شهادات - كانت مكتومة - عن الفساد

[م تيمور المراغي]

الله ينور عليك يا باشمهندس هى دى فعلا المكالمة كامله بتاعة انس الفقى

العفو يا استاذه نقطه من بحرك :happy:

[عنبو]

فين الجزء الى قال فيه انس الفقى لمحمود سعد انت بتأخذ 7 مليون جنيه

محمود سعد بيأخذ 7 مليون جنيه ليه بيعملوا ايه

كان بياخد 7 وتم زيادته إلى 9 مليون .. لكن هو طالب 12 ههههه

بس الحق يقال إن ده برنامج برعاية وكالة إعلانات خاصة ... والتليفزيون محقق إيراادات 100 مليون جنيه عن العام الماضي فقط

ايه الارقام المستفزة دي يا جماعة

يعني ايه 7 مليون في الشهر

ايه الرقم دا اللي هو 7 و قدامها ست اصفار

يعني 7000000 كده

الرقم دا صحيح

يا عيني عليا و على اهلي كلهم

دا انا كنت باخد 150 جنيه يا كفرة

و كانوا بيخلصوا في المواصلات بس

و طبعا واحدة محترمة و باشتغل كده و باخد ضعفين المرتب دا من بابا مصروف عشان يبقى معايا فلوس و اقدر اخرج مع اصحابي

7 مليون لا و مش عاجبينه

ليه بتخلوني اقرا الحاجات دي الله يسامحكم انا عندي بنت عاوزة اربيها

7 مليون؟ هاااااااااااا

7 مليون؟؟؟؟؟؟؟؟؟؟

ده ثمن لعشرات السنين من الخبرات المتراكمة استاذه ريمو و مرتب تدفعه الوكالات الاعلانيه للتلفزيون المصري للظهور في برنامج يدير حواراته محمود سعد ,,

هو لا ياخذ راتبه من خزينة التلفزيون المصري ولا خزينة الدوله

بل هو الذي يدخل لخزينة الدولة سنويا 100 مليون جنيه مصري

احد المستشارين لدينا في بن لادن يتقاضى راتبا شهريا 300 الف ريال سعودي كل شهر بواقع 10 الاف ريال يوميا

طيب

هاذا الرجل راتبه عشرة اضعاف اي مهندس تاني في بن لادن ليه ؟؟

عشان تراكم الخبرات على مر السنين وعشرات المشاريع التي قام بتنفيذها سيترجم هذا لمردوود مادي اعلى بكثير جدا على المكان الذي يعمل فيه ,,

لو محمود سعد توقف عن العمل

خزينة الدولة ستخسر 100 مليون جنيه سنويا كانت تدخل اليها ,,

تحيتي لحضرتك

ده غير البونس يا هندسه بس عن جد يستاهلوا كفايه الضغط العصبى اللى بيعيشوا فيه

[fatfouta]

حلقة منى الشاذلى مع الشرطة

شوفوا الفيديو وشوفوا طريقة رد الضباط واصرارهم ان شباب 25 غير شباب 28 وما بعدها

http://www.youtube.com/watch?v=mgT612Yk5PA

[fatfouta]

فيه حد شاف حلقة محمود عبد العزيز رئيس البنك الاهلى السابق فى حلقة ضوء احمر؟؟؟

على دريم 2 بتتعاد دلوقتى على فكرة

الراجل ده خسارة والله... فعلا قدير

تم تعديل 17 فبراير 2011 بواسطة fatfouta

[Om Zayd]

سؤال هو ما فيش حاجه عندنا في مصر اسمها الحد الاعلى للاجور؟ ..............

و الله لا هو حقد و لا حسد ربنا يبارك لكل واحد في رزقه

بس في فقرا كتير في مصر لما يسمعوا خبر زي دا يحصل للناس دي ايه؟

شوفي يا قمر

الحد الأعلى ده عادة بيبقى في العمل الحكومي (اللي بياخدوا مرتباتهم من خزينة الدولة) و المفروض يكون ما يزيدش عن 18-25 مثل أقل مرتب في الدولة (بالبدلات و اللجان و كل الحيل التانية اللي على حسها مرتبهم بيتضخم .. أما العمل الخاص فعلى حسب الدخل اللي بييجي من وراك

و حق المجتمع فيها عادة بتطبيق الضرائب التصاعدية

باختصار هي كانت ضربة تحت الحزام من الفقي عشان الناس تقول ما اهه ..كان بيقبض زيهم

[osaimi]

لازم اي مسئول يعرف اي حاجه يتكلم ، جه وقت الحساب ، انا رغم حبي وتقدير للسيد احمد رشدي معرفش ليه رفض يتكلم فالساكت عن الحق شيطان أخرس ، ربنا يبارك فيك ياباشمهندس كفرواي وفى امثالك

[المهندسه]

قناه الحياه حالا فيها الشيخ عبد الجليل بيأكد ان كان فى خطه لضرب المتظاهرين و المشير طنطاوى رفض

[سكر]

