بتحلم بإيه لمصـــــــــــــــــر

[se_ Elsyed]

من باب الديمقراطيه

موضوع ان الحد الادنى 1200 جنيه من خلال دراستى هيدر الاقتصاد المصرى مش هيفيدة

لان المال قوته فى القدرة الشرائيه

يعنى لو اقل مرتب بقى 10000 جنيه هيكون كيلو اللحمة 1000 جنيه فورا بدون اى احتكار او تدخل من الدوله نتيجة العرض والطلب

ودة نتيجة زيادة السيوله فى السوق

كل المصانع اللى حتلاقى نفسها بتدفع 1200 لعامل انتاجه ميزيدش عن 600 جنيه تعمل ايه؟ ببساطة ترفع اسعار السلعة وتخليك انت تدفع مرتب العامل

ورفع الاسعار يعنى تضخم وانخفاض فى الصادرات ودايرة مهببه

ودة هيخلى المصانع تستورد عمال من الصين وبنجلاديش...ومع السلامة للعامل 1200 جنيه

أكيد ... لو زيادة المرتبات غير مربوطة بالإنتاج .. يبقى قلتها أحسن لأن هاتعمل تضخم والفلوس مش هايبقى لها قيمة أمام زيادة اسعار كل السلع

[جويرية]

نفسي الزراعة ترجع زي ما كانت

نفسي الاقي عبارة ( صنع في مصر) علي كل شئ من الأبرة للصاروخ

[أهااات روح]

بحلم... انى ارجع بلدى اديها كل مجهودى

بحلم ان كل واحد يبدا من جواه ويقول انا عملت حاجة ولازم اكملها

انا خرجت فى الثورة وانتصرت ولازم اتوج النصر ده بانى لازم اتقى الله فى شغلى ولو كل واحد اتقى الله

فى شغله هنلاقى مصر الى زرعنها بادينا بتكبر قدمنا

بحلم انه ميبقاش فى مغتربين مصريين.... نرجع كلنا نشتغل فى مصر هى محتاجلنا اكتر من الدول الى

احنا فيها دلوقتى

بحلم ان مصر تزدهر اكتر واكتر ومتبقاش من دول العالم التالت( الدول النامية)

بحلم ان الشباب فى الدول التانية يقولو انا مهاجر لمصر اشتغل فيها وشبابنا ميبقوش محتاجين يهاجرو

بحلم ان ولادى يتعلمو تعليم يفتح مداركهم وينمى زكائهم ويكون شخصيتهم

بحلم ان الناس الى عايشة فى مركب فى النيل والاطفال الى نايمين تحت الكوبرى يبقى عندها مكان تحس بادميتها فيه

بحلم بحاجات كتيييييييييييييير قوووى

[زهرة الجبل]

بحلم بمصر عروسه

هكتب في الموضوع ده مشاركات كتيره منفصله كل مشاركه عن جهه بحلم فيها بتغيرات كتير

هتكلم الأول عن التعليم

لأني مؤمنه إن التعليم في مصر هيكون مؤسسه إستثماريه كبيره

رأس مالها هو العقليات المصريه الرائعه و نشاطها هو الإهتمام بها و تنميتها و تصحيح توجهاتها من جديد

و مربحها السخي هو أن تـُثمر هذه العقول و تنتج و تبدع و تتألق

بحلم ببناء مدارس أكتر متوزعه في جميع المناطق السكنيه على مستوى الجمهوريه علشان عدد التلاميذ في الفصل الواحد يقل

و بحلم بلوحه كبيره جداً فوق كل مدرسه قبل إسمها مكتوب عليها بالخط الكبير (( قم للمعلم و أوفه التبجيلا .. كاد المعلم أن يكون رسولا )) و يبقى ده قانون

و في كل فصل لوحه كبيره عليها نفس العباره

بحلم بنظام يعمل من المدارس الحكوميه منظومه تنافسيه ..كل مدرسه بتنافس الأخرى للوصول لمرتبه اعلى .. تنافس بنـّاء طبعاً و كله لصالح الشعب

بحلم نلغي من القاموس المصري كلمة المتسربين من التعليم

بحلم بشخصيه في عقل و فكر أحمد زويل وزيراً للتربيه و التعليم

بحلم بوزير مصغر للتربيه و التعليم لكل محافظه و يكون تحت رئاسة وزير التربيه و التعليم الأساسي بحيث يكون دوره رقابي و مسؤول عن التحقق من تطبيق السياسات الجديده للوزاره على أرض الواقع

و لأني مؤمنه بأن المعلم سيكون وتد أساسي و أحد الأعمده الأساسيه في بناء مصرنا الجديده فعندي له العديد من الأحلام

بحلم برواتب محترمه للمدرس تغنيه عن اللجوء للدروس الخصوصيه علشان ترجع هيبة المعلم مره أخرى و ترجع المدرسه هي بيت العلم الأوحد

