مبروك لمصر ... حسني مبارك تنحي

[م تيمور المراغي]

بمناسبة الاحتفالات

محلات الحلويات فى جدة والسوبر ماركت حققوا تارجتهم الشهرى من الحلويات خلاص وبيقولولكوا شكرا يا مصريين

عمرنا مكنا نتوقع حجم المبيعات ده

شوفتوا ازاى المصريين اهل كرم ولما بيفرحوا الناس كلها بتفرح

--------------

النهاردة عملناحفلة صغيرة فى الشركة والناس من كل الجنسيات كانت مبسوطة وفخورة بالانجاز المصرى

وللصدف قطلع الجاتوه كله كان بـ 3 الوان احمر وابيض واسمر (علم مصر) شعاع الحرية

بجد كان نفسى تيمور يبقى معانا (متعوضة عالبحر باذن الله)

الله عليكى يا مصر

تسلم يا حسام والله

مكاوي كان معايا النهارده العصر الساعه 2 تقريبا ,,

وكانت القعده رايقه والكلام عن كواليس ما قبل الثوره وما بين ا السطور

فوجئنا بحركه غير عاديه وسكرتير المدير العام جاي عليا بسرعه بيقول لي اجتماع عاجل في الكونفرنس رووم ,,

بقيت مكسوف من مكاوي بس هو قال لي طيب اسيبك يا تيموس الله يوفقك ,,

قمنا كلنا باهتمام الى الاجتماع الطاريئ بنتسائل!!

اتاري الاداره مجهزه على ترابيزة الاجتماعات مالذ وطاب من الطعام والشراب ههههه :happy:

حاولت اتصل بمكاوي بس ماعرفتش

وكانت الفرحه اكيد مش سايعانا كلنا والحمد لله ,,

مش عشان نجاح الثوره والكلام ده لا عشان البوفيه كان لذيذ تنين هههههههه :happy:

[Alattar]

برافو عليهم

بيعجبني فيهم التروي والتآني في القرارات .. على أساس ما يكونوش وزارات أي كلام وتورطنا ...

خلي القراطيس الموجودين دول مؤقتاً لحد ما يقع الإختيار على ناس محترمة تعمل طفرة في البلد

بس خلوا عيوشه تتهد شوية وتقعد في البيت تطبخ لقمه لجوزها .. لان ما فيش حد دلوقت تبوس إيده .. وترحمنا شويه من وشها ...

ما لكش حق يا س س

الست مظبطة الشعب أهه

صرحت عائشة عبد الهادي وزيرة القوى العاملة والهجرة بأن يوم الثاني عشر من ربيع الأول من عام 1432 هجرية الموافق الثلاثاء 15 فبراير عام 2011 سيكون أجازة بأجر كامل للعاملين احتفالا بالمولد النبوي الشريف.

[رضوي]

للي زي حالاتي بينام بدري و مشافش لقاء منى الشاذلي امبارح مع هيكيل ..

شفت تنويه على دريم ان اللقاء هينعاد النهرده الساعه ثلاثه وشويه .. اعتقد هيبدأ بعد قليل ..

بيتذاع دلوقتي ياجميل

[hOuSsAm]

بمناسبة الاحتفالات

محلات الحلويات فى جدة والسوبر ماركت حققوا تارجتهم الشهرى من الحلويات خلاص وبيقولولكوا شكرا يا مصريين

عمرنا مكنا نتوقع حجم المبيعات ده

شوفتوا ازاى المصريين اهل كرم ولما بيفرحوا الناس كلها بتفرح

أنا النهاردة عوضت الخمسة كيلو اللي خستهم أيام الازمة من سدت النفس والقلق

ضربت كمية حلويات على مشاوي على بابا غنوج .... والله العظيم فُم المعدة عندي محتاج له جردل فوار عشان أقدر اخد نفسي أو أنزل الحجر اللي جاثم على صدري ...

يارب حُسني يمشي كل يوم

الولد بتاع المطعم قلت له سيب الكرت بتاعكم عند الريسيبشن عشان هانحتاجكم كتير الأيام الجاية .....

ايه ده مشاوى وبابا وماما غنوج كمان

لاء يا ريس متفقناش على كدة (احنا قولنا حلويات وعصير)

مش كنت تقول من الاول

ملييش دعوة عايز من ده

عملنا حاجة جميلة كمان

شغلنا اغنية بسم الله الله اكبر بسم الله يا بسم الله

كانت الناس كلها مبسوطة

وناس تانية قالت انها ناوية تنزل تحتفل فى مصر على طريقتها (الناس دى مش مصريين) يعنى السياحة هتنشط :D

الولد بتاع المطعم قلت له سيب الكرت بتاعكم عند الريسيبشن عشان هانحتاجكم كتير الأيام الجاية .....

