مبروك لمصر ... حسني مبارك تنحي

[se_ Elsyed]

إطلع لي بقى يا صفوت إنت وشرور من ورا المنصه ... وكل واحد يسنتر قفاه عشان هاتاكلوا ضرب ما أكلهوش حرامي بيسرق جزم الناس في المولد

أتوقع أن يتم تأليف مجموعة كتب لا بأس بها عن صفوت اللاشريف ده من ايام فضيحة مراكز القوى والكنترول إلى أخر موقعة الجمال والبغال اللي قادها بنفسه مجاملةً لسيده مبارك

وهاتقراوا أسامي فنانات فُضليات كانوا للأسف في شبكة الكنترول وبيــ وكدهوت لحد ما شعركم يطقطق من كتر الأسامي دي ... وكله من اجل التجسس على عباد الله .. مستخدمين أجسادهم وشرفهم في ذلك .. تحت رعاية المعلم اللي بيسرحهم وهو صفوت اللاشريف .. واللي بترفض كانت بتروح ورا الشمس او بتقعد في بيتها تسقع قُلل .. ولا أعتقد إن في واحده فيهم رفضت ...

----------

الخبر الحلو التاني برضوا وهاحلي به بؤكم إن المحكمة حكمت النهاردة على مؤمنة كامل بتاعت معامل تحاليل البيبي .... واللي بقت ترقص للحزب الوطني مؤخراً ووصلت قوي .. حكمت عليها النهاردة بشهر سجن نتيجة إهانتها للقاضي المحترم اللي كان بيشرف على اللجنة بتاعتها في الإنتخابات الأخيرة وطلعت ردحت له وشتمته على جريدة الشروق ...

وسمعوني يا حلوه يا بلحه يا مقمعه ... وحلاوتها وهي مشرفه في القناطر ومن وراء القضبان وإحنا بنودي لها زيارة عبارة عن عينات عشان تحللها جوه براحتها ...

[hOuSsAm]

الله اكبر

الله اكبر

الجيش ماشى صح وكويس اوى

رجالة بجد

بيحافظوا عالبلد

انا مبسوط :D

[الغريب]

إطلع لي بقى يا صفوت إنت وشرور من ورا المنصه ... وكل واحد يسنتر قفاه عشان هاتاكلوا ضرب ما أكلهوش حرامي بيسرق جزم الناس في المولد

والله هو ده اللي يهمني في الموضوع كله

أعتقد أن كده الجيش يتبقى لينا عنده فقط وقف العمل بقانون الطوارئ ، وحل جهاز أمن الدولة ، سامحوني أنا طماع شوية

[se_ Elsyed]

الراجل ده بقى وش السعد علينا

وبقيت أشبهه بالبوسطجي اللي بيجيب لنا جواب مليان فلوس من بابا لما كان في الخليج .. وبعدين تحول وبقى يجيب لنا خطاب التنسيق .. وبعدين تطور وبقى يجيب لنا خطابات التعيين - وكتاب الله ما جالي ولا هاييجي شكله كده -

[se_ Elsyed]

أنا اصطبحت بوش زي القمر النهاردة الصبح ( شكلي بصيت في المرايا وشوفتني )

إيه الحلاوه والمربى واللانشون ده كله ؟

"الأموال العامة" تبدأ التحقيق فى ثروة مبارك وعائلته

الأحد، 13 فبراير 2011 - 15:51

كتب محمود المملوك

تبدأ نيابة الأموال العامة اليوم التحقيق فى البلاغات المقدمة ضد ثروة الرئيس السابق محمد حسنى مبارك وعائلته، حيث تفحص المستندات والأرقام والمعلومات الواردة فى البلاغات، بجانب فحص إقرارات الذمة المالية المقدمة من قبل مبارك وعائلته.

