مبروك لمصر ... حسني مبارك تنحي

[ozoozo]

ولسه هانشوف ونسمع بلاوي

عمرو اديب يشرح مافعله بيه مبارك وجمال وعز

http://www.facebook.com/video/video.php?v=163884373660905

لازم تشوفوه

[عصام أبوالفتح]

ده شرف للحملة انك تنضم ليها يا تيمور باشا

مش هاقولك اتبرع ولو بجنيه ..ولا ريال :)

بس لازم تبقى معانا بجد

معاكم ان شاء الله ,,

أهلا بكل اخواننا واخواتنا المغتربين بالمحاورات

صوتنا هايوصل ان شاء الله

[أبوعمار]

الفاضل ارشيتيكت ...

اسمح لي بملاحظة أرجو الا تضايقك ...

تولد لي شعور من خلال جميع مداخلاتك بانك تريد ان تضفي جانب شخصي لما حدث علي الساحة المصرية ...

................

تحياتي

لا عادي استاذي الفاضل قول كل اللي جواك ,, :happy:

..............

الفضل في نجاح الثوره هو لكل من شارك فيها ولو بالدعاء المخلص الصادق من اول يوم بل من قبل ان تبدا اصلا وكانت مجرد حلما بعيد المنال على بال الاغلبيه الساحقة من ا لشعب المصري ,,

وحتى لو كنت معجب بنفسي يا سيدي وشايف نفسي حبتين ايه المشكله يعني هههههههه :happy:

تفضل شم دي ,, تعالى نفرح سويا بالحرية والنصر

مادام الموضوع اتفتح ..

ممكن اطلب ان يتم دمج كل التوبيكات الخاصه ب( 25 يناير موعد المصريين ) تحت التوبيك الاصلي المثبت في القسم بدلا من التفتيت الذي تعرض له على مر الايام !!

شكرا لحضرتك ابو جونيور ,,

أعزائي الغاليين سكوربيون ....تيمور

أحييك يا سكوربيون على صراجتك وأسلوبك الجميل اللي أنا من معجبينه

بس فعلا انا بأحس ان تيمور بيتكلم بعفوية ...

حبيبي تيمور.... أنا عن نفسي مقدّر مجهودك وحاسس بيه ... ومفيش حاجة بتضيع عند رب العالمين... وكفاية تحس انك عملت كل اللي تقدر عليه من مكانك... لك مني تحية وجزاك الله خير

يا ولاد ماتنسوش..... مصر اليوم في عيد

[م تيمور المراغي]

ولسه هانشوف ونسمع بلاوي

عمرو اديب يشرح مافعله بيه مبارك وجمال وعز

http://www.facebook.com/video/video.php?v=163884373660905

لازم تشوفوه

يا خبر ابيض

مبارك مشي بقى خلاص

واتفرجوا يا محاوراتيه

على كل الفضايح اللي حتطلع بعد كده ,,

ده احنا ورانا شهور من المشاهده المدهشه الممتعه والله :happy:

اتوقع ان التوبيك ده يعدي 50 الف مداخله مستريح هههههههه

ياخبر ابيض !!!!

[nasr-badr]

الحمد لله وحده نصر عبده وأعز جنده وهزم الأحزاب وحده

قد يكون الأوقع أن أقول هزم الحزب الوطني وحده يختلج في صدري كثير من الكلام وكثير من المشاهدات وأكثر من التأملات ولكن سأؤجل ذلك لما بعد..فالآن وقت الفرح وليس الفرح فقط بذهاب طغاه ولكني فرحي الأكبر بهذا الشياب الرائع شباب مصر وشعب مصر الذي أظهر معدنه الأصيل ..معدنه المعجز ..في تجربة فريدة جدا من نوعها ولكن أؤجل ذلك لما بعد إن شاء الله تعالي

ولكن مبارك لمصر "مضطر أقول طده وهنيئا لك يا مصر بأولادك والله أسأل أن يكون هذا بداية حضارة يصنعها هذا الجيل لمصر التي تستحق "

[م تيمور المراغي]

الفاضل ارشيتيكت ...

اسمح لي بملاحظة أرجو الا تضايقك ...

تولد لي شعور من خلال جميع مداخلاتك بانك تريد ان تضفي جانب شخصي لما حدث علي الساحة المصرية ...

................

تحياتي

لا عادي استاذي الفاضل قول كل اللي جواك ,, :happy:

..............