الجملة دى فكرتنى بفيلم ليلة سقوط بغداد لما حسن حسنى قال للتلميذ افتح القوس اللى كان فيه العراق وسوريا وايران

دلوقتى هنفتح القوس (تونس,,,, مصر ,,,, الجزائر ,,,,.........

[mekkawy]

أوبااااااااااا

تصدق كدة عيب

طب ده انت بينك و بين مكاوي سلمتين .. ما جبتليش اي حاجة ف شنطتك ليه و انت جاي بدل ما أنزل ع النجمة أجيب سفن دايز و شيبسي

مكنش العشم يا أبو نسمة .. و كونفرنس رووم و ميتنج رووم و حسيت إن تيمو هيجيله قرار إداري النهاردة .. و أتاريه بوفيه

هنيالك يا عم تتعوض ع البحر على رأي حسام

[Alattar]

قرأت الخبر ده في بعض المواقع النهاردة..بس مش متاكد

لأن الخبر ما عليهوش أي اسم معروف..أو مصدر موثوق فيه

مصادر خاصة : الجيش هدد بإحالة مبارك إلى المحاكمة بتهمة الخيانة

قالت مصادر مصرية رفيعة المستوى أن قرار الرئيس المصري حسني مبارك مبارك بالتنحي على السلطة جاء بعد تهديد قيادات الجيش له بتحويله للمحاكمة بتهمة الخيانة العظمى.

وقرر الرئيس المصري الجمعة الانصياع لارادة الملايين من المصريين والتنحي عن رئاسة الجمهورية وتكليف القيادة العام للقوات المسلحة ادارة شؤون البلاد.

واعلن نائب الرئيس عمر سليمان في بيان قرأه عبر التلفزيون الرسمي ان مبارك "قرر في هذه الظروف الصعبة التي تمر بها البلاد التخلي عن منصبه وتكليف القيادة العامة للقوالت المسلحة ادارة البلاد".

ولم يدل سليمان بالمزيد من التفاصيل، الا ان مصادر رفيعة قالت ليونايتد برس إنترناشونال ان قرار مبارك جاء بعد تهديد قيادات الجيش له بتحويله للمحاكمة بتهمة الخيانة العظمى

حد فيكم قرأ الخبر ده..أو يعرف مدي صحته؟؟

[م تيمور المراغي]

ههههه

بس انت تيجي بس

يا اما هاااااه

حنيجي نحررك بكل ما اوتينا من قوة من السلطه العليا المتحكمه :happy:

[hOuSsAm]

أوبااااااااااا

تصدق كدة عيب

طب ده انت بينك و بين مكاوي سلمتين .. ما جبتليش اي حاجة ف شنطتك ليه و انت جاي بدل ما أنزل ع النجمة أجيب سفن دايز و شيبسي

مكنش العشم يا أبو نسمة .. و كونفرنس رووم و ميتنج رووم و حسيت إن تيمو هيجيله قرار إداري النهاردة .. و أتاريه بوفيه

هنيالك يا عم تتعوض ع البحر على رأي حسام

اوبااااااااااااااااااااا

انت تقصد يعنى الطلعة الجاية على تيمور:D

مش عشان الثورة لاء عشان هو غلط ومتصلش علينا نحضر الاجتماع الطارئ ده

دى خيانة للثورة يا رجالة

ياريت تحددوا الزمان والمكان

[محمد عبدالعزيز]

الحمد لله وألف مبروك يا شعب مصر الحرية.

تحية محبة وفخر وسلام لأرواح الشهداء اللى ضحوا بحياتهم وكانوا وقود للثورة.

أحمد ربنا كمان إنه شرفنى وكنت فى مصر خلال الفترة المجيدة دى وإنه ادانى الفرصة أشارك.

الواحد لسه بيفوق من حالة النشوى اللى كنا فيها امبارح, واسكندرية كلها عند قصر راس التين, وسبحان الله كنت متضايق من الاحتفالات والكرنفالات اللى كانت شغالة من أول اليوم وكأن مبارك خلاص تنحى, وقعدت أقول لأخويا فين شباب 28 يناير وفين ثوار 28 يناير.

بس الناس كان عندهم حق يحتفلوا وكأنهم حاسين إن امبارح هو يوم الخلاص, وأنا اللى كنت مزودها وعامل حسابى على أسبوعين تانى, كتر خيره برضه اللى ما يتسمى إنه حل عن سمانا فى خلال 18 يوم بس.

