شهادات - كانت مكتومة - عن الفساد

[aimen]

نداء للبرامج التليفزيونية, لو صحيح عايزين تصلحوا صورة الشرطة, لا تستضيفوهم! كلهم أغبياء و كذابين و لم أستطع أن أتعاطف معهم #Jan25 #Egypt

[fatfouta]

سؤال للناس اللى بتابع البرامج كلها و النبى سؤال محيرنى

حد جاب سيرة صفوت الشريف فى اى برنامج انة رهن التحقيق

حد جاب اى خبر فى اى برنامج ان تم تجميد اموالة

هاتجنن يا ناس

الناس دى هنجيب حقنا منهم ازاى

فين التحقيقات محدش دخل السجن لية

هو احنا لسة هنقضيها كلام فى كلام فى كلام

النهاردة يا ذهبية كان المذيع الى فى اون تى فى بيقول ان لغايت دلوقتى نظيف معاه خمس عربيات مملوكة للدولة منهم عربية تكلفتها 12 مليون جنية

والنبى عاوزة اعرف ساكتين عالناس دى لغايت دلوقتى ليه؟؟؟؟

تم تعديل 15 فبراير 2011 بواسطة fatfouta

[ذهبية]

و الله يا فتفوتة خايفة نقضيها كلام فى كلام زى زمان و الناس كلها عارفة كل حاجة

ومفيش اى حاجة بتتعمل

طيب نعمل اية يعنى

ناخد حقنا ازاى

هى الناس دى اية ملهاش كبير

اية الجبروت دةةةة يعنى كنا بتكلم قبل كدة و برضة بيسبونا نخبط راسنا فى الحيطة و دلوقتى و معانا مستندات و كل يوم بلاوى و ناس

بتفتح المكشوف و برضة بتكلم و نتكلم و برضة محدش عارف يقرب ليهم لية

وبرضة هنخبط راسنا فى الحيطة من الضغط العالى

طيب زمان كانوا مسندوين و كنا عارفين بمين

طيب دلوقتى برضة مسنودين بيهم و لا اية

عايزة اعرف اية سرهم الباتع دة

[خالد شحاته]

سؤال للناس اللى بتابع البرامج كلها و النبى سؤال محيرنى

حد جاب سيرة صفوت الشريف فى اى برنامج انة رهن التحقيق

حد جاب اى خبر فى اى برنامج ان تم تجميد اموالة

هاتجنن يا ناس

الناس دى هنجيب حقنا منهم ازاى

فين التحقيقات محدش دخل السجن لية

هو احنا لسة هنقضيها كلام فى كلام فى كلام

النهاردة يا ذهبية كان المذيع الى فى اون تى فى بيقول ان لغايت دلوقتى نظيف معاه خمس عربيات مملوكة للدولة منهم عربية تكلفتها 12 مليون جنية

والنبى عاوزة اعرف ساكتين عالناس دى لغايت دلوقتى ليه؟؟؟؟

والله يا اخت ذهبيه وانتي يا اخت فتفوته

انا حاسس ان فيه خداع مع الناس الكبيره دي محمد سليمان الوزير السابق كان امس بيبع بعض الارضي في سته اكتوبر ومعه بودي جارد فين الحكومه صفوت الشريف الا هو من يومه ميعرفش اي حاجه عن الشرف من يوم معرفته ويمكن من يوم ما ربنا خلقه لان فاسد من ايام عبد الناصر رشيد الا عامل نفسه شريف بيتكلم من دبي ليه منزليش علشان يثبت براته وهو اكتر من امر مباشر بعض الاشياء الا تدينه عز بيسجل وهو في بيته وبيتكلم ولا عنده خرب البلد والله انا حاسس اننا في اكذوبه يارب يكون الا عندي سؤ ظن لان لو ده حقيقه ممكن الواحد يموت من القهر علي الشهداء الا راحت كدا

[fatfouta]

كلا م الرائد لمنى الشاذلى

انتى مدركة حجم القوات فى وسط البلد اد ايه لو كل واحد فينا عمل ضحايا لو ضرب

للاسف الشعب عنده نظره ان كلهم ماتوا فى ميدان التحرير ولكن فيه ناس ماتت فى اماكن تانيةط

