بتحلم بإيه لمصـــــــــــــــــر

[م تيمور المراغي]

نفسي نعمل مشروع زي اللي بدأه أردوجان وسماه " تركيا الكُبرى "

وفي أقل من 10 سنوات الأن تركيا بقت قوى لا يستهان بها ... وكل ده إنطلق من العلم .... وخلال سنوات قليلة التعليم والبحث العلمي عندهم بقى يناطح مثيلة في أوروبا وأمريكا ... وكان العلم هو القاطرة التي جرت وراءها الإقتصاد والسياسة ...

من سيكون اردوغان او مهاتير محمد المصري القادم ,,

مين ؟

احمد زويل ؟

عمرو خالد ؟

وائل غنيم ؟

مين اللي ليه الكاريزما الكاسحه

والعزيمة الصلبة من فولاذ لا يلين ؟؟

مين يا مصريين ؟؟

[pocy]

انا بحلم بحاجات كتير وللاسف صفحات المندى هتخلص قبل ما اخلص احلامى

بس انا هلخص كل احلامى فى حاكم عادل يضع نظام عادل يسير عنه الشعب كله والحكومه دون حياد

اه نفسي ابنى واولادنا جميعا يكبروا على نظام حقانى وواعى نفسي في بلد نظيفه بحارات فى الطريق وكل ملتزم بيها هواها نضيف الهوا اللى شموه الناس فى التحرير يوم 11/2/2011

نفسي فى تعليم متطور وعندى اقتراح بسيط مش عارفه ده هيكون نظامه ايه فيه ايه لو خلوا التعليم مش مجانى يعنى فلوس قليله 500 جنيه من كل طالب وممكن تدفع بالتقسيط او ممكن يكون فى اثباتات لغير القادر ويعفي منها ويطورا المدارس ويبقي لكل طالب كمبيوتر لوحده ييقعد عليه ويبقي لكل اساليب التعليم متطوره عايزه كل المدارس تبقي انترناشونال الطفل المصري بطبعه زكى ومحتاج تنميه علشان يخرج من عندنا الف احمد زويل

ولانى جربت مع زوجى قبل كده قمع اختراعات الشباب وان الفساد قضي على احلام زوجى واختراعاته الطبيه والمفيده

عايزين كل حاجه تبقي محليه كفايه استيراد بقي وعندنا الفكر اللى نعمل بيه كل حاجه محليه

ياااااااااااااااااااااه مش هقدر اخلص الان بس ممكن اكتب مره تانيه ان شاء الله

اخى الفاضل سين سين شكرا وتحيه تقدير على الموضوع الرائع واللى افسحلى المجال انى اتكلم

[pocy]

نفسي نعمل مشروع زي اللي بدأه أردوجان وسماه " تركيا الكُبرى "

وفي أقل من 10 سنوات الأن تركيا بقت قوى لا يستهان بها ... وكل ده إنطلق من العلم .... وخلال سنوات قليلة التعليم والبحث العلمي عندهم بقى يناطح مثيلة في أوروبا وأمريكا ... وكان العلم هو القاطرة التي جرت وراءها الإقتصاد والسياسة ...

من سيكون اردوغان او مهاتير محمد المصري القادم ,,

مين ؟

احمد زويل ؟

عمرو خالد ؟

وائل غنيم ؟

مين اللي ليه الكاريزما الكاسحه

والعزيمة الصلبة من فولاذ لا يلين ؟؟

مين يا مصريين ؟؟

اكيد واحد مصري اصيل ارضعته امه العدل والاراده الحديديه والنظام و....................

هو ده يا اخي الفاضل ذو العزيمه الصلبه

[se_ Elsyed]

- بأحلم بمجلس شعب محترم يضم صفوة ونخبة المجتمع

مش القرف بتاع العمال والفلاحين

حاشا لله أن أسخر من اي فلاح او عامل ..

لكنني أسخر من إختراع شبيه بالشمبرلاح الذي ليس له معنى لم يوجد إلا لدينا

وإلا .. فما معنى 50 % عمال وفلاح وأجد واحد دكتور او محامي داخل بصفة فلاح أو عامل ؟

قلة أدب وتهريج وتحايل ...