بحلم بنظام حكومي محترم يكفل الكوادر التعليميه كمدرسين و عاملين في الهيئه التعليميه.. من رعايه صحيه و معاشات و غيره

بحلم بحقوق وافره للمعلمين لكن على ان يقابلها في الجهه الأخرى قانون رادع يضرب بيد من حديد على رقبة أي معلم يكون نشاطه ممكن يشوه صورة المعلم في أعيننا مره أخرى

بإختصار .. نفسي أشوف المدارس مؤسسات متكامله تمتلك القدره بهذا الكمال على خلق الرغبه في التعلم لدى التلاميذ و الطلبه

لي عوده باحلام جديده في قطاعات أخرى

صباحم و مساءكم و أيامكم كلها أحلام تتحقق

أم كريم

تم تعديل 12 فبراير 2011 بواسطة زهرة الجبل

[سكر]

اتمنى ان نتخلى عن المشاريع الفاشله

مثل ابنى بيتك الى خلى كل الشباب يسبوا اشغلهم ويشتغلوا فى البناء

المهندس مهندس والمحاسب محاسب

البناء والزارعة يجب ان يكون على مساحات شاسعة ليكون لها مردود اقتصادى

اخيرا نظرة اقتصادية وسياسيه الى ليبيا والسودان نحن فى حاجة ماسه لهم

[hOuSsAm]

بحلم بالوادى الموازى

كنت قرات عن مشروع قومى يعملوا وادى موازى لوادى النيل وبينه وبين المدن الرئيسية طرق سريعة

-----------------------------------------

بحلم بكوبرى بين القاهرة وجدة لتيسير رحلات الحج والعمرة من مصر للسعودية وتيسير رحلات السياحة من السعودية لمصر

الموضوع ده لو تم هيوفر فلوس كتيرة على المصريين وهيدخل دخل قوى لمصر

-------------------------------------

بحلم يوم منصل لفيه ان مفيش كليات قمة عشان هتبقى كل الكليات قمة لان كل خريج هيلاقى شغل وبالتالى كل واحد هيدخل المجال اللى بيحبه مش المجال اللى فيه شغل وخلاص وهنلاقى كل واحد يبدع فى مجاله

---------------------------------------

نلاقى الناس المستخبية فى الجوامع والكنايس وخايفة تطلع يطلعوا معانا يبنوا وينموا ويطوروا الشعب

والناس اللى خايفة تدخل الجوامع من ارهاب الشرطة تدخل ومتخفش وتعبد ربنا ومعتش هيبقى فيه ظلم

---------------------------

يتبع والاحلام كتيرة

[hOuSsAm]

اتمنى ان نتخلى عن المشاريع الفاشله

مثل ابنى بيتك الى خلى كل الشباب يسبوا اشغلهم ويشتغلوا فى البناء

المهندس مهندس والمحاسب محاسب

البناء والزارعة يجب ان يكون على مساحات شاسعة ليكون لها مردود اقتصادى

اخيرا نظرة اقتصادية وسياسيه الى ليبيا والسودان نحن فى حاجة ماسه لهم

انت عندك حق

فعلا لازم نهتم بسياستنا مع الدول الافريقية وخاصة حوض نهر النيل

لازم نرجع علاقتنا معاهم اقوى من زمان

ونهتم بيهم اقتصاديا وتعليما

لازم نبقى بالنسبة ليهم الاخ الاكبر

مصر هى الاخ الاكبر لكل شعوب المنطقة

[سكر]

اجمل حاجة ممكن تحصل فى مصر

هو ان المحامى يشتغل محامى وبس

والطبيب يشتغل طبيب وبس

والمهندس يشتغل مهندس وبس

والفلاح يشتغل فلاح وبس

والاقتصادى يشتغل اقتصادى وبس

هو دة الامان بعينه وهو دة الخير الى البلد ممكن تنعم بيه

المشكله ان الكل قبل كدة مكنش مقتنع بالى بيعمله لان كان فى اهمال اقرب الى الاحتقار للمهن

وكان فى تمجيد لكل ما هو مكسبه سريع حتى لو كان على حساب دم الشعب واستغلاله

عايز كل واحد يفتخر بمهنته ويسعى اكثر فيها للقضاء على ثقافه الفهلوة والكسب السريع

[Alattar]

- بأحلم بوزارة خارجية قوية تقف جنب أي مغترب وتجيب له حقه أينما كان

الإغتراب عمره ما كان عيب ولا غلط .. بل ده شي مخلوق من بداية الخلق إلى نهاية الدنيا

لكن

- باحلم بوزراة عمل محترمة تضع حد أدنى للمرتبات وإن شالله عن حد ما أتغرب حتى لو كان اللي عاوز يسافر موافق ... لإن لازم هما اللي حيمونا من نفسنا حتى .