كان 37 شخصية عامة تقدمت ببلاغ إلى النائب العام ضد كل من الرئيس مبارك ونجليه جمال مبارك وعلاء مبارك والسيدة سوزان منير ثابت، حرم رئيس الجمهورية، للتحقيق فيما نشرته وسائل الإعلام الأجنبية حول ثروة عائلة مبارك من أنها تتراوح بين 40 و70 مليار دولار.

أشار البلاغ إلى ما نشرته صحيفة "الجارديان" البريطانية من أن إجمالى ثروة عائلة الرئيس حسنى مبارك يمكن أن تصل إلى 70 مليون دولار نقدا بالبنوك السويسرية، والبريطانية، والأمريكية، بالإضافة إلى ملكيتها لعقارات فى لندن، ونيويورك، ولوس أنجلوس، بالإضافة إلى منتجعات على البحر الأحمر، معظمها من فرض شراكة جبرية على الشركات الأجنبية.. كما أشارت تقارير دولية، إلى أن ثروة عائلة الرئيس مبارك تتراوح ما بين 40 و70 مليار دولار.

ونقلت الصحيفة عن محللين بالشرق الأوسط، قولهم إنه بعد 30 عامًا فى الحكم، فإن الرئيس مبارك كان يحصل على مئات الملايين من الدولارات من صفقات استثمارية، ومعظم تلك الأرباح كانت تحول إلى حسابات سرية فى بنوك أو يتم استثمارها فى أصول وفنادق.

[se_ Elsyed]

هههههههههههههه متخيل منظر أعضاء مجلس الأنس اللي صرفوا ملايين وهما

بيقولوا

http://www.youtube.com/watch?v=8c0VB1Wq884

[محمد عبدالعزيز]

كل يوم انتصار جديد والحمد لله راح مجلش الشعب بنوابه راح مجلش الشورى بنوابه ربما لغير رجعه مع إني أخشى من رجوعهم تاني بسلطان المال والبلطجية بعد أن ذهب عنهم سلطان الإعلام الفاسد ولازم من النهارده كلنا يد واحد نوعي الناس إن يكون اختيارهم على أساس الأفضل وليس على أساس المصلحة ولكن الاختيار للأصلح نعم الأصلح وتفضيل المصلحة العامة للوطن التي بالضرورة تعود على الفرد في النهاية

اسمح لى أحييك بشدة على رأيك وخصوصاً الكلام اللى باللون الأحمر, محتاجين فعلاً توعية وتثقيف سياسى لناس كتير منهم قرايبنا ومعارفنا وأصحابنا.

دلوقتى نقدر نقول صلح نفسك وأسرتك ينصلح المجتمع, لأن ده المناسب للمرحلة اللى احنا فيها.

بس ياريت يكون فى منهجية ومواد تعليمية نتفق عليها كلنا ونستخدمها فى توعية اللى حوالينا.

يارب مصر تبقى أحسن بلد فى الدنيا

[se_ Elsyed]

لأ وكمان ازواج عضوات الكوته وكل واحد ماسك مراته من شعرها وعمال يضربها بالشلاليت ويقول لها : عاجبك كده يا بوز الفقر ؟ فضلتي تقول لي إصرف يا عيسوي .. بكره أدخل المجلس يا عيسوي وهايبقى معايا حصانه يا عيسوي وهانلعب بالفلوس لعب يا عيسوي

اديكي إنبطيتي يا بومه وشقى عمرنا راح مع اللي راحوا ..

صحيح صدق اللي قال ... إوعى تامن لست حتى لو كانت أمك ... ولو كانت مراتك طلقها وأرتاح وهاتلك توك توك أشتغل عليه

[se_ Elsyed]

أخو أخوكم سين سين بيقود تظاهرة مليونية أمام وزارة الري النهاردة والموظفين شايلينه وبيطالبوا بتنفيذ مطالبهم ( قولت له .. جالك كلامي يا عم الكادر وقلت لك مصير حُسني بتاعكم يقع وتكتر سكاكينكم وتتبروا منه زي ما بنتبرا من الجمل الجربان ؟ )