على الجانب الأخر ... هي قمة المهزلة أن أشترط في الدستور إن أي مرشح لعضوية مجلسي الشعب أو الشورى على الاقل لابد أن يحمل شهادة " محو أمية " مسخرررررررررررررررة من مساخر عصور الديكتاتورية المستبدة

فبمثل هؤلاء البصمجية أصبحنا في ذيل الأمم

تخيلوا واحد معاه شهادة محو امية يدخل مجلس تشريعي منوط بسن القوانين ومناقشتها ومنها قوانين دولية ؟؟

ما هذا العبث بمقدرات وتاريخ الأُمة ؟

أقسم بالله اعرف بعضهم كان .. لا يعرف القراءة والكتابة ... ويستخدم ختم يعلقه في رقبته للتوقيع مكان إسمه ..إلى أن تنبه بذلك الثعبان السمين فتحي سرور الذي باع تاريخه وشرفه .. ليشترط بعد ذلك أن تكون محو الأمية هي أقل شهادة لعضو مجلس الشعب ..

وهل الفلاح والعامل مكانهم في البرلمان ؟

وهل عضو مجلس الشعب وظيفته وكل دوره في الحياة إنه يجري ويلهث وراء الوزير كم تفعل البوبيهات ليحصل منه على تاشيرة توظيف لأحد أو لتوصيل مجاري لأحد من ابناء دائرتة ؟.

ما هذا أيها السادة ؟

أُطالب هنا وإذا كنت مخطيء أرجو أن تصححوا لي .. أطالب بان يكون عضو مجلس الشعب والشورى أقل شهادة عنده هي الشهادة الجامعية .. وأن يجتاز إختبارات ودورات تثقيفية و قانونية .. وأن يتفرغ تماماً للوطن وليس لأبناء دائرته فقط ولتوصيل المياه والمجاري

وأعتقد إن كلنا فاكرين سلق القوانين والدساتير وتلك المهازل التي كانت تحدث يومياً

[se_ Elsyed]

- أحلم بمجالس محليات مدن وقرى لا يوجد لديهم مقرات لمكاتب وكراسي ...

فمكانهم الطبيعي هو الشارع وبين الناس لخدمتهم وجعل الشوارع نموذج للنظافة والإحترام

أو كما قال الراحل زكريا عزمي الذي ذهب إلى مزبلة التاريخ " فساد المحليات وصل إلى الرُكب "

[suavemente]

نفسى أى حد عنده مقترح يكتبه هنا بأختصار شديد و نجمع المقترحات دى لجعل مصر من أفضل الدول فى العالم

مثلا :

1- وجوب تعمير الصحراء لأن من حق كل مصرى يبقى عنده بيت و حتة أرض صغيرة

أرجاع العمل بتوشكى لأمتصاص الشباب فى الصعيد

أرجاع العمل و الزراعة بسيناء لأمتصاص الزيادة السكانية و تعمير سيناء و حماية بواب مصر الشرقية

2- على السفن المارة بقناة السويس الدفع بالجنيه المصرى مش بالدولار علشان نحدد أحنا سعر صرف الجنيه

3- مبدأ المعاملة بالمثل فى السفارات المصرية بالخارج يعنى لو بتدخل بلده من غير فيزا يبقى هو يدخل من غير فيزا لكن ماينفعش أدخل بلجيكا ب 500 جنيه و هو ييجى ببلاش البلجيكى مش أحسن مننا فى حاجة

يدخل سفارتنا و يعمل لنترفيو كمان

4- أنشاء مصانع كثيفة العمالة فى مجالات الصناعة المختلفة مثال

* الغزل و النسيج

* الصناعات الهندسية

* الحديد و الصلب و الأسمنت

( تركيا بتصدر كاوتش عربيات بس فى خلال 4 سنين حولت نفسها من مديونة لوجود فائض ) وده بسبب وجود ديمقراطية

دى مجرد أقتراحات

لو حد عنده أقتراحات تاني يكتبها هنا

شكرا جزيلا

محدش يزعل منى لو قولت مفترح غلط ,

تم تعديل 13 فبراير 2011 بواسطة suavemente

[جويرية]

وجوب تعمير الصحراء لأن من حق كل مصرى يبقى عنده بيت و حتة أرض صغيرة

أرجاع العمل بتوشكى لأمتصاص الشباب فى الصعيد

أرجاع العمل و الزراعة بسيناء لأمتصاص الزيادة السكانية و تعمير سيناء و حماية بواب مصر الشرقية

دي مشروعات الدكتور كمال الجنزوري اللي توقفت ، اتمني يتم أستئناف العمل في هذه المشروعات مرة اخري

و اتمني عودة الدكتور كمال الجنزوري كرئيس وزراء لمصر مرة اخري

[أسد]

سبق وقلت لن أقول أحلم ..

