تـحيــة واجــبة لجـــيشنا العظـــــيم

[fatfouta]

احلى واجمل تحية للجيش المصرى العظيم

فعلا انا عن نفسى ظلمته كتير الايام اللى فاتت واتهمته بالسلبية

بقولهم شرفتونا ذى مانتوا مشرفين مصر دايما

واعظم تحية للجيش المصرى العظيم

[fatfouta]

الجيش والشعب ايد واحدة

طبعا ماهو الشعب من الجيش والجيش من الشعب

[ozoozo]

انا ان شاء الله اول اجازه في مصر هابوس ايد اول واحد هاشوفه من الجيش

[fatfouta]

تعاون الشباب من جميع الفئات مع القوات المسلحة لتنظيف الميدان

واطباء مصر الابطال بيزيلوا المستشفى الميدانى

[fatfouta]

[أحمد سيف]

احلى واجمل تحية للجيش المصرى العظيم

فعلا انا عن نفسى ظلمته كتير الايام اللى فاتت واتهمته بالسلبية

بقولهم شرفتونا ذى مانتوا مشرفين مصر دايما

واعظم تحية للجيش المصرى العظيم

اللقطة دي بالتحديد جعلتني أبكي فخرا واعتزازا ولازالت عيني تدمع كلما أراها... لحظة أن أدى هذا الضابط المحترم التحية العسكرية على أرواح شهداء الثورة

رحم الله شهداء ثورتنا المباركة الذين ضحوا بأرواحهم من أجل حرية الوطن ... وتحية تقدير وإجلال لجيشنا الوطني العظيم

[م تيمور المراغي]

تحية للجيش المصري العظيم ,,

بعد ان ظهرت الاخبار انه لم يستجب لاوامر الرئيس السابق باستخدام القوه ضد المصريين

و عزم النيه على عزل الرئيس بالقوة الجبريه يوم الاربعاء ,,

شرفتم العسكريه المصريه لآخر الدهر ,,

واسستم مبادئ اسس التعامل مع المدنيين ستدرس في ارقى الاكاديميات العسكريه في العالم ,,

بالفعل انتم

خير ا جناد الارض ,,

[ozoozo]

[arkan]

مليون سلام وتحية للجيش البطل القدوة

تحية خاصة للبطل الرائد أحمد علي شومان اول من تخلى عن سلاحه وانضم للثوار والشرفاء امثاله

[pink rose]

من اول يوم نزل فيه الجيش ناس كتير اعرفهم و قرايبي كانوا بيقولوا الجيش هايضرب في الناس

و انا بعلو صوتي و كلامي طالع من القلب

لأاااااااااا الجيش استحالة يضرب مصريين

حتى يوم الاربع الدامي و احنا كلنا شايفين المجرمين بيضربوا الناس في التحرير و الجيش واقف ساكت

الكل اتهم الجيش انه متواطئ و سامح باللي بيحصل بتدبير القادات الكبار مع الكبير اوي و اعوانه

و انا بعلو الصوت تاني و من قلبي اقول لأ الجيش مش متواطئ الجيش في موقف صعب الفريقين مصريين حتى لو فيهم مجرمين لكن في الاول و الاخر مصريين و استحالة الجيش يتورط في قتل مصر ابدا ايا كان

كان في مداخلة تانية كتبها الفاضل سكوب و انا رديت عليها

http://www.egyptiantalks.org/invb/index.php?showtopic=115986&view=findpost&p=693858

فعلا فعلا الجيش الحمدلله و الشكر لله ما خيبش ظني ابدا و كنت واثقة فيه لابعد الحدود

عارفين كل شوية اعيد في البيانات اللي بتذاع للمجلس الاعلى للقوات المسلحة و افضل اعيد و ازيد فيها و اقول الرجالة مش كلهم ماتوا في 73

اما التحية العسكرية للشهداء دا بقى لما باشوفها باحس بحاجة مش عارفه اوصفها

و يا سلام لما كانوا بيقولوا قواتكم المسلحة الجملة دي بقى ليها سحر تاني خالص عليا

فعلا الرجالة مش كلهم ماتوا في الحرب

و مصر دايما هاتفضل بولادها كلهم خير اجناد الارض

[Guest freestyler]