جيت عالجرح يا س س

الواحد نفسه بأه يتشال من عنده لقب مغترب ده بأه

أنا عمري ما كان السفر للخارج حلم عندي زي بعض الشباب

بالعكس أنا كنت بحب البلد دي جدا وربنا سبحانه و تعالي يعلم و يشهد

أنا كان عندي أمشي في الشوارع وسط البيوت القديمة

أفضل والله مليون مرة من اني أمشي هنا في دول الخليج في أبراج فخمة

لأن دي بلدنا..لازم الواحد يكون بيستمتع بكل حاجة فيها

عشان كده الواحد فعلا بيحلم ان مصر ترجع زي ما كانت ..وزي ما كنا بنسمع عنها

و يفضل شبابها كده ايد واحدة..و ما يتفرقوش و نرجع تاني بعد الثورة ما خلصت

و تفضل فينا نفس العادات الطيبة و التعاون بين الجميع

والله المستعان

تم تعديل 12 فبراير 2011 بواسطة Alattar

[mekkawy]

بأحلم بحاجات كتيرررررررررر

منها

إن سي السيد يكون وزير التخطيط

و الله بتكلم جد

[se_ Elsyed]

بأحلم بحاجات كتيرررررررررر

منها

إن سي السيد يكون وزير التخطيط

و الله بتكلم جد

لأ يا عم .. أنا ما أعرفش هو كان بيعمل إيه أساساً بتاع التخطيط ده

أنا عاوز أطلع أمين شُرطة أو دكتور أنف وأُذن

[Alattar]

بأحلم بحاجات كتيرررررررررر

منها

إن سي السيد يكون وزير التخطيط

و الله بتكلم جد

لأ يا عم .. أنا ما أعرفش هو كان بيعمل إيه أساساً بتاع التخطيط ده

أنا عاوز أطلع أمين شُرطة أو دكتور أنف وأُذن

خلاص راحت عليهم يا س س

فين أيام زمان..لما كانت الناس تشوف أمين شرطة ركبها تسيب

تم تعديل 12 فبراير 2011 بواسطة Alattar

[ComingSoon]

احلم بان تتخلي الدولة عن هيمنتها الابوية علي الشعب المصري

اي تقليص دور الحكومة الي اقل قدر ممكن وترك الباقي للمجتمع

دولة علي النمط الامريكي تكون القوة فية للمجتمع وليس لنظام حاكم

مثلاً يجب الغاء الوزارات عديمة النفع (الاعلام - الاوقاف - الثقافة)

الثقافة والدين والاعلام هي من مهام المجتمع وليس من مهام الدولة في كل البلاد الديمقراطية

[arkan]

صباح الخيرات

انتوا بدأتو ترصو لستة الاحلام

انا بحلم بسرعة اجراءات التقااضي يعني المظلوم ياخد حقة بسرعة قبل ماتصيبه الامراض من القهر ونفسي اشوف يوم في كل ظالم

نفسي كمان الصحف واللقنوات ميبقاش فيها اعلانات او مواد سخيفة تخدش الذوق العام عايزة ولادي يتفرجوا بامان

نفسي في نهضة تعليمية ترجع لنا مجدنا احنا مش اقل من اى كفاءة وعندنا ارادة فولاذية ولله الحمد

نفسي الرقابة تاخد حقها على كافة المستويات حتى لا يكبر المرتشين والمتسلقين ان وجد

نفسي يتوفر مسكن ملائم لكل مواطن بدون التفاوت البشع اللى حاصل ناس في قصور وناس في عشش

ونفسي اشتغل ياأخوانا في بلدي حد يشوفي له شغلانه وله الحلاوة

نفسي في عدم التمييز وتكافؤ الفرص بشفافية

يتبع

تم تعديل 12 فبراير 2011 بواسطة arkan

[aimen]

نواره نجم

*************************************************************************

ورانا شغل كتير قوي

اولا كل المعتقلين السياسيين لازم يخرجوا، وطبعا قانون الطوارئ يتلغي فورا زي ما الشباب طلعوا بيان في ميدان التحريرانا مش عارفة مين المجموعة اللي طلعت البيان لان ميدان التحرير مليان مجموعات، بس انا مبسوطة من بيانهم عموما، وعلى اي حال مش مهم مين المجموعات ولا الافراد، المهم ان الناس توافق وده بيبان في سلوك الناس، وانا عن نفسي موافقة