الرصاص المطاطى ده رصاص محرم دولى واحنا لم نستخدمه واللى استخدمناها دى طلقة اسمها بلاستيك والقنابل دى مش مسيلة للدموع دى طلقات غاز عشان يخليهم مش قادرة يقف مكانه وكانت بترجع علينا احنا

بيقول يوم 28 يناير نزلت ناس ركبت على مظاهرات 25 يناير وكانوا بلطجية وقصدهم تخريب

انا بعترف ان فيه فساد فى وزارة الداخلية لكن هو مافيش فى اى مكان تانى فساد؟؟

الكذاب بيقول انه كان فيه مياة نار وفيه مولوتوف مع المتظاهرين وده دليل على انه فيه عناصر خارجية

بيقول انا ركبت عساكرى اللوارى عشان ماتحملش انهم يموتوا وبدون تعليمات ونجيت عساكرى

الناس بتقول انسحبوا واحنا ماالناش اوامر بالانسحاب

بيقول فيه ناس كانوا جايين يأذونايوم 28 يناير والساعة 6 انهارنا ومالقيناش قيادت نلكمها وكله القيادات الكبيرة هربت

الثورة نقية بس تقدرى تنفى ان فيه عناصر مخربة فيهم؟؟

الضابط التانى لمنى الشاذلى

بيقول كنت نازل رايح على قسم الرمل واخدوا عربيتى ولقيت الضباط هناك بيضرب عليها نار والاقسام بتولع والسلاح بيطلع برا الاقسام

كان يا اما نهرب وياما نواجه بالسلاح فاحنا ماوجهناش وروحنا نقعد مع اهلنا

ومالقيناش قيادات نكلمها وماكانوش بيردوا علينا وعشان كده روحناوفيه ضباط اخدوهم من بيوتهم وهما بيدبحوا فيهم واكتر من 20 ضابط اتقتلوا وادبحوا

فعشان كده انسحبنا وماحدش كلمنا وكل واحد اخد قرار لوحده عشان ماكانش فيه موبايلات فى اليوم ده بتقوله الامن هو اللى قطع الموبايلات على الناس ماردش عليها

القيادات ادتنا اوامر ان احنا نلبس ملكى وننزل كل المناطق عشان نحمى المواطنين الشرفاء لان الناس لو عرفت ان احنا شرطة مش هتسيبنا فى حالنا

رد امير سالم المحامى (حقوق الانسان) عليهم

دول عملوا تعديل فى قانون الشرطة العسكرية عملوا قانون خبيث ان من حق وزير الدفاع انه ينقل جنوده للشرطة فى حالة التدخل الاجنبى وده هما استغلوه طبعا بخبث

اذاى اعمل لوزارة الداخلية جيش مستقل واذاى يقنعوا الضباط ان دى رصاصات بلاستيك لا طبعا دى بتموت ومافهاش هظار

اذاى القناص يضرب الشباب ويتقلهم ومش عاوزين نتساهل....... ونقلب الموضوع بكاءات عاطفية عاوزين الناس دى تتحاكم

بيقول اذاى اخلى الامن العام اشغله لحساب امن الدولة

جهاز امن الدولة خرب الحياة السياسية فى مصر يعنى تكسير عظام النقابات والاحزاب السياسية

كان بياخدنى امن الدولة ويتم تكسير عظامنا ونفسيتنا لاننا كنا حركات طلابية

وصل الامر الى ان اتنين ضباط بيديروا نقابة المحاميين وبيحددوا اعضاء مجلس نقابة المحاميين

جهاز امن الدولة خرب ادارة الحياة السياسية فى مصر لو جبتى العديد من القضايا هتلاقيها بتترفض بسبب مكتوب وهو رفض الاجهات الامنية