[tarek hassan]

كل يوم انتصار جديد والحمد لله راح مجلش الشعب بنوابه راح مجلش الشورى بنوابه ربما لغير رجعه مع إني أخشى من رجوعهم تاني بسلطان المال والبلطجية بعد أن ذهب عنهم سلطان الإعلام الفاسد ولازم من النهارده كلنا يد واحد نوعي الناس إن يكون اختيارهم على أساس الأفضل وليس على أساس المصلحة ولكن الاختيار للأصلح نعم الأصلح وتفضيل المصلحة العامة للوطن التي بالضرورة تعود على الفرد في النهاية

اسمح لى أحييك بشدة على رأيك وخصوصاً الكلام اللى باللون الأحمر, محتاجين فعلاً توعية وتثقيف سياسى لناس كتير منهم قرايبنا ومعارفنا وأصحابنا.

دلوقتى نقدر نقول صلح نفسك وأسرتك ينصلح المجتمع, لأن ده المناسب للمرحلة اللى احنا فيها.

بس ياريت يكون فى منهجية ومواد تعليمية نتفق عليها كلنا ونستخدمها فى توعية اللى حوالينا.

يارب مصر تبقى أحسن بلد فى الدنيا

جزاك الله خيرا أخي الفاضل

الكل مدعو لتغيير نظرة الناس في الغرض الأساسي من عضوية المجالس النيابية لأن المتناول في الشارع كل شيء ما عدا الغرض الأصلي لتلك العضوية

تم تعديل 13 فبراير 2011 بواسطة tarek hassan

[Alattar]

انا لو مسكت حاجه في الوزارة الجديدة .. هاشقلطتكو كلكو وهاخليكو تاكلوا مربى بالقشطة كل يوم

طالما فيها مربي بالقشطة

احنا معاك يا كبير

[rewsha]

طب مش حالة الطوارىْ ماده في الدستور؟

يبقى كده قانون الطواريْ خلاص؟؟؟؟؟؟؟؟

ممكن حد يجاوبني؟؟؟؟

مش همه وقفوا العمل بالدستور ...يبقى الاستنتاج ده صح وله لاْ؟

[Alattar]

طب مش حالة الطوارىْ ماده في الدستور؟

يبقى كده قانون الطواريْ خلاص؟؟؟؟؟؟؟؟

ممكن حد يجاوبني؟؟؟؟

مش همه وقفوا العمل بالدستور ...يبقى الاستنتاج ده صح وله لاْ؟

أنا برضه متهيألي كده

بس لو وقفوا العمل بالدستور..يبقي البلد هتمشي بدستور الجيش

اللي هوه الأحكام العرفية

[Om Zayd]

أنا اصطبحت بوش زي القمر النهاردة الصبح ( شكلي بصيت في المرايا وشوفتني )

إيه الحلاوه والمربى واللانشون ده كله ؟

"الأموال العامة" تبدأ التحقيق فى ثروة مبارك وعائلته

الأحد، 13 فبراير 2011 - 15:51

كتب محمود المملوك

تبدأ نيابة الأموال العامة اليوم التحقيق فى البلاغات المقدمة ضد ثروة الرئيس السابق محمد حسنى مبارك وعائلته، حيث تفحص المستندات والأرقام والمعلومات الواردة فى البلاغات، بجانب فحص إقرارات الذمة المالية المقدمة من قبل مبارك وعائلته.

كان 37 شخصية عامة تقدمت ببلاغ إلى النائب العام ضد كل من الرئيس مبارك ونجليه جمال مبارك وعلاء مبارك والسيدة سوزان منير ثابت، حرم رئيس الجمهورية، للتحقيق فيما نشرته وسائل الإعلام الأجنبية حول ثروة عائلة مبارك من أنها تتراوح بين 40 و70 مليار دولار.

