شهادات - كانت مكتومة - عن الفساد

[arkan]

الكفراوى الان على اون تى في

[fatfouta]

ايه القرف دا

ايه كم الفضايح و البلاوي دي

دا النائب العام مش هايعرف يلاحق على ايه و لا ايه

في 90 دقيقة دلوقتي رئيس قسم الحوادث بجريدة الشروق بيقول كلام على انسحاب الشرطة

ماهو حسب الله الكفراوى قال لو 100 نائب عام من الشرق الاوسط كله مش هيقضى

لازم يشغل معاه نواب كتير فى الفترة دى عشان نلحق نخلص قبل مايهربوا من البلد

[المهندسه]

موضوع اكثر من رائع كنت لسه بفكر لو نعمل موضوع نتابع فيه اهم الحوارات المذاعه على الفضائيات ..

ياريت ياجماعه اي حد يسمع تنويه عن حوار مع شخصية هامه يقولنا على موعده هنا وعلى اي قناة ..

خسارة فاتني حوار الكفراوي ياريت لو حد يجيبه لنا هنا كامل .

هاينزل عاليوتيوب حالا وهجيبهلكم ان شاء الله يا ضحى

جيتي لي على الوجيعة ..

ينطبق علي حاليا المثل القائل ( زي الاطرش في الزفة ) ..كارت الصوت عندي في الجهاز مش متعرف وبناء عليه مفيش صوت .. عموما من هنا على ماتحطي الفيديو يومين كده باذن الله ابعت شاحن اللابتوب يتصلح واسيب الجهاز ده خالص واعيش بقى اشوف الميديا الي ماليه النت ومش عارفه استمتع باي حاجه فيها بسبب مشكلة الصوت دي ..

المقدمه الطويلة دي عشان ابرر شحاتي للفطيرة السخنة ..

ياريت حد يجيب نص اللقاء ان وجد :blush2:

الحياه اليوم بيتعاد الصبح يا ضحى ...افتحيه الساعه 9 الصبح تقريبا لو بتصحى بدرى

[رضوي]

أحمد شفيق في اتصال هاتفي ع الحياه اليوم ؟؟؟؟؟؟؟

أنا مابقيتش عارفة علي فكرة اتابع ايه واسيب ايه ؟؟؟؟؟؟؟؟

ايه كمية الفضايح والقرف دة .......... كل الكمية دي ؟؟؟؟

[se_ Elsyed]

هههههههههههههههههههههههههه

احمد شفيق اتكلم بعد أنس الفقي

وقال له : استقالتك اللي بتتكلم عنها .. مقبولة يا فندي

[امير مجروح]

ياريت يا جماعة الى يقدر يرفع اللقاءات فيديو يرفعها

[aimen]

http://www.tv96.tv/2010/08/otv-tv-live.html

قناة اون تى فى

حاليا حوار حسب الله الكفرواى مع يسرى فوده

[رضوي]

من ضمن الحوارات اللي حصلت النهاردة حديث حافظ الميرازي في استدوديو القاهرة مع جابر عصفور وزير الثقافة المستقيل

جابر عصفور علي فكرة ماكنش فعلا راضي بالوزارة ودي حقيقة انا اعرفها شخصياً

لكن اللي حصل ان احمد شفيق اتصل بيه وقاله دي حكومة انقاذ وطني ...... ساعتها وافق د- جابر عصفور

وهو بيحكي رحلته القصيرة جداً في الوزارة بيقول انه لما راح يحلف اليمين صدم لما لقي ان نص الحكومة قديمة ومنها عناصر فساد كتيرة ........ ساعتها احبط جداً

بعدها راح مكتبة واشتغل ( وعلي فكرة الراجل اول لما مسك الوزارة اصدر تعليمان للقادة في الوزارة النزول لميدان التحرير والتحدث مع الشباب ( وانا شاهدة عيان علي الموضوع دة ) )

المهم بعد كدة بيقول انه في الاجتماع الاول والاخير مع رئاسة الوزراء اجتمع مع الوزراء واتكلم بيقول لسة فيه وزارتين فاضيين ياريت يمسكهم وزراء مستقلين ......... رد عليه انس الفقي بصوت عالي وقاله دي حكومة حزب وطني انت بتتكلم ازاي

طبعاً د- جابر بيحكي انه اتضايق جداً

بعدها سمع 5 وزراء بيوصفوا الثوار بالبلطجية ....... ورد عليهم قالهم دول صفوة شباب مصر

