وائل غنيم يطلق حملة لجمع 100 مليار جنيه لإعادة اعمار مصر

[مغتربة]

القاهرة : قال الناشط السياسي وائل غنيم عبر صفحة "كلنا خالد سعيد" علي موقع التواصل الاجتماعي "فيس بوك" إنه يسعي لجمع تبرعات من كل المصريين في الداخل والخارج تصل 100 مليار جنيه لإعادة أعمار مصر وتعويض أسر الشهداء وعلاج الضحايا، مؤكدا أن أول رجل أعمال اجرى اتصال به أبدي استعداده لدفع أول مليار، مضيفا أن الأيام المقبلة سوف تشهد عمل مكثف لتحقيق هذا الهدف.

مبادره جميله جدا و هى فعلا اكتر مبادره احنا محتاجينها الوقت الى جاى

الرقم مش صعب و مهما بدا كبير لكن انا واثقه انه مش كبير على شعب مصر الجميل

بلدنا الجميله رجعت لنا بالسلامه بس لسنا محتاجه لمجهودتنا فى حاجات كتير

و اكيد دى من ضمنها

اعاده الاعمار متاكده انه هدف ميختلفش عليه اتنين دلوقتى

الفكره لسه خطوط اوليه و اكيد هتحتاج ترتيبات كتير علشان تخرج للنور بالشكل الى الكل يتمناه منها

ان شاء الله الحمله دى هتجح و هتجمع اكتر من الرقم دا و الاهم من كدا ان كله هيروح فى القنوات الصح

صباح الحريه علينا جميعا

يا رب ديمها دايما ايام جميله علينا

:give_rose:

[se_ Elsyed]

إيه الناس دي ؟

على فكرة دي مش هاتكون تبرعات فقط تذهب هباءً

لكن دي إستثمارات هاتعود علينا كلنا

تخيلوا يا جماعة لو حلمنا بجمعيات أهلية تعمل مدارس وجامعات بمصاريف معقولة لكن التعليم فيها يكون محترم .. بالله عليكم الحاجات دي ما تكسبش دهب مادياً ... وتكسب الدولة ناس متعلمين ومحترمين ؟

الله عليكي يا مصر

[مغتربة]

و لسه ان شاء الله يا استاذ سين سين

عن نفسى متوقعه ان كل لحظه و التانيه هنلاقى مبادرات جميله

لان الناس دى ناس بجد بتحب مصر من قلبها و فعلا بتفكر فى الحاجات الى فى مصلحتها

ان شاء الله هنبنى بلدنا و نعليها احسن ما عملت اليابان و المانيا الى الاتنين خرجوا من حرب عالميه لكن باصرار ولادهم بنوا بلدهم من تحت الصفر

[pink rose]

حاجة جميلة اوي اننا نبدأ العمل من تاني يوم للتنحي و الناس لسا في عندها الحماس لبناء البلد و نهضتها من اول و جديد

و اظن كمان عمرو خالد هايبدأ تاني في مشاريعه الرائعة بعد ما كانت وقفت

لازم الكل فعلا يسيب الماضي ورا و الكل يبدأ من جديد

يا ريت حملة وائل غنيم تبدأ فعلا و ينشؤوا حسابات في البنوك و يتم الاعلان عن ارقام الحسابات دي و الناس ان شاء الله هاتقوم بالواجب و زيادة كمان

ربنا معانا

[الغريب]

الموضوع ده لازم يكبر

لازم يبقى خطة تنمية ، ويمولها بنك جديد

البنك ده رأس ماله مصري شعبي خالص

ويبقى أستثمار مصري داخل مصر ويعود بالخير على المصريين

[لماضة مصرية جدا]

صباح نسايم الحرية اللي بتخلي الوش فعلا ينور

مبادرة هايلة اوي....مع اني متاكدة ان احنا نقدر نجيب اضعاف الرقم ده باذن الله

هنرجع الفلوس المسروقة...مش عشان احنا محتاجينها و بس...لا عشان احنا مش بنسيب تارنا و لا حقنا

