مبروك لمصر ... حسني مبارك تنحي

[mekkawy]

فين يا ابني الأعلام و احلف بسماها و بترابها

ايه يا عنبي هننام بدري بدري ولا ايه؟

لسه الضوء الاخضر مجاش انا والله نفسى اطلع بس مستنى الواسطه بتعتى تدينى الضوء الاخضر

علشان لو حصل حاجه هو اللى هيطلعنا ما انت عارف

استنى ادينا بنحاول وربك ييسر

طب مد شوية يا عمنا

[م تيمور المراغي]

تحيه خاصه الى المهندس تيمور المراغى

لن انسى يوم ما كنا سهرانين على البحر

انا وانت وطاهر رياض وابراهيم الزيات

وكنا بنتناقش انا وانت وطاهر فى الثوره

ومكنش حد فينا متفائل خالص الا انت

كنت متفائل بشكل غريب وكنت واثق بنصر الله بشكل غريب

رغم كل التحذيرات اللى نبهتك من خطر التحدث فى هذا الموضوع

ورغم الظروف المشاكل اللى بتمر بها الا انك

لم تلقى بالاً الى كل هذا

وقولت يشرفنى ان اتسجن من اجل حريتى

تحيه ليك يا صديقى

ومن حق انى افتخر انك صديقى

ومن حق مجموعة بن لادن تفتخر ان يعمل لديها مهندس عبقرى مثلك ووطنى كمان

تحيه ليك للمره الالف

ليك يا صديقى

تحياتى عنبو

اشكرك يا صديقي ,,

يا اجمل عنبي في الدنيا ,,

يامن يحبك كل من يجلس معك ولو دقائق

الحمد لله على النصر من الله ,,

ولله الامر من قبل ومن بعد ,,

وساحكي تفاصيل بداية الامر والاتصالات اللي حصلت ان شاء الله ,,

لما نشبع من الفرحه :happy:

[se_ Elsyed]

فعلاً

النهاردة كانت إحتفالات في إيران بسقوط الشاه

إيه الصدف دي ؟؟؟؟؟؟

[زهرة الجبل]

إكتب يا تاريخ

سجـِل كفاحنا و عندنا مليون دليل

وثـَّق يا تاريخ

إكتب على سطور الشرف

و إنظم لنا ديوان طويل

إكتب بحبر كرامة المصري الأصيل

سجـِّـل شهادة حق

إنتفاضة عـِزه للشعب الجميل

قام و إنتفض

و حـِـلـِـف بسماها و بترابها

و بالهوا و النيل

لتعود الحريه لأرضه

و لا غير الحريه بديل

اقسم ليجيب حقه بيده

و يشد الهمه و الحيل

و يغير دستوره بفرضه

و تبرق شمسه فـ حضن الليل

حالف يزرع مصر بكده

بعرقه و شرفه مـُنى و قناديل

و حلف يطرد منها الظالم

و يخرجه صاغر و ذليل

إكتب يا تاريخ

سجل كفاحه و وثـَّـقه.. بمليون دليل

***********************

الشعب حدد كلمته : أنا المصـــري

زاع ثورته ... أنا المصـــري

بعلو الصوت

و حق البث مش حصري

أنــا المصـــري

أنا المصري .. أنا إبن النيل

أنا اللي جعلت من الهرم ضهري

أنا البنت القويه و أنا الشباب الأسمر

أنا اللي في التحرير كفاحي و ثورتي

و نـــصـــــري

أنا ... أنا ... أنا المــصـــــــــري

و إشهد يا تاريخ

أنا المـصــــري

أم كريم

تم تعديل 11 فبراير 2011 بواسطة زهرة الجبل

[م تيمور المراغي]

عاااااااااااجل

سويسرا تجمد ارصدة آل مبارك !!!!!!!!!

[أبو محمد]

أخي الفاضل / أبا محمد

إن شاء الله مصر ترجع من جديد

المحروسة هترجع محروسة

( ادخلوا مصر إن شاء الله آمنين )

مصر لا ولم ولن تتوقف على شخص واحد

مات عبد الناصر الذي كان محبوبا لدرجة الطوفان من مصر كلها وبقت مصر

مات السادات ( الرجل القوي الحازم صاحب المكر السياسي والدهاء ) وبقت مصر

مات تحتمس الثالث وبقت مصر

وأنا وأنت سنموت وستبقى مصر

-------------------------------------------------------

أسماء محفوظ على الجزيرة تقول

مصر بقت حرة

نقولها لكل العالم

No One Is Indispensable

[عنبو]

