25 يناير ... موعد المصريين (3)

[arkan]

يارب احفظ ولادنا

يارب الفرج من عندك

ياجماعة ادعو كتير

[se_ Elsyed]

"الأوقاف" توحد خطبة الجمعة غداً.. وتعليمات للأئمة بالتأكيد على "حرية الرأى" وعدم إثارة البلبلة.. وتَنْهَى عن التخريب والتدمير.. وتستعين بـ11 آية قرآنية

وما فيش آية كده ولا كده أفتكرتوها عن الظلم والسرقة والنهب وقتل الناس بغير حق ؟

ما فيش أية عن التزوير ؟

ما فيش حديث شريف إفتكرتوه عن قول الحق أمام سلطان جائر بقى له 30 سنة في الحكم لما خلى البلد تشحت والناس مش لاقيه تاكل ؟

إيه هاتألفوا قرآن على مزاجكم يا كلاب السُلطة ؟

[الغريب]

مقتل أحد البدو ليس بالأمر الهين من وجهة نظري ولن يمر مرور الكرام

وها قد حدث

جرنالجى الفيس بوك

تبادل لاطلاق النار بين قوات الامن ومئات المتظاهرين من بدو سيناء

[م تيمور المراغي]

"الأوقاف" توحد خطبة الجمعة غداً.. وتعليمات للأئمة بالتأكيد على "حرية الرأى" وعدم إثارة البلبلة.. وتَنْهَى عن التخريب والتدمير.. وتستعين بـ11 آية قرآنية

وما فيش آية كده ولا كده أفتكرتوها عن الظلم والسرقة والنهب وقتل الناس بغير حق ؟

ما فيش أية عن التزوير ؟

ما فيش حديث شريف إفتكرتوه عن قول الحق أمام سلطان جائر بقى له 30 سنة في الحكم لما خلى البلد تشحت والناس مش لاقيه تاكل ؟

إيه هاتألفوا قرآن على مزاجكم يا كلاب السُلطة ؟

هما النوع ده المصحف بتاعه مافيهوش غير آيه واحده فقط

واطيعوا الله واطيعوا الرسول و اولي الامر منكم

زي الراجل الممثل بتاع الفيلم مش فاكر اسمه وهو بيقولها بالظبط

لكن برضوا ماننساش بيان جبهة علماء الازهر ,,

تم تعديل 27 يناير 2011 بواسطة architect

[hOuSsAm]

وصلتني رسالة مضحكة وغريبة، ولكنها ممكنة

الأمن غدا ينوي سرقة أحزية المصلين لإشغالهم عن المظاهرات بعد الصلاة

ليهاحل يباشا وقولته فى الموضوع التانى بس هقوله تانى هنا

كل واحد ياخد كيس معاه يحط فيه الحذاء بتاعه ويحطه تحت رجليه وهو بيصلى ويبقى فى ايده

وهو خارج هيكون حذائه فى ايده

كمان لو حد يتطوع ويدى للناس اكياس على باب الجامع هيبقى كويس اوى

[الغريب]

الخبر ده أكدوا كمان أصدقاء لينا بمدينة نصر

عن رصد:

عاجل | مؤكد

مئات المتظاهرين في شارع حسانين هيكل بمدينة نصر يهتفون

...الشعب...يريد...إسقاط النظام

[م تيمور المراغي]

http://www.youtube.com/watch?v=OKKvc4sxwfw&feature=player_embedded

عقبالنا يارب ما يطلع حد يقولهالنا ,,

[se_ Elsyed]

الحكومة اليمنية تُقرر بشكل عاجل زيادة المرتبات بنسبة 10 % إعتباراً من فبراير ...

