شهادات - كانت مكتومة - عن الفساد

[م تيمور المراغي]

التوبيك غاية في الروعه مدام فتفوته احييكي عليه

تسجيل متابعه بكل تركيز وترقب ,,

[samehmagdy]

بكره على دريم مع منى الشاذلى هتبقى قنبله الفضائح

كمال الجنزورى بعد سنين العزله والحصار

هيقول على كل الفساد اللى شافه وعاشه وعلى سبب اقالته واختفائه تماما من الساحه بعد الخناقه اللى كانت بينه وبين جمال مبارك بعد حادثه بورسعيد

بس نصيحه لوجه الله متقعدش تتفرج لوحدك اتفرج مع حد معاك علشان يلحقك لو حصلك حاجه

[fatfouta]

احمد زويل فى لقاء جميل مع محمود سعد

مصر النهاردة عالفضائية المصرية حالااااااااااااا

[aimen]

مكالمة كمال الجنزورى اليوم فى برنامج الحياة اليوم ولأول مرة من 11 عام

http://www.youtube.com/watch?v=wVnqG4JPPB4

[fatfouta]

حمدى قنديل على دريم كان مع منى الشاذلى

بيقولها الاعلام فى عصر مبارك كان لا يقال عليه غير انه دعارة اعلامية لانه لا يمثل ابناء الوطن ابدا

وبيستهزأ جامد بمجدى الدقاق

[doha]

على قناة الفراعين طلعت السادات بيتكلم عن حادث المنصة ..

[fatfouta]

على قناة الفراعين طلعت السادات بيتكلم عن حادث المنصة ..

اسمها ايه القناة يا ضحى بالضبط ذى مامكتوبة ادامك الله يخليكى

او ترددها لو سمحتى

[Om Zayd]

على النت كاتبين

تردد القناه الجديده الفراعين على النيل سات 10719 عامودي 27500

[fatfouta]

على النت كاتبين

تردد القناه الجديده الفراعين على النيل سات 10719 عامودي 27500

ايوه يا ام زيد جبتها شكرا

شوفتوا طلعت بيقول على مبارك ان جمال ابنه ووالدته ضيعوا تاريخه

[doha]

على قناة الفراعين طلعت السادات بيتكلم عن حادث المنصة ..

اسمها ايه القناة يا ضحى بالضبط ذى مامكتوبة ادامك الله يخليكى

او ترددها لو سمحتى

معليش والله يافتفوته اصل اخويا اتصل بي اشوفها فكتبت التعليق ورحت اتفرج مخدتش بالي من سؤالك غير دلوقت

هي اسمها فراعين بدون ألف ولام ..

على فكره طلعت السادات مسخرة وقال كلام يستاهل القعده بس واضح ان عنده كلام اهم محتفظ بيه للقاء اكثر سخونة في برنامج جماهيري اكتر ..

احلى مافي الموضوع ان الاثنين الي معاه ( شكلهم قمة الاستفزاز ) مش بيقاطعوه ابدا ولا بيمنعوه يشتم بل على العكس فرحانين بيه وكل مايقول حاجه خارجه يقولوا له هل من مزيد ..

[Guest freestyler]

على النت كاتبين

تردد القناه الجديده الفراعين على النيل سات 10719 عامودي 27500

ايوه يا ام زيد جبتها شكرا

شوفتوا طلعت بيقول على مبارك ان جمال ابنه ووالدته ضيعوا تاريخه

كلنا زعلنا على الطريقه الى خرج بيها لانه مكنش يستاهل الاهانه دى بغض النظر عن غلطاته

[fatfouta]

أنس الفقى فى مداخلة لـ "مصر النهارده":استقلت لأنى لم أقدر أن أتلون أو أغيّر موقفى من قبل..وسبب تقصيرنا فى التغطية المباشرة من التحرير لأننا ليس لدينا الكاميرات الكافية..وأطالب "بكرى" بالكشف عن ثروته

دى من اليوم السابع على فكرة لانى ماشوفتش مداخلته فى مصر النهاردة بس شوفتها فى 90 ةدقيقة عالمحور وقال نفس الكلام الا موضوع الاستقالة لانه كان لسه مايعرفش ان احمد شفيق اقاله عالهوا

[fatfouta]

