتي منشية البكري ،، و يصل في صورة أفواج من ميدان التحرير

و يااااااااااااااااااااااه علي لحظة إعلان التنحي ،،، لحظة تاريخية فعلا

هتف الجميع في صوت واحد الله أكبر الله أكبر

و دم الشهدا مارحشي هدر

و انطلقت مظاهرات و مسيرات الفرح

عاد البعض لميدان التحرير بينما بقينا و بقي سكان المناطق المحيطة

و زاد العدد أضعاف مضاعفة ،،، شباب و بنات و عائلات ،، ملتحيين و اقباط و متبرجات و متنقبات

و كله يشير بيده بعلامة النصر ،،، و الناس تهتف من الشرفات

و انطلقت هتافات نصر جديدة لحظية : _

الشعب ،،، خلاص أسقط النظام

أحنا صح ،،، احنا صح

حسني بره ،،،،،،، مصر حره

حرية ،،، حرية ،،، حرية ،،، حرية

الجيش و الشعب ،،، ايد واحدة

دلعو يا دلعو ،،،،، مبارك شعبه خلعو

حلو يا حلو ،،،،،،، مبارك شعبه ذله

و استمرت الاحتفالات في جميع مناطق مصر الجديدة و الضواحي المحيطة بها

هنزل الصور في اقرب فرصة ،،،

اصلي تعبان أووي و صوتي منبوح ،،،

بس سعيد ،،، حاسس إني روحت يوم للقصر الجمهوري ،،، خلصت الموضوع و جيت

ههههههههههه

[fatfouta]

الا صحيح هى شبكة رصد هتفضل ولا هتقفل بقى؟؟

[عبير يونس]

تصدقوا في لسه ناس زبالة على المواقع الإخبارية زي اليوم السابع بتقول

- إن النهاردة هو بداية الخراب لمصر وإن إيران إنتقمت من مبارك اللي أوقف المد الثورة الإسلامي في مصر لمدة 30 سنة وعشان كده أسقطته

يخرب بيت البانجو اللي بيلحس دماغ الناس

للأسف

في من أقرب الناس ليا

مصدقين الناس الزبالة دي

و كنت حأتشل و أنا بأباركلهم على التيليفون

و كان الرد بتباركيلنا على خراب البلد

:blink:

مش حيغير النظرة دي

غير العمل و العمل و العمل

[مسافر زاده الخيال]

مبروك لمصر و للمصريين...حصولهم على ما تمنوه

ذهب المهم و بقي اﻻهم...وهو الحفاظ على المكتسبات

والتيقظ ﻻعداء النجاح...فهناك طبعا من يهمه ايقاف

المسيرة

تم تعديل 11 فبراير 2011 بواسطة مسافر زاده الخيال

[م تيمور المراغي]

الا صحيح هى شبكة رصد هتفضل ولا هتقفل بقى؟؟

بتاعت امن الدوله حتقفل

وبتاعتنا احنا حتفضل تراقب كل مسئول في البلد لو قصر في عمله

وكل موظف في البلد لو كسل او تهاون في اداء وظيفته

عاوزين روح الثوره تفضل قايده بس المره دي

نوجهها ناحية تحقيق احلام الانسان مش بس في مصر ,,

ولكن في كل العالم ,,

الحق

الخير

الجمال ,,

[Om Zayd]

مبروك لمصر و للمصريين...حصولهم على ما تمنوه

ذهب المهم و بقي اﻻهم...وهو الحفاظ على المكتسبات

والتيقظ ﻻعداء النجاح...فهناك طبعا من يهمه ايقاف

المسيرة

ليه الحبر السري؟؟؟

[م تيمور المراغي]

مبروك لمصر و للمصريين...حصولهم على ما تمنوه

ذهب المهم و بقي اﻻهم...وهو الحفاظ على المكتسبات

والتيقظ ﻻعداء النجاح...فهناك طبعا من يهمه ايقاف

المسيرة

الله يبارك فيك يا مسافر ,,

وان شاء الله المرحله المقبله هي التخلص من كل حروووف القاف اللي في البلد :happy:

[م تيمور المراغي]

