مبروك لمصر ... حسني مبارك تنحي

[م تيمور المراغي]

http://www.youtube.com/watch?v=Lc1h9jd9a5U

[arkan]

:happy: الظريف ان اولادي الثلاثة (بالرغم من اختلاف اعمارهم) ولدوا جميعا في نفس تاريخ الميلاد 25 يناير

زوجي وقت الثورة كان بيقولي يا رب تنجح الثورة حتى لا يصبح اولادك ممنوعين من دخول البلد عشان عقدة تاريخ ميلادهم

Vبا يبارك لكم فيهم وان شاء الله هيفتخروا بتاريخ ميلادهم

اعملى في حسابك لم تحتفلى بعيد ميلادهم انهم اربعة مش تلاتة

3 اولادك + ميلاد مصر الحرة

[Simba]

الشعب قال للبلطجية ... صفحتكم فاضل عليها طية

[رضوي]

السلام عليكم ورحمة الله وبركاته

علي الرغم من فرحتي الغامرة بيوم 11/2 الا انها لاتقارن بفرحتي النهاردة ........ لسببين

اولاهما : اني شاركتها مع اصدقائي وزملائي ( اول مرة اشوفهم بعد نجاح الثورة ) واد ايه فرحنا سوا ك تيم وورك اشتغلنا وتعبنا مع بعض

فكرنا بعضنا ..... فاكرين الاسبوع اللي فات كنا بنعمل ايه ونخطط لايه ...... يااااااااااه ربنا كريم اوي ونصرنا كلنا

والتاني

ان الحماسة اخدتنا بقي شويتين ........ لأننا اتفقنا ان الثورة مازلت قائمة علي كل اوضاع الفساد الموجودة في البلد

قلنا نبدأ بنفسنا ........ اكيد شايفين ان فيه فساد موجود في مجال عملنا ومش عارفين نحاربه ( طبعاً لأنه كان فساد متعمق اوي وواصل له ضهر والضهر دة اتكسر النهاردة )

فكرنا ممكن نعمل ايه ............. عارفين مواطن الفساد ........ بس للاسف مافيش دليل ........ لأن ماكانش فيه حد بيشتكي اساسا...... طيب دة دورنا بقي

كتبنا ورقة ......... مكتوب فيها

اخي العزيز .. اختي العزيزة

الف مبروك ... النهاردة وبعد نجاح ثورتنا اللي كتير منكوا شاركوا فيها

لازم نشارك في بناء مصرنا الغالية

لازم نواجه اي فساد بصوت عالي ....... لازم نقتل اي بذرة فساد

علشان كدة دي دعوة مننا

من فضلك

لو كنت زميلنا بتشتغل معانا ..... لو كنت احد العملاء المستفيدين من المكان دة

وقابلتك اي قضية فساد ........ اوعي تسكت

سكوتك هيرجعنا 30 سنة لورا تاني

من فضلك علي صوتك وتأكد ان صوت الحق بيرعب الفاسدين

وكلنا معاك كلنا وراك

ونسخناها ......... ووزعناها في كل مكان ......... علقناها في كل اللوحات الموجودة في المكان

عل كل مكتب

لحد مكتب اكبر مسئول

عملناها رسالة ضد الفساد ووجهناها لكل اللي بيتعامل معانا

وكلنا اخدنا عهد علي نفسنا ......مش هنسكت تاني ابداً

اكيد واجهتنا حوارات مع بعض المتخوفين ........ وبلاش اللي بتعملوه دة

ودخلنا ك العادة في مناقشات لاتنتهي ...... وبرده عملنا اللي احنا عايزينه

ومش هنسكت ........

لما بدأنا نتعاون كنا اتنين بس ( دة في البداية خالص ) دلوقتي احنا 8

وانصارنا كتييييييييير اوي

بس لسة خايفين شوية ......... بس اكيد بكرة هيتشجعوا ويظهروا معانا في الصورة

خليك قوي وماتخافش ..... مابقاش للخوف مكان وسطنا

بكرة ان شاء الله .... هنطلب من المسئولين تكوين لجنة ....... تستقبل اي شكوى من عميل او حتى موظف في المكان اللي بنشتغل فيه

وربنا يوفقنا

[م تيمور المراغي]

http://www.youtube.com/watch?v=WL8VjHYlwsc&feature=player_embedded

[م تيمور المراغي]

شفيق: إدارة القوات المسلحة لشئون البلاد لن تطول

أكد الدكتور أحمد شفيق رئيس مجلس الوزراء أن فترة تولى المجلس الأعلى للقوات المسلحة إدارة شئون البلاد لن تطول بأى شكل من الأشكال حيث أنه من المقرر أن يتم خلال الفترة المقبلة تعديل بعض مواد الدستور وإجراء إنتخابات لمجلسى الشعب والشورى ثم إنتخابات رئاسة الجمهورية.

وأوضح رئيس مجلس الوزراء أن تعطيل الدستور لايلغيه وانما يعنى أنه باق ولكنه معطل إلى تعديل بعض المواد فيه.

