هل الحشيش ماده مخدره؟

[ALsangry]

فوجدته يقول بكل ثقه : ليس للحشيش اضرار .. والحقيقه انا فعلا كان نفسى اخبطه باى حاجه .. خصوصا انه اضاف : الحشيش ضرره الوحيد انه يتم تعاطيه عن طريق التدخين .. يعنى لو كان ممكن الناس تاخده حقن كان بقى من غير اضرار

عموما لو الحشيش له اضرار ادينا " بنحرقه " mc(:

ولو فعلا كيف ومزاج ادينا " بندخنه " rs:

[seastar44]

اذا ابتعدنا قليلا عن عن الوازع الدينى الكامن فى نفوسنا جميعا ...

نستطيع أن نقول بكل صراحة .. الحشيش لا يسبب الادمان .. وهو أأمن ما يمكن أن يطلق عليه مخدرات ... يمكن تسميته مزيل للاكتئاب ..

كل من يتعاطونه .. عندما تسألهم .. ليه بتدخن الحشيش ..

الاجابات لا تخرج عن ... علشان أنبسط .. علشان اتسلطن ... علشان أعمل دماغ ..

صحيح كلها اجابات .. غير ذات معنى ولكن العامل المشترك هو الانبساط ..

وفى أوساط متعاطى الكيوف .. تسمى المشروبات الروحية .. المزاج العالى نسبة الى الكراسى الموجوده بالبارات ذات الارجل الطويله ..

أما الحشيش فيسمى المزاج الواطى ... نسبة الى أن مدخنى الحشيش عادة يجتمعون حول الجوزه وصينية الحجارة والمنقد .. والقعدة على الحصير غالبا .. حاجة أرضاوى كده .. ولذا أطلق عليه المزاج الواطى ..

والمسرحيات والافلام صورت جلسات الحشيش كلها على أنها جلسات الانس والفرفشه .. ومجالس اطلاق النكت .. حتى اننا حين تعجبنا نكته نقول .. اللى ألفها دا واد حشاش ..

وفى مسرحية فارس بنى خيبان .. تجد المحامى فى حديثه مع صاحبه .. يقول

" أنا بقالى 28 سنه .. باشرب حشيش كل يوم .. ومع ذلك ماأدمنتش "

الحقيقة أنا لم أشاهد أى واحد بيتعالج من ادمان الحشيش ... ولكن فى هذه الايام ونظرا للحاله الاقتصادية لجأ المتعاطين الى الى أنواع أخرى من المخدرات .. والمهربين نفسهم تحولوا عن تهريب الحشيش .. العقوبه واحده فى جميع الحالات .. والحشيش لا يزرع أو يصنع فى مصر .. يعنى مستورد وتهريبه أصبح صعب بعد تطور اساليب المتابعة والمراقبة للحدود ..

لذا ظهر البانجو كبديل انتشر بسرعة .. وهو يزرع فى أى مكان .. وبذوره يسهل الحصول عليها ... وكثيرون زارعينه فى البلكونات على انه نبات زينه .. وكثير من أودية سيناء مزروعة بنباتات البانجو .. كذلك بعض المناطق بمحافظة الشرقية .. وباختصار هناك من يخاطرون بزراعتة .. المردود عالى ..

الكارثة هنا أن البانجو له آثار مدمرة على خلايا المخ .. واستمرار تدخينه يؤدى الى تلف خلايا المخ .. ولعلنا لاحظنا كثرة حوادث السيارات بالنسبة للشباب .. وكثر المتوفين نتيجة حادث أليم ..

البانجو يؤخر استجابة المخ لرد الفعل .. وقد تصل تأخير الاستجابه الى ثانيه أو ثانيتين تكون كفيله بحدوث كارثة .. فتخيل ما يحدث لقائد السيارة اذا تأخر فى استخدام الفرامل لثانيه أو ثانيتين .. يكون كل شيىء راح وانتهى .. ياما لبس فى اللى قدامه يا شال اللى قدامه ...

آثار البانجو مدمره ... يعنى الحشيش بالمقارنه به .. من ناحية الاضرار يكون مأمون .. ( بالمقارنة وليس معنى هذا اننى أدافع عن استخدامه ) .