وبعدين عايزين نعمل دستور ما يخرش المية، ما يبقاش فيه صلاحيات لفرد ابدا،

دستور ديمقراطي على حق يعمله القانونيين بتاعنا، مش حنستورد دستور من حد احنا عندنا ناس جامدة كيك لعلمكوا يعني، ورئيس الوزرا يبقى بالانتخاب والمحافظين كمان، ما عادش بقى حد يعين ابن اخته تاني بعد كده ويبقى فيه آلية رقابة ومحاسبة، والدستور يضمن لنا تقسيم السلطات بحيث كل واحد فيهم يبقى صباعه في بق التاني عشان ما حدش فيهم يستفرد بينا، والسلطة للشعبوبعدين

عايزين محاسبات مالية وقوانين عدالة اجتماعية عشان ما حدش يوزع وجبات وعشرين جنيه مقابل اصوات الناخبينوبعدين عايزين نلغي وزارة الاعلام اساساوعايزين اطلاق حرية تكوين الاحزاب، ما عادش بقى الحزب تحت التأسيس لمدة خمسة وتلاتين سنة والجماعة المحصورة والكلام ده تاني نسمعهوعايزين اطلاق حرية الصحافة

وعايزين نرجع فلوسنا، الشلة اللي فاتت سرقت 132 مليار دولار من مصر، لو رجعنا نصهم وصرفناهم على الصعيد والعشوائيات حنبقى سويسرا يا جدع

عايزين فلوسنا عايزين فلوسنا عايزين فلوسناعايزين فلوسنا عشان عايزين نعمل مشروع الري بالتنقيط عشان نزرع الصحرا ونكتفي ذاتيا من القمح ونوفر مية ونعمل فرص عمل للفلاحين اللي تحولوا لسواقين توك توك بسبب انحسار الاراضي الزراعية

ويتعمل بقى قوانين عمل تانية خااااااااالص غير دي، حاجة تضمن حقوق العمال، مش الانسان ينام عامل يصحى مفصول ونايم في الشارع، منظر العمال قدام مجلس الشعب ده انا مش عايزة اشوفه تاني،

ومصانعنا بقى ترجع لناوبعد كده احنا عايزين نتخلص من المعونة الامريكية تماما، واحدة واحدة كده نسلت نفسنا منها لانها خربت بيتنا وبيعتنا اللي ورانا واللي قدامنا، ونتخلص من المعونة الاوروبية كمان، يعني يبقى لنا 132 دولار متهربين ونشحت؟

نرجع فلوسنا بس ونظبط حالنا وكلها خمس ست سنين واحنا اللي ندي اوروبا وامريكا معونة، مش عايزين معونات تاني، عشان بيفرضوا علينا شروطهم الاقتصادية وبياخدوا حقهم بالفلوس دي من اراضينا وصناعتنا وبيفسدوا مسئولينا عشان بيقدموا لهم رشاوى عشان يمكنوهم انهم يسرقونا، واحدة واحدة من غير خناق كده نتخلص من المعونات الاجنبية خالص سواء للدولة او المؤسسات الاهلية، وبدل ما المؤسسات الاهلية تمشي تشحت من برة يتفتح لها مجال جمع التبرعات عشان يعرفوا يخدموا بلدهم بفلوس ولاد بلادهم

ودي المساعدة اللي الاستاذ اوباما عرضها علينا امبارح، انه يدينا فرصة نرجع فلوسنا ونصرف على نفسنا، واحنا متشكرين له قوي

متشكرين على تهنئته لينا بثورتناومتشكرين والله على انه اكتشف اننا مش ارهابيين ولا متطرفين واننا زينا زي غاندي ومارتن لوثر كينج ده ايه الرتبة الجامدة دي؟

بيساوي شعب بافراد؟ ايا كانوا الافراد دول ومهما كانت عظمتهم، هم افراد، واحنا شعب، ومالناش قيادات، نتساوى بيهم ازاي يعني؟ ومتشكرين على انه اكتشف اننا سلميين وان المسلمين والمسيحيين مش بيقتلوا بعض ولا حاجةومتشكرين على انه قال لنا: والله طلعتوا ناس محترمة اهو.. امال بيقولوا عليكوا كده ليه؟

ومتشكرين على ان 400 شهيد - اللي كل الناس مصممة انهم 300 وهم 400 - ماتوا بسلاح جاي من بلده بموجب معونته

ومتشكرين على الغاز المسيل للدموع اللي شميناه ميد إن يو اس ايه

ومتشكرين على الرصاص المطاطي اللي هو كمان ميد ان يو اس ايه

ومتشكرين على اعترافه باننا بني ادمين ومن حقنا الحرية والعدالة

ومتشكرين على انه ما عرفش اننا بني ادمين زينا زيه الا لما اضطرينا نطلع بالملايين ويموت منا مئات الشهداومتشكرين على انه تاني رجع يقول لنا: حنساعدكم من غير ما تطلبوا... شكرا شكرا على الرخامة يعني، تاني؟ تاني حتساعدنا من غير ما نطلب؟ مش كفاية كل المساعدات اللي بقالها تلاتين سنة؟ طب ممكن تساعدنا بناء على طلبنا بدل ما تطوع؟ احنا طالبين مساعدة فعلا: سيبنا في حالنا،