تحيه خاصه الى فتفوته

اختى الغاليه والمقربه جدا الى قلبى

انتى كنتى عامله زى الدينامو فى نقل الاخبار

واكيد طبعا اسمك اتعلم عليه بس انا عارفك انك بميت راجل

__________________________________

تحيه خاصه الى مدام مصريه متغربه اللى كانت كل شويه تقولنا الثقه بالله

الثقه بالله يا جماعه وكان عندها يقين فى نصر الله

من حقى افتخر ايضاً انى شرقاويه

_________________________________

تحيه ايضا الى ريهام لماضه يعنى

اللى كل شويه كانت تقول طيب يا جماعه مش هينفع نقعد كده لازم نعمل حاجه تفتكروا نعمل ايه

[mekkawy]

مبروك علينا يا سكوب يا غالي

افرح و علي صوتك و قول أنا مصري

[شرف الدين]

لا أنسى أن أوجه الشكر العميق للمعماري العظيم المهندس ممدوح حمزه .. اللي في يومين تلاته قلب ميدان التحرير تماماً وزود الانوار فيه وأنشأ دورات المياه وخطط المداخل والمخارج وزود الجميع بالبلاستيك عشان المطر و و و و و

هو ده اللي لفقوا له تهمة وكان هاياخد فيها إعدام

هو ده اللي راح من كام شهر بنى مساكن أسوان اللي تضررت من السيول وعشان ما رضيش إن يُطلق عليها مساكن سوزان مبارك .. هدوها له فوق دماغه

وتحية للشيخ محمد جبريل اللي يمكن كان سبب من أسباب قبلو دعاء الملايين اليوم وهو يدعو دعاء القنوت

بلدنا يا سي السيد مليانة كفاءات

لكن تقول ايه في الزبالة اللي كانت متحكمة فيها

يا سي السيد... التفاحة الفاسدة بتفسد التفاح اللي حواليها.

والفساد كده

شبكة متكاملة

وأنا قلت قبل كده

الفساد ده سبحة وراس السبحة هو مبارك

ولو راس السبحة وقع كل السبحة هتنفرط

ولسه الأيام الجاية أنا واثق في بلاوي هتظهر

[Alshiekh]

مصر اليوم فى عيد

http://www.youtube.com/watch?v=F8J1FpBJF70

[se_ Elsyed]

آآآآآآآآآآآآآآآآآآآآآه مجدي الدقاق على العربية

[aimen]

يعنى إيه كوك زيرو ..

يعنى 3 خطابات كل خطاب ربع ساعة و محدش يعجبه و خطاب واحد فى دقيقة العالم كله يفرح ..

سبحان الله #Jan25 #Egypt #Feb11

[se_ Elsyed]

ههههههههههههههههههههههههههههههههههههه

يا دزمه

دورك جاي

بيقول لك نبدأ صفحة جديدة ههههههههههههههههههههه

[se_ Elsyed]

توقعات بأن يكون بيان الجيش يتمضن تولي رئيس المحكمة الدستورية العُليا مقاليد الفترة الإنتقالية

[امير مجروح]

مبوووووووووووووووووووووووووووووووووووووووووووووووووووووووووووووووووووووك

لمصرررررررررررررررررررررررررررررررررررررررررررررررررررررررررررررررررررررررررررررررررر

[se_ Elsyed]

مجدي الدقاق اللي بقى في الزبالة دلوقت حزين كان أمه ماتت

وعُمر سليمان لما قال البيان في دقيقة واحده كأن جوز خالته ماتت ووشه أسود من الأسفلت

[aimen]

mobark is gone

[أبو محمد]

فى غمرة الفرحة .. يجب ألا ننسى الخطر المحدق

بعض اللجان الشعبية خصوصا فى الأحياء الشعبية تذكرنى بعصر فتوات الحسينية فى القاهرة وابو خطوة وحميدو الفارس فى اسكندرية

فليحذر الجميع

[عنبو]

تحيه خاصه منى الى سين سين

الراجل ده كان كل لما يشوف فساد الاقيه جاى على الصبح فتح توبيك ويقعد يشد فى شعره

من خوفه على البلد ويقول دائما جمله فاكرها

علشان لما اقولكم اننا دوله ملهاش ريس والراجل فى غيبوبه اساساً

ميبقاش حد يصدقنى

تحيه خاصه الى احمد باشا

وتقبل تحياتى صديقى العزير

عنبو

[طبيبة بالخارج]

مبروك يا مصريين

مبروك يا ثوار

و الله و عملوها الرجالة

و رفعوا راس مصر بلدنا