مبروك لمصر و للمصريين...حصولهم على ما تمنوه

ذهب المهم و بقي اﻻهم...وهو الحفاظ على المكتسبات

والتيقظ ﻻعداء النجاح...فهناك طبعا من يهمه ايقاف

المسيرة

ليه الحبر السري؟؟؟

عشان علم مصر ,,

[مغتربة]

http://www.youtube.com/watch?v=rBoYLO3kJh0

[شرف الدين]

الوصول للقمة صعب لكن الحفاظ على القمة أصعب

الآن تحقق هدف رئيسي وهو في رأيي الهدف الصعب

وبقى أهداف أخرى

الأهداف الأخرى تتحقق بالعمل

لكن صحيح يا تيمور

ايه حكاية ميدان التحرير

هل فعلا الناس مش عايزة تمشي من ميدان التحرير ؟

تم تعديل 11 فبراير 2011 بواسطة شرف الدين

[mekkawy]

حالاً بالاً و من قلب الحدث بعد العودة للبيت

نزلنا في مظاهرة صغنتوتة كدة سرقة في جدة قبل الشرطة ما تطب علينا

وقنا ع الكورنيش عند تشكي تشيز و هتفنا كل الهتافات الجميلة اللي الناس قالتها النهاردة عند القصر

ياااااااااه احساس روعة انك تشارك ولاد بلدك

يااااااه و احنا بنقول النشيد الوطني

ياااااااه و احنا بنشم هوا الحرية و بنقول مصر حرة .. حسني برة

يااااااااه و احنا بنلوح بالعلم

يااااااااه لما قلنا .. سلامات سلامات سلامات .. السعودية و مصر إخوات

ياااااااه لما الأمن جه و كان هيلمنا كلنا :happy:

بس لمينا نفسنا بكل أدب و احترام و ما عملناش هيصة أكتر من اللي عملناها

الشباب السعوديين رقصوا معانا و الناس صورت و اتفرجت على أحلى شباب و علمنا العالم الأدب و التحضر

حسينا اننا شاركنا إخواننا في مصر أهو بأي حاجة حتى لو الفرحة الجاهزة .. معلش

أنا بجد حسيت قد ايه الناس دي تعبت لما صوتي اتنبح من شوية هتاف ما يجوش نص ساعة

قد ايه الناس دي تعبت في التنطيط و النوم على الأسفلت

يااااااااه .. بنحبك يا مصر أوي و الله

و أجمل هتاف كان

ارفع راسك فووووووق .. إنت مصري

[أبوعمار]

قام المتظاهرون باستبدال اللافتات الموضوعة على جدران محطة "محمد حسنى مبارك" بلافتات تحمل اسم" محطة الشهداء"

يااااااااااااه

ده احنا محتاجين نغير يفط كتير قوي يا جدعان

المفروض يطلبوا متطوعين عشان نلاحق علىها

[fatfouta]

دلوقتى فرحت فرحة وعيطت عياااااااااط

جايبين عالجزيرة الجالية الاسبانية فى مدريد عاملين افراح

وفجاة ببص لقيت اخويا فيهم وهو اللى واقف عمال يغنى وهما يقولوا وراه

والله بجد سعادتى مش ممكن

كان نفسى ابقى فى مصر وكل اخواتى وحبايبى وجيرانى حواليا

اختى كانت فى ميدان التحرير ذى كل يوم واول ماسمعوا البيان اتصلت بيا ومش سامعا ولا حاجة منها وبتقولى انا بتصل بيكى عشان اسمعك فى التليفون احنا عاملين ايه فى التحرير

بتقولى الناس هنا بتقع من الفرحة والله والكل ايد واحدة ومش عاوزين يروحوا

ومروحين بالدموع بعد الحب والعشرة اللى كانت بينهم

انا بجد فرحانة بجد

ولو ام اكن مصرية لوددت ان اكون مصريةةةةةة

[م تيمور المراغي]

الوصول للقمة صعب لكن الحفاظ على القمة أصعب

الآن تحقق هدف رئيسي وهو في رأيي الهدف الصعب

وبقى أهداف أخرى

الأهداف الأخرى تتحقق بالعمل

لكن صحيح يا تيمور

ايه حكاية ميدان التحرير

هل فعلا الناس مش عايزة تمشي من ميدان التحرير ؟

مستنيين يفرحوا لهم كام يوم :happy:

وكمان يطمنوا ويعطوا رساله للجميع

ان الميدان موجود

والملايين تترقب وتراقب وتنتظر ,,!!