يا سيدي احنا لا عايزين نتخانق معاك، ولا عايزين مساعدة منك، يا نحلة لا تقرصيني ولا عايز عسل منكو

لو سمحت ما بنحبش حد يطبطب على راسنا زي الكلب اللولو.. اصل حضرتك بتبوظ التسريحة كده واحنا لسه مشاشورين شعرنااحنا عايزين نستقل بقى، نستقل بكل حاجة، نتملك مواردنا عشان نأكل ناسنا، ونستقل بقرارتنا، وسياساتنا، مش خلاص؟

مش العالم كله اطمن علينا اننا ناس كبار وعاقلين وشاطرين ومش ارهابيين، والسلفيين والمسيحيين قعدوا في ميدان التحرير يحبوا في بعض حب مبالغ فيه ونازلين بوس في بعض؟

سيبونا في حالنا بقى، المساعدة الوحيدة انهم يسيبونا نقف على رجلينا ونبني نفسنا لوحدنا ومش ناقصنا حاجة، لا ناقصنا علم، ولا خبرة، ولا فلوس، ولا موارد، ولا اخلاق، ولا ارادة، ولا فهم، ولا اي حاجة الحمد لله، وربنا معانا احسن من الكل، وطول عمرنا من سبعتلاف سنة ولحد دلوقت ربنا هو اللي بياخد باله منه وبيراعينا، مش محتاجين رعاية من حد، وربنا هو اللي عمل مصر دي، هو اللي رسم حدودها، لا قسمها احتلال، ولا وحدها سفاح، ولا اسسها عصابات ولا هاربين من احكام في بلادهم الاصلية، لو سمح اوباما يسيب بلدنا للي عملها هو اولى بيهااحنا ناس ميت فل وسبعتاشر ومش محتاجين اي مساعدات من حد ومش محتاجين حد يعلمنا ولا يفهمنا قال حيساعدنا من غير ما نطلب قال، ايوة يعني ايه اللي حيلتك يا اوباما تساعدنا بيه انت؟

من ساعة ما ربنا حدفكوا علينا والمصايب نازلة ترف على راسنا، احنا نساعدك ونساعد اللي يتشدد لك، قول لنا انت ناقصك ايه واحنا نساعدك فيهمش محتاجين بقى نتكلم عن استقلال القضاء واستقلال السلطات التشريعيةومش عايزة اسمع حاجة اسمها الحزب الوطني

تانياه صحيح، العادلي ماسكينه دلوقت وبيقرروه وقال ان فيه في مقرات الحزب الوطني اودة اسمها غرفة جهنم وجمال وابوه عارفين بيها وفيها مستندات مصورة وموثقة على كل المصايبماحدش يفرط فيه العادلي ده يا جماعة، بالراحة عليه، ماحدش يضربه، عرفوه غلطه بس لحد ما نعرف بس مين اللي اداله اوامر يفجر لنا كنيسة القديسين وليه؟ الراجل ده كنز معلومات وخلوا بالكم منه لبعدين ينتحر

انس الفقي اتشيع هيييع هيييع هيييعبس يرجع الفلوس، ده سرقنا كتير قوي، يرجع اللي عليهاحنا مش عايزين ننتقم من حد، يعني مش حنمسك العساكر والبلطجية والناس اللي اخدت عشرين جنيه عشان تتصل وتقول كنتاكي وبابا مبارك ونسيب الناس اللي هلبت مليارات، احنا عايزين فلوسنا بس

والنبي يا شباب، امانة فلوسنا ترجع احسن انا محروقة على الفلوس قوي، ماحبش حد يسرقني اناكل ده واكتر منه ورانا نعمله، ولازم نعمله كله، كلهحقنا نعمله كله، عشان كل حق حناخده، كل طوبة بنبني بيها بلدنا، كل سنبلة قمح حنزرعها، كل مسمار في صندوق انتخابي نضيف، شارب دم خيرة شبابنا، اغلى دم، بحق الدم ده ما نفرط في اي حق من حقوقنا ولا نهمل اي حاجة في بلدنا.. حررناها بالغالي، حررناها بحبة قلوبنا------------

ويالا يا جزائر.. مستنينك شدي حيلك يا جزائروشدي حيلك يا يمنوشدي حيلك يا اردنوشدي حيلك يا كل الدول العربية.. بس ليبيا تستنى شوية عشان عايزين القذافي نلعب بيهوتحيا تونس

تم تعديل 12 فبراير 2011 بواسطة aimen

[se_ Elsyed]

بإحلم بصعيد وريف مختلف ...

