مبروك لمصر ... حسني مبارك تنحي

[شرف الدين]

http://www.youtube.com/watch?v=62NsG0Tf31s&feature=related

[م تيمور المراغي]

لكن سؤال بجد يا شباب

بجد تفتكروا حسني فين دلوقت

في شرم الشيخ ولا غادر مصر كلها ؟

اتمنى يكون في مصر لكن اعتقد انه هرب ,, خلا ص,,

والله يا شرف لا اخفيك

لو كان بس تنحى في اول الثوره

ولم يقتل اي شهيد

كنا اعطيناه منصب رمزي

انا كنت قلت منصب زعيم الامه

لكن بعد اللي حصل

واللي استشهدوا

حرام علينا لا يرضى الله عنا ان لم نحاكمه

اي مجرم لا بد ان يحاكم

لا احد فوق القانون

[Simba]

رحم الله عزيز قوما ذل .... اخر ما سمعت انه يرقد طريح غيبوبة سرطانية ...

[Simba]

بس يجيبوا الفلوس لمصر .. الكفن مالوش جيوب

[م تيمور المراغي]

بس يجيبوا الفلوس لمصر .. الكفن مالوش جيوب

سبحان الله الكلمه دي قالها اول ولايته ,,

اما الفلوس فحترجع حترجع ان شاء الله ,,

[شرف الدين]

لكن سؤال بجد يا شباب

بجد تفتكروا حسني فين دلوقت

في شرم الشيخ ولا غادر مصر كلها ؟

اتمنى يكون في مصر لكن اعتقد انه هرب ,, خلا ص,,

والله يا شرف لا اخفيك

لو كان بس تنحى في اول الثوره

ولم يقتل اي شهيد

كنا اعطيناه منصب رمزي

انا كنت قلت منصب زعيم الامه

لكن بعد اللي حصل

واللي استشهدوا

حرام علينا لا يرضى الله عنا ان لم نحاكمه

اي مجرم لا بد ان يحاكم

لا احد فوق القانون

فاكر يا تيمور بعد الخطاب العاطفي اللي ألقاه

انت نفسك كنت قلت خلاص نسيبه الفترة الجاية دي ...

وأنا عارضتك بشدة... وقلت احنا شعب عاطفي وبينسى بسرعة

وحتى قلت لك ساعتها ( أنا مش مسامح )

لكن المهم بخصوص الشهداء

بما إنك على اتصال بشباب 6 أبريل

خليهم يوصلوا الفكرة اللي عرضتها هنا للقوات المسلحة

أنه يتم اعتبار شهداء ثورة 25 يناير شهداء عسكريين

في هذه الحال سيتم صرف معاش عسكري دائم لأسرهم

اعتقد إن ده يكون أقل واجب نقدمه للشرفاء اللي ضحوا بأرواحهم عشان مصر حرة

[ذهبية]

لكن سؤال بجد يا شباب

بجد تفتكروا حسني فين دلوقت

في شرم الشيخ ولا غادر مصر كلها ؟

سمعت انة نقل الى شرم الشيخ لمرضة

و بيقولوا انة تعرض للاغماء مرتين اثناء القاء خطابة علشان كدة كان مدموج

وان الطبيب زود لة جرعة العلاج الكيماوى

وتم نقلة الى شرم الشيخ

لا اعرف مدى صحة هذة المعلومات لكنها موجودة ومنتشرة على النت

[م تيمور المراغي]

........