يوم 28 يناير ده اللى هو كان جمعة الغضب, أروع يوم فى حياتى, واللى فعلاً بكيت فيه من الفرحة وحسيت إن الفرج خلاص قريب, والله اليوم ده كنت فرحان فيه أكتر من امبارح اللى هو يوم التنحى.

المصريين يا جماعة بجد أروع شعب فى العالم, أنا شفت مصريين فى اليوم ده كان نفسى أشوفهم من زمان, سواء اللى شاركوا فى المظاهرات أو اللى كانوا فى البيوت فى طريق المظاهرة.

مصريين بيحبوا بعض وبيخافوا على بعض وبيحموا بعض, هما دول المصريين اللى على حق, هما دول المصريين اللى حيرجعوا مصر الحلوة بتاعة زمان, واحلى كمان بإذن الله.

أحكيلكم على إيه ولا إيه... أحكيلكم على الشباب اللى كان مصمم تصميم رهيب إن المظاهرة تكون سلمية وكان بيمنع أى حد عاوز يخرب؟ ده حتى فيلا مدير أمن اسكندرية وقفوا يدافعوا عنها رغم إننا كنا لسه عاملين دماغ غاز مسيل للدموع على إيدين عساكره.

ولا على روح التعاون من العربيات اللى كانت مقابلانا فى الطريق وبتعرفنا على الأوضاع قدام لأن كانت كل وسائل الاتصال مقطوعة فى اليوم ده, وناس تقف بعربياتها وتركب الناس الكبيرة فى السن وتمشى معانا.

ولا الست الكبيرة اللى كانت واقفة فى البلكونة وبتهتف معانا وتشاور بإيديها ولا كأنها بنت 17 سنة.

ولا الناس اللى كانوا بيرمولنا زجاجات المياه والحلويات والبصل, آه بصل عشان يضيع تأثير الغاز.

ولا الست الأرستقراطية اللى نزلت حرطوم من بلكونتها للشارع عشان اللى عاوز يتوضأ أو يشرب أو يملا الزجاجة اللى معاه.

يااااااااااااااااااااااااااااااه

أحداث كتير حصلت فى اليوم ده ورتنى مصريين غير اللى كانوا موجودين قبل كده, كانت أول مرة أشوف العدد المهول ده متجمع كله على كلمة واحدة وعلى حب مصر.

أحمدك يارب وأشكر فصلك إنك ورتنى اليوم ده.

فرحنا بقى وهيصنا, أعتقد إنه زى ما قال النائب السابق عمر سليمان: دقت ساعة العمل, ترررررررررررن ترررررررررررررررررن

عاوزين نعوض ال 30 سنة اللى فاتونا يا جماعة, قدامنا مشوار طوييييييييييييييييييييييل, حوالى 5 سنين كده, نرجع فيهم مصر الحلوة أحلى وأحلى.

[Alattar]

ده البيان رقم 4 عشان الناس اللي ما شافتوش

http://www.youtube.com/watch?v=Uz9bY_Xqn7k

[aimen]

الجزء الأول من حوار محمد حسنين هيكل مع منى الشاذلى

مذاع بتاريخ 11/2/2011

http://www.youtube.com/watch?v=ZOiBjcfKFfk

[hOuSsAm]

الحمد لله وألف مبروك يا شعب مصر الحرية.

تحية محبة وفخر وسلام لأرواح الشهداء اللى ضحوا بحياتهم وكانوا وقود للثورة.

أحمد ربنا كمان إنه شرفنى وكنت فى مصر خلال الفترة المجيدة دى وإنه ادانى الفرصة أشارك.

الواحد لسه بيفوق من حالة النشوى اللى كنا فيها امبارح, واسكندرية كلها عند قصر راس التين, وسبحان الله كنت متضايق من الاحتفالات والكرنفالات اللى كانت شغالة من أول اليوم وكأن مبارك خلاص تنحى, وقعدت أقول لأخويا فين شباب 28 يناير وفين ثوار 28 يناير.

بس الناس كان عندهم حق يحتفلوا وكأنهم حاسين إن امبارح هو يوم الخلاص, وأنا اللى كنت مزودها وعامل حسابى على أسبوعين تانى, كتر خيره برضه اللى ما يتسمى إنه حل عن سمانا فى خلال 18 يوم بس.