امن الدولة بيتدخل فى كل حاجة فى الاعلام ومين يتوظف ومين يمثل كذا وهكذا

مايسمى بالمصروفات السرية لامن الدولة بتاخد مبالغ رهييييييييبة جداااا

بيقول مافيش امن الدولة تتصنت عالناس وعلى تليفوناتهم وبتجند شباب بالاكراه عشان بيقوا مخبرين عندهم والا يهددوهم ويقهروهم

المباحث الجنائية فى كل قسم شرطة ضابط جواه ضابط برجالته مجندينهم لمخبرين ودول اللى بيفرضوا الاتاوات على المقاهى و الفنادقق والمطاعم والمحلات هاتبقى معايا وحبيبى وتدينه اللى انا عاوزة ولا اشوه سمعتك

يتبع

تم تعديل 15 فبراير 2011 بواسطة fatfouta

[fatfouta]

اللواء فؤاد علام مساعد وزير الداخلية السابق

بدأ بالتحية لولاده الضبط وبمنتهى الكبر بيتكلم

بيقول احنا فى الشرطة عندنا فرز اول وتانى وتالت ورابع والرابع ده اللى هو الامن المركزى هو اردءهم اجتماعيا وماديا

بيقول انا ادركت شئ خطير ان تنظيم جهاز وزارة الداخليه بكل مؤسساته فاشل لان القيادات تقريبا هربت وسابت الضباط بدون تعليمات وده شئ فى منتهى الخطورة ولم اكن اتوقع ان يحدث انهيار بالصورة دى

وكمان بيقول من سنه فاتت انا قولت لو تركتوا الامر للمواجهة هتبقى جريمة ولازم الموضوع يتحل سياسيا

بيبقى اللواء بياخد اضعاف اضعاف مرتب المجندين

بيقول دى مرحلة صعبة جدااا عالشرطة ولازم نتحملها باى حال وهيحصل احتكاكات بالتأكيد عشان كده لازم نتحمل فى العمليات دى مات 6 ضباط شرطة واصاب 1075 شرطى وليه مش بتسلطوا عليهم الضوء ذى باقى الناس

رد عليه بتاع حقوق الانسان وقاله

انا شوفت هول اللى بيعيش فيه الامن المركزى ده فلاح مصرى بيتاخد من ارضه اللى بيعزقها واعامله بوحشية وادربهم بطريقة تدريب الكلاب البوليسية حالة اسر وتجويع وبيقولولهم دول كفرة واهججججججججججججم عليهم ذى فيلم البرئ لوحيد حامد....ده كلامه

بيقوله كمان واذاى تقول عليه فرز رابع ده انسان مهما ان كان

[Om Zayd]

عمرو أديب استضاف د.ممدوح حمزة

بيتكلم عن مشروعات عملاقة بجد

تعمل تنمية حقيقية و تستوعب عمالة كبيرة و تقيم مجتمعات جديدة

عجبتني فكرة ال

farm blocks

و انه يتنقل هناك مجتمعات مترابطة

زي أسر من المناطق العشوائية أو القري المزدحمة

بحيث تبقى موطنهم الجديد

شعلة حماس و حب للبلد

و أمل في مصر قوية

[aimen]

http://www.youtube.com/watch?v=IVi3-NOP7FU

[fatfouta]

http://www.youtube.com/watch?v=IVi3-NOP7FU

اللى يشوف فيديو ذى ده استحالة يقدر يسامح ناس ذى الباط اللى كانوا بيتكلموا فى العاشرة مساءا ومعاهم فؤاد علام بتاع امن الدولة السابق

[لونا]

عمرو أديب مع ممدوح حمزة

http://www.youtube.com/user/alqaheraalyoum?blend=1&ob=4#p/u/1/eXqjJgQmhDM

تم تعديل 16 فبراير 2011 بواسطة لونا

[لونا]

الجزء الثاني

http://www.youtube.com/user/alqaheraalyoum?blend=1&ob=4#p/u/0/yRbUzvTfo0Y

[se_ Elsyed]

اللي يشوف حلقة إمبارح من العاشرة مساءً ... على طول يروح يولع في أي حد من الشرطة يلاقيه قدامه

وده مش تسخين .. ده من خلال كلام ظباط الشرطة أنفسهم

فهم فعلاً دولة داخل الدولة ..