بل سأقول أريد ..

أريد أن تكون النقابات المهنية ..

مهنية فعلاً .. ولا تعمل بالسياسة .. وأن تعني بقضايا المنتسبين لها .. والرفع من شأنهم .. وتوفير أفضل رعاية وحماية لهم ..

أريد أن تكون الجامعات .. محراب للعلم .. وتمارس فيها كل الأنشطة الثقافية والرياضية والإجتماعية .. وأن يكون بها حرية رأي .. وتعبير ..

ويكون لكل جامعة في مصر مجلس أمناء .. يرسم لها السياسة والاسترتيجية والرؤية ..

أريد أن يكون من حق أي مجموعة أن تعبر عن رأيها .. ويكون لها الحق في تكوين وإنشاء حزب ..

وألا يتم ملاحقة صاحب رأي أي من كان ..

حتى ولو كان جماعة الحزب الوطني الديمقراطي (والتي قد تسمى فيما بعد المحظورة)

[نوارة]

بحلم بمصر بلد اسلامى قوى

بحلم بمصر كلها عدل مفيش فيها ظلم بحلم بمصر قويه تحمى المنطقه العربيه كلها

بحلم بمص نظيفه مفيش فيها غير الشجر الاخضر والزهور

بحلم بمصر المساواه مفيش فيها غير العدل

بحلم بمصر الحضاره نور العلم فى كل مكان

بحام بمصرجدعه قوى وبنت بلد ...خدومه قوى...بحلم بمصر ام حقيقيه لكل الدونيا ...بجد انا متفائله بمصر جديد

لها روح العصروالمستقبل كمان

[jasmin hamed]

نفسي نعمل مشروع زي اللي بدأه أردوجان وسماه " تركيا الكُبرى "

وفي أقل من 10 سنوات الأن تركيا بقت قوى لا يستهان بها ... وكل ده إنطلق من العلم .... وخلال سنوات قليلة التعليم والبحث العلمي عندهم بقى يناطح مثيلة في أوروبا وأمريكا ... وكان العلم هو القاطرة التي جرت وراءها الإقتصاد والسياسة ...

من سيكون اردوغان او مهاتير محمد المصري القادم ,,

مين ؟

احمد زويل ؟

عمرو خالد ؟

وائل غنيم ؟

مين اللي ليه الكاريزما الكاسحه

والعزيمة الصلبة من فولاذ لا يلين ؟؟

مين يا مصريين ؟؟

احنا طامعين عايزنهم كلهم

عايزه احمد زويل وزير بحث علمى و تكون ايده فى ايد الباحثين

مش وزير فى مكتب عايزه وزير البحث العلمى ببلطوا فى المعمل

واحد زى وائل غنيم ليه مايكونش مستشار وزير اتصلات n

واحد زى عمر خالد ليه مايكنش وزير للقوى العماله و العمل التطوعى

عايزه التلفزيون المصرى لا يتبع وزاره عايزه يعمل مجموعة قنوات اقزى من الجزيره و الشو تايم

وهكذا فى كل مجال

عل جنب كده نفسى قوى قوى يدولى وزاره تنظيف البلد هخليهالكو بتبرق فى شهر

[م تيمور المراغي]

مداخله متميزة مدام جاسمين

تحيتي ,,

[se_ Elsyed]

يا مُسهل

أخيراً في حد هايسمع لفاروق الباز عن مشروعه العظيم النهضوي

فاروق الباز: يجب أن يسير الرئيس القادم لمصر بدون حراسة

الأحد، 20 فبراير 2011 - 03:24

عالم الفضاء فاروق الباز

كتب كامل كامل

قال عالم الفضاء فاروق الباز، إن الرئيس القادم يجب أن يعلم أن نهضة الدولة تقوم على أساس البحث العملى الذى يؤمن أى شعب ويجب أن يسير فى الشارع دون حراسة لأنه يخدم الناس، مضيفا أن مفهوم السلطة تغير فى مصر فأصبح الحاكم وهو من يتحكم وليس الذى يخدم.

وأكد عالم الفضاء المصرى فى حواره لـ"القاهرة اليوم" الذى يقدمه الإعلامى عمرو أديب والكاتب محمد مصطفى شردى أمس السبت، أن الشعب المصرى شعب عظيم ويجب أن يثق الشعب بذلك، مضيفا أن الاحترام فى مصر حاليا يكون للطبقة وليس للشخص نفسه، مشيرا إلى أن "أمه" فى الماضى كانت تعلمه احترام الإنسان، ضاربا المثل بأن أمه كانت تقوم بإعداد وجبة غذائية بها أفضل قطع بالدجاجة ليتناولها السائق إذا حضر أحد الوزراء.

