القذافى يتظاهر لإسقاط الحكومة

[Alshiekh]

سمعتوا عن المثل اللى بيقول

شر البلية مايضحك

القذافي يشارك في تظاهرة شعبية لإسقاط حكومته

قرر ناشطون ليبيون إعلان يوم 17 فبراير يوم غضب شعبي، على ان يسيّروا تظاهرة كبرى تطالب بإسقاط الحكومة، والمفاجأة ان الرئيس الليبي معمر القذافي قرر التضامن مع الشعب، والنزول الى التظاهرة والمشاركة فيها للمطالبة بإسقاط الحكومة.

[aimen]

هو القذافى معملش خطاب لينا ليه بمناسبة الثورة عندنا

اشمعنا تونس يعنى ؟

[م تيمور المراغي]

طيب والله الراجل ده مش سهل ,,

تخيلوا - جدلا - ان من اول يوم في الثوره (( ولو تفتكروا ماكانش عزل مبارك موجود على اولويات اجندتنا لسه ,,))

تخيلوا لو كان علاء مبارك نزل وسط المتظاهرين - قبل ما ينضم لهم الشعب المصري كله بعد ذلك - بقول نزل علاء مبارك وتظاهر معهم و سهر معهم و بات معهم

حتى حقق مطالبهم التي كانت لو تفتكروا " اقالة وزير الداخليه وحل مجلس الشعب و تعديل الدستور و اقالة الحكومه و رفع الحد الادنى للاجور ,,"

بالذمه لو كان علاء مبارك قاد التظاهرات وحققها كلها بالكامل للجماهير كان ده بقى حال مبارك ؟؟ ,,

تحية اعجاب لعقلية العقيد القذافي المبتكره المفكره خارج الصندوق فعلا ,,

عشان لما تنجح المظاهره هناك يبقى هو زعيم ثورتها الجديد ويحدث تماهي بين الثوار الليبين وبين قائدهم الجديد \ القديم

تحفه تنين يا قذقذ :happy:

لكن هل تخيل الخدعه على احفاد عمر المختار ,,!!!

[doha]

ياخبر ابيااااااااااض ..

عنوان الموضوع لوحده ( قنبلة ) بيتهيء لي لو واحد شارب طن حشيش متطلعش معاه نكته كده ..

منا قلت لكم .. الراجل ده دماغ لوحده ..

[ozoozo]

انا سمعت انه لغي يوم الجمعه \

هل فعلا الكلام ده ولا هزار بس

انا لا استبعد عنه اي شئ

ممكن حد يأكدلي ده جد ولا هزار

[م تيمور المراغي]

امال حيصلوا صلاة الجمعه ازاي ؟؟

يوم الاربع ؟؟ :happy:

لاهزار طبعا يا اوزو

خلليني كده كل ما ادخل توبيك اتكعبل فيك

[المهندسه]

راجل مش سهل و ذكى مش عاوز يغلط غلطه الرئيس مبارك ..الرئيس مبارك ما اتعلمش من بن على و استهون بالشباب ...

لكن ده تعلم الدرس من ال حصل و عاوز يلحق نفسه و يسترضى الشعب بدرى بدرى

والله نجممممممم ساطع

[باهى الطائر الحزين]

طيب وايه يعنى

ما الصعايده لسه عاملين مظاهره لحد دلوقتى

بطالبوا بأسقاط الرئيس.

تم تعديل 12 فبراير 2011 بواسطة طائر الليل الحزين

[Guest freestyler]

مبارك هيكون عبره ليهم

[المهندسه]

والله العظيم اخره يبقى رئيس مراجيح مولد النبى

ربنا يكمله بهبله

http://www.youtube.com/watch?v=esa1ieS2Lyo&feature=player_embedded

[م تيمور المراغي]

تصدقي يا هندسة الحركة الاخيرة اللي عملها انه ينزل بنفسه ويشارك في ثورة الليبيين ضد الدوله منغششه في نافوخي آخر نغششه

لا تقوليلي تفكير بره السندوء ولا تحت السندوء ,, بالحركه دي هو ضمن الصندوق كله ,, :happy:

[pink rose]

عمري ما شوفت جميل عازر بيضحك ابدا وكان نفسي مرة الاقيه مبتسم حتى

لكن ديمو كراسي الكلمة دي الله يكرم اللي قالها حققتلي امنيتي اخيرا

ديمو كراسي ايه يا راجل يا مناخوليا انت

و النهاردة بيستهبل قال بيدعوا الاجئين الفلسطنين انهم يتقدموا على الحدود مع اسرائيل قال ايه عشان يضغطوا عليهم

ياخي اللهي يحطوك في حلة ضغط ما تعرف تطلع منها ابدا يا بعيد انت كمان

تم تعديل 14 فبراير 2011 بواسطة remo

[المهندسه]

لاء ده يا بشمهندس تيمور ...ده دماغ لوحده لا جه و لا هيجى زيه بعد كده ...دى نسخه كارثه على العالم لو اتكررت تانى

[المهندسه]

والله يا ريمو انا بشفق على الشعب الليبى ...هما ازاى مستحملينه ...نفسى اعرف ..حد يقولى ازاى؟؟؟

ما داهيه يكون الشعب كله كده!!