الفضل في نجاح الثوره هو لكل من شارك فيها ولو بالدعاء المخلص الصادق من اول يوم بل من قبل ان تبدا اصلا وكانت مجرد حلما بعيد المنال على بال الاغلبيه الساحقة من ا لشعب المصري ,,

وحتى لو كنت معجب بنفسي يا سيدي وشايف نفسي حبتين ايه المشكله يعني هههههههه :happy:

تفضل شم دي ,, تعالى نفرح سويا بالحرية والنصر

مادام الموضوع اتفتح ..

ممكن اطلب ان يتم دمج كل التوبيكات الخاصه ب( 25 يناير موعد المصريين ) تحت التوبيك الاصلي المثبت في القسم بدلا من التفتيت الذي تعرض له على مر الايام !!

شكرا لحضرتك ابو جونيور ,,

أعزائي الغاليين سكوربيون ....تيمور

أحييك يا سكوربيون على صراجتك وأسلوبك الجميل اللي أنا من معجبينه

بس فعلا انا بأحس ان تيمور بيتكلم بعفوية ...

حبيبي تيمور.... أنا عن نفسي مقدّر مجهودك وحاسس بيه ... ومفيش حاجة بتضيع عند رب العالمين... وكفاية تحس انك عملت كل اللي تقدر عليه من مكانك... لك مني تحية وجزاك الله خير

يا ولاد ماتنسوش..... مصر اليوم في عيد

ميرسي يا بو عمار على كلامك الرقيق ,,

وان شاء الله اوعدكم ان اركتيكت حيكون اكثر هدوءا بكثير اوي اوي في الايام القادمه ان شا الله ,,

حرب على من حاربكم ,,

سلم على من سالمكم

ان شاء الله ,,

حيقول لك اهو بيتفلسف ابن اللذين اهو لازم نشطب معرفه خاااااااالص ههههههه :happy:

[psychologyteacher]

انا حاسس ان المغتربين عاملين زى اليتامى مش عارفين يفرحوا مع الشعب صح ولا انا غلطان

لالالالالالالالا

مش يتامى ولا حاجة

دول فرحوا وولعوها فى اماكن كتييييييير

مثلا

شارع الخليج العربى

السالمية

الكويت

كان وااااالع

[شرف الدين]

طب بما إننا بقينا أكثر هدوءا بقى

متزعلش مني يا تيمور على المداخلة اللي انتقدتك فيها

[أبوعمار]

انا حاسس ان المغتربين عاملين زى اليتامى مش عارفين يفرحوا مع الشعب صح ولا انا غلطان

لالالالالالالالا

مش يتامى ولا حاجة

دول فرحوا وولعوها فى اماكن كتييييييير

مثلا

شارع الخليج العربى

السالمية

الكويت

كان وااااالع

يا خسااااااااااااااارة

مش تقولوا يا جماعة....نطلع نشم روائح النصر معاكم

إن شاء الله نكمل بكرة

[ذهبية]

بجد يامغتربين انتم فاتكم نص عمركم بجددد

انا هاوصف ليكم فرحة مصر اللى كان نفسى تشوفها معايا النهاردة

انا لسة راجعة الساعة 1 باليل و مصر كلها فى الشارع اللى بتشوفة فى التلفزيون حاجة و الحقيقة و جوة الشعب حاجة تانية

انا شوفت الفرحة بيعنى فى المنصورة الناس كلها فى الشارع من الصبح

لوح شهداء المنصورة و هما اتين على لوحات كبيرة فى كل مكان عند المحافظة مكبرات صوت

بمجرد ما طلع قرار التنحى منظهر يشيب لة العقل كل الشباب و الاسر و البنات والاولاد قرا القاتحة بصوت جامد على ارواح الشهداء و كلهم سجدوااا على الارض حمد الله

وبدات الافراح

اغانى وطنية و الاعلام مصر كلها فى ايد كل الناس

الجيش على الدبابات و المدرعات الناس بتحضنها و تتصور معاها

شباب على العربيات و الطبل و كلهم كلمة واحدة مصر مصر مصر مصر

اسر باولادها كاملة بالموبلات و الكاميرات لتصوير تاريخ ثورة لتكون ذكرة فى حياتهم

العربيات تدق على نغمة واحدة مصر مصر

حلقات من الشباب ترقص و الاعلام بين ايديها

شباب زى الفل بنات زى الفل لا يوجد و لا معاكسة واحدة

الزوج مع زوجتة و معاهم اولادهم على الدبابة لالتقاط صور

بجد مشهد لا يوصف

مبروك يا مصر

مبروك عليك شعبك

مبروك عليك ولادك

مبروك عليك فرحتك

يارب يدومها فرحةةة يارب

[م تيمور المراغي]

