يا ترى مين عليه الدور في الدول العربية ؟

[الغريب]

بوعزيز ملهم الثورة التونسية

الثورة التونسية ملهمة للثورة المصرية

الثورة المصرية أختزلت الثورة التونسية في فترة زمنية أقل ، ولا شك أنها إستفادت من الثورة التونسية، تلافت سلبياتها وعززت إيجابيتها

في رأيكم مين هيتسلم تابوت البوعزيزي مرة أخرى في الوطن العربي ؟؟

شكلها الجزائر من وجهة نظري :)

[لماضة مصرية جدا]

الاردن

اليمن

و احيانا بقول لنفسي

السعودية

[hOuSsAm]

انا شايف انها الجزائر واليمن

والاقوى انها الجزائر لانهم بداوا بالغباء

تم تعديل 12 فبراير 2011 بواسطة HOSAM ABDELFATAH

[لماضة مصرية جدا]

انا شايف انها الجزائر واليمن

والاقوى انها الجزائر لانهم بداوا بالغباء

حضرتك تقصد الحكومة..ابتدت بالتغابي يعني...صح

بمناسبة التغابي و كده

سوريا امبارح فتحت الفيس بوك و تويتر مع انهم اصلا مكنوش موجودين من قبل بس قالك ايه بقي...خلينا ماشين في السليم

و السعودية.....اسست اول حزب سياسي

و البقية تأتي

[fatfouta]

ايوه الجزائر

اليمن عاوزين يتلحلحوا شوية لسه

السعودية يا لماضة؟؟؟ لسه شويتين

[mhamed]

قرر معمر القذافى قائد الثورة الليبية الغاء يوم الجمعة فى ليبيا وجعل الاسبوع 6 ايام فقط وذلك لتجنب المزيد من الثورات فى الدول العربية , يذكر ان الرئيس التونسى زين العابدين بن على تنحى عن الحكم يوم الجمعة وكذلك تبعه الرئيس مبارك بتنحيه عن الحكم يوم الجمعة ايضا , وقد دعى القذافى لانعقاد لقمة عربية لالغاء يوم الجمعة فى باقى الدول العربية

[الغريب]

على فكرة .. فعلا السعودية محطوطة في الدور

[مغتربة]

الجزائر بدات فيها مظاهرات النهارده فعلا

خلونا ننتظر و نشوف هتسفر عن ايه

لكن انا عن نفسى برضه اعتقد الجزائر و اليمن

تم تعديل 12 فبراير 2011 بواسطة مغتربة

[م تيمور المراغي]

الجزائر بدأت بالفعل ,,

ويليها باقي الدول العربية ان شاء الله

[مسافر زاده الخيال]

الاردن

اليمن

و احيانا بقول لنفسي

السعودية

NOWAY

اعتقد

ايران لان كان ليها تجربه و فشلت واكيد هما غيرانيين من نجاح مصر الساحق

[pink rose]

السعودية؟؟؟؟؟؟؟

لا اعتقد الناس هنا باحس انهم بيحبوا الملك عبدالله بجد مش كلام حاجة في الوش و في الضهر حاجة تانية زي ما كان عندنا

و بعدين السعوديين هايعملوا ثورة ليه؟

الحاجة الوحيدة اللي شايفة الناس متضايقة منها السيول بتاعت جدة

لكن معلش البلد نضيفة و مستوى المعيشة فيها للفرد مرتفع و حتى لو في فساد فا النسبة قليلة جدا

و طبيعي ان اي مكان في الدنيا بيكون فيه فساد احنا في الدنيا مش في الجنة

ما اعتقدش ان ممكن يكون في ثورات في بلدان الخليج العربي

و الا يبقى الناس بقى بتتبطر على النعمة بجد

بالله عليكم لو كان الحال في مصر زي السعودية او الامارات مثلا كان الناس هاتقوم بثورة؟؟!!!

اظن الدور على اليمن و الجزائر

بس الخوف الخوف من اليمن

اعداد الاسلحة هناك اكتر من عدد السكان نفسهم

مصيبة بجد

ربنا يستر

تم تعديل 12 فبراير 2011 بواسطة remo

[ComingSoon]

الاردن

اليمن

و احيانا بقول لنفسي

السعودية

NOWAY

اعتقد

ايران لان كان ليها تجربه و فشلت واكيد هما غيرانيين من نجاح مصر الساحق

في حاجة غريبة جداً عند السعوديين

وهو وجود شبح يطاردهم في يقظتهم ونومهم اسمه (ايران)!!

تم تعديل 12 فبراير 2011 بواسطة ComingSoon

[مسافر زاده الخيال]

الاردن

اليمن

و احيانا بقول لنفسي

السعودية

NOWAY

اعتقد

ايران لان كان ليها تجربه و فشلت واكيد هما غيرانيين من نجاح مصر الساحق

في حاجة غريبة جداً عند السعوديين

وهو وجود شبح يطاردهم في يقظتهم ونومهم اسمه (ايران)!!

اولا لم نكن ننظر الى ايران بانها شبح.....