أوكي قرى ومدن زراعية في المقام الأول ... لكن ما تعاملهمش إنهم درجة ثانية و تطلع عليهم نكت والشاب يتخرج يلاقي الدنيا سودا في وشه

[mekkawy]

البنت قالت كل حاجة تمام كدة مفيش حاجة تانية

[pink rose]

حطوا احلامكم هنا احنا عايزين إيه؟ بنحلم بإيه؟عشان توصل

[سكر]

بالرغم ان الخبر دة تم تكذيبه

بس انا نفسى فيه فى مصر بس فى خلال 5 سنوات مش 25 سنه زى صاحبنا

شمس نيوز - تخطط الصين لإنشاء أكبر مدينة في العالم تتسع ل42 مليون شخص من خلال دمج 9 مدن تقع جميعها حول دلتا نهر (اللؤلؤ) .

ونشرت بعض الصحف ان مساحة المدينة الجديدة ستبلغ 7ر25 مليون متر مربع ، على أن تمتد من (قوانغتشو) عاصمة مقاطعة (قوانغدونغ) جنوب الصين مرورا (بشنتشن وفوشان ودونغ قوان وتشونغشان وتشوهاى وجيانغمن وهويتشو) وصولا إلى (تشاوتشينغ) .

ومن المقرر إنجاز المشروع بالكامل في غضون السنوات الست المقبلة ، وسيترتب على الصين خلال هذه المدة إنجاز نحو 150 من مشاريع البنى التحتية الرئيسية في شبكة النقل والطاقة والمياه وشبكات الاتصالات السلكية واللاسلكية وبتكلفة قدرها نحو 2

تريليون يوان .

وقال ما شيانغ مينغ من معهد التخطيط والذى يعمل كإستشاري لهذا المشروع "إن الفكرة هي أنه عندما يتم دمج المدن يمكن للقاطنين السفر في جميع الأنحاء بحرية مع إستخدام الرعاية الصحية والمرافق الأخرى في مختلف المجالات ، مشيرا إلى أنه لم

يتم اختيار أي إسم للمدينة الجديده بعد " .

وكانت الصين قد بدأت فعليا بدمج هذه المدن عبر شبكات للسكك الحديد ، وشبكات الصرف الصحي، والخدمات الأخرى الإضافية مثل الاتصالات والمواصلات

[EgyptianFalcon]

http://masrwaaloma.wordpress.com/2011/02/12/%D9%85%D9%82%D8%AA%D8%B1%D8%AD%D8%A7%D8%AA-%D9%84%D9%84%D9%81%D8%AA%D8%B1%D8%A9-%D8%A7%D9%84%D9%85%D9%82%D8%A8%D9%84%D8%A9-%D9%81%D9%8A-%D8%AA%D8%A7%D8%B1%D9%8A%D8%AE-%D9%85%D8%B5%D8%B1/

الحمد لله الذي أزاح عنا هذه الغمة و وقانا شر الصدام مع الجيش

أما بعد

فإن الفترة القادمة في تاريخ مصر لا بد أن تشهد ملحمة لبناء هذا الوطن على أسس سليمة قابلة للإستمرار تسلم الأجيال الراية لبعضها البعض مع العلم أن هذا الجيل سيناط به أن يبني أساس الدولة و الطابق الأول ثم يتبعه بعد ذلك الجيل القادم فيبني الطابق الثاني و هكذا فما أراه الآن في هذا الوطن هي أفكار و جماعات و أرى إعطاء الفرصة لها جميعا أن تعبر عن نفسها مع إختلافي مع العديد منها يجب إنتخاب مجلس شعب يكون الفصل فيه لهذه الأفكار و يجب أن ننتخب من سيقدم أفكارا لنا لا من يقد صكوك العلاج على نفقة الدولة و لا من سيقدم المشروعات الخددية م مياه و غاز إلى أخره من مشروعات و خدمات أقول ذلك و أنا أعلم أن هناك خلافا بين الإخوان و السلفيين و الجماعة الإسلامية في الأفكار و التوجهات هذا بخلاف الليبراليين و العلمانيين و غيرهم من أصحاب الأفكار و أرى إعطاء الفرصة لهم جميعا كي يقنعوا الناس أو تنسحق أفكارهم مع مرور الوقت أما عن منصب رئيس الجمهورية فأرى أن يختص الرئيس بمجموعة من القضايا يأخذها من المخابرات و الخارجية أهمهم قضية مياه النيل و الوحدة الوطنية أما مياه النيل فيجب علينا أن ننظر إلى المستقبل و نرى كيف يمكن زيادة رقعة مصر الزراعية سواءا عن طريق مشروع ممر التنمية الذي طرحه فاروق الباز أو شق نيل جديد إلى الغرب من النيل الحالي و هذا الأخير يحتاج إلى تنمية موارد النهر نفسه و المزيد من التعاون مع دول حوض النيل و للننتظر ما سيقوله الدكتور رشدي سعيد بخصوص هذا الأمر فقد قال أنه عائد لوطنه