إيه خير ؟

فاكرين إن ده هايمنع الطوفان القادم من الغرب وهاياخذ كل الظالمين في رجليه لُيُلقيهم في مزبلة التاريخ

الأخ علي عبدالله صالح هو كمان بيقلوظ الدستور دلوقت لكي تكون فترة حكمه إلى مدى الحياه ... وكمان يقدر يكون مستقبل إينه اللي بيجهزه للحُكم هو كمان دلوقت

[tarek hassan]

مبارك الآن هو المسئول عما يحدث

القمع والاعتقال والقتل للمتظاهرين المسالمين الذين يريدون التعبير عن رأيهم

مسئول عن المشاكل الاقتصادية المترتبة عما يحدث الآن

نطالبه بالظهور الآن فعدم ظهوره مريب إن كان لا يستطيع الظهور فلم التصميم على البقاء في الحكم رغم رفض كل الشعب

الشعب قال كلمته فأرى أن شرعيته قد سقطت وهو مطالب بتحقيق مطالب الأمة وهي لن تتنازل هذه المرة عن سقوطه سلميا

مبارك الآن لا يتسم بالوطنية

لا يحب شعبه

لا يضحي من أجله

هو مازال في كرسيه رغم رفض الشعب له

كيف تكون له شرعية بعد الآن

الوقت ليس في صالحه

نطالبه بالرحيل حرصا على سلامة الشعب

الآن قبل الغد

[الترجمـان]

http://www.youtube.com/watch?v=OKKvc4sxwfw&feature=player_embedded

عقبالنا يارب ما يطلع حد يقولهالنا ,,

مقطع مبكي وكلمات تنبض بالحرية

[raouf]

الشباب اللى من محافظة الشرقية زى حالاتى

الموقع ده بينقل اللى بيحصل فى الشرقية

http://www.sharkiaonline.com/Default.asp

[tarek hassan]

دعوات لحشد الملايين في "جمعة الغضب"

دعا عدد من النشطاء السياسين على موقع" الفيس بوك" الإجتماعى إلى أن يكون بعد غد الجمعة 28 يناير يوماً للغضب, احتجاجاً على سوء أوضاع معيشة المصريين, وتكملة لـ "ثورة الغضب" التي بدأت أمس الثلاثاء بالتزامن مع عيد الشرطة.

وانطلاقا من صفحة "كلنا خالد سعيد" على الفيس بوك، أطلق النشطاء الدعوة إلى حشد الملايين من المواطنيين بعد صلاة الجمعة, ووصل عدد الذين تلقوا الدعوة حتى كتابة التقرير قرابة 400 ألف شخص، استجاب منهم ما يزيد عن عشرين ألف شخص خلال ساعتين من انطلاق الدعوة.

وجاء نص الدعوة: "سنخرج بمسيرات في كل مساجد وكنائس مصر الكبرى متجهين ناحية الميادين العامة ومعتصمين حتى ننال حقوقنا المسلوبة، مصر ستخرج مسلميها ومسيحييها من أجل محاربة الفساد والبطالة والظلم وغياب الحرية، وسيتم تحديد المساجد والكنائس ليلة الخميس".

وفى سياق متصل أعلنت جماعة الإخوان المسلمين مشاركتها في يوم الغضب الجمعة المقبلة, وصرح د. محمد مرسي، عضو مكتب الإرشاد، بأن الجماعة ستشارك في التظاهرات لأنها جزء لايتجزأ من نسيج الوطن, مشيراً إلى أن الإخوان ليسوا من أطلق الدعوة وإنما استجابوا لها فقط.

من ناحية أخرى يصل الدكتور محمد البرادعي، المدير العام السابق للوكالة الدولية للطاقة الذرية، إلى القاهرة مساء غد الخميس، لحضور فعاليات جمعة الغضب.

من موقع جبهة علماء الأزهر نقلا عن موقع الوفد

تم تعديل 27 يناير 2011 بواسطة tarek hassan

[عبير يونس]

ياريت يا جماعة عشان الموضوع ده ما يتضخمش زي الموضوع الاولاني

نضيف فقط ما يتعلق بالحدث

نعتذر باننا سنحذف اول بأول اي تعليق لا يتعلق بالحدث الذي نحن بصدده

و رجاء حار

لكل من يضيف خبر يراعي أن يكون في صميم الاحداث و ألا يكون مكررا

أكيد حضراتكم مدركين المشاكل التقنية اللي ممكن تحصل من زيادة عدد الصفحات في نفس الرابط

أعتقد ان دي آخر حاجة احنا عايزينها

إن الموقع يصادف مشاكل تقنية و احنا في الوقت الحرج ده

نشكر حسن تفهمكم

عن فريق التنسيق والإشراف

[Om Zayd]