الافيون والهيرويين والكوكايين ... طبعا تسبب ادمانا بدون شك ... وعلاج ادمانها مكلف وصعب ويحتاج انسان ذو اراده للعلاج والا لا فائده .

الادوية والبرشام .. بالرغم من التحذيرات والتأثيرات الجانبية لها .. تجد المتعاطين لها يضربون عرض الحائط بهذه المحاذير ...

الان هل الدول التى أباحت تعاطى الحشيش (لاحظوا الحشيش فقط) كانت مخطئة أم انها تعالج مشكلة .. هولندا اباحت تعاطى الحشيش ومسموح لك بحيازة 3 جرامات للاستخدام الشخصى .. وحددت أماكن معينه مسموح بها بتدخين الحشيش ..

وهم هنا عالجوا مشكلة تهريب الحشيش .. وبوجوده يبتعد تفكير المتعاطين عن الانواع الفتاكة الاخرى ..

من ناحية أخرى تدخين الحشيش لا يجعل الشخص عدوانيا بالمره ... عمرك سمعت عن واحد محشش ضرب واحد بسكينه والا مفك ...

أما الخمور فهى على العكس من ذلك تماما وتجعل الشخص عدوانيا للغاية ومعظم الجرائم يرتكبها المخمورون ... وهى تزيح الوجل والكسوف وتجعل الشخص جريئا فى الكلام ..

بدلا من أن نبحث فى التأثيرات وخلافها .. علينا بالبحث .. لماذا يلجأ الشخص العادى لتعاطى هذه المخدرات ... الجواب ..

حالة انعدام الوزن التى تعيشها البلاد .. وضغوط المعيشة .. تدفع المواطن ليعيش فى الخيال ... لان الواقع بقى مـــر قوى ..

[فــيــروز]

hpc:!:

احم ..

شكرا يا اخ seastar على هذه المداخله المفيده .. بجد مداخله جميله شكرا .. :unsure:

[من بعيد]

الحشيش فى كلمتين :

مخدّر لا يسبّب الإدمان

ولوانى عارف انك مش موجود فى وموجود فى واحه تانيه

بس ياريت يا دكتور تفسر لنا الكم الهائل من الناس اللى عندهم عته وعدم قدره على الفهم دول من ايه؟

ربمايكون تأثير بانجو مثلا؟

[ozoozo]

ياه ده انتو خليتوني احب الحشيش

ولازم اجربه اول اجازه ان شاء الله

انا مش عارف ازاي قعدت الفتره دي كلها مابحشش

[doha]

ياه ده انتو خليتوني احب الحشيش

ولازم اجربه اول اجازه ان شاء الله

انا مش عارف ازاي قعدت الفتره دي كلها مابحشش

تصدق الموضوع ده بالردود الي فيه خلاني اقول نفس كلامك

بلاش حشيش

شموا في دي :pasha:

دي خشخاشة على فكره

[hakeem]

ياه ده انتو خليتوني احب الحشيش

ولازم اجربه اول اجازه ان شاء الله

انا مش عارف ازاي قعدت الفتره دي كلها مابحشش

وخد بالك لازم الحشيش ..يعنى الخمور مضره والبانجو برده مضر...الحشيش حلو..

وعلى رأى محمود عبدالعزيز ان كان حلال ادينا بنشربه وان كان حرام ادينا بنحرقه

ههههه

[دكتور أحمد]

انا النهاردة كنت بمتحن طب شرعى و فيه سموم و طبعا مخدر و بيعمل حاجات وحشة كتيرة جدا

مين قال ان الحشيش مش مخدر دا اكيد واخد مجربه و محشش قديم

[عادل أبوزيد]

فى إنجلترا فى الصيف كان هناك أزمة أقيل على أثرها كبير خبراء المخدرات فى الحكومة البريطانية

ما سبق كان إستهلالا لابد منه

القصة أن الحكومة البريطانية قررت وضع الحشيش - هل هو الماريجوانا - فى درجة أعلى جدول المخدرات أو بدقة رفعت تصنيفه من ناحية الخطورة ، و إعترض على ذلك أحد كبار المستشارين المسئولين عن تصنيف المخدرات علنا على هذا القرار ، و أخذت المسألة بعض الوقت بين شد و جذب و مقالات فى الجرائد تأخذ هذا الموقف أو ذاك.