إن دول الحوض هي الفرصة المفتوحة على مصراعيها و الأكيدة لمصر لتصدير خبراتها و علمها و منتجاتها و يجب علينا نحن المصريين دخول هذه الأسواق سواءا بارأس مال عم أو خاص و يجب حماية رأس المال الخاص و أنا أشد المؤمنين بهذا المبدأ وهو حق الفرد في التملك و إدارة المشروعات و على الدولة أن تحمي هذا المال و تدافع عنه بكل ما أوتيت من قوة و لا تصادره أبدا كما حدث في ثورة 23 يوليو أقول هذا بمناسبة ما يحدث لشركة أوراسكوم في الجزائر أما قضية الوحدة الوطنية و قد كتب الكثير عن هذه القضية و لا أرى داعيا لتكرار ما كتب مرارا و تكرار لكني أود أن التأكيد على أن رئيس الجمهورية أو أي من كان له الأمر في ذلك أن يعيد للأزهر مكانته التى فقد الكثير منها على مر الأيام بسبب تدخل النظام في عمله و أرى أن بداية الإصلاح أن يكون منصب شيخ الأزهر بالإنتخاب -و يستقيل الشيخ الحالي – و يترك لأهله من أصحاب النهى أن يقيموا أموره مع ما يتفق مع مصالح الدولة المصرية و الأمة الإسلامية مع تأكيد أن المسلميين لن يقبلوا إلا بالإحتكام إلى شرعيتهم : قرآنهم و سنة نبيهم

أما بالنسبة للتعليم الأساسي فأرى أن يحرم و يجرم تدريس اللغات الأجنبية قبل الصفوف الإعدادية إن المرحلة الإبتدائية هي التي يتشكل فيها وجدان الطفل و نفسيته و نحن نريد أن نأكد عروبة هذا النشأ الجديد و أرى عودة التعليم الديني إلى المدارس فكم شاهدنا من أناس إعوجت ألسنتهم و لا ينطقون القرآن نطقا صحيحا و كم شاهدنا من أخطاء إملائية في النشىء الجديد , إن سياسة تجفيف منابع الإسلام يجب أن تنتهي فورا أما السؤال الهام عن إتجاهات مصر في الخارج و هويتها فأرى أنه لا بد من الإعتراف يأنها عربية إسلامية إن مصر في القلب من العرب و العرب في القلب من الأمة الإسلامية و بغير هذا لن يستقيم حال الأزهر و لن تستقيم رسالة مصر

أما السؤال الملح و التي يجب الإجابة عليه بدون تردد أو مواربة فهو حدود مصر الجنوبية و موقفنا من مد تلك الحدود كي تشمل شمال السودان إن السودان الشمالي الآن هو جار مصر و لا موارد مائية له سوى مياه النيل و هذا أمر يجب التفكير فيه بإمعان إنه لا وجود لمصر بدون النيل إذا حدث شىء لهذا النهر فستتوقف الحياة في هذا البلدو إني أذكركم بما قاله ونستون تشرشل عن مصر و هو لا يخلو من مؤامرة ” إن نهر النيل له شكل عجيب فله أغصان و جذور فأما الأغصان فهي في الدلتا و أما الجذور فهي في جنوب السودان و إذا ما قطعت الجذور ماتت الأغصان “و أظن أن السياسة الغربية تتبع ما قاله تشرشل حتى الآن و الله المستعان أعلم أن هناك ما يشبه القومية في شمال السودان و ليست بعنفوان القومية المصرية و لكن يجب أن يكون لدينا سياسة و اضحة تجاه السودان -أتحدث عن شمال السودان لا عن جنوبه فالشمال عربي إسلامي بإمتياز

1- إما بخطة طويلة الأمد لإقناعهم -أنهم جزء من مصر – و هذا صحيح فالعديد من الأسرات الفرعونية التي حكمت مصر جاءت من السودان و من أمثلة ذلك الأسرة الخامسة و العشرون و من ينظر إلىإبى الهول يرى الملامح النوبية و السودانية أقول ذلك لأني أرى من في السودان حائرون فهم يريدون تغيير تسمية دولتهم إلى شىء جديد و قالها العديد من زعمائهم ” كيف تسمى دولة بلون أصحابها “و هم محقون في ذلك