و هنقدر نوقف تاني مصر علي رجليها برواتبنا....و اللي ربنا يقدرنا عليه

و كلي يقين ان مصر مليانة خير و خير اوي....من جوه ومن بره

بس محتاجين نحط فيضان النهر دوت من الخير في قنوات شرعية و نظام و منظومة متاكملة من المؤسسات

عايزين بقي نرمي الاساسات صح عشان نعرف نطلع بالخرسانة و الدور العليا....(ايه ده انا بتكلم زي اي مهندس واقف في الموقع كده ليه:blink: )

عايزين مصر...كدولة....و كموؤسسات تبقي ناطحة سحاب

في دبي....ناطحة السحاب...بتبني بفكر كندي....و سواعد بنغالية...و فلوس اماراتية

احنا عندنا عقول مصرية...و ملامح مصرية و سواعد مصرية....و الفلوس برضه هتبقي مصرية

صباحك......حلم مصري...و صرح مصري...عايزين نصب اساساته صح

[Simba]

يا جماعة معلش

انا اعترض

انا ادفع علي عيني وراسي من دينار كويتي لحد عشرين جنيه مصري ما انا فنجري من يومي :closedeyes:

بس فيه سؤال

هي البلد دي مش لها موارد

مش لها المفروض ثروة

مش لها فلوس منهوبة

الارقام اللي الواحد بيسمعها تخض

وهشام الجخ قالها

لما اعمل حكومة للشحاتة

لما اعمل وزراة للشحاتة

هرجع اقول تاريخ مصر كلها ثورات

وبتكون هدية علي الجاهز للطغاة والشعب له الله حتي ينفجر مرة تانية

ده كلام كده ا تمني ما يحصلش وان شاء الله تكون بادرة ايجابية وتعود بالنفع علي الكل

علي جنب

الشباب في قمة حماسه من صعيد مصر لحد سينا مش لازم يكون الحماس سياسي بس لو مفيش دعم ومفيش مجموعات بلورت حماس الشباب دي لمجموعات ايجابية تخدم مصر بجد هنرجع زي يا ابو زيد ما غازيت

[Simba]

وبعدين هو مش هيبقي فيه حملة بقي علشان العشوائيات الرهيبة اللي في مصر اللي بتفرز البلطجة

[لماضة مصرية جدا]

إيه الناس دي ؟

على فكرة دي مش هاتكون تبرعات فقط تذهب هباءً

لكن دي إستثمارات هاتعود علينا كلنا

تخيلوا يا جماعة لو حلمنا بجمعيات أهلية تعمل مدارس وجامعات بمصاريف معقولة لكن التعليم فيها يكون محترم .. بالله عليكم الحاجات دي ما تكسبش دهب مادياً ... وتكسب الدولة ناس متعلمين ومحترمين ؟

الله عليكي يا مصر

عارف استاذي....انا كنت مصدقة قبل كده ان الجمعيات الاهلية بتقوم بدورها و بتعافر لما الدولة بتتخلي عن كتير من ادوارها و مسئولياتها

كنت بحس كده انهم حكومة موازية

دلوقتي انا عايزة نفس الحماس و نفس الافكار ونفس البناء يبقي في المنظومة الجديدة اللي هتحكم مصر

تخيل....ان مصر كلها تبقي "مشروع أهلي" لينا كلنا...احنا نقبل عليه بكل طواعية و بكامل ارادتنا ننجحه

مش هتبقي بقي تبرعات....و بس

دي هتبقي سلسلة خير هتخلص من خطوة هتبقي مش ملاحق علي الخطوة اللي بعدها

يا رب انت المستعان

[wsadani]

أنا عندى الأولوية لتسديد ديون مصر

[م تيمور المراغي]

في موازين اعمالك وائل غنيم ,,

ندعم ونقبل كل يد مخلصه تبني في مصر ,,

[fatfouta]