يوم 28 يناير ده اللى هو كان جمعة الغضب, أروع يوم فى حياتى, واللى فعلاً بكيت فيه من الفرحة وحسيت إن الفرج خلاص قريب, والله اليوم ده كنت فرحان فيه أكتر من امبارح اللى هو يوم التنحى.

المصريين يا جماعة بجد أروع شعب فى العالم, أنا شفت مصريين فى اليوم ده كان نفسى أشوفهم من زمان, سواء اللى شاركوا فى المظاهرات أو اللى كانوا فى البيوت فى طريق المظاهرة.

مصريين بيحبوا بعض وبيخافوا على بعض وبيحموا بعض, هما دول المصريين اللى على حق, هما دول المصريين اللى حيرجعوا مصر الحلوة بتاعة زمان, واحلى كمان بإذن الله.

أحكيلكم على إيه ولا إيه... أحكيلكم على الشباب اللى كان مصمم تصميم رهيب إن المظاهرة تكون سلمية وكان بيمنع أى حد عاوز يخرب؟ ده حتى فيلا مدير أمن اسكندرية وقفوا يدافعوا عنها رغم إننا كنا لسه عاملين دماغ غاز مسيل للدموع على إيدين عساكره.

ولا على روح التعاون من العربيات اللى كانت مقابلانا فى الطريق وبتعرفنا على الأوضاع قدام لأن كانت كل وسائل الاتصال مقطوعة فى اليوم ده, وناس تقف بعربياتها وتركب الناس الكبيرة فى السن وتمشى معانا.

ولا الست الكبيرة اللى كانت واقفة فى البلكونة وبتهتف معانا وتشاور بإيديها ولا كأنها بنت 17 سنة.

ولا الناس اللى كانوا بيرمولنا زجاجات المياه والحلويات والبصل, آه بصل عشان يضيع تأثير الغاز.

ولا الست الأرستقراطية اللى نزلت حرطوم من بلكونتها للشارع عشان اللى عاوز يتوضأ أو يشرب أو يملا الزجاجة اللى معاه.

يااااااااااااااااااااااااااااااه

أحداث كتير حصلت فى اليوم ده ورتنى مصريين غير اللى كانوا موجودين قبل كده, كانت أول مرة أشوف العدد المهول ده متجمع كله على كلمة واحدة وعلى حب مصر.

أحمدك يارب وأشكر فصلك إنك ورتنى اليوم ده.

فرحنا بقى وهيصنا, أعتقد إنه زى ما قال النائب السابق عمر سليمان: دقت ساعة العمل, ترررررررررررن ترررررررررررررررررن

عاوزين نعوض ال 30 سنة اللى فاتونا يا جماعة, قدامنا مشوار طوييييييييييييييييييييييل, حوالى 5 سنين كده, نرجع فيهم مصر الحلوة أحلى وأحلى.

حمدلله عالسلامة يا استاذ محمد

ومبروك عالنصر

بجد شرفتونا ورفعتوا رسنا وحررتونا من الظلم

مهما نقول من كلام مش هنوفيكوا ولا الشهداء حقكوا

يارب تزيد افراحكوا يوم ورا يوم

ونفتخر بيكوا اكتر واكتر

تحياتى

[م تيمور المراغي]

لا ننسى ان نشكر الوقفة الرجوليه للمتظاهرين ومعهم الاخوان المسلمين يوم 2 فبراير اربعاء الصمود ودفاعهم المستميت عن ميدان التحرير ودحر البلطجية

ولولا الخبره القتاليه المتراكمه للرجال يومها لما كنا على مانحن فيه الآن ,,

دي لقطات لليوم الرهيب ,,

http://www.youtube.com/watch?v=OYuOpjPFtfY

[fatfouta]

إضحك مع الشرطة بعد رحيل مبارك

http://www.youtube.com/watch?v=bx8mVZ6gA0o&feature=player_embedded

[Alattar]

إضحك مع الشرطة بعد رحيل مبارك

http://www.youtube.com/watch?v=bx8mVZ6gA0o&feature=player_embedded

لو الشرطة هتستمر كده ان شاء الله بعد ما مبارك مشي

يبقوا ممكن ينقلوا مقر كلية الشرطة لشارع الهرم

أهم حاجة..الناس تفضل تضحك كده علطول..و تفضل مبسوطة

بلاش الهم و الغم اللي كان علي وشوش الناس ده..ده

الواحد كان كل ما ينزل أجازة..يرجع و هو عنده اكتئاب

[طبيبة بالخارج]

شوفتم خبر على الجزيرة عن مسيرة 300 ضابط شرطة بالإسماعيلية يطلبون عدم محاكمتهم عسكريا