2- أو الحل الآخر أن يكون وقت الوحدة مع السودان قد فات و في هذه الحالة يجب وجود سياسة واضحة للتعامل مع دولتي الجنوب : شمال و جنوب السودان و في أي من الحالتين يجب الحفاظ على ما تبقى من شمال السودان جزءا واحدا مهما كلف الأمر فنحن لا نستطيع أن نرى ما تبقى من السودان مقسما ما بين دولة في دارفور و دولة في الوسط و دولة في الشمال تريد الوحدة مع النوبة في مصر و دولة في الشرق و هو أكبر تهديد للأمن القومي المصري أكبر ذلك الشيء الرابض على حدودنا الشرقية

و أرى أننا علينا مسؤلية جسيمة تجاه السودان شماله و جنوبه شرقه و غربه

هناك أمر أخر يجب أخذه في الإعتبار و هو العلاقات بين المخابرات المصرية و الموساد فنحن نعلم تمام العلم أن هناك صلات قوية و لا توجد مثل هذه الصلات بين الجيش المصري و غريمه الإسرائيلي نحن ينبغى أن نعرف ماهي حدود العلاقة بين جهازي المخابرات المصري و الإسرائيلي أما الموازنة العامة لمصر فيجب أن تكون مفصلة تفصيلا كاملا و اضحا و لا نرى أي بنود من نوعية : 40 مليار جنية بنود أخرى !!!

شىء أخر يجب التأكيد علية هو وزارة الداخلية . إن تلك الوزارة يجب أن يعاد بناؤها من جديد و أن تقلص النفقات فيها فنحن كنا أمام جيش تعداده أكثر من 3 أضعاف الجيش المصري و هذا الجيش من الأمن المركزي و خلافه لم يمنع البلاد من غياب الأمن و أقترح أن يغير إسم جهاز أمن الدولة لسمعته السيئة لأي إسم أخر بالإضافة إلى تحديد صلاحياته و خضوعها للرقابة : أي شىء لن يستقيم في هذا البلد إلا بالرقابة نعم إن الإنسان تحكمه قوة ضميره لا شراسة القانون لكن يجب أن يكون هناك رادع حازم لم تسول له نفسه أن يأذي المجتمع- بالمناسبة أرى أن الآن هو الوقت المناسب لسن حد السرقة بقطع يد من سرق مال و نهب أرض هذا البلد-أرى أيضا أن تضاف مادة أخرى في المناهج الدراسية الجامعية أو قبل الجامعية فأما في الجامعة فيجب أن يكون هناك نوع من التربية السياسية للشباب ذلك بإضافة مادة في العلوم الساسية لفهم النظام الساسي المصري و السياسية المصرية الخارجية و الداخلية و تكون تلك المادة أساسية أما في التعليم قبل الجامعي فيجب أن يكون هناك مادة نسميها مثلا مادة الحقوق تتحدث في مجملها عن حقوق المواطن و واجبات الشرطة و ما لا يحق للشرطة أن تقوم به

أما عن الأحكام القضائية فحدث و لا حرجوقف تصدير الغاز أو إعادة تسعيره هو الحكم الذي يجب أن ينفذ أولا - في الحقيقة لا أعلم ما مصير هذا الحكم بعد حل الدستور الحالي أما عن التقاليد الجامعية فحدث و لا حرج , أرى الكثير من الشباب يدخنون في الجامعة و أذهب إلى بعض المدرجات فأرى أن هناك طلابا يلبسون زيا كأنهم متجهين للنادي لا الجامعة و هذه المشكلة جزء من مشكلة الزي في مصر فنحن عندنا من يلبس البدلة و من يلبس الجلباب و من يلبس ملابس تقليدية من قميص و بنطال (كاجوال) و من يلبس لباس رياضى (سبور) إلى أخره من المسميات و العديد ممن يلبسون هذه الألبسة يلبسون الجلباب في صاة الجمعة هذا طبعا بخلاف الكهنة و القساوسة .أحترم كثيرا الهنود فقد إختاروا زيا رسميا عندهم يتسق مع ما ورثوه من حضارة آبائهم و أجدادهم هذا بخلاف زي النساء

أما بالنسبة لإسرائيل فلا أرى إلا أن يتم تجاهل هذا الشىء و حصاره داخل حدود و قطع يده الممتدة في أفريقيا و البحر الأحمر و لا أرى نقض المعاهدة الآن فالمعاهدة سوف تنقض لكن بعد حين و لا مصلحة لنا الآن بإغلاق قناة لسويس و لا مضايق تيران أمام الملاحة الإسرائيلية و لنحاول الحصول على أكبر مكاسب من الغرب عن طريق إبتزازه و هم يعرفون أنهم لا يستطيعون أن يتحملوا خسارة مصر

أما الأمر الذي لا أعرف له حلا فهو الأوضاع داخل الكنيسة المصرية

إن مصر ليست إرثا نتوارثه عن الأباء و الأجداد لكنها أمانة نؤديها للأبناء و الأحفاد

تم تعديل 12 فبراير 2011 بواسطة EgyptianFalcon