دى صفحة وائل غنيم الجديدة عالفيس بوك

المصرى الجديد

http://www.facebook.com/ElmasryElgedeed?v=wall

تم تعديل 12 فبراير 2011 بواسطة fatfouta

[لماضة مصرية جدا]

الموضوع ده لازم يكبر

لازم يبقى خطة تنمية ، ويمولها بنك جديد

البنك ده رأس ماله مصري شعبي خالص

ويبقى أستثمار مصري داخل مصر ويعود بالخير على المصريين

زمان لما بابا كان بيصر يشتريلنا شهادات من البنك "الاهلي المصري"...كنت اقف عند الاسم و اقول...يعني ده بتاع اهلي انا و لا اهل مين بالظبط

مؤيدة راي حضرتك جدا

دلوقتي...محتاجين بنك....اسمه بنك "المصريين"

محتاجين خطة تنمية.... و عندنا من العقول اللي تقدر تصيغ احسن خطة تنمية لل 3 سنين القادمة باذن الله و احنا هنا كل الافكار...(احنا عاملين بنك افكرا جامد علي فكرة)...لازم صوتنا يوصل...لازم نرسم ملامح الخطة دي في مصر.....و يا ريت نفتح قنوات اتصال اكتر مع الحركة النهضوية دلوقتي في مصر

المغتربين قوة ضاغطة مش لازم تستثني لا من الحوار و لا من الافكار و لا من الانتخاب

[عنبو]

يلا ياجماعه قولوا ازاى ندفع وربنا ييسير الامور

دلوقتى الكل هيدفع لانه اكيد هيعود على البلد

وبالتالى هيعود عليا

يعنى هتبقى بلد نضيف هيبقى فيه طرق كويسه هيبقى فيه تعليم كويس

_____________________________________________

فيه برده حاجه فكرت فيها ياريت المغتربين المصريين مش يرجعوا دلوقتى الا اذا اطلب منهم ذلك

خلينا هنا شويه لحد لما نظبط البلد وجودنا فى الخارج دلوقتى يعتبر ثروه بالنسبه للدخل المصرى

والى جانب نسيب فرص العمل الجديده للشباب الموجود فى مصر حالياً لانه اولى بيها مننا

خلينا ندخل مصر عمله صعبه ونتبرع ونساعد مصر لحد لما نبنى مصر

ده دور المغتربين انهم يتبرعوا بالفلوس ويحولوا عمله صعبه لمصر

تحياتى

عنبو

[سكر]

إنه يسعي لجمع تبرعات من كل المصريين في الداخل والخارج تصل 100 مليار جنيه

اعتقد كلمع تبرعات غير مناسبه فى الوقت الحالى

مصر مش عايزة تبرعات من اولادها مصر محتاجة مشاركات فى بناء اقتصاد قوى لمشاريع قويه عملاق مضمون نجاحها بقوة

(مواصلات- طاقه-حديد-اسمنت-زراعة)

تعود باربحها على كل مشترك فيها ونستغنى عن الجرى وراء المستثمر الاجنبى

وهو الى يجرى وراء اقتصاد قوى يحميه القانون والشفافيه وقبلهم الشعب لان المال مال الشعب والخير عائد عليه

[لماضة مصرية جدا]

أنا عندى الأولوية لتسديد ديون مصر

نقطة مهمة جدا استاذي

الخطة المفروض تتحط...بيتحط ليها اولويات..و يبتدي التنفيذ بشكل متوازي

يعني جدولة ديون مصر...(يعني انا نفسي نقول بعد 5 سنين...مش هيبقي عندنا ديون....عشان مننكسرشي لحد تاني)

ليه ميمشيش بالتوازي مع خطة الاصلاح الداخلي

هي الفكرة

المفروض الناس

تحط علي الترابيزة....ايه احتياجات المرحلة التالية.(داخليا و خارجيا)

ايه الموارد المتاحة

ازاي نعمل تعبئة موارد

تنيظم بنية مؤسسية

تحديد الادوار و المسئوليات

و بعدين نحط خطة تنفيذ

و كل واحد يبقي عارف الترس اللي هيشتغل عليه

و في وسط كل ده

يبقي برضه فيه محاسبة...و متابعة...مش هنسيب نفسنا تاني لما شخص يتحكم فينا و لا شيطانه يوزه انه يخدم مصالحه و يدوس علينا