و بعدها كان القرار برفد هذا المستشار من الحكومة أو من منصبه.

لا أذكر تفاصيل القصة بالكامل بمعنى الأسماء و الحجج المنطقية و الطبية و لكن أذكر أن هناك بيان بأن الحشيش و إن كان لا يسبب الإدمان فإنه يؤدى لأمراض نفسية ... و لا أذكر إن كان قال أمراض نفسية خطيرة أو صعبة العلاج.

[se_ Elsyed]

بداية

الحشيش مش هو الماريجوانا

بالرغم من إنهم من شجرة واحده ... إلا إن المكونات تختلف

ببساطة .. الحشيش هو المادة الصمغية اللي بيستخلصوها من ثمرة شجرة القنب الهندي ... بالبلدي كده بييجوا على الثمرة اللي في الصورة دي ويعملوا شُرط بالسكينة أو بألة حده يعني ... واللي بينزل منها هو ده بيبقى الحشيش

فبيبقى في النهاية شكله كده بعد ما يضغطوه بمكابس معينه

... ومستحيل يتباع صافي كده .. فعشان التجار يكسبوا أكتر لازم بيخلطوه ببلاوي زرقه تانيه تتقل وزنه وتكسب معاهم اكتر .. وده بيتدفس في السيجارة .. أو بيتحط مع المعسل في الجوزه او الشيشة

..................

أما الماريجوانا فهي في عرفنا نحن الضريبة :rolleyes: :D هههههههههه بتُعرف بالبانجو ... وهي المشروب الرسمي في مصر بدلاً من الشاي والقهوة ... وهي عبارة عن أوراق شجرة القنب الهندي اللي هي دي

ودي بتتجفف وتتباع أوراق ملفوفة كده زي حزم الملوخية

وبعدين تتفتت وتتلف في السجاير

وهي من أردأ انواع المخدرات لأنها بتوصل للدماغ على طول ومع مرور الوقت بتسبب تلف في خلايا الدماغ وهلوسه وبلاوي كتيره تانية

والشيء بالشيء يُذكر ...

هناك نبات أخر أشد فتكاً ... وأفغانستان بقى متخصصين فيه ودي لعبتهم ومغرقين العالم كله به وهو نبات الخشخاش

وبرضوا بيشرطوها والسائل الصمغي اللي بينزل منها بيُسمى " الأفيون "

شكله برضوا عامل زي العجوه

وده ما بيتشربش ولكن يوضع تحت اللسان ( أستحلاب يا فندم ) هههههه ... ومنه يُصنع بطريقة معينه بالتسخين والتظبيط .. الهيرويين والكوكايين

لكن التجار والمصنعين بيستسهلوا وبيبيعوا الأفيون زي ما هو لأن صناعة الهيرويين مُكلفه جداً وكمان المهدر من المادة الخام كتير عشان يوصل للمنتج النهائي اللي هو البودرة .. لكن سعره المرتفع ثمنه فيه ...

كان معكم مراسلكم المعلم سين سين من أمام أحد الغرز

[ozoozo]

شكرا اخي الفاضل سين سين علي المداخله الرائعه

بس ياريت لو تجيبلنا ايه هي الاسعار وافضل الانواع واماكن البيع وهل في هوم ديليفري

عشان نازل مصر كمان اسبوعين وكفايه بقي العمر اللي ضاع مني من غير حشيش (انا شربت حشيش ياسعاد) :rolleyes: :D

[se_ Elsyed]

وبعدين هي المشكلة في هل هو بيسبب الإدمان ولا لأ ؟

طب ما هي الخمور ما بتسببش إدمان

لكن كله زفت وبيدمر الجهاز العصبر والمخ

[أحمد سيف]

الله ينور عليك يا بو الأسيان ... استاذ ورئيس قسم الكيف ... آدي العلم ولا بلاش.

[الغريب]

أنا كدة بدأت أشك في موضوع الماجستير بتاعك يا سي السيد :rolleyes:

شكلك مزجنجي قديم

بس بجد يا جماعة تحس أن البلد تدير موضوع الكيف بحكمة بالغة وعارفة الكيف المناسب لكل فترة

[ابو محمد بن مصطفي]

اي يعني خلاص هينزل علي التموين زي الزيت والسكر

الصراحة هو احسن من البانجو اللي لحس دماغ الشباب

فين ايام الهبو النضيف الله يرحمك يا سيد يا مكاوي

[MZohairy]

..................