أشار البلاغ إلى ما نشرته صحيفة "الجارديان" البريطانية من أن إجمالى ثروة عائلة الرئيس حسنى مبارك يمكن أن تصل إلى 70 مليون دولار نقدا بالبنوك السويسرية، والبريطانية، والأمريكية، بالإضافة إلى ملكيتها لعقارات فى لندن، ونيويورك، ولوس أنجلوس، بالإضافة إلى منتجعات على البحر الأحمر، معظمها من فرض شراكة جبرية على الشركات الأجنبية.. كما أشارت تقارير دولية، إلى أن ثروة عائلة الرئيس مبارك تتراوح ما بين 40 و70 مليار دولار.

ونقلت الصحيفة عن محللين بالشرق الأوسط، قولهم إنه بعد 30 عامًا فى الحكم، فإن الرئيس مبارك كان يحصل على مئات الملايين من الدولارات من صفقات استثمارية، ومعظم تلك الأرباح كانت تحول إلى حسابات سرية فى بنوك أو يتم استثمارها فى أصول وفنادق.

احنا عايزين لجنة زي اللي رجعت طابا عشان ترجع الفلوس دي

الموضوع مش سهل .. خصوصا انه ممكن يحط الفلوس عند اصحابه في الخليج.. و هناك مفيش حكم محكمة ملزم لرئيس الحكومة زي برة

و فيه كلام ان أمريكا هتداري على الفلوس لانه سمع الكلام و تنحى

[Falcon Crest]