الى بيتكلم عن مرتب محمود سعد يبقى بلع الطعم بتاع انس الفقى

هو اصلا داخل عشان يقول البق الحمضان دة

ثانيا بالنسبه للراتب هو راتب ضخم جدا بس لازم نعرف حقائق الراتب

اولا هو ليس من خزينه الدوله بمعنى انه ياتى من اموال خاصة والبرنامج له منتج خاص لوحدة يحصل على راتبه من قبل الاعلانات

والدليل على كدة انك انت بتتفرج على البرنامج عشان محمود سعد هو المقدم وليس من اجل انه فى قناة التليفزيون المصرى

ومثال على ذلك منى الشاذلى - وعمر اديب - وابراهيم عيسى منين ما هيروحوا هيكون المشاهد معهم

هولاء اقوى من القناة التى يبث البرنامج من خلالها

ثالثا حق الوطن على المرتبات هو الضرائب فقط (فى حاله القطاع الخاص- مثل هذة الحاله )وكنت قرات من فترة فى الدستور

ان محمود سعد هو اعلى دافع ضرائب على الدخل فى مصر كلها

وهو اعلى من احمد عز نفسه وبالتالى هى دى النقطة الى ممكن نحاكم بيها هولاء المشاهير ليس الا مهما كان موقفه مع ثورة 25 يناير

امال لعيبه الكورة هنقول عنهم ايه والمغنين والفنانيين

الله يبارك لكل واحد فى الى بياخدة بس فى حق للوطن يجب دفعة

[سكر]

هههههههههههههههههههه

هناء السمرى وسيد على المحور الان

[fatfouta]

سحر الجعارة بتكلم على عمرو اديب ونفاقه وسيد وهناء بيركبوا الموجة

واول ما ذكرت اسم عمرو اديب وعماد اديب الكاميرا كانت على سيد ووشه قلب الوان وبعدين الكاميرا مشيت من عليه ورجع بيدافع عن عمرو اديب

النفاق شغال مش ممكن

تم تعديل 17 فبراير 2011 بواسطة fatfouta

[Om Zayd]

حسام السكري مع خيري رمضضان بيبستفه بالذووووووووووووووووووووووووق

[fatfouta]

جابر عصفور على اون تى فى

بيقول وزير التعليم العالى افسد التعليم العالى ورجع بيه للوراء

وبيقول جيلى عليه ان يتنحى ويترك الفرصة للشباب

ولماذا لا يكون رئيس مصر شاب هو لازم يكون فى السبعينات

واهم الشباب اداروا ثورة وسبقوا تفكيرنا فلازم نعطى لهم القيادة وكفاية على جيلنا ان احنا نعطى لهم النصائح

[fatfouta]

سحر الجعارة الكاتبة الصحفية عالمحور

بتتكلم عن انس الفقى طبعا وانه كان فاسد وبياخد اوامره من الرياسة والحزب

اتكلمت على عمرو اديب وقالت انه طلع فى فيديو بيحامى للريس وبعد مارحل يقول عليه رحل الطاغوت لكن هما مادولهاش فرصة تتكللم عليه وقعدوا يبصوا لبعض ووش سيد جاب الوان وقعد ينافق فى عمرو اديب

بتقول انا لو ماسكه قيادة فى الاعلام كان هيبقالى تصرف تانى رد عليها سيد وقالها ولا عمرك هاتكونى

كلمتهم على موضوع الصحفية الكذابة قعدوا يراوغوا برضو

وفى الاخر سيد بيقولها شكلك راسمة على وزير اعلام يا سحر

واحنا هنستضيفك عندنا بس احنا عارفين ان انتى مسافرة عشان ماما عيانة ربنا يشفيها

[fatfouta]

بلال فضل مع عمرو الليثى على دريم2

[aimen]

بلال فضل بيغرد على دريم

اللهم احفظك يارب

تم تعديل 17 فبراير 2011 بواسطة aimen

[fatfouta]

بلال فضل بيقول انهم ابتدوا ينفذوا سيناريو الثورة المضادة

فى الاول ابتدوا يستدروا عطف الناس ويقولوا الريس تعبان وعنده اكتئاب والمفروض انه كان يجيله اكتئاب من 25 سنة

واذا كان احمد شفيق نفسه مع لميس الحديدى امبارح بيقول انه كلمه وفى صحة جيدة وبينفى الاشاعات

وبيقول انا بطمن اللى بيعملو الثورة المضادة انهم لو شايفين ان الضرب فى وائل غنيم هيوقف الثورة فالعبوا غيرها

بيقول نناشد الامجلش الاعلى للقوات المسلحة انه بلاش يتفز الشعب بالتصريحات المتضاربة عن حبيب العادلى يعنى مرة بنحقق معاه ومرة لأ وهكذا

[fatfouta]

بلال فضل بيؤكد ان كان فيه اوامر للجيش بضرب المتظاهرين وان العساكر والضباط فى ميدان التحرير كانوا بيقولهم كده

وبيقولهم كمان ان الجيش رافض يضرب

وبيقول ان مبارك لو هو اللى اعطى العادلى اوامر بضرب المتظاهرين اللى ادى الى مئات الشهداء فهو لازم يحاكم هو مش اغلى من اى حد

وانه لا يجب ان نترك دم الشهداء اللى سال على الارض

[ذهبية]

سرية تكشف : مبارك يمتلك 19 الف كيلو من البلاتينيوم

[حسنى مبارك]

جنيف:- كشفت وثيقة سرية صادرة عن البنك السويسري عن خلفيات جديدة لثروة الرئيس المصرى السابق محمد حسنى مبارك.