ما بالك لو كانت دولة مُسلحة ولها سلطة وتحتمي خلف قانون الطواريء ؟

بقى يا ظلمة ياللي ما تعرفوش ربنا ولا عمركم فكرتم إن في خالق للكون ده كله .... يوصلوا عدد عساكر الأمن المركزي فقط إلى مليون ونص

مليون ونصف عسكري امن مركز بما يعادل ثلاثة أضعاف عددد أفراد القوات المسلحة المصرية كلها بجميع أفرعها وأسلحتها .. تخيلوا ؟

ويقول لك إحنا ديوننا الداخلية والخارجية وصلت تريليون جنيه إزاي ؟

تخيلوا مليون ونصف بني أدم بتصرف عليهم يومياً أكل وشرب وملابس وعلاج وتدريبات وأسلحة وبنزين سيارات وإقامة و و و و و و و و و

تخيلوا حجم الرعب اللي كان فيه النظام فعمال يستف ويسمن في الجيوش دي كلها ؟

ناهيك بقى عن امناء الشرطة والمندوبين والمخبرين والظباط والموظفين المدنيين اللي شغالين في وزرة الداخلية .. يعني تقريباً يمكن يوصلوا بالمنظر ده ربع تعداد الشعب المصري

لكن ربك كبير... فكل الجرمأ ده .. هرب زي الفيران أمام شباب صغير اعزل يمتلك قوة الحق

تخيلوا

[الغريب]

اللي يشوف حلقة إمبارح من العاشرة مساءً ... على طول يروح يولع في أي حد من الشرطة يلاقيه قدامه

وده مش تسخين .. ده من خلال كلام ظباط الشرطة أنفسهم

فهم فعلاً دولة داخل الدولة ..

ما بالك لو كانت دولة مُسلحة ولها سلطة وتحتمي خلف قانون الطواريء ؟

بقى يا ظلمة ياللي ما تعرفوش ربنا ولا عمركم فكرتم إن في خالق للكون ده كله .... يوصلوا عدد عساكر الأمن المركزي فقط إلى مليون ونص

مليون ونصف عسكري امن مركز بما يعادل ثلاثة أضعاف عددد أفراد القوات المسلحة المصرية كلها بجميع أفرعها وأسلحتها .. تخيلوا ؟

ويقول لك إحنا ديوننا الداخلية والخارجية وصلت تريليون جنيه إزاي ؟

تخيلوا مليون ونصف بني أدم بتصرف عليهم يومياً أكل وشرب وملابس وعلاج وتدريبات وأسلحة وبنزين سيارات وإقامة و و و و و و و و و

تخيلوا حجم الرعب اللي كان فيه النظام فعمال يستف ويسمن في الجيوش دي كلها ؟

ناهيك بقى عن امناء الشرطة والمندوبين والمخبرين والظباط والموظفين المدنيين اللي شغالين في وزرة الداخلية .. يعني تقريباً يمكن يوصلوا بالمنظر ده ربع تعداد الشعب المصري

لكن ربك كبير... فكل الجرمأ ده .. هرب زي الفيران أمام شباب صغير اعزل يمتلك قوة الحق

تخيلوا

وده يفسرلنا ليه ديما خريجي الجامعات يخدوا تأجيل ثم إعفاء من الجيش أنما الغير متعلمين والدبلومات بينضموا سريعا للجيش

وذلك لتحويلهم للأمن المركزي وإستغلال قلة وعي بعضهم

في معسكر الأمن المركزي لا يوجد آدمية أصلا في المعاملة حتى يتشكل الجندي الذي تراه

الحمدلله فعلا .. ربنا ستر وأنسحب الأمن المركزي والشرطة لأنه ربما لو توقع العادلي ما سيحدث لوقعت هناك معركة بين الأمن المركزي والجيش في أسوء الحالات..

