و غدا يوم اخر

[المهندسه]

تحقق حلم الملايين اليوم بتنحى الرئيس حسنى مبارك عن منصبه كرئيسا لمصر الحبيبه...تاركا وراءه المسئوليه كامله فى يد الجيش...

وتعالت الاصوات بالهتافات و الزعاريط وانهالت المكالمات التليفونيه للتهنئه بنصر 25يناير

وبذلك فقد دخلت ثوره 25 يناير التاريخ من اوسع ابوابه وهى الان لا تقل اهميه عن ثوره 1919 و1952

علينا بعد كل مظاهر الفرحه التى تدوى فى جميع اركان البلاد و العالم اجمع ...علينا الا ننشغل بهذه الفرحه و ننسى ان غدا يوم اخر....اصعب يوم فى

تاريخ مصر الحديث...هو اليوم الذى سيحدد الشعب بنفسه مستقبله بيده اما ان يكون امام الامم او يرجع للخلف متحسرا على مافات

فغدا ولاده شعب اخر

لابد ان نعرف ان تفويض الرئيس عمله للجيش ليس بالامر السهل و الهين...فالجيش مهمته حمايه حدود البلاد ..فهو ليس ملم بالاحوال الداخليه للبلاد

حتى لو استعان بمستشارين ...لابد منه ان يأخذ خطوات سريعه للسيطره على امر البلاد ...لابد ان يأخذ القرارات الحكيمه الصائبه فى غضون ايام قليله

اما بالاحتفاظ بالحكومه السابقه او تشكيل اخرى ...لابد ان يقرر اما بلاحتفاظ بالدستور الحالى و الذى وضع سنه 1971 بهدف لملمه جميع خيوط البلاد

فى قبضه رئيس الجمهوريه و ذلك لظروف البلاد وقتها من حروب و عدم استقرار

على الشعب نفسه ان يعلم ان قبضه الجيش هى قبضه من حديد و فولاذ لا يتهاون ابدا مع المخطىء مهما كان.. ليس عنده وساطه او محسوبيه

لابد من الشعب ان يتحلى بأقصى درجات الالتزام لان العقاب سيكون رادع

لا تتدعونا ننظر تحت ارجلنا و تعالوا ننظر الى المستقبل الافضل لمصر ...فهى البدايه و لكن ياترى البدايه لماذا؟؟؟!!!على الشعب المصرى ان يحدد

مستقبله غدا ان اراد ان يكون مثل الدول التى قامت من تحت الانقاض اقوى و اقوى ..فعليه العمل و الانتاج ...عليه ان يحب البلد اكثر...عليه ان يعمل

بصدق من اجل بناء البلد...عليه ان يرحب بجهاز الشرطه الجديد و ينسى ما مضى و فات من الام وجروح ...يجب ان يكتب الشعب المصرى لنفسه و

بنفسه مستقبل افضل ..على كل ام واب ان يعلموا اولادهم الحب و الانتماء للوطن...

رأيت الفرحه فى مصر بعد تنحى الرئيس و كأن الشياطين كلها غادرت مصر و لم يبقى سوى الملائكه تعيش على ارضها..فحذر ايها الشعب المناضل

الواعى ان الشياطين موجوده مادامت الحياه ...الى يوم الدين ...فلا تنخدعوا بالوجوه الجديده التى سوف ترونها...فمازال موجود احمد عز اخر و حبيب

العادلى اخر و غيرهم ...احذروا و تعلموا كيف تكشفون الخائن الانتهازى و الشريف المحب لكم ولوطنه

يجب علي هذا الشعب الباسل ان يرتقى بمصر اكثر فى جميع المجالات لتكتب اسمها بحروف من نور و ذهب فى التاريخ ..انظروا الى الصين بعد الدمار و

الخراب ماذا وصلت و انظروا الى العراق بعد مجد و كيان الى ماذا وصلت

اما عن الرئيس حسنى مبارك فكما ذكر قبل ذلك ان التاريخ سيحكى ماله و ماعليه

الايام والسنوات المقبله ستكشف المزيد والمزيد عن هذا الرئيس سيكشف التاريخ مساوئه و حسناته ..سيكشف التاريخ الملفات

السريه فى ادراج هذا الرئيس ..سيكشف ما كانت يده تفعل بمصر و لمصر ايضا

ستكشف الايام هذه الاسرار و سيحكم التاريخ الحكم الحقيقى على الرئيس مبارك...واننا لمنتظرون

ماذكرته كان مقدمه بسيطه لمزيد من مقترحاتكم و امنياتكم ...ماا تريدون ان تكون عليه مصرنا الجديده فى المستقبل ...ما المفروض علينا فعله لبناء

مصر..فهذه دعوه للحوار فى هذا التوبيك فى مستقبل مصر القادم ..