لقاء دكتور زويل مع محمود سعد

جزء اول

http://www.youtube.com/watch?v=za7FfX5Mkw0

جزء تانى

http://www.youtube.com/watch?v=VbQXTRZb9bY

[fatfouta]

تابع لقاء زويل

جزء ثالث

http://www.youtube.com/watch?v=UyT7XntgKiM

جزء رابع

http://www.youtube.com/watch?v=2CfWCOrQdYs

[se_ Elsyed]

لا أتوقع الكثير من كمال الجنزوري اليوم .. لإنه راجل محترم وطيب اكتر من اللازم

لكن

الطريق إلى جهنم مفروش بالنوايا الطيبة

فرئيس الوزراء الطيب اللي يوافق على تنفيذ مشروع زي توكشى وشرق التفريعه وترعة السلام وفوسفات أبو طرطور .. وتروح فيها مليارات .... بصراحة يبقى أهبل ويستاهل اللي يجرا له ... مهما كانت الضغوط من رئيس الجمهورية ولا من رئيس امريكا حتى ...

لإنه مش عويل ولا موظف صغير خايف على أكل عيشه ..

فكان اشرف له أن يستقيل على أن يكون أراجوز

[hOuSsAm]

ايه يا جماعة كمية السلب والنهب دى

ده احنا بقى كنا ملطشة على كدة

انا معتش قادر اتابع القنوات

انا شايف اننا ناخد اجازة مفتوحة ونقعد لشوية الحرامية دول

انا ميكفنيش فيهم الاعدام

ده الاعدام يبقى رحمة ليهم

حسبى الله ونعم الوكيل فيهم

[عنبو]

لا أتوقع الكثير من كمال الجنزوري اليوم .. لإنه راجل محترم وطيب اكتر من اللازم

لكن

الطريق إلى جهنم مفروش بالنوايا الطيبة

فرئيس الوزراء الطيب اللي يوافق على تنفيذ مشروع زي توكشى وشرق التفريعه وترعة السلام وفوسفات أبو طرطور .. وتروح فيها مليارات .... بصراحة يبقى أهبل ويستاهل اللي يجرا له ... مهما كانت الضغوط من رئيس الجمهورية ولا من رئيس امريكا حتى ...

لإنه مش عويل ولا موظف صغير خايف على أكل عيشه ..

فكان اشرف له أن يستقيل على أن يكون أراجوز

متفق تماما مع الكلام ده

الشخص السلبى هو نفسه مشارك فى الجرم بسبب سكوته عن الحق وعدم محاربته

[doha]

قعدت اتفرج امبارح على لقاءات (كشف المستور ) لغاية الساعه 3 الصبح لما خلاص .. احوليت ..

يمكن في البدايه كنت بتفرج من باب التسلية على اساس اني في ( قعدة نميمة ) اقطع بيها الوقت من جهة واحاول من جهة ثانية احلل ياترى ايه الاسباب الخفية الي خلت مصر توصل لما وصلت اليه ..

منكرش اني استفدت من معلومتين تلاته بس في المقابل فاكتر مااثار استيائي حاجتين ..

نمرة واحد بكل اسف واضح ان زي مازمان في فئة من ( المتحدثين ) لوسائل الاعلام كان عادي عندها انها ( تهبش ) في اي حد او تتكلم عن فساد اي شخص في الدولة عادي بس المهم متقربش ( من الراس الكبيرة ) .. زمان كان من حق ايا كان يتكلم في اي حاجه هو عاوزها ويشوط لابعد مدى يقدر عليه بس المهم ميجيش ناحية حسني مبارك ومفيش مانع ابدا لو لبخ اوي في انتقاد الحكومه انه يؤكد على سلامة موقف رئيسها وان لولا توجيهاته الناس دي كانت اكلتنا صاحيين ..

امبارح سبحان الله الوضع كان معكوس تماما .. اهبش في حسني زي ماانت عاوز ياريت تحمله كل مشاكل الدنيا والآخرة لو قدرت .. بس عندك متحاولش تتعدى الخط الاحمر وتهبش في حد تاني ميكونش لسه قرار احالته للنائب العام طلع ..

ودي النقطه التانية الي ضايقتني فعلا او لنقل بدأت تشعرني بالقلق ..