طب بما إننا بقينا أكثر هدوءا بقى

متزعلش مني يا تيمور على المداخلة اللي انتقدتك فيها

اصيل والله يا شرف

وانت حقك عليا لما كنت بطنش مداخلاتك :P المفروض اني ارد على كل من وجه لي اي كلمه فما بالك بكلماتك الرائعه

اعمل ايه بس ابوسك ههههه :happy:

منك لله يا سونسون زعلت مننا اجمل الناس ,,

حقكم عليا لكل واحد انا احتديت عليه او دايقته في كلامي وعفى الله عما سلف ,,

[Scorpion]

شوف يا باشمهندس ...

اتمني بعد الفترة الصغيرة اللي حواراتنا اتقاطعت فيها مع بعض انك تكون اخدت فكرة بسيطة عن شخصي ... الفكرة دي هي اللي بتخليني اتكلم مباشرة معاك مثلآ دلوقتي من غير اي تلقيح كلام شفته الفترة اللي فاتت ...

اقول لك ليه استخدمت لفظ تلقيح كلام ...

مع كل الأحترام للضغط العصبي اللي كنت واقع تحته في الفترة اللي فاتت ... لكن برضه كان فيه تانيين تحت نفس الضغط و أكتر كمان .. انا مثلآ مش ممكن أحكم علي ظروفك و حضرتك مش ممكن تعرف ظروف اي زميل تاني معانا ...

اللي حصل ان المخاوف كانت ماسكة ناس كتيرة مننا ... و ما انكرش طبعآ انني كنت واحد منهم ...

و عليه حتكلم عن نفسي و مش علي اي حد تاني علشان تعرف تأثير كلامك كان ازاي ...

الأول كنت خايف من اللي حصل في تونس في بداية الثورة انه يتكرر هنا و اعلنت عن كده ... الثورة ابتدت و الحمد لله المخاوف دي ما حصلتش ... و من اول اللحظة دي اعتقد اننا كلنا ... كلنا بدون اي تردد كنا بنبارك و سعداء لأقصي درجة من اللي بيحصل لحد النقطة ألأخيرة بتاعت تنحي مبارك .. و هنا انقسمنا لفريقين ... الأتنين عايزين نفس النتيجة لكن فريق شايف انه كده كده خلاص بقي مجرد صورة عالحيط ... يمشي ما يمشيش هو انتهي فعلآ .. و كفاية كده الناس ترجع لشغلها بقي و نشوف البلد و نعمرها ... اللي هو ببساطة اللي حيبتدي من النهارده ...

الفريق التاني ... قال لأ ... يمشي يعني يمشي ان شالله الدنيا تولع .. ان شالله الجيش يقع في الشعب ...

من هنا بقي ابتديت اسمع تلقيح الكلام .. اللي كله اخدته علي شخصي ... و ما زلت هنا بتكلم عن نفسي بس و انا واثق ان فيه كتير جدآ عندهم نفس الأحساس ...

خرفان ... مستخبين تحت السرير ... خليكم انتم و احنا حنغيرلكم ... لأسباب طائقية و البابا شنودة ... مرجفين ... عواجيز ... غيرانين ... لدرجة انك شخصيآ وجهت كلامك لزميل فاضل في عمر والدك بانه يقول للي باعتينه انهم ما يعيطوش بعد كده و انكم حتلبسوهم الطرح ( او حاجة بهذا المعني ) ... الجملة دي وجعتني جدآ جدآ بالرغم من انها ما كانتش متوجهة ليا ... و كونك اعتذرت عنها بعد كده بفترة ما قللش من وقعها ... الحق يتقال من الناحية التانية الردود جت تحمل اتهامات برضه بان الفريق التاني ما هم الا مجاهدي كيبورد و مش خسرانين حاجة ماداموا موجودين بره مصر ...