أما الماريجوانا فهي في عرفنا نحن الضريبة بتُعرف بالبانجو ...

لا يا عم

البنجو و الماريجوانا زي الثرا و الثريا

الماريجوانا اغلى بكتيييير

يعني زي الشوكولا الكورونا بربع جنيه و بعض انواع الشوكولا الفاخره بربعوميت جنيه

صباح الخييييييييير :rolleyes:

[hOuSsAm]

..................

أما الماريجوانا فهي في عرفنا نحن الضريبة بتُعرف بالبانجو ...

لا يا عم

البنجو و الماريجوانا زي الثرا و الثريا

الماريجوانا اغلى بكتيييير

يعني زي الشوكولا الكورونا بربع جنيه و بعض انواع الشوكولا الفاخره بربعوميت جنيه

صباح الخييييييييير :D

الا يا جماعة كندا فيها بانجو وحشيش ولا اخد معايا وانا طالع من مصر؟

وهل ده من الحريات ولا هيعدمونى من على باب الطيارة

أرجو الافادة لان الموضوع ده مهم جدا وفيه حياة او موت

ولو التعاطى مسموح فهل الاتجار مسموح

وهل يسمح بالاستيراد والتصدير :rolleyes:

[se_ Elsyed]

ميرسي على تعليقات الأخوة المزنجانجية ...

صحيح يا ولاد ... الدماغ اللي من غير كيف ... تستاهل القطع بالسيف

------------

البنجو و الماريجوانا زي الثرا و الثريا

الماريجوانا اغلى بكتيييير

يا زهيري

طالما أخرك إنك بتدوخ من الميه الساقعه ..

يبقى تسكت وتشم بس :rolleyes:

يابني هو نفسه والله

البانجو هو الماريجوانا ..

قد يكون في أمريكا بيسقوا النبات بمية الورد فالأوراق بتطلع متدلعه

أما عندنا بيسقوه مية مجاري فبيطلع معفن

انا استغربت والله إن باريس هيلتون البت اللي مش لاقيه راجل يلمها دي بالرغم من إنها مليارديره لأنها تملك جميع سلسلة فنادق هيلتون العالمية ... بأستغرب أنها بترمرم وبتضرب ماريجوانا .....

صحيح الكيف بيذل

[ابو محمد بن مصطفي]

وبما ان السهرة هتحلي والكيف صباحي والكيف مناوله مش مقاوله

فاذكر بعض المشاهير اصحاب المزاج العالي

******

الله يكرمك يابو محمد بلاش تذكر أسماء ناس مشهورين هم الأن بين يدي خالقهم ..

لأن القائمة مش هاتخلص وهاييجي رجل ناس كبيره ... وكبيره قوي كمان كانوا ضرِيبة برضوا

فبلاش أحسن ربنا يسترنا جميعاً وربنا يرحمهم

سي السيد

[MZohairy]

ميرسي على تعليقات الأخوة المزنجانجية ...

صحيح يا ولاد ... الدماغ اللي من غير كيف ... تستاهل القطع بالسيف

------------

البنجو و الماريجوانا زي الثرا و الثريا

الماريجوانا اغلى بكتيييير

يا زهيري

طالما أخرك إنك بتدوخ من الميه الساقعه ..

يبقى تسكت وتشم بس :rolleyes:

يابني هو نفسه والله

البانجو هو الماريجوانا ..

قد يكون في أمريكا بيسقوا النبات بمية الورد فالأوراق بتطلع متدلعه

أما عندنا بيسقوه مية مجاري فبيطلع معفن

انا استغربت والله إن باريس هيلتون البت اللي مش لاقيه راجل يلمها دي بالرغم من إنها مليارديره لأنها تملك جميع سلسلة فنادق هيلتون العالمية ... بأستغرب أنها بترمرم وبتضرب ماريجوانا .....

صحيح الكيف بيذل

يابني طب ازاي بالعقل زي بعض و فرق السعر بينهم كبير جدا؟