[مغتربة]

أنا عندى الأولوية لتسديد ديون مصر

معاك يا استاذ وسدانى

و بالتاكيد ان منن ضمن التنميه و الاعمار التخلص من عبء الديون الى بتثقل كاهل مصر

زمان لما كنت باسمعهم بيقوا تبرعوا لسداد ديون مصر بصراحه مكنش عندى ادنى استعداد للتبرع

مش علشان مش عايزه اساعد بلدى لكن لانى مكنتش متاكده ان الفلوس دى فعلا مش هتترق منهم زى اخواتها و انها فعلا هتستخدم فى سداد ديون بلدى

لكن دلوقتى انا مستعده و مستعده جد جدا و متاكده ان غيرى كتير مستعدين لان الثقه رجعت عندنا تانى

[مغتربة]

أنا عندى الأولوية لتسديد ديون مصر

نقطة مهمة جدا استاذي

الخطة المفروض تتحط...بيتحط ليها اولويات..و يبتدي التنفيذ بشكل متوازي

يعني جدولة ديون مصر...(يعني انا نفسي نقول بعد 5 سنين...مش هيبقي عندنا ديون....عشان مننكسرشي لحد تاني)

ليه ميمشيش بالتوازي مع خطة الاصلاح الداخلي

هي الفكرة

المفروض الناس

تحط علي الترابيزة....ايه احتياجات المرحلة التالية.(داخليا و خارجيا)

ايه الموارد المتاحة

ازاي نعمل تعبئة موارد

تنيظم بنية مؤسسية

تحديد الادوار و المسئوليات

و بعدين نحط خطة تنفيذ

و كل واحد يبقي عارف الترس اللي هيشتغل عليه

و في وسط كل ده

يبقي برضه فيه محاسبة...و متابعة...مش هنسيب نفسنا تاني لما شخص يتحكم فينا و لا شيطانه يوزه انه يخدم مصالحه و يدوس علينا

مش ممكن يا بنتى انا انتى بنرد فى نفس واحد على نفس النقطه هههههههههههههه

[لونا]

الموضوع ده لازم يكبر

لازم يبقى خطة تنمية ، ويمولها بنك جديد

البنك ده رأس ماله مصري شعبي خالص

ويبقى أستثمار مصري داخل مصر ويعود بالخير على المصريين

زمان لما بابا كان بيصر يشتريلنا شهادات من البنك "الاهلي المصري"...كنت اقف عند الاسم و اقول...يعني ده بتاع اهلي انا و لا اهل مين بالظبط

مؤيدة راي حضرتك جدا

دلوقتي...محتاجين بنك....اسمه بنك "المصريين"

محتاجين خطة تنمية.... و عندنا من العقول اللي تقدر تصيغ احسن خطة تنمية لل 3 سنين القادمة باذن الله و احنا هنا كل الافكار...(احنا عاملين بنك افكرا جامد علي فكرة)...لازم صوتنا يوصل...لازم نرسم ملامح الخطة دي في مصر.....و يا ريت نفتح قنوات اتصال اكتر مع الحركة النهضوية دلوقتي في مصر

المغتربين قوة ضاغطة مش لازم تستثني لا من الحوار و لا من الافكار و لا من الانتخاب

تخيلوا لو تم إنشاء بنك زي بنك مصر

لو تم عمل اكتتاب لإنشائه

ألن يساهم فيه كل المصريين؟

في داخل مصر و خارجها ؟

[ComingSoon]

فلوس مبارك + فلوس احمد عز + فلوس بقية الحرامية = اكثر من تريلين جنية مصري

نعم تريليون وهذا الرقم حقيقي وليس مبالغة

ترليون = 1000 مليار = مليون مليون جنية

رقم لو احسن استثماره لأصبحنا دولة صناعية متقدمة فعلاً