انا ما اقدرش اقول للناس تعمل ايه لان الناس هي اللي عملت وغيرت وكل حاجة بس انا عندي مخاوف من حقي اعبر عنها والناس تفكر وتوزنها والشعب اللي حرر بلده يقدر يلاقي لها حل1- فين مبارك؟ لا بجد فين؟ ايه الغموض ده؟ بن علي راح السعودية عرفنا انه في السعودية، مبارك شوية يقولوا لنا في الامارات وشوية يقولوا في شرم الشيخ وشوية يقولوا في غيبوبة وشوية يقولوا زي القرد مافيهوش حاجةانا مش عايزة اخوف حد، بس افتكروا ثورة مصدق وافتكروا عودة الشاه اللي قعد بعدها سنين طويلة يعذب في الايرانيين، وافتكروا ان مبارك له اذناب وعيال وناس مصالحهم متشابكة معاه ومع نظامه ومش حيسيبوه يقع بالساهلمبارك لو في شرم الشيخ، الجيش ملزوم يقبض عليه ويتحفظ عليه لحين محاكمتهلو في الامارات يبقى الامارات ملزومة تطلع لنا بيان رسمي تقول انه عندهاوفي كل الاحوال، الراجل ده لازم يتحاكم، ويرجع الفلوس، ويتحاكم بتهمة الخيانة العظمى، العادلي بيقول انه اخد كل التعليمات من مبارك مباشرة، يعني كل ما يوجه للعادلي من تهم - ومن ضمنها الخيانة العظمى لما سحب الشرطة من الشارع - تتوجه لمبارك فيه حد رفع قضية دلوقت على الراجل ده؟ ولا سايبينه ثم شرم الشيخ ايه؟ القصر اللي قاعد فيه ده بتاعنا اساسااديني باحذركم اهو.. الراجل ده او ابنه او حد من نظامه ممكن يرجعوا في اي لحظة وينتقموا منا كلنا2- وبمناسبة اي حد من نظامه.. فين عمر سليمان؟ قاعد فين دلوقت؟ وشغلته ايه دلوقت؟ وضعه القانوني ايه؟ عمر سليمان اسرائيل وامريكا بيحبوه... والراجل ده مجرم حرب وله تاريخ طويل من التعذيب والقتل، هو فين؟ ثابت بالوثائق انه كان بيعذب وبيقتل وبيضخ غاز مسمم في الانفاقحد رفع عليه قضية؟ ولا مستنينه لما تترستق الامور وامريكا واسرائيل ينططوه علينا؟3- احمد شفيق قاعد ليه؟ وايش عرفكم ان احمد شفيق مش على اتصال بمبارك وعمر سليمانثم هو قاعد لكن هو فين؟ مختفي من وشنا ليه؟ مش ده شفيق اللي قال علينا هايد بارك؟ مش ده شفيق اللي قال حابعت لهم بسكوت وبون بون؟ مش ده شفيق رئيس حكومة مذبحة الاربعاء؟ عادلي ايه اللي بيتحاكم على مذبحة الاربعاء؟ المذبحة دي حصلت ومحمود وجدي هو وزير الداخلية مش العادلي، وبعدين هو مش ابو العينين هو اللي اعترف انه سلط البلطجية؟4- فين صفوت الشريف؟ فين فلوسه؟ وفين ارصدته؟ وفين التحقيق معاه؟ وهو قاعد فين دلوقت حاليا؟ 5- انتوا ناسيين ان فيه حاجة اسمها الحرس الجمهوري ولاءهم الاول لمبارك؟ وبياخدوا اوامر من مبارك؟ ومسلحين؟ شفيق وحكومته ليه ما تمشيش دلوقت حالا وتتشكل حكومة كفاءات بشكل عاجل، دي تتعمل في يوم واحدليه ما يتمش الاعلان عن مكان مبارك والجيش يطمنا انه متحفظ عليه؟ايه وضع الحرس الجمهوري دلوقت؟ جابو سيرة الشرطة وماحدش قال لنا ايه وضع الحرس الجمهورياحنا عايزين الجيش يتحفظ على مبارك وصفوت الشريف وعمر سليمان ويحل حكومة شفيق والكلام ده ينفع يتعمل النهاردة، مش صعبةوعايزين النائب العام دلوقت حالا يفتح تحقيق مع المذكورين وعلى رأسهم مبارك وولاده وعمر سليمان، وده برضه ينفع يتعمل النهاردةوعايزين الجيش يقول لنا وضع الحرس الجمهوري بالظبط ايه دلوقت، وليه ما يتحلش؟ هو مش الحرس الجمهوري ده شغلته يحرس الرئيس؟ طب مافيش رئيس دلوقت، موجود بيعمل ايه الحرس الجمهوري ده؟ وعايزين حل جهاز امن الدولة وليه فيه قانون طوارئ دلوقت حاليا؟ احنا حننام كده؟ انا سمعت واحد بيقول حنرجع يوم الجمعة الجاية لميدان التحريرجمعة جاية؟ النهاردة الاحد، انت عارف من النهاردة للجمعة ايه اللي ممكن يحصل؟ اديني قلت لكم مخاوفي وعقلكم في راسكم تعرفوا خلاصكم، واللي الناس حتستقر عليه انا معاكم

نواره نجم

مش ينفع نلقي بالتهم جزافا علي رجل علي قمه جهاز أنجب عبد المحسن فايق و محمد نسيم

و بعدين ده مش قولي دا كلام المهندس المحترم الكفراوي

امبارح لما قال ان عمر سليمان رجل محترم و شريف

انا مش بدافع عن حد

بس مش بحب اتهم حد من غير أدله

مجرم حرب دي حاجه مش سهله

دي جريمه دوليه

تم تعديل 13 فبراير 2011 بواسطة Falcon Crest

[ozoozo]

"الأخبار": علاء تشاجر مع جمال واتهمه بالتسبب في الثورة الشعبية وإهانة والده

القاهرة: كشفت صحيفة "الاخبار" القومية الأحد تفاصيل المشادة الحادة التي نشبت بين جمال وعلاء نجلي الرئيس المصري السابق حسني مبارك داخل القصر الرئاسي عقب تسجيل مبارك لخطابه الأخير الخميس الماضي ، حيث احتد علاء على شقيقه واتهمه بأنه كان السبب الرئيسي فيما جرى في مصر من أحداث أجبرت والدهما على ان يظهر في تلك الصورة والنهاية التي لا تليق به .