في اسمين ثلاثه تحديدا مسؤولين مسؤولية تامه عن الفساد والخراب الي حل بمصر طوال الثلاث عقود الماضية .. مشفناش حد تكلم عنهم ولا حتى اشار اليهم بل ده حتى اسمهم اختفى من وسائل الاعلام كلها وكأنهم مدخلوش الحكومه في يوم من الايام ..

ليه الناس دي محدش بيجيب سيرتها لغايه دلوقت ؟ والمصيبة هل نقدر نعتبر السكوت ده علامه على ان الوضع مازال تحت السيطرة بالنسبة لهم ؟؟

ولو كده هل هنعتبر نظيف والفقي وجرانة والمغربي بالفعل مجرد كباش فداء هتتسلخ وتتوضب وتشيل لوحدها الليلة ؟؟

بصراحه شيء يدعوا للقلق الشديد ..

[الغريب]

قعدت اتفرج امبارح على لقاءات (كشف المستور ) لغاية الساعه 3 الصبح لما خلاص .. احوليت ..

يمكن في البدايه كنت بتفرج من باب التسلية على اساس اني في ( قعدة نميمة ) اقطع بيها الوقت من جهة واحاول من جهة ثانية احلل ياترى ايه الاسباب الخفية الي خلت مصر توصل لما وصلت اليه ..

منكرش اني استفدت من معلومتين تلاته بس في المقابل فاكتر مااثار استيائي حاجتين ..

نمرة واحد بكل اسف واضح ان زي مازمان في فئة من ( المتحدثين ) لوسائل الاعلام كان عادي عندها انها ( تهبش ) في اي حد او تتكلم عن فساد اي شخص في الدولة عادي بس المهم متقربش ( من الراس الكبيرة ) .. زمان كان من حق ايا كان يتكلم في اي حاجه هو عاوزها ويشوط لابعد مدى يقدر عليه بس المهم ميجيش ناحية حسني مبارك ومفيش مانع ابدا لو لبخ اوي في انتقاد الحكومه انه يؤكد على سلامة موقف رئيسها وان لولا توجيهاته الناس دي كانت اكلتنا صاحيين ..

امبارح سبحان الله الوضع كان معكوس تماما .. اهبش في حسني زي ماانت عاوز ياريت تحمله كل مشاكل الدنيا والآخرة لو قدرت .. بس عندك متحاولش تتعدى الخط الاحمر وتهبش في حد تاني ميكونش لسه قرار احالته للنائب العام طلع ..

ودي النقطه التانية الي ضايقتني فعلا او لنقل بدأت تشعرني بالقلق ..

في اسمين ثلاثه تحديدا مسؤولين مسؤولية تامه عن الفساد والخراب الي حل بمصر طوال الثلاث عقود الماضية .. مشفناش حد تكلم عنهم ولا حتى اشار اليهم بل ده حتى اسمهم اختفى من وسائل الاعلام كلها وكأنهم مدخلوش الحكومه في يوم من الايام ..

ليه الناس دي محدش بيجيب سيرتها لغايه دلوقت ؟ والمصيبة هل نقدر نعتبر السكوت ده علامه على ان الوضع مازال تحت السيطرة بالنسبة لهم ؟؟

ولو كده هل هنعتبر نظيف والفقي وجرانة والمغربي بالفعل مجرد كباش فداء هتتسلخ وتتوضب وتشيل لوحدها الليلة ؟؟

بصراحه شيء يدعوا للقلق الشديد ..

معلش يا مدام ضحى تقصدي مين بالكلام ده

لازم حضرتك توضحي كلامك علشان الناس تلتفت لهؤلاء

أنا مثلا أمبارح قولت لازم الأنظار تلتفت بإهتمام لصفوت الشريف ، أنا عن نفسي أعتبره العمود الفقري للنظام البائد

الناس دي لازم لازم نهتم بيها ونوجه الإصابع عليها ، علشان نضع الإعلام في حرج

[aimen]

طبعا ثلاثى اضواء المسرح

مفيد شهاب

فتحى سرور

صفوت الشريف

اعتقد دورهم جاى وان كان هناك بعض الكلام اللى اتقال على صفوت الشريف من حسب الله الكفرواى ...وكمان حمدى قنديل بهدل فتحى سرور و مفيد شهاب على دريم ...

المهم مش الكلام .....المهم هو مسحهم من الحياة السياسية ومحاكمتهم على دورهم فى اسقاط مصر فى الفترة السابقه

ان شاء الله