بما إنك على اتصال بشباب 6 أبريل

خليهم يوصلوا الفكرة اللي عرضتها هنا للقوات المسلحة

أنه يتم اعتبار شهداء ثورة 25 يناير شهداء عسكريين

في هذه الحال سيتم صرف معاش عسكري دائم لأسرهم

اعتقد إن ده يكون أقل واجب نقدمه للشرفاء اللي ضحوا بأرواحهم عشان مصر حرة

تم عرض الفكره على القيادات لتبنيها ان شاء الله ,,

رحم الله الشهداء الابرار واسكنهم فسيح جناته ,,

[م تيمور المراغي]

ايه رايكم يتم العفو عنه لاسباب صحيه ,,

ولكن تصادر امواله واموال عائلته لصالح شعب مصر مع توفير الحياه الملائمه الكريمه له ولاسرته .. ,,

[Falcon Crest]

يا جماعه اولا مليون مبروك صحيح الدم غالي لكن الحريه اغلي

ثانيا يا جماعه لازم نعدي المرحله دي و نبدأ مرحله البناء و التنميه دي اهم من الي فات

لازم ان شاء الله مصر ترجع قويه و ابيه زي زمان الكل يعمل الف حساب لها

ثالثا بخصوص موضوع المساعدات من المغتربيين و فتح حساب لذلك اتمني ان يكون الموضوع جد مش مجرد اقتراح

و بلاش مرتب شهر ممكن نقول كل مغترب يتبرع فقط 5000 جنيه مصري و اعتقد و الله اعلم ان ده رقم صغير بالنسبه لنا كعاملين انترناشيونال

لمساعده الناس

[hOuSsAm]

مبروك يا مصريين

فعلا امبارح كنت عامل زى اليتيم مش عارف احتفل

يارب ديم نعمة النصر واحفظها من الزوال

الله أكبر

الله أكبر

[capitshino]

الله اكبر.... الله اكبر... الله اكبر

[م تيمور المراغي]

ايه الرووووعه دي

دخلت النهارده الشركه لاقيت حوالي 50 مهندس مصري متجمعين بالاعلام عند مكتبي بيهنوني ويسري زميلي راسم علم مصر على خده ههههههه وزمايلنا من الجنسيات التانيه بيهنونا وفرحانين وغيرانين طبعا اكييييييد ههههههه

اشهد ان لا اله الا الله

مكاوي ماتطلع تفرح معانا ماتخافش مافيش حد يقدر يهوب جوه المبنى ولا حتى البوليس :happy:

[م تيمور المراغي]

أنباء عن وصول الرئيس السابق مبارك إلى الشارقة بالإمارات

أوردت أنباء من داخل دولة الإمارات العربية المتحدة، أن هناك حالة من الاستعدادات القصوى لاستقبال شخصية دبلوماسية هامة.

وقال مصدر إعلامي مسئول إن الرئيس مبارك بعد وصوله إلى مدينة شرم الشيخ قرر المغادرة بعد صدور قرار التنحي لخارج مصر.

وربط المصدر بين الأنباء التي تواترت عن وصول مبارك إلى دولة الإمارات وزيارة وزير خارجية الإمارات لمصر ومقابلة الرئيس السابق مبارك.

كما قالت انباء غير مؤكدة إن رئيس مصر السابق في حالة صحية صعبة، ويرافقه فريق طبي أجنبي

[م تيمور المراغي]

عمرو أديب باكيًا: كنا في عصر اسود ومهبب

عبر الإعلامي عمرو أديب عن سعادته الشديدة برحيل الرئيس مبارك ورموز نظامه وخاصة أحمد عز، محملاً عز مسئولية سقوط نظام الرئيس مبارك.

وظهر أديب مساء الجمعة ضيفا على الإعلامي يسري فوده، بفضائية "أون تي في"، وعدد أديب صور الاضطهاد التي تعرض لها خلال الفترة الأخيرة من حكم الرئيس مبارك، ومنعه من الظهور بعد إيقاف برنامجه "القاهرة اليوم"، وتورط عز في منع برنامجه.

وقال أديب باكيا: "إيللي كان بيقتح بقه خلال الفترة الماضية كانوا بيزلوا امه، احنا كنا في حالة ذل.. لا يمكن هييجي ذل وإهانة اد إللي كنا فيها .. الناس كانت بتتضرب بالجزم أدام زوجاتهم ، وأمهاتهم في الأقسام.. كانوا بيطلعوا ..... أمهم.. كنا في عصر اسود ومهبب.. خلونا نتكلم ونقول.. كنت لما اتكلم كان أحمد عز أوعوا تشغلوا الواد ده.. رجال اعمال من أصدقائي كانوا بيقوليلي ده جامد أجمد من ربنا".