انا كواحد ليه رأي مخالف ذنبي ايه انه يتم اتهامي بكده ... و من هنا حضرتك فقدت نقااااااط كثيرة معايا شخصيآ ... لأن مش ده تيمور اللي عرفته في الأول ... ده واحد تاني اي واحد بيختلف معاه بيشوط فيه .... و بصراحة كنت حاسس بغضب و قللت كتير من مشاركاتي لأن الجو العام كده ... الحماس ابتدا ياخد الناس و اول ما فيه صوت بيقول يا جماعة بس كده مش ... و قبل ما تتقال كلمة مش يكون اتشاط ما بين تريقة و اتهامات ...

حتي دلوقتي و بعد ما خلصت الحكاية .... ما بين السطور ممكن تفهم قوي تلقيح الكلام ده ... اهم .. اللي كانوا مختلفين راجعين اهه ... و انا صاحب الفرح ... و انا اللي هو ....

ما ينفعش .... ما ينفعش بجد ...

هنا مش اشخاص اللي عملوا اللحظة دي .. هنا تاريخ عشر سنين ناس كبيرة بجد كتبت و فتحت عيوننا علي حاجات كبيرة قوي موجودة و احنا هنا اللي بنقطف اللحظة دي .. و اعذرني يعني ... مش علشان 10 او عشرين يوم كنا بننقل اللي بيتبعتلنا من حتت تانية بقينا يعني ابو العروسة ... كلنا .. كلنا ... اصحاب الفرح ده ...

شوف ... حاجة أخيرة ... انا مش كنت متخوف و محسوب علي فريق المرجفين ... لكن العبد لله بالرغم من مخاوفه دي ... لكني و مع اول يوم حظر تجول في مصر أخدت الطيارة ( بالرغم من اتهامات رئيسي في الشغل باني غبي ) و نزلت مصر ... و مشيت في المظاهرات ... و اترمي علي طوب من البلطجية في شارع سليمان ... و جريت ... و خفت ... و رجعت تاني ... و كمان جونيور منظم بكره مظاهرة هنا مع زملائه تضامنآ مع الطلبة و الشباب المصريين ....

كلنا شاركنا .. كلنا ... كل اللي اتمناه انك ما تخليش مرة تانية الحماسة تاخدك و تحط نفسك في وضع يضايق الناس منك زي مثلا : < وحتى لو كنت معجب بنفسي يا سيدي وشايف نفسي حبتين> ... اهي دي ممكن تضايق ... ما هي مش كل الناس ليها نفس الفكر او الأنطباع

بالنسبة لمسألة تجميع الموضوع مرة تانية .. انت مش ممكن تتخيل الوقت اللي ضاع مني في تقسيم اللي اتعمل لغاية دلوقتي .. و الوقت اللي فاضل علشان يخلص كله .. لكن بكده لما حيخلص ... حيبقي عندنا فعلآ مصدر وثائقي مش موجود في اي حتة تانية ... مصدر تعمدت ان يكون كل يوم مكتوب ياسم عضو مختلف رمز ان كل الأطياف اشتركت فيه ... و حيتثبت موضوع واحد فيه كل الأيام دي بالترتيب ... و بكده مش حنتوه .. و قدام حنعرف كل يوم ايه الأحداث اللي حصلت فيه من غير ما المواضيع تسيح كلها علي بعضها ... أصبر بس و علي آخر الأسبوع حكون خلصت الحكاية دي و ابقي شوف ...

بس برضه لسه مش قادر الاقي تيمور اللي عرفته ....

[م تيمور المراغي]

استاذ سكوربيون

اعذرني انا لم اقرأ مداخلت حضرتك

ولن اقراها والله اعلم

انا خلاص طويت صفحة الماضي دي كلها

وطلبت من الجميع ان نبدأ صفحه جميله جديده

زي مصر الجميله الجديده التي بين يدينا الان

ننسى خالص اي تصفية حسابات شخصيه

اليوم يوم الفرحه

ويوم النصر ,,

انا مش حتكلم في الماضي خلاص

حتكلم بس

في المستقبل الجميل السعيد

ان شاء الله ,,

[شرف الدين]

طب بما إننا بقينا أكثر هدوءا بقى

متزعلش مني يا تيمور على المداخلة اللي انتقدتك فيها

اصيل والله يا شرف

وانت حقك عليا لما كنت بطنش مداخلاتك :P المفروض اني ارد على كل من وجه لي اي كلمه فما بالك بكلماتك الرائعه