[arkan]

أسف .... لقد حذفت الفيديو لإحتواءه على الفاظ تخدش الحياء

الإدارة

سي السيد

والله الواحد ينأى بنفسه ان يسمع مثل هذا الكلام فضلا عن أن يتلفظ به

فينه البيه ده دلوقتي

الحمد لله ربنا يريحنا من رؤيته وأمثاله على شاشة التليفزيون

[أحمد سيف]

كل هذه الأشكال ومعها حزبها الفاشل سقطت في مزبلة التاريخ ... وخسارة أن نضيع وقتنا في سماع تفاهاتهم وبذاءاتهم

[fatfouta]

انسان اقل حاجة تقال عليه انه غير محترم هو طلعت زكريا واللى ذيهم

وفعلا والله ذى ما بيقول اركتكت الفيديو ده لازم يبقى دليل اثبات عليه عشان نتهمه بالسب والقذف

حسبى الله ونعم الوكيل

[جويرية]

الله

اجمل كلمة اسمعها

معتز الدمرداش كان بيقول

( الرئيس السابق مبارك (

عقبال بقية النظام كله

[aimen]

صالون ابراهيم عيسى على الجزيرة مباشر

الساعه 11 اليوم بتوقيت السعودية

[ozoozo]

جريدة الوفد

اعلن أحمد شفيق تخصيص معاش استثنائي لأهالي شهداء الثورة تقديراً لما بذلوه من تضحيات من أجل مصر, وأكد رئيس الوزراء التعامل بحسم مع أخطاء المسئولين ومحاسبتهم بصفة فورية واجراء تعديلات بين وزراء الحكومة أولاً بأول دون انتظار لزمن معين.

الله يباركلك ياعم ايمن علي الخبر ده

الواحد قلبه واجعه علي اسر الشهداء وعمال افكر ممكن نساعدهم ازاي لان في ناس فقدت عائلها الوحيد في الثوره والناس دي دمها دين علينا طول العمر مش هانقدر نوفيه

ده موضوع فاتحه سين سين فيه طرق للتبرع لجمعيه عشانك يامصر ياريت نتشارك فيه بأفكارنا حيث اننا كمغتربين لا نمتلك الا المساعدات الماديه

http://www.egyptiantalks.org/invb/index.php?showtopic=116632

[Om Zayd]

شكلنا لازم ننزل الجمعة الجاية

قلبي مش مطمن

تعديل الدستور بدل دستور جديد ليييييه؟

كأنهم بينفذوا توجيهات السيد الرئيس "المخلوع" اللي أعلنها في آخر خطاب

كده يبقى النظام لم يسقط

لازم نحط عينينا في وسط راسنا

افتكروا في تونس حاولوا يتحايلوا ازاي على مطالب الثورة و ازاي التوانسة كانوا صاحيين لهم

اوعوا تسرقكم الفرحة

لسة الجهاد الأكبر

تم تعديل 13 فبراير 2011 بواسطة Om Zayd

[aimen]

:closedeyes:

صحافة | أحمد عز gjy:: يتحدث غدا لقناة العربية لأول مرة بعد منعه من السفر الساعة الرابعة عصرا

:sofa:

انا ماليش دعوة

دا خبر معرفش حقيقى ولا لأ

[ozoozo]

برشلونه يقف دقيقه حداد علي شهداء الثوره

انا مصري ياولاد التيييت في حد مصري زيي

[Abu Reem]

شكلنا لازم ننزل الجمعة الجاية

قلبي مش مطمن

تعديل الدستور بدل دستور جديد ليييييه؟

كأنهم بينفذوا توجيهات السيد الرئيس "المخلوع" اللي أعلنها في آخر خطاب

كده يبقى النظام لم يسقط

لازم نحط عينينا في وسط راسنا

افتكروا في تونس حاولوا يتحايلوا ازاي على مطالب الثورة و ازاي التوانسة كانوا صاحيين لهم

اوعوا تسرقكم الفرحة

لسة الجهاد الأكبر

الواحد هيبتدي يقلق

وخصوصا بعد كلام احمد شفيق عن ان افضل من يمسك منصب وزير الاعلام هو عماد الدين اديب ، وكلنا نعرف كم كان مقرب من مبارك

وايضا استمرار شفيق نفسه في رئاسة الوزارة ، وتعامل الجيش مع المتظاهرين المستمرين في التواجد في الميدان الى الان ، وكانت هناك لقطة رأيتها لم تعجبني عن احد الضباط وهو يضرب ( بالحزام بعض الذين يصرون علي التواجد) فـايا كان رأينا فيمن يزالون مرابطين في الميدان فلا يجب التعامل معهم هكذا ابدا، لانريد ان تستمر اهانة المواطنين

سواء من الشرطة أو من الجيش

فالجيش الان على المحك ، ويجب ألا تأخذه الجلالة وينظر الي الشعب على أنهم العبيد،،، بصراحة..موقف الجيش الى الان...محير وغامض

وأتمنى ان اكون على خطأ ، وعندي تساؤل

هل الجيش يدير البلد بأفكاره هو وحسب ارادة الشعب التي عبر عنها ؟ أم يسير البلد على رغبة ماما امريكا؟

[م تيمور المراغي]

برشلونه يقف دقيقه حداد علي شهداء الثوره

انا مصري ياولاد التيييت في حد مصري زيي

رحمت الله على الشهداء ,,

رفعوا راسنا ادام كل العالم ,,

[ozoozo]

الان قناه اليوم مفتوحه مجانا لمده تلات ايام لمشاهده عمرو اديب

[ozoozo]

http://www.youtube.com/watch?v=VktRvVJAarQ&feature=player_embedded

[raouf]

قناة اليوم مفتوحة على النايل سات تردد 11372

افقى

شوفوا عمروا اديب فيه كلام مهم لاخر ايام مبارك