إن شاء الله سيتكلل نجاح الثورة بتفتيت الجهاز الأمني بالكامل وتغيير سياساته تماما

[se_ Elsyed]

هل كنتم تظنون أن مثل هذه الدولة التي تصنف البشر فرز اول وتاني وتالت ورابع .. هل كنتم تظنون أنها ستنمو وتنجح وربنا يبارك لها ؟

فرز رابع يا أوباش ؟

وكأنهم بيتعاملوا مع سيراميك أو بضاعة تباع وتُشترى

وقالها امبارح فؤادعلام ... قال للأسف بيختاروا اللي هما ... وسكت ... عاوز يقول يعني الأشبه بالمتخلفين عقلياً ومحدودي الذكاء

[pink rose]

هل كنتم تظنون أن مثل هذه الدولة التي تصنف البشر فرز اول وتاني وتالت ورابع .. هل كنتم تظنون أنها ستنمو وتنجح وربنا يبارك لها ؟

فرز رابع يا كلاب ؟

وكأنهم بيتعاملوا مع سيراميك أو بضاعة تابع وتُشترى

وقالها امبارح فؤادعلام ... قال للأسف بيختاروا اللي هما ... وسكت ... عاوز يقول يعني الأشبه بالمتخلفين عقلياً ومحدودي الذكاء

لا و قال ايه الحلقة دي هاتتعاد النهاردة

يعني من جمالها

دا انا كنت باتفرج و انا مقروفة من اللي بيتقال

حتى الاتنين ظباط اللي كانوا قاعدين و عمالين يرسموا دور المظلوم كانوا هايقوموا ياكلوا الراجل المحامي بتاع حقوق الانسان

حاجة تقرف بجد

[aimen]

http://www.youtube.com/watch?v=e9hYiES3dfc

حوار حمدى قنديل مع برنامج بلدنا بالمصرى على قناة اون تى فى

[خالد شحاته]

اظن الطابط الا يعمل كدا في مواطن اكيد مليون في المائه ان ضباط مرتزقه وكنت اكد ان عمر قوات الامن المركزي من ضباط وعساكر انهم اولاد ناس انما للاسف طلعو كلهم اولاد حرام مفيش ضمير عندهم معرفش انا اتعلمو الكفر ده فين علشان الشاب بيموت والضابط الا ضميره ميت لسه بضرب فيه ربنا ينتقم منك يا مبارك في اولادك وانت موجود عشان تحس بكل ام حزنت علي اولادها وكل اب شاف ابنه متصاب ولا شهيد حسبي الله ونعم الوكميل في الدخليه كلها من عساكر وضباط

[aimen]

الدكتور محمد سليم العوا على الجزيرة مباشر الواحدة ظهرًا اليوم الأربعاء #Jan25 #Egypt

[aimen]

أصدر المستشار أحمد إدريس، مستشار التحقيق، قراراً - الأربعاء - بمنع كل من أمين أباظة، وزير الزراعة السابق، وزوجته وأولاده، ومحمد أبو العينين رجل الأعمال وزوجته وأولاده، وعمرو منسي رجل الأعمال وزوجته من مغادرة البلاد والتحفظ على أموالهم العقارية والمنقولة والسائلة بكافة البنوك وأسهمهم فى البورصة.

جاء قرار مستشار التحقيق فى هذا الشأن في ضوء ما هو منسوب إليهم من ارتكاب مخالفات بمدينة الاسماعيلية من خلال عدة بلاغات مقدمة ضدهم بهذا الشأن.

[Simba]

أصدر المستشار أحمد إدريس، مستشار التحقيق، قراراً - الأربعاء - بمنع كل من أمين أباظة، وزير الزراعة السابق، وزوجته وأولاده، ومحمد أبو العينين رجل الأعمال وزوجته وأولاده، وعمرو منسي رجل الأعمال وزوجته من مغادرة البلاد والتحفظ على أموالهم العقارية والمنقولة والسائلة بكافة البنوك وأسهمهم فى البورصة.

جاء قرار مستشار التحقيق فى هذا الشأن في ضوء ما هو منسوب إليهم من ارتكاب مخالفات بمدينة الاسماعيلية من خلال عدة بلاغات مقدمة ضدهم بهذا الشأن.

هو مين اللي كان حاكم البلد يا جدعان

عصابة