اعمل ايه بس ابوسك ههههه :happy:

منك لله يا سونسون زعلت مننا اجمل الناس ,,

حقكم عليا لكل واحد انا احتديت عليه او دايقته في كلامي وعفى الله عما سلف ,,

ولا يهمك يا باشا

حصل كل خير

وبعدين مين البنت الحلوة دي اللي انت حاططها في التوقيع

آه ... دي صورة الصبية

مصر الصبية

حلوة وبهية

ضحينا عشانها

بأرواحنا ديا

[م تيمور المراغي]

طب بما إننا بقينا أكثر هدوءا بقى

متزعلش مني يا تيمور على المداخلة اللي انتقدتك فيها

اصيل والله يا شرف

وانت حقك عليا لما كنت بطنش مداخلاتك :P المفروض اني ارد على كل من وجه لي اي كلمه فما بالك بكلماتك الرائعه

اعمل ايه بس ابوسك ههههه :happy:

منك لله يا سونسون زعلت مننا اجمل الناس ,,

حقكم عليا لكل واحد انا احتديت عليه او دايقته في كلامي وعفى الله عما سلف ,,

ولا يهمك يا باشا

حصل كل خير

وبعدين مين البنت الحلوة دي اللي انت حاططها في التوقيع

آه ... دي صورة الصبية

مصر الصبية

حلوة وبهية

ضحينا عشانها

بأرواحنا ديا

مصر الفتاه

مصر الفتيه

زي القمر مش كده ؟

دي صورة مصر الجديده في بالي من سنين

والحمد لله اني شفتها بعيني يقينا الآن ,,

من قدنا في الدنيا مين ؟؟ :happy:

[Scorpion]

استاذ سكوربيون

اعذرني انا لم اقرأ مداخلت حضرتك

ولن اقراها والله اعلم

اهي دي ضايقتني ... لأني تعبت في كتابتها و عنيت كل حرف فيها .. و اهتميت بالرد عليك و علي تساؤلاتك .. فأقل حاجة احترامآ لمحاورك انك تقرا اللي كتبه ليك شخصيآ ..

اتفهم انك تريد ان تطوي صفحة .. و لكن لا تستطيع ان تطويها بدون قراءة الصفحة التي سبقتها حتي لا يستعصي عليك فهم جزء سيحدث فيما بعد ...

عالعموم انت حر طبعآ ...

[م تيمور المراغي]

استاذ سكوربيون

اعذرني انا لم اقرأ مداخلت حضرتك

ولن اقراها والله اعلم

اهي دي ضايقتني ... لأني تعبت في كتابتها و عنيت كل حرف فيها .. و اهتميت بالرد عليك و علي تساؤلاتك .. فأقل حاجة احترامآ لمحاورك انك تقرا اللي كتبه ليك شخصيآ ..

اتفهم انك تريد ان تطوي صفحة .. و لكن لا تستطيع ان تطويها بدون قراءة الصفحة التي سبقتها حتي لا يستعصي عليك فهم جزء سيحدث فيما بعد ...

عالعموم انت حر طبعآ ...

والله العظيم ماهو عدم اعتناء

ليه قلت عني كده ؟

انا بس مش عاوز الاقي كلمه هكا ولا هيكا اقوم ارد وغيري يرد والموضوع يوسع :happy:

حرجع اقراها لاني استدركت في كلمتي وقلت ( والله اعلم ) ,, بس بعدين ,,لما الامور تهدأ وتروق

قلبك ابيض بقى ,,

فاكر لما قصدتني اني ابدا صفحه جديده مع ناس كنت على خلاف معاهم وانا ماكسفتكش ؟

ماتكسفنيش انت بقى واقبل دعوتي للصلح

انا طلبتها اهو منك قدام كل الرجاله والثوار اللي معانا هنا في المحاورات ,,

عاوزك بمناسبة النصر تبقى تعزمني على طبق بصاره سخن نار كده مع شوية طورشي بلدي اتفقنا ؟؟ :happy:

[شرف الدين]

لكن سؤال بجد يا شباب

بجد تفتكروا حسني فين دلوقت

في شرم الشيخ ولا غادر مصر كلها ؟

[م تيمور المراغي]

سويسرا جمدت بالفعل أصول الرئيس المصري السابق حسني مبارك والمقربين منه

قال متحدث باسم وزارة الخارجية السويسرية ان سويسرا جمدت اصولا من المحتمل انها مملوكة لحسني مبارك الذي تنحى عن منصب رئيس الجمهورية يوم الجمعة بعد ان حكم مصر 30 عاما.