واشتدت حدة الخلاف بين نجلي الرئيس وسمعها كل من كان داخل قصر الرئاسة وتدخلت بعض الشخصيات الكبري في الدولة التي كانت حاضرة خلال تسجيل الرئيس لخطابة.

وقال علاء لشقيقة: "لقد افسدت البلد عندما فتحت الطريق أمام اصحابك وهذه هي النتيجة بدلا من ان يتم تكريم ابيك في نهاية حياته ساعدت على تشويه صورته على هذا النحو". وكاد يحدث اشتباك بينهما بالأيدي وزاد انفعال علاء بعد ان استمع لكلمة والده إلى الشعب اثناء تسجيلها خاصة ان الرئيس مبارك كان قد اشار في تسجيله الاول " الذي لم يذع" إلى انه سيلم سلطاته المدنية إلى نائبة اللواء عمر سليمان وسلطاته العسكرية الى القوات المسلحة.

وأشارت الصحيفة الى ان هذا ما كنت تعلمه الادارة الامريكية لكنه تم تعديل الخطاب ، وتم اعادة تسجيل كلمة الرئيس واتضح ذلك للمشاهدين حيث ظهرت عملية المونتاج لكلمة الرئيس وكان السبب في ذلك ان مبارك اجرى تسجيل كلمته الاولى لكن جرى تعديل عليها وتغيير في مضمونها وظهر الخطاب الثالث للرئيس يحمل معنى مغايرا لما عرفته العواصم العالمية والتي كانت قد نقلت لوسائل اعلام كبري خبر تنحي الرئيس المصري ليلة الخميس لكن فوجئت العواصم العالمية الكبري باختلاف ما وصلهم عن ما تم اذاعته.

ولعل ذلك قد جرى في اشارة الرئيس مبارك الى رفضه للاملاءات الخارجية في اشارة منه الى تسريبات بعض اركان الادارة الامريكية لوسائل العالم العالمية.

من جهة اخرى، أشارت الصحيفة الى ان الرئيس ومنذ بداية الازمة كان يجري اتصالات مع بعض الشخصيات في مصر التي عملت معه في السابق ومن بينها شخصية مصرية يتولي منصبا عربيا رفيعا وتلك الشخصية رفضت تولي وزير التجارة السابق رشيد محمد رشيد رئاسة الورزاء بعد ان عرفت نية الرئيس مساء "جمعة الغضب" اقالة الحكومة وتعين رشيد رئيسا للوزراء .

ونقلت تلك الشخصية لمبارك عن ثورة الرأي العام على حكومة نظيف وتحديدا وزراء رجال الاعمال بها واضافت ان الظروف الحالية "وقتها: تتطلب ان يتولى رئاسة الحكومة شخصية عسكرية بما تتسم به من حزم فجرى اختيار الفريق اللواء احمد شفيق رئيسا للوزراء".

وكانت القيادات الامنية السابقة بوزارة الداخلية قد نقلت صورة مغايرة عما يكان يجري في مياديين الجمهورية يوم جمعة الغضب 28 يناير/كانون الثاني إلى الرئيس مبارك حيث ذكرت ان مظاهرات الشوارع تحت السيطرة وانها بضعة الاف لكن ما جرى في الشارع على حقيقته كان تحت اعين القيادات الكبري بالمؤسسة العسكرية وقد هالها ما يجري والذي بات يهدد الامن القومي فسارعت بنقل الصورة الصادقة والامنية كاملة الى الرئيس مبارك خوفا من خروج الامور عن السيطرة فجرى اصدار قرار رئاسي بحظر التجول واستدعاء القوات المسلحة الباسلة للحفاظ على الدولة والامن.جمال وسوزان

الى ذلك، ذكرت صحيفة "القبس" الكويتية ان سجالا حادا جرى بين الرئيس المصري حسني مبارك وبين زوجته سوزان ونجله جمال وحملهما المسئولية عن مجمل حالة التدهور الحاصلة في وضعه.