وتضمنت الوثيقة التى تناقلتها مواقع الفيس بوك وتويتر وعدد ليس بقليل من المنتديات المحلية والعالمية قيام مبارك بإيداع مادة ضخمة من معدن البلاتينيوم الخام تصل الى 19 طنا و400 كيلو، الذي يدخل في صناعة مجوهرات البلاتين أو ما يعرف بـ''الذهب الأبيض''، قدرتها وثيقة البنك السويسري بــ 14 مليار و900 مليون دولار، فضلا عن ممتلكات اخرى توالت عمليات ضخها الى البنك بمعرفة الرئيس السابق منذ العام 1982 وتقدر الان بقيمة 51 مليار دولار.

وحسب الوثيقة المؤرخة من طرف بنك سويسرا بتاريخ 11 ديسمبر 1982، فإن مبارك قام بعملية تحويل 19 ألفا ونصف طن من معدن البلاتينيوم، عبر مساعدة من مكتب بريطاني يسمى ''فلايينغ هورس'' الكائن مقره في لندن وتحديدا في العنوان 711071، وهو شركة متخصصة في المتاجرة في معدن البلاتينيوم ومشتقاته، نحو بنك سويسرا، ليتم حفظها وإيداعها على أساس أنها ممتلكات ثمينة.

وحملت نفس الوثيقة ختم وتوقيع محافظ بنك سويسرا، إلى جانب رقم الحساب الائتماني لمبارك لدى البنك وهو 5.709.40707، وعنوانه في العاصمة المصرية القاهرة.

وتُظهر الوثيقة كيف أن مبارك لم ينتظر طويلا للشروع في عملية السطو على ممتلكات الدولة والشعب المصريين، بدليل أن الوثيقة السرية لبنك سويسرا مؤرخة في ديسمبر 82، أي بعد عام واحد من اعتلائه السلطة، وهو ما يعني أن الرئيس المصري كوّن طيلة 30 سنة كاملة، ثروات لا تعد ولا تحصى.

ويعتبر معدن البلاتينيوم، من بين أهم وأندر وأثمن المعادن في العالم، حيث تستخدم بعض مشتقاته في عمليات التنقيب عن البترول، إلى جانب مجال البحوث الطبية، فيما كانت شهرة معدن البلاتينيوم نابعة من كونه مصدر تصنيع مجوهرات البلاتين الثمينة، أو ما يعرف في البلدان العربية باسم ''الذهب الأبيض''، الذي يقدر في قيمته بأضعاف قيمة الذهب الأصفر.

[fatfouta]

بلال فضل

كلمنى ضابط شريف ومارضيش يقول اسمه مرة ساعة ماتكلمت الصحفية على قناة المحور وقالت انها اتدربت فى اسرائيل قاللى ان الكلام ده مش مضبوط ودى كذابة وبيقول انا طلعت فضحتها

وكلمنى تانى نفس الضابط وقالى اللى هيحصل بالضبط يوم الاربعاء الدامى وانا قعدت اتصل بالقنوات واقول وماحدش عبرنى

انس الفقى اسلوبه قذر ورخيص واذاى يقول لمحمود سعد كده طب هو بياخد ملايين من الاعلانات انت يا انس بتاخد مليارات من فين؟؟ وفيه وزير اعلام يمشى ووراه بودى جاردات

بيغيروا فى روزارة الداخلية ويقيلوا واذاى حسن عبد الرحمن رئيس جهاز امن الدولة ماتيرش لغايت دلوقتى؟؟؟ اذاى موجود الى الان ماحد يفهمنا

الحكومة الامريكية والفرنسية وغيرهم بيقولولنا احنا عندنا اصول لمبارك ياناس وتعالوا الحقوا فلوسكم ده ناقص يقولولنا كده واذاى لغغايت دلوقتى ماحدش رد عليهم وسايبين فلوسنا كده بتتنهب

ارجو من الفوات المسلحة توضيح اكثر

تم تعديل 17 فبراير 2011 بواسطة fatfouta

[fatfouta]

الى كل واحد او برنامج بيلمع جهاز الشرطة

اتفضلوا شوفوا برنامج الحقيقة مع وائل الابراشى على دريم2 الآن وشوفوا حالة اهالى الشهداء

فعلا يجب ان يحاسبوا اولا من قتلوا هؤلاء الشهداء

وحسبى الله ونعم الوكيل