ها قد تحقق حلمكم فغدا ماذا انت فاعلون؟؟؟؟

منتظره الحوار و المقترحات للمناقشه

غدا يوم اخر لمصر...غدا ولاده شعب اخر

[ذهبية]

بعد ما تخلص الفرحة و الانتصار هيكون قدمنا تحدى كبير جدااا

ويارب الروح اللى انا شوفتهاالنهاردة دى تكون نفس الروح اللى نبنى فيها مصر مع بعض

اللى عمل الثورة دى هو الشباب

وهما اللى لازم يكون ليهم اكبر دور فى المرحلة القادمة الطاقة دى لازم نستخدمها صح فى المكان صح

رجال الاعمال الشرفاء لازم يكون ليهم دور كبير لو حد منهم تبرع بجزء من اموالة لعمل صندوق للشباب دة لعمل مشروعات ضغيرة

المحسوبية و الرشوة و الفساد انتهى و لازم كل واحد يراعى ضميرة فى شغلة علشان البلد دى تكبر

احنا فى مفترق طريق

زى ما اتحدنا و نفذنا ووصلنا نكمل بنفس الروح دى و نعمل مصر اللى متقلش عن اى بلد متقدم و هى تستهال دة بولادها و شبابها

[عبير يونس]

اسمحوا لي يا بنوتات يا حلوات

أشارك معاكم في الحوار

في نقطة مهمة جدا في الموضوع

الفساد ماختفاش و مش حيختفي

الفساد ممكن يتحجم وده بمحاسبة الفاسدين

بدون هوادة

سواء كان الفاسد كبيرا أو صغيرا

و لازم يكون في تثقيف بحقوق المواطنة

كل واحد يعرف اللي ليه واللي عليه

لازم ما نقصرش في واجباتنا

و كمان منفرطش في حقوقنا

الفساد جبان

لو اديناله حجمه بيتحجّم

و لو خفنا منه بيكبر و يتضخم

قدامنا مشوار طويل و مستمر

محتاجين فيه نبقى يد واحدة

و نستفيد من التعددية الثقافية لجميع أطياف الشعب

المشوار طويل أينعم

لكنه جميل وممتع و جوائزه فورية

و ثماره يمكن قطفها باستمرار

بلا خوف من نقصها أو عدم كفايتها

كل واحد فينا له مكان

و له دور

لازم يقوم بيه

و لسه في كلام كتيييييييييييييير

لازم انام شوية

بكرة بداية المدارس

و انا مانمتش زي كل الناس في مصر وخارجها لمدة 18 يوم

[Om Zayd]

جزاكم الله خيرا على الموضوع

أهم حاجة حاليا .. عينينا في وسط راسنا

عشان ما يتسرقش صوتنا تاني

نربي اولادنا صح ..من غير خوف

نزرع فيهم ان مصر دي احنا .. بتاعتنا .. ما ينفعش نسيبها لحد

ما نسكتش على فساد .. أبدا .. ما نديش نفسنا مبررات للتهاون و عديها المرة دي

نوعي اللي حوالينا

نشارك في الحياة السياسية بإيجابية

باختصار .. نحط في دماغنا ان دي بلدنا

[pink rose]

اول حاجة عاوزة اعملها

اطلع بطاقة رقم قومي

لحد دلوقتي ما عنديش بطاقة كنت بامشي اموري كلها بالباسبور

كنت شايفة البطاقة حاجه مالهاش لازمة لكن دلوقتي لازم اطلع بطاقة عشان لما الانتخابات تبتدي اقدر اروح ارشح الرئيس الجديد لمصر

يا حلاوة يا ولاد عيشت و شوفت رئيس جديد و رئيس سابق

[لونا]

غدًا أو اليوم بمعنى أصح

نحتاج إلى ثورة و ثوار

في 3 مجالات أنا شايفة إن لهم الأولوية القصوى

التعليم

الزراعة

الصناعة

طبعًا يمشي معاهم بالتوازي كل المجالات الأخرى

و لكن رأيي أنه يجب التركيز على التلاتة دول

و يجب أن يكون على رأس الوزارات الثلاثة ثوريين

يعمل معهم فريق علمي وطني

[المهندسه]

مقترحاتكم كلها رائعه يا جماعه و عاوزين اكتر و اكتر

ذهبيه :اقتراح الاستعانه برجال الاعمال دى فكره هايله و لازم تتاخد فى الحسبان طبعا ..فى رجال اعمال كتير فى مصر و اعتقد انهم هيتمنوا المشاركه فى بناء البلد

مصريه متغربه"طبعا اكيد ان الفساد موجود مادامت الحياه زى ما ذكرت قبل كده...لازم نتحلى بالوعى الكافى لتجنب حدوث ما حدث ثانيا من تفشى واضح و صريح للفساد فى البلد ...فقد اصبح الفساد و الرشوه و المحسوبيه فى وقت من الاوقات هو العادى و الطبيعى و تراجعت القيم و الاخلاق و اصبحت شواذ

ام زيد طبعا اكيد اولويات الاصلاح فى البلد من وجهه نظرى تبدأ بالاهتمام بالنشىء الجديد و الاطفال و الشباب فهم رجال الستقبل ...وليس الدور قاصر على هيئات الدوله فقط كوزارتى التربيه و التعليم و التعليم العالى و الجامعات و المدارس ...بل للاباء و الامهات دور اكبر فى تعزيز و تنميه حب الوطن و الانتماء له ...و محاوله زرع الوعى السياسى لاولادنا من خلال مناهج جديده تدرس لاولادنا ...تعرفهم معنى السياسه الحقيقى ..خصوصا اننا دوله مسيهدفه للك لابد مننا مزيد من التوعيه بوضع البلد الحقيقى وسط باقى الدول ...و نعرفهم لماذا مصر مستهدفه و نعرفهم ماهى مواطن القوه فى مصر و الضعف ايضا ...

وارجو من الاخوه الاعضاء مزيد من المشاركات ..والله الموفق و عاشت بلادنا دوما فى المقدمه و حمى اله بلادنا و شبابها و شيوخها و اطفالها

[المهندسه]

بمناسبه الرقم القومى يا ريمو ...لازم كلنا يبقى عندنا رقم قومى و بطاقات انتخاب ...علشان صوتنا بعد كده لازم يكون هو الاعلى و المسموع