ولما بدأ يتكلم عن ال 300 شهيد هوجم من كل الوزراء

ولاقي وزير الخارجية بيقول ان فيهم عناصر اجنبية ......... رد عليه جابر عصفور وقاله لو الجسد سليم لايمكن لاي فيروسات اجنبية تخترقه

بعدها روح وكتب استقالته وقدمها ...... واتقال انه لأسباب صحية

[fatfouta]

انس الفقى كان مع معتز الدمرداش على المحور دلوقتى بيقوله اننا ماكانش عندنا كايرات تنقل فى ميدان التحرير بدليل اننا بقينا ننقلكم من ادام التليفزيون فى اخر يومين

عشان احنا عندنا كاميرات امام مبنى الاذاعة بس

وكلمه عن موقعة الجمل والخيول قاله لا احنا ماعندناش كاميرت قولتلك يا معتز بس جاتلى صور ومستعد اجيبهالك

ده طبعا قبل مايعرف ان احمد شفيق اقاله فى مكالمته مع الحياة اليوم

[fatfouta]

احمد زويل عالفضائية المصرية فى برنامج مصر الننهارده وتقريبا محمود سعد هو اللى هيحاوروا

كمان شوية لسه يا ولاد

[se_ Elsyed]

الراجل ده مجرم

ومذكراته الشخصية هاتبقى قنابل

بيصف مبارك بإنه " سالف الذكر " هههههههه وبيقول إنه مشهور عنه التنكيل بالشرفاء

فعلاً .. اشهد

وأستشهد بــ

أبو غزالة

عمرو موسى

كمال الشاذلي

كمال حسن علي

أحمد رشدي

ولسه ولسه ولسه ولسه

بيقول إن سالف الذكر قال إن " الكفن مالوش جيوب " .. وأتض إن له " مغارات مش جيووووب

ههههههههههه

------------

للمره المليون يا جماعة .. كل واحد يحضر قد 100 أجنده عشان نكتب فيهم البلاوي دي

لك الله يا مصر

إحنا كنا على قيد الحياة إزاي ؟

[aimen]

حمدي قنديل علي العاشرة مساءا مع مني الشاذلي بعد قليل وبعده وائل غنيم وشباب الفيس بووك #jan25 #egypt

[fatfouta]

محمود سعد عالفضائية المصرية حالااا

واحتمال كبير يلتقى بالدكتور احمد زويل

[مغتربة]

منى الشاذلى اعلنت النهارده ان ضيف العاشرم مساءا بكره

كمال الجنزورى

بالله بقى يا جماعه جهزوا نفسكم من دلوقتى لحلقه اعتقد انها هتكون قويه

[fatfouta]

دلوقتى دقيقة حداد مع محمود سعد فى مصر النهاردة

والله الواحد ماقادر يمسح دموعه وهما جايبين صور الشهداء وجايبين اغنية صورة لعبد الحليم

الف تحية لمحمود سعد

احمد زويل دقائق وهييجى تابعوااااااااا الله يخليكم

ولو وصلنى فيديوهات هحطها ان شاء الله

[مغتربة]

لو عايزين تشوفوا ازاى كانت بلدنا بتتنهب و تتسرق عينى عينك اتفرجوا

بس نصيحه خدوا حبوب الضغط الاول علشان انا مش مسئوله لو حد على عليه الضغط زى

فضائح فساد وزير الصحه المحترم معلش الاجزاء كتيره شويه لكن تستحق بجد

ممكن تفوتوا اول جزء لانه بيتناول حاجات كتير تانيه قبل الدخول فى موضوع حاتم الجبلى

المشكله للاسف ان كل الاتهامات موثقه فى البرنامج بالمستندات

http://www.youtube.com/watch?v=IfDOiyrCGIk&feature=related

http://www.youtube.com/watch?v=xNH06P8pQYY&feature=related

[مغتربة]

http://www.youtube.com/watch?v=t6zcRnNMxZU&feature=related

http://www.youtube.com/watch?v=Gmey1FcfKu0&feature=related

[مغتربة]

http://www.youtube.com/watch?v=JrrEp6gFB3g&feature=related

http://www.youtube.com/watch?v=QWCjCnfe2So&feature=related

[se_ Elsyed]

حسب الله الكفراوي النهاردة

نجممممممممممممممممممممممممممم

يخرب بيت كده

[aimen]

يا نهار black

دا احنا كنا فى ملقف حرامية