ونقلت الصحيفة عن مصادر مطلعة في القاهرة ما وصفته بالقصة الحقيقية لليوم الأخير الذي أمضاه مبارك (الجمعة) قبل ان يحسم موقفة ليلا، ويعلن التنحي الكامل عن السلطة.

وأوضحت المصادر ان الأسرة كاملة بمن فيهم زوجتا ابني الرئيس وأحفاده "التقوا لتناول طعام الفطور صباح الجمعة، وعلى الفور أشرفت السيدة سوزان على جمع أغراض زوجها الشخصية، وكلفت خادمتين خاصتين بها، وتنتميان الى إحدى دول المغرب العربي بالتعجيل في جمع المقتنيات الشخصية للرئيس والتي تضم هدايا قيمة وثمينة تلقاها الرئيس وزوجته من ملوك ورؤساء دول عربية وأجنبية، وذلك في ثماني حقائب كاملة".

وأضافت ان خلافا شديدا وقع بين مبارك ونجله جمال،" إذ قال له الوالد بالحرف الواحد :أنت ورّطتني، أنت وأمك، لقد قضيتما على تاريخي في مصر".

وقالت المصادر أن "مبارك كان في حالة نفسية يرثى لها، وبعدها اجتمعت الأسرة بأكملها وغادروا القصر في ثلاث سيارات، متوجهين إلى مطار ألماظة القريب من القصر، حيث استقلوا الطائرة الرئاسية وتوجّهوا إلى شرم الشيخ".

وذكرت الصحيفة أن الرئيس السابق كان قد تعرّض لحالة إغماء أثناء جلوسه مع عائلته الأسبوع الماضي. وكان مطلبه من رجال المجلس الأعلى للقوات المسلحة بعد تلبية جميع مطالبهم هو المحافظة على خروجه الكريم من الحكم.

http://www.akhbarak.net/article/2331361?utm_medium=twitter&utm_source=twitterfeed

تم تعديل 13 فبراير 2011 بواسطة ozoozo

[م تيمور المراغي]

"الأخبار": علاء تشاجر مع جمال واتهمه بالتسبب في الثورة الشعبية وإهانة والده

وأضافت ان خلافا شديدا وقع بين مبارك ونجله جمال،" إذ قال له الوالد بالحرف الواحد :أنت ورّطتني، أنت وأمك، لقد قضيتما على تاريخي في مصر".

.

http://www.akhbarak.net/article/2331361?utm_medium=twitter&utm_source=twitterfeed

((وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً يَا وَيْلَتِي لَيْتَنِي لَمْ أَتَّخِذْ فُلانًا خَلِيلاً لَقَدْ أَضَلَّنِي عَنْ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلإِنسَانِ خَذُولاً))

لا اشمت في مبارك

الله يشفيه ويعفي عني وعن كل مسلم وعنه

لكن اقول لكل حاكم ظلم وبيظلم شعبه

اتق الله في شعبك

اتق الله في نفسك واسرتك

تب الى الله

قبل ان ياتي وقت لا ينفعك فيه الندم ,,

تم تعديل 13 فبراير 2011 بواسطة architect

[الغريب]

الله أكبر

والله من أروع ما شاهدت في حياتي كلها

http://www.youtube.com/watch?v=bVluERePlpc&feature=player_embedded

[الغريب]

أنا سامع أن الشرطة عاملين مظاهرات

حد يقولهم لو مبطلوش فوضى الشعب هينزل يطوقهم وينزل فيهم ضرب بالهروات والعصي المكهربة

أحنا ناقصين فوضة ، البلد مستقرة وأدينا شايفين العالم مولع أهو

[Om Zayd]

الله أكبر

والله من أروع ما شاهدت في حياتي كلها

http://www.youtube.com/watch?v=bVluERePlpc&feature=player_embedded

مش المفروض صورة أي حد تبقى في كل مصلحة في مصر

علم مصر بس

مش عايزين فراعنة تاني