انا لا اشمت بس تفتكروا كانوا حيعملوا المسيرة دي لو مبارك كان فضل في الحكم؟ لا أظن اكيد كانوا حيحطوا في بطنهم بطيخة صيفي ان كل شيء حيكون تمام و لا حد حيتحاكم و لا حاجة

لازم دلوقتي كل من اهانوا الشعب يعرفوا ان زمان الاهانة انتهى و ان ثورة 25 يناير رفعت راسنا و مش ممكن نوطيها تاني بإذن الله

تم تعديل 12 فبراير 2011 بواسطة طبيبة بالخارج

[Alattar]

حمادة عزو

http://www.youtube.com/watch?v=J5QramWhxgc

[Alattar]

أنس الفقي يفشل في الهروب إلى لندن بعد منعه من السفر

نقلا عن مصراوي

حاول وزير الإعلام أنس الفقي مساء أمس الجمعة الهروب إلى العاصمة البريطانية لندن عن طريق مطار القاهرة، حيث أرسلت حقائبه إلى المطار، وتم تهيئة صالة كبار الزوار لاستقباله، إلا أنه لم يصل للمطار.

ورجحت مصادر مطلعة، أنه تم إبلاغ أنس الفقي وزير الإعلام أنه ممنوع من السفر، وذلك ضمن قرار يقضي بمنع الوزراء والمسئولين السابقين من السفر دون إذن النائب العام.

وكان قراراً قد صدر بمنع مسئولى الحكومة الحالية من السفر خارج البلاد دون إذن من النائب العام وحتى إشعار آخر، كما صدر قرار في وقت سابق بمنع 4 من وزراء الحكومة السابقة المقالة وعدد من المسئولين بالإضافة إلى رجل الأعمال أحمد عز من السفر وتجميد أرصدتهم وحساباتهم بالبنوك لحين استكمال إجراءات التحقيق التى تجريها النيابة العامة معهم بشأن البلاغات المقدمة ضدهم فى وقائع تتعلق بالاستيلاء وتسهيل الاستيلاء على المال العام والإضرار العمد به

كان عاوز يزوغ..اللي كانوا بيجيبوا ميدان التحرير بتاع دولة تانية

ويقوللك أهو..ميدان التحرير فاضي أهه

ده ميدان التحرير ده في الأيام العادية تقريبا..كان أزحم من أيام الثورة

!!!معرفش صوروه فاضي ازاي

[fatfouta]

أنس الفقي يفشل في الهروب إلى لندن بعد منعه من السفر

نقلا عن مصراوي

حاول وزير الإعلام أنس الفقي مساء أمس الجمعة الهروب إلى العاصمة البريطانية لندن عن طريق مطار القاهرة، حيث أرسلت حقائبه إلى المطار، وتم تهيئة صالة كبار الزوار لاستقباله، إلا أنه لم يصل للمطار.

ورجحت مصادر مطلعة، أنه تم إبلاغ أنس الفقي وزير الإعلام أنه ممنوع من السفر، وذلك ضمن قرار يقضي بمنع الوزراء والمسئولين السابقين من السفر دون إذن النائب العام.

وكان قراراً قد صدر بمنع مسئولى الحكومة الحالية من السفر خارج البلاد دون إذن من النائب العام وحتى إشعار آخر، كما صدر قرار في وقت سابق بمنع 4 من وزراء الحكومة السابقة المقالة وعدد من المسئولين بالإضافة إلى رجل الأعمال أحمد عز من السفر وتجميد أرصدتهم وحساباتهم بالبنوك لحين استكمال إجراءات التحقيق التى تجريها النيابة العامة معهم بشأن البلاغات المقدمة ضدهم فى وقائع تتعلق بالاستيلاء وتسهيل الاستيلاء على المال العام والإضرار العمد به

كان عاوز يزوغ..اللي كانوا بيجيبوا ميدان التحرير بتاع دولة تانية

ويقوللك أهو..ميدان التحرير فاضي أهه

ده ميدان التحرير ده في الأيام العادية تقريبا..كان أزحم من أيام الثورة

!!!معرفش صوروه فاضي ازاي

دى صور تذكارية عندهم لميدان التحرير :happy:

بس احسن انهم رجعوه تانى من المطار

تفتكروا كان رايح فين؟؟

[م تيمور المراغي]

دى صور تذكارية عندهم لميدان التحرير :happy:

بس احسن انهم رجعوه تانى من المطار

تفتكروا كان رايح فين؟؟

يستخبى عند نرمين الفقي :happy: