هل تفكر في العودة لمصر بعد سقوط النظام المستبد

[the consultant]

أولا /رحم الله الشهداء و رحم الله خالد سعيد الذي جعله الله سببا في تحرير مصرنا الحبيب

ثانيا / الف مبروووك لكل المصرييييين في مصر و خارجها

أحاسيس مختلفة راودتني منذ بداية الاحداث و لنعترف أن ما سيطر على كان ذلك الشعور بانه يجب على النزول للمشاركة في الميدان الا أن ذلك كان من الصعب لوجود زوجتي و اطفالي و طبيعة الحياة بالمملكة التي يصعب معها تركهم و حدهم في مثل هذه الظروف ،حاولنا الخروج الى القنصلية بجدة لإعلان تأييدنا الا أننا منعنا من ذلك حاولت أن أشارك بالكلمة علي المواقع و الصفحات المختلفة مثل كلنا خالد سعيد التي كنت عضو فيها منذ نشأتها و رصد (النسخة الاصلية) و غيرهاو لكن كان ذلك على إستحياء لان هناك صوت كان يقول (طالما أنك لست في مصر و لن تتعرض للخطر فلا يحق لك المشاركة ) يعني بالعربي متشجعش الناس اللي فس مصر و هما يتأذو و انت قاعد بعيد و عقدت العزم على النزول الا أن الاحداث إنتهت على خير و منعت من شرف المشاركة العملية ..................يعني حتى بعد إعلان الرئيس تنحيه منعنا من الاحتفال)

نفسي أعمل أي حاجة دلوقتي للبلد و في نفس الوقت بدات أفكر في الرجوع تفتكروا دي مشاعر مؤقته ولا مبكرة و لا أيه حد فيكو فكر في العودة فعلا .............!

[veterinarian]

والله يا consutant انا شخصيا هنا في مصر وقبل الثورة كنت ماشي في اجرءات سفر ولازلت بصراحة بس عايز اقلك انا فعلا بعد ما كنت متحمس وبجري بايدي وسناني زي ما بيقولوا بدأت احس بفتور جامد وبرغبة في اني افضل هناووصل بي الحال للاحساس بالخيانةاني هسيب بلدي في مرحلة زي دي لكن اناوالله غصب عني لازم امشي لاني مرتبط بيمعاد جواز والفترة اللي باقية متخلنيش الحق اعمل حاجة هنا فانا لسه محتار اسافر عشان انجز وارجع اتجوز وبعديها ابقى استقر هنا وللا فعلا اكانسل الموضوع بتاع السفر وافضل هنا وربنا يبقى يفرجها بقى والله انا نفسي محتار وفعلا مش عارف اعمل ايه وملقتلهاش حل غير ان الواحد يستخير ربنا قبل ما ياخد قراره اما ردا على سؤالك فانا معنقدش انه شعور مؤقت او سخونية لان فعل البلد بتتغير وهتتغير ولو انت كنت موجود كنت هتشوف حاجة غريبة اوي ان الشعب نفسه بقى شعب تاني فعلا الناس بدأت تحب مصر بجد بكل ما تحمله المعنى من كلمة

عموماكده كده انت لازم ترجع محدش فينا هيأبد هناك فانت ممكن تستغل المشاعر دي في انها تخليك فعلا لو ليك هدف من السفر مادي انجزه بسرعة وارجع بلدك لو هدفك مجرد تحسين الدخل والرفاهية يبقى لا ارجع بلدك اولى بيك و متنساش لو خدت اي قرار تستخير الاول وربنا يوفق الجميع

عاشت مصرنا حرة مستقلة

[ozoozo]

بصراحه انا الاول كنت خايف علي اكل عيشي هنا عشان يمكن خايف ارجع اتهرس في المفرمه بتاعه مصر تاني

لكن دلوقتي حاسس بأن لي وطن وبيت اقدر ارجعلهم في اي وقت

فمش هاممني حاجه في الشغل وبشتغل بأعصاب اهدي من الاول

[herohero]

من غير رجوع تقدر تفيد مصر ولو ماديا بافكار بفلوس ممكن تساهم بيها ف شيئ

عاوزين نشوف رقم الحساب لدعم الاقتصاد وده معمول للمصريين ف السعوديه

ليه بجد مايكونش ف كل بلد اغتراب كده هيعمل مبلغ كبير ويبقى فيه اتحاد للمصريين ف الخارج له ممثل ف مجلس الشعب يناقش مشاكلهم

بجد مصر دلوقت غير انا كنت من أشد الناقمين واللي كاره للسلبية سبحان الله

حاليا ف مصر الجو تاني خالص

الناس عاوزة تتغير بجد الناس بتكنس ياجماعه ف الشارع

الايجابية زادت قوووي

شوية أفكار حلوة ودعم من كل مصري يقدر يدعم بلده

وساعتها مصر هتكون لنا بجد وأحلى بكتير

[ايه اتش تلت سبعات اي دي]

انا مصري

ومن مصر

وعشت الثوره دي بجد

وكل يوم كنت بنزل ميدان التحرير

وبقؤلهالك من دلؤقتي

انزل

الدنيا هنا الامان

مصر الامان

مصر بلد الامن والامان

فعلا دلؤقتي تقدر تنزل تعمل اي حاجه انت عايزها وكل الناس واقفه مع بعضها

افتكر اغنيه عمرو دياب

اللي بتقؤل

مصر ايه غير الاصالة والقلوب الطيبين

مصر ايد تبني لولادنا حلم بكره والسنين