[م تيمور المراغي]

دلوقتى فرحت فرحة وعيطت عياااااااااط

جايبين عالجزيرة الجالية الاسبانية فى مدريد عاملين افراح

وفجاة ببص لقيت اخويا فيهم وهو اللى واقف عمال يغنى وهما يقولوا وراه

والله بجد سعادتى مش ممكن

كان نفسى ابقى فى مصر وكل اخواتى وحبايبى وجيرانى حواليا

اختى كانت فى ميدان التحرير ذى كل يوم واول ماسمعوا البيان اتصلت بيا ومش سامعا ولا حاجة منها وبتقولى انا بتصل بيكى عشان اسمعك فى التليفون احنا عاملين ايه فى التحرير

بتقولى الناس هنا بتقع من الفرحة والله والكل ايد واحدة ومش عاوزين يروحوا

ومروحين بالدموع بعد الحب والعشرة اللى كانت بينهم

انا بجد فرحانة بجد

ولو ام اكن مصرية لوددت ان اكون مصريةةةةةة

انها حقا

عائله وطنيه ومحترمه ,,

تحيتي ,,

[mekkawy]

كانت نقصاك يا تيمو يا زعيم حزب المعارضة المحاوراتي

بس ايه يا برنس

المظاهرات دي 100%

و أحب أنصح الشباب إنهم يطلعوا المظاهرات قبل النوم و لما يجيلهم اكتئاب يروحوا يخلعوا لهم كام رئيس :happy:

[شرف الدين]

الوصول للقمة صعب لكن الحفاظ على القمة أصعب

الآن تحقق هدف رئيسي وهو في رأيي الهدف الصعب

وبقى أهداف أخرى

الأهداف الأخرى تتحقق بالعمل

لكن صحيح يا تيمور

ايه حكاية ميدان التحرير

هل فعلا الناس مش عايزة تمشي من ميدان التحرير ؟

مستنيين يفرحوا لهم كام يوم :happy:

وكمان يطمنوا ويعطوا رساله للجميع

ان الميدان موجود

والملايين تترقب وتراقب وتنتظر ,,!!

بتهيألي يا تيمور المفروض إننا نبدأ نشتغل بقى

يعني الليلة دي فرحة واحتفال

وبكرة تنضيف للميدان عشان نرجعه زي ما كان

وبعد بكرة يوم الأحد يستأنف الناس أعمالهم

صحيح إن الهدف اللي تحقق كبير جدا ويستحق كل احتفال

لكن طالما تحقق الهدف... مش عايزين يكون في خساير اقتصادية زيادة

ولا ايه رأيك ؟

[عنبو]

تحيه خاصه الى فتفوته

اختى الغاليه والمقربه جدا الى قلبى

انتى كنتى عامله زى الدينامو فى نقل الاخبار

واكيد طبعا اسمك اتعلم عليه بس انا عارفك انك بميت راجل

__________________________________

تحيه خاصه الى مدام مصريه متغربه اللى كانت كل شويه تقولنا الثقه بالله

الثقه بالله يا جماعه وكان عندها يقين فى نصر الله

من حقى افتخر ايضاً انى شرقاويه

_________________________________

تحيه ايضا الى ريهام لماضه يعنى

اللى كل شويه كانت تقول طيب يا جماعه مش هينفع نقعد كده لازم نعمل حاجه تفتكروا نعمل ايه

موافقاك في كل كلمة

وانت كمان تستحق على تحليلاتك المفيدة وكل الشكر لمهندس تيمور المتفائل

ربنا يكرمكم جميعا بجد وتحققوا كل احلامكم

وعايزين نفتح توبيك لاحلامنا في مصر في عهد الحرية والكرامة

ميرسى ليكى يا مدام اركان وانا سعيد جداً بانضمامك لينا

تحياتى

عنبو

[م تيمور المراغي]

كانت نقصاك يا تيمو يا زعيم حزب المعارضة المحاوراتي

بس ايه يا برنس

المظاهرات دي 100%

و أحب أنصح الشباب إنهم يطلعوا المظاهرات قبل النوم و لما يجيلهم اكتئاب يروحوا يخلعوا لهم كام رئيس :happy:

مابقاش معارضه خلاص يا مك :happy:

بقينا

الاغلبية

[امير مجروح]

الله عليكى يامصر