وسبب ذكري لها في التعقيب السابق....بان الشعب الايراني قد قمعت انتفاضته بشراسة كبيرة و العالم شاهد على ذلك

وامر اخر مهم

ان ايران منذ اتخاذها مبدأ ((تصدير الثورة)) و هي تحاول زعزعة احوال الدول العربية....و السعودية خصوصا...ولا ننسى احداث 1980 لتاجيج الفتن في شرق المملكة العربية السعودية و احداث 1406هجرية في الحج -وهذه اذكرها لانها اول سنة اذهب مع اهلي في الحج وانا في 11من عمري- واحداث 1410هجرية مع كويتيين من اصل ايراني حاولو عمل تفجيرات في المناطق المحيطة بالحرم والقائمة تطول............

[Diab]

الرئيس السوداني البشير طلع وقال للشعب:

داير عليكم أنتوا عاوزيني رئيس ولا خلوني أمشي

أنا بزاتي ما ناقص مشاكل ....!!

قالوا: لا أحنا عاوزينك ياريس زاتنا ما فينا حيل للمظاهرات

[لماضة مصرية جدا]

السلام عليكم و رحمة الله و بركاته

فاكرين التوبيك دوت

غريبة ان محدش فينا اصلا اتوقع ليبيا...البحرين

طب دلوقتي

يا تري ينفع نسال نفس السؤال

تتوقع مين عليه الدور؟؟؟

ممكن اضيف شوية اسئلة تاني

هي الدول العربية ابتدت تكر زي السبحة كده ليه؟؟؟

امبارح كنت بشوف صور للمحتجين في البحرين....الشاب كان واقف في وش الدبابة زي نفس الصورة اللي كانت في وقت الثورة عندنا...التشابه ده مش عارفة ليه مش مريحني؟؟؟

يا تري متخيلين السنة الجاية 25 يناير....هيبقي ايه؟؟؟

يا تري عالم عربي واحد...و لا شرق اوسط جديد....و لا ايه؟؟؟؟

و نفس السؤال.....يا تري كام ثورة هتنجح تنهيها سلمية....سلمية...سلمية؟؟؟

التوبيك للرفع...و عشان الاقي حتي اسال فيها...احسن فعلا حاسة اني مش ملاحقة افهم و لا اتابع الاحداث

ربنا يستر

[Ahmed Anwer]

شكلها كده الثورة العربية هتتوقف في مصر و تونس ،، و الحكام العرب اتعلموا الدرس ، ضبط جيشك ،، روووق جنرالتك أو استعين بصديق و كله يبقي تمام ،، و الحمد لله علي النعمة اللي وصلناها

دي رؤيتي و أتمني أكون غلط ،،

طبعا لو صح ،، اصحاب نظرية المؤامرة هيتضايقوا ،،

بس مش مشكلة يتضايقوا ،،،

[اغابي]

بالترتيب

تونس

مصر

ليبيا

اليمن

الجزاير

البحرين

سوريا

فلسطين

بيحاول الشعب يعمل مظاهرات من يوم 15 مارس - للتوحيد بين حماس وفتح وجمع شمل الشعب الفلسطيني

الاردن

السعودية

استبعد ان ممكن يحصل فيها حاجة - ربنا يستر لان السعودية دولة قوية فى رايى - لكن ممكن يحصل للاسف

هو بس لولا شوية الكبت اللى بيعانى منه الشعب السعودي فى ظل القوانين الصعبة اللى هناك

يعنى لو يغيرو شوية فى القوانين بحيث تتناسب مع تطور العصر الحديث - كان هتبقى افضل دولة فعلا

لبنان

كانت ومازالت وستبقى فى مشاكل سياسية كثيرة جدا

يللا يللا .... خلى البلاد العربية تنضف - كفاية استبداد وظلم للشعوب العربية -

تم تعديل 18 مارس 2011 بواسطة اغابي

[الســـاري]

انا مش عارف اللي توقعوا السعودية توقعوا على اي اساس ؟

بس مش ملاحظين ان كل اللي توقعوا الثورة تقوم بالسعودية يقيموا خارج المملكة ومالهمش احتكاك قوي بالشعب ؟

كومنق سوون .. ما تتفقش معايا ان شبح السعودية اللي يحوم حواليك اقوى من الشبح بتاعنا ؟ يا راجل بكل موضوع تزحلق اسم المملكة

لم ولن تقوم ثورة بالمملكة .. ممكن تقوم بفنلندا و لا تقوم بالسعودية

الله يديم الافراح يارب

smk:

[ذهبية]

اعتقد بالترتيب

ليبيا

اليمن

البحرين

سوريا

سلطنة عمان

[لماضة مصرية جدا]

اعتقد بالترتيب

ليبيا

اليمن

البحرينسوريا

سلطنة عمان

السلام عليكم و رحمة الله و بركاته

هنشيل التلاتة الاولانين سعادتك لانهم ابتدوا فعلا....

انا بقول

سوريا

و برضه السعودية.....

و بلاش انت يا ساري

اتفضل اقعد ع الكنبة

دي وجهة نظري يا جدعان....حدش له عندي حاجة