[tarek hassan]

أتوجه برجاء لشباب تونس ومصر الشرفاء أن يصدروا ثورتهما إلى الشفيقة ليبيا الواقعة بين هذين البلدين المحررين من الديكتاتورية

وأرى أنه إذا لم يكن هناك في ليبيا رئيس غير ذلك القذافي فعندنا شوية روءساء عاطلين عن العمل ممكن نبعته لهم واحد يحكم ليبيا بدل الراجل اللي بقاله أكثر من أربعين سنة وعمال يخرف ومتخافوش الحراسة من الحريم

[Rock]

لا و في مرة طلع علي الشعب الليبي بفتوي انة الكاتب الانجليزي الاشهر شيكسبير, هو في الاصل شخص عربي اسمة الاصلي شيخ زبير

ملعوبة اوي bv:-

تم تعديل 14 فبراير 2011 بواسطة rock

[ابو محمود]

الراجل دة من كتر شرب بول الابل داخل الخيمة دماغة بقت مصننة ومن العجيب انة ينام ويحلم بشيء

يطلع يقول انا عايز اعمل مؤتمر شعبى وهات يا تفعيل للدماغ المصننة والشعب كلة عارف انة ضارب بس مغلوبين على أمرهم دة فمرة قالهم الغو الدهب وراح قافل المصانع والورش واستورد دهب من ايطاليا وبقى يفرق على كل عريس 75 جرام على البطاقة علشان يتجوزو ونسى ان الشعب الليبى لة تقاليد ولبس معين للذهب حاول انة يتخل حتى فى ازواق الناس

[Om Zayd]

دعا الزعيم الليبي معمر القذافي فلسطينيي الشتات إلى الاستفادة من الثورات الشعبية في منطقة الشرق الأوسط بأن يحتشدوا على حدود وطنهم ليفرضوا على إسرائيل حقهم في العودة.

وقال في كلمة ألقاها الليلة الماضية بطرابلس في "تظاهرة التحدي الإسلامي الكبرى السادسة" بمناسبة المولد النبوي الشريف إن أساطيل من القوارب يمكن أن تأخذ (اللاجئين) الفلسطينيين لينتظروا على السواحل الفلسطينية حتى تحل المشكلة, وأضاف أن هذا هو وقت الثورات الشعبية.

وأضاف القذافي في الكلمة التي ألقاها في حضور عدة آلاف وأذاعها التلفزيون الليبي, وكانت الأولى له عقب الثورة المصرية التي أطاحت بحسني مبارك, أن هناك حاجة لخلق مشكلة للعالم، في إشارة إلى تجمع ملايين اللاجئين الفلسطينيين على حدود بلادهم, قائلا إن دعوته هذه دعوة للسلام لا للحرب.

وحسب قول الزعيم الليبي, فإن على اللاجئين الفلسطينيين في ليبيا والأردن وسوريا ولبنان أن يتوجهوا إلى حدود فلسطين حاملين أغصان الزيتون علامة على السلام، وبوسعهم أن يعسكروا على الحدود في حال منعهم الإسرائيليون من دخول بلادهم.

وقال في هذا الصدد "يجب أن تبدأ قوافل وطوابير من السفن تحمل الشعب الفلسطيني المشرد باتجاه فلسطين, وليعسكر في البحر وفي البر وفي كل مكان لكي يتحرك العالم لخلق أزمة له. دعوا السفن مشحونة بالأطفال والعائلات المشردة. دعوهم (الإسرائيليون) يضربونهم بالقنابل الذرية.. ليكن ذلك كذلك".

واعتبر الزعيم الليبي أن إقامة أي دولة عربية أو إسلامية علاقة مع إسرائيل بينما الشعب الفلسطيني لم يعد إلى وطنه ويأخذ حقه, "جريمة وكفر", وأضاف أن من أقاموا تلك العلاقات ليسوا عربا ولا مسلمين بل هم جبناء وعملاء، على حد وصفه

[tarek hassan]

وبكده يصرف العالم عن المظاهرات اللي مممكن تحصل في بلده بافتعال حدث قومي عربي عالمي .... وطبعا توريط الثورة المصرية والشعب المصري كله في معركة عقابية

تحريض ملعوب

تم تعديل 14 فبراير 2011 بواسطة tarek hassan

[fatfouta]

بصراحة بنى ادم غريب انا والله ماعرف يا حرام الشعب الليبى صابر عليه اذاى

بعد نجاح ثورتى مصر وتونس يم الجمعة كانوا بيقولوا انه هيلغى يوم الجمعة

ربنا يهدى