وقال المتحدث لارس نوتشيل "يمكنني ان اؤكد ان سويسرا جمدت اصول الرئيس المصري السابق بأثر فوري".

وامتنع عن تحديد حجم الاموال التي يشملها التجميد.

وقالت وزارة الخارجية السويسرية في بيان ان "المجلس الفدرالي قرر التجميد الفوري لاي حسابات في سويسرا للرئيس المصري السابق والمقربين منه".

واضافت ان هذا القرار يهدف الى "تفادي اي اختلاس لاموال تعود الى الدولة المصرية".

وقدر خبراء اقتصاديون من الشرق الأوسط ثروة عائلة الرئيس المصري حسني مبارك بنحو 70 مليار دولار أمريكي، تتركز غالبيتها في أرصدة في بنوك بريطانية وسويسرية وعقارات في لندن ونيويورك ولوس أنجليس، فضلاً عن امتلاكها مساحات راقية واسعة في مدينة شرم الشيخ على شواطئ البحر الأحمر.

وقالت صحيفة "الغارديان" البريطانية في تقرير نشرته مساء الجمعة عن ثروة عائلة مبارك، "إنه وبعد ثلاثين عاماً في موقع الرئاسة وأكثر من 60 عاماً في الخدمة العسكرية، كان للرئيس مبارك صلاحيات واسعة في ما يتعلق بعقود الاستثمار التي تدر على البلاد أرباحاً بملايين الجنيهات المصرية".

وأضافت أن "معظم هذه الأموال كانت ترسل إلى خارج مصر، وتودع في حسابات بنكية سرية، ويتم استثمارها لاحقاً في شراء بيوت وفنادق راقية". ووفقاً لتقرير إخباري نشر في صحيفة عربية، لم تفصح "الغارديان" عن جنسيتها، "فإن لمبارك أملاكاً في مانهاتن وبيفيرلي هيلز".

ووصفت الصحيفة جمال وعلاء مبارك، ابنا الرئيس المصري، بأنهما من أصحاب المليارات. وأبانت وقفة احتجاجية خارج منزل فاخر يملكه جمال مبارك في "بلغرافيا" وسط لندن، عن شهية العائلة تجاه امتلاك الأماكن الغربية الأثرية القديمة.

وقالت أماني جمال، أستاذ العلوم السياسة في جامعة برنستون الأمريكية، "إن ثروة عائلة الرئيس مبارك تتراوح بين 40 إلى 70 مليار دولار أمريكي، وهو ما يمكن مقارنته مع ثروات ضخمة مماثلة يملكها قادة في دول خليجية".

وقالت في مداخلة مع تلفزيون "أيه بي سي" الأمريكي "إن المشاريع التجارية التي جناها خلال خدمته (مبارك) في الحقلين العسكري والمدني (لمدة استمرت 62 عاماً) تضاف إلى ثروته الشخصية". وأضافت أن "هناك الكثير من الفساد في نظام حكمه (مبارك)، فضلاً عن استغلال الموارد العامة للبلاد لتحقيق مكاسب شخصية".

ومضت تقول "هذا نموذج آخر لأنظمة ديكتاتورية في بلدان الشرق الأوسط ممن لا يمكن السيطرة على أموالهم في المراحل الانتقالية للبلاد، وهؤلاء القادة يخططون في هذا الاتجاه"، من خلال تحويل أموالهم إلى بنوك خارجية

[م تيمور المراغي]

الخبر اللي فات ده كنت نزلته من 3 اسابيع لما كنا بنتكلم عن زين الهاربين ,,

كان يوم 18 يناير تقريبا

وكنت وقتها والله بقول يارب يارب ثورة 25 يناير تقوم ونوصل لنفس الوضع ده

حتى نزلت يومها نفس الصوره وقلت ياترى حيجي اليوم اللي انزل فيه نفس الصوره ونفس الموضوع عن مبارك وثروة مبارك !!

اشهد ان لا اله الا الله

واشهد ان محمدا رسول الله ,,

دلوقتي حاسس قد ايه احنا عملنا نصر كبير لمصر كان مجرد حلم من كام يوم بس فاتوا

الحمد لله ,,