وقال الباز، إن الحكومات السابقة كانت تعتبر البحث العلمى ليس من الأولويات، وكانت تجعل الأولوية "للعيش" وهم لا يعلمون أنه لو تم الاهتمام بالبحث العلمى يتم إعداد أبحاث تزيد من القوة الإنتاجية توفر وتزيد من "العيش".

وكشف الباز عن أن الفريق أحمد شفيق رئيس وزراء حكومة تيسير الأعمال، دعانى لمقابلته وكنت أعتقد أنها مقابلة خاصة بنا فقط، ولكن فوجئت بأنه جامع كل وزراء حكومته، لأشرح لهم عن خطة لتمنية مصر.

وقال الباز، إن رئيس الوزراء الفريق شفيق صمم على استبدال مكانه بمكانه أثناء الاجتماع وفعلت ذلك بعد أن قام المصورون بتصوير شفيق بمكانه، وحول خطة تنمية مصر أوضح الباز، أن مصر تفقد كل عام 30 ألف فدان زراعى سنويا من أفضل التربة على مستوى العالم، مضيفا أن تربة مصر بعد حوالى 132 عاما ستكون ليس بها أراضى زراعية إنما تكون أرضا عقارية، الأمر الذى يجعلنا نعمل على توسيع المساحة المزروعة.

وأشار الباز إلى أنه قام بعرض مشروع لتنمية مصر على مجلس وزراء الفريق شفيق تصل تكلفته حوالى 23 مليار جنيه، مضيفا أن هذا المبلغ زاهد جدا أمام أن تكون مصر بلد متقدمة، مستكملا حديثه بأن لم يكون توفير هذا المبلغ يمكن أن نطرح هذا المشروع للاكتتاب لجميع المصريين وسعر السهم واحد جنيه.

واختتم الباز حواره بتوجيه نصيحة لرئيس القادم لمصر قائلا له "عليك بالقيادة، كما وجه رسالة لشعب المصرى" خلى بالكم واعملوا للبلد.

[se_ Elsyed]

تعرفوا إن فاروق الباز عرض المشروع على مبارك سنة 85 ... وكانت التلكفة المبدئية له 400 مليون جنيه فقط .... وتحمست جداً شركات خاصة للبدء في تنفيذه يعني ما كانتش هاتكلف الدولة أي مليم .. وكانوا مبدئياً هايشغلوا 400 الف مصري فيه ؟

لكن كالمعتاد .... كان عندنا رئيس سوبرمان بيفهم في كل حاجه وأي حاجه .. راح ورطنا في مستنقع فساد إسمه توشكى ... اللي لا حس ولا خبر عنها حتى الان وبلعت مليارات الجنيهات فيها بدون نتيجة ... ده بشكل مباشر .. أما السرقات التي تمت على حسها .. فاسألوا الرئيس جاب منين 70 مليار دولار ...

تعرفوا كمان إن قبل ثورة 25 يناير بأسبوع أو إتنين والله على ما أقول شهيد .. كان فاروق الباز في مصر وتحدث عن هذا المشروع للمرة المليون أمام الإعلام ... يقوم يطلع على شاشات التليفزيون شخص جاهل جهول دكتور زراعة ويعمل مستشار لوزير الزراعة الحرامي المقبوض عليه دلوقت أمين أباظة ويقول : ده مشروع فاشل .. وفاروق الباز دائماً ما يبحث عن الأضواء والشهرة ...

[عنبو]

بحلم باننا نتخلص من كل الفساد اللى موجود فى مصر

فمشكلة مصر ان الفساد وصل فيها من اول الرؤس الكبيره

لحد الرؤس الصغيره بشكل يخلى الواحد يشعر ان البلد

دى مبقاش فيها حد ماشى بالحلال

لازم نركز فى المرحله القادمه على التخلص من كل الفساد

لان احنا مشكلتنا فى مصر ليست مشكلة افكار

فالحمد لله الافكار كتير قوى والحلول للمشكلات موجوده

احنا مشكلتنا فى مصر الفساد

تحياتى

عنبو

[se_ Elsyed]