وتابع أديب:" واحد جه قالي على فكره يا عمر شفلك بيزنس لأن عمرك ما هتشتغل في الإعلام تاني.. عماد أديب زلوا أهله عشان كان بيقول كلمة حق.. أمي قالتلي نفسي أشوفك على التليفزيون وخلاص وهي كانت مريضة في المستشفى.. كان نفي أطلع وأقولها دعاكي طلع بنتيجة.. العيال طلعوا أحسن منا احنا كنا جبنا".

وأضاف:"مكنتش متخيل انهم يسكتوا بلد كامله لكن الشعب دا رجاله.. كان ليا أصحابي كانوا بيخافوا يسلموا عليا.. اليوم نحتفل بانتهاء الظلم.. مكنوش بيخشوا ربنا.. كلمني أحمد عز بعد ما مشوني قالي على فكره انت السبب ان الشعب المصري مش راضي... انت ايلي كنت بتقوله ان الشعب راضي.. انت ياللي وديتنا في داهية".

[akramgroup]

الف مبروك يا كل المصريين

الواحد بطل يكتب بقالو كام يوم من بعد الخطابات البارده اللى كانت هاتجبلى الضغط

عموما الف الف مبروك على كل مصر

والله وعملوها الرجاله

تيمور حبيبى تهنئة خاصه

سى السيد برضو تهنئة خاصة ونص

وكل اللى اتحرق دمهم وبقالهم اسبوعين مبيناموش

تم تعديل 12 فبراير 2011 بواسطة akramgroup

[se_ Elsyed]

ده شرف للحملة انك تنضم ليها يا تيمور باشا

مش هاقولك اتبرع ولو بجنيه ..ولا ريال :)

بس لازم تبقى معانا بجد

معاكم ان شاء الله ,,

أهلا بكل اخواننا واخواتنا المغتربين بالمحاورات

صوتنا هايوصل ان شاء الله

معاك يا ريس في أي حاجه ولو حتى إنقلاب عسكري هههههههههههههههه

[the consultant]

الف مبرووووووووووووووووووووووووووووووووووك نفسي أنزل مصر أحتفل مع الناس و اشوفها بشكلها الجديد و الله شكلها حيكون جديد . امبارح طلعنا نحتفل على كورنيش جدة الشرطة أمرتنا نشيل الاعلام و نرجع :(

مش مهم المهم اننا أحرار و إن البلد نضفت و اني بجد فخووووووووووووووووووووووووووووووووووور أني مصري .

[م تيمور المراغي]

الف مبروك يا كل المصريين

الواحد بطل يكتب بقالو كام يوم من بعد الخطابات البارده اللى كانت هاتجبلى الضغط

عموما الف الف مبروك على كل مصر

والله وعملوها الرجاله

تيمور حبيبى تهنئة خاصه

سى السيد برضو تهنئة خاصة ونص

وكل اللى اتحرق دمهم وبقالهم اسبوعين مبيناموش

الله يبارك فيك يا اكرم وانت كنت من اوائل اللي دعموا فكرة الثوره في المحاورات قبل 25 يناير فلك السبق والفضل ان شاء الله

وان شاء الله المستقبل اللي جاي لمصر حيكون رائع بك المقاييس

ان شاءا لله

[شرف الدين]

صباح الورد والفل والياسمين

صباح الخير يا مصر

يوم 12/2/2011

أول صباح يهل على مصرنا البهية بدون مبارك

يااااااااااااااااه

صباح الخير يا مصر

بحبك

ان كان عالقلب ملوش غيرك ... وان كان عالحب مفيش غيرك

دا جناحى مرفرف ف سماكى ... والقلب اتربى على خيرك

بلـــــــــــدي يا بلدي يا بلدي ... بـــــــلدي يا بلدي يا بلدي