احلى واجمل تحية للجيش المصرى العظيم

[fatfouta]

يا جماعة يا ريت كلنا ندخل نسجل ونوافق فى الصفحة دى

مناشدة الجيش العفو عن الضباط المنضمين للثورة

http://www.facebook.com/photo.php?pid=397357&id=134088856634092&fbid=175375125838798#!/event.php?eid=186371841403252&notif_t=event_invite

عشان خاطر الرائد احمد شومان واللى ذيه من الضباط الشرفاء

ارجوكم اسمعوا كلام احمد شومان فى الفيديو ده مهم جدااا

http://www.youtube.com/watch?v=0prSM6xNYkw

تم تعديل 13 فبراير 2011 بواسطة fatfouta

[عبير يونس]

تحية حب و تقدير و إجلال لخير أجناد الأرض

جيشنا البطل

حفظك الله و أعزك

آمين

:give_rose:

[nana]

بدون تعليق هسيبكم تعلقو

تم تعديل 13 فبراير 2011 بواسطة nana

[fatfouta]

اجمل صورة واحلى مشاعر بين الشعب والجيش

تم تعديل 13 فبراير 2011 بواسطة fatfouta

[Handasah]

التعامل بأبوة ورحمة واحترام هو دة سر حب الشعب للجيش ..

[fatfouta]

[fatfouta]

[جويرية]

كل التحية و الشكر للجيش المصري

بس يا ريت نعرف اسماء القادة اللي شجعوا الثورة

القادة دول لا يقلوا بطولة عن الشهداء اللي احنا عارفين اسمائهم

[Rock]

تحية من صميم القلب الي القوات المسلحة اللي بقول اسمها دلوقتي بمنتهي الفخر,زمان كنت كل ماشوف شرطة عسكرية و لا ظابط جيش كنت بحس ناحيتة بكراهية فطرية و كانت من الاحداث الجسام في حياتي هو خروجي من الجيش و لكن انا دلوقتي بحبهم من كل قلبي ..انا اول يوم نزل فية الجيش بعد احداث البلطجة و احساسنا بالرعب و عدم الامان و في اول ظهور لاول مدرعة كلنا هتفنا ليهم و كنا كلنا مدمعين و كان نفسي اقول ليهم انة انتم تاج علي راسنا كلنا و الناس كلها كانت فرحانة بيهم ,كل الناس كانت بتتسابق عشان تجيبلهم اكل و ياكلوا معاهم في الشارع و في يوم التنحي العظيم بجوار قصر الرئاسة مديت ايدي وسط الاسلاك الشائكة و قلت للظابط ,لو سمحت اسمحلي اسلم علي حضرتك و اقولك شكرا ليك من قلبي ,تخيلواا قالي اية ؟ قالي دحنا اللي نشكركم .

لكن دلوقتي اللي بينرفزني هو احتكاك الناس بالجيش ,لا و اية بيهددوا الجيش من اي احتكاكات معاهم في الميدان و انة كدة الجيش بيكتب نهايتة,,,هل دة رد الجميل للقوات المسلحة في موقفها العصيب دة؟؟؟؟؟؟ ونلاقي ناس ناطة علينا من الجزيرة و العربية كمنابر للاعلام و يقول الشاب الكلام الوقح دة علي الجيش و الواحد فيهم عامل نفسة المتحدث الرسمي للمجلس الاعلي للحركة الثورية....طيب هو الجيش يعمل اية !!,ماهو لازم يمشي امور البلد بمنتهي الحزم و لازم ندي وقت لتنفيذ التعديلات بدل مانوجه التهديدات للجيش...انا ماعتقدش الناس دي من الناس الاصيلة اللي خرجت عشان الوطن يوم خمسة و عشرين و طبعا خرج علينا الناس اللي بتخون الجيش انة لسة اداة في ايد النظام و انة و انة و انة.... يعني لو هما فكروا في اجهاض الثورة ,كان بان دة في اثناء الاحداث..كل المطالب في طريقها للتنفيذ و اكتر بس ندي وقت ليهم و ان ماتنفذتش يبقي ننزل التحرير تاني بدلا من الناس دي اللي بتهدد الجيش في الميدان دلوقتي...روحوا اشتغلوا بقي و حركوا البلد بدل الاستفزاز المسرحي دة..