هل أنا مازالت أحلم إن كرامة اي مصر خارج بلده تبقى من كرامة الموجود بالداخل ... وإننا نخاف على أي مصري موجود في أي بلد ونحسسه إن إحنا جنبه كحكومة ووزارة خارجية

عارفين بأقول كده ليه ؟

كلنا سامعين عن الإضطرابات التي تحدث في ليبيا والبحرين واليمن وجيبوتي والجزائر

فهل سمعتم أي مسئول خرج يقول إننا هانرجع ملايين المصريين اللي شغالين في الدول دي وخصوصاً ليبيا ؟

أما أننا سنستمر في سياسة الخنوع والمطاطية اللي أرسى دعائمها المأسوف عليه مبارك ؟

[امير مجروح]

http://www.youtube.com/watch?v=ZQOG27iZRmk

[se_ Elsyed]

أنا شكلي بأحلم حلم جميل يا ولاد .. فعاوز حد يقرصني أو يخبطني بقُله على دماغي - مش عاوز إستهبال .. خبطه بسيطة يعني مش قاضية -

جلست اليوم مع مجموعة من أصدقائي بفرع مصر ومنهم رئيس مجلس الإدارة هما في زيارة سريعة للشركة الأم ... وكل التيم بتاعنا ولله الحمد كانوا من الناس اللي شاركت بفاعلية في الثورة وكانوا مقسمين بعضهم شفتات .. نصهم يروحوا المظاهرات ... والناس التاني يفضل في الشركة ... وبعدين يبدلوا

المهم هما اللي فتحوا الموضوع وقالوا لي إنهم قدموا لمجلس الوزرا مشروع أتمتت الإنتخابات ... يعني يخلوها اتوماتيكية ... إحنا و6 شركتا أخرى متخصصة لكننا الحمد لله أفضل عرض من ناحية فكرة المشروع اللي بإذن الله أتمنى إنها تتنفذ بأسرع وقت ..

- فشركتنا أساساً بدات الموضوع مع أحمد نظيف وكان المشروع يتعلق بالتوقيع الإلكتروني ... ببساطة يعني عشان ما نلفش وندور ... كل مواطن مصري هايبقى معاه بتاعه كده شكل الفلاش ميموري بالظبط ... وعليها جميع بياناته .. ولها كلمة سر طبعاً ... وبالتالي وإنت قاعد على الكمبيوتر وعاوز تخلص أي معاملة حكومية .. تضع الفلاشه وتدخل الموقع بتاع الجهة الحكومية . وتعيش ... بالمناسبة إحنا برضوا اللي بننتج الفلاشة دي في تايوان ... وبتكلفة أقل من مثيلاتها

عارف عارف إن في ناس أُميين و و و و و... لكن واحده واحده بإذن الله الموضوع هايبقى أسهل مما يمكن وهاتبقى البتاعه دي زي الختم كده بتاع زمان للناس اللي ما كانتش بتعرف تكتب وتقرأ وبتعلقه في رقبتها مطرح ما تروح ..

فبإذن الله فكرتهم إن الإنتخابات تبقى ببصمة الأصبع .. وتدخل حضرتك لجنة الإنتخاب تبصم فتظهر بياناتك اللي المفروض تسجلها مسبقاً في مراكز مخصصة لذلك ... ودي هاتبقى منتشرة في كل مكان ولمرة واحده فقط والأمور بعدها تبقى سهلة

وهايبقى في مواقع ممكن تدخل بعد كده تشوف توقعيك إتلعب فيه ولا لأ ..

وكمان هايبقى في مراجعة من قِبل لجنة الإنتخابات لعينات عشوائية عشان يتأكدوا ... ويطابقوا البصمة مع صور كاميرات المراقبة في اللجان الإنتخابية

صدقوني والله المستقبل هايبقى افضل

والموضوع لا علاقة له بالإمكانيات المادية .

فهو يحتاج إلى إدارة وإخلاص في التنفيذ فقط

[se_ Elsyed]

- تخيلوا إني باحلم إن رئيس مدني يحكم مصر .. وما تبقاش عنده الحساسية العسكرية العبيطة اللي مخليانا لحد دلوقت لا نعرف كل شيء عن ثورة يوليو 52 أو نكسة 67 أو حرب أكتوبر ... ومعظم الملفات الخاصة بهم مغلقة وشكلها مدفونة

[engmido]

نفسي في كده

url=http://www.0zz0.com]

لا ياراجل يا طيب مش للدرجة دى

فى نقط كتير صعبة جداا

صباح الخير احنا فى 2011