"الأوقاف" توحد خطبة الجمعة غداً.. وتعليمات للأئمة بالتأكيد على "حرية الرأى" وعدم إثارة البلبلة.. وتَنْهَى عن التخريب والتدمير.. وتستعين بـ11 آية قرآنية

وما فيش آية كده ولا كده أفتكرتوها عن الظلم والسرقة والنهب وقتل الناس بغير حق ؟

ما فيش أية عن التزوير ؟

ما فيش حديث شريف إفتكرتوه عن قول الحق أمام سلطان جائر بقى له 30 سنة في الحكم لما خلى البلد تشحت والناس مش لاقيه تاكل ؟

إيه هاتألفوا قرآن على مزاجكم يا كلاب السُلطة ؟

هما النوع ده المصحف بتاعه مافيهوش غير آيه واحده فقط

واطيعوا الله واطيعوا الرسول و اولي الامر منكم

زي الراجل الممثل بتاع الفيلم مش فاكر اسمه وهو بيقولها بالظبط

لكن برضوا ماننساش بيان جبهة علماء الازهر ,,

و ما ننساش الشيخ حافظ سلامة

رغم سنه ربنا يديله الصحة .. في وسط الناس في السويس

زي ما كان بيقود المقاومة ضد الاحتلال

صفوت حجازي

حازم صلاح ابو اسماعيل

و أكيد غيرهم كثييير

مصر بخير

بجد بخير

[الترجمـان]

السلام الوطني المصري

لمن يريد ان يجعله نغمة للهاتف

تحميل الملف من هنا

[Om Zayd]

الهَدَف الأصلي إن المصريين نزلوا وحينزلوا الشوارع هُو أساسًا مُحاولة إكتساب هذا الحق، مُحاولة اكتساب حَق الإعتراض، الّتي تَعَلّمَت البَشريّة عبر تاريخها الطويل انُّه حق ماحدّش بيدّيه لحَد أبَدًا، لازم تاخدُه بنَفسَك؛ لو مافيش ديمُقراطية من أصلُه يبقى رأيك مالوش مَعنى، أنا مُمكن لو عايز أنزل ألف على مصر كُلّها شبرا شبرًا واعمل اقتراع على أي حاجة انا عايزها والمّ أصوات المصريين كُلُّهُم .. بس لو ماعنديش نظام يسمَحلي إني أفرض اختياراتهُم دي واحقّقها، يبقى كُل الأصوات اللي لمّتها، مالهاش أي قيمَة، أكبر فايدة ممكن تحصل من وراها هي إنّي أبلّها واشرَب مَيّتها حتّى أرتَوي.

وبناء عليه، يبقى طبعًا لسّة اللي مش عايز ينزل ما ينزلش، بس لازم يبقى عارف كويّس، إنُّه بعَدَم نزولُه بيتَخلّى عن حَقُّه في إنُّه يَعترض، بيَتَخلّى عن حَقُّه في إنُّه يختار مَن يَحكُمُه، بيَتَخلّى عَن حقُّه في تَقرير مصيرُه، بيَتَخلّى عَن حَقٌّه في ان يكونلُه رأي، وجنب كُل دول أو حتّى قَبلُهُم، وأكثر من أي وقت مَضى، بيَتَخلّى عن اخواتُه وأهلُه وناسُه اللي مَصيرُه مَربوط بمصايرهم سواء فهم كده أو مافهمش..

أنا خبرتي شبه مُنعدِمة في التَظاهُر بس من اللي شُفتُه المَوضوع بتاع العُنف يَبدو إنُّه بيتحرّك بآليّات بسيطة: الشرطة مابتاخُدش حَد تَعتَقِلُه ولا تضرَبُه ولا يخلّوا بلطجيّتهُم يفتحوا وشُّه بالمطاوي من وسط الناس، لازم يستفردوا بعدد يكون أقَل منهُم بكتير.. نزولَك بيحمي اللي بيطالبوا بحقوقهُم (الحقوق اللي لو خَدوها حَياخدوهالَك انت كَمان).. وتخلّيك عَنهُم بيحمّلك ذنبُهُم مَعَ الحامِلين!

ماتخلّيش نَفسَك تندم .. ماتخلّيش إصحابك اللي أجدَع منّك يبصّولَك باحتقار.. ماتخلّيش عيالك بعدين لمّا تيجي سيرة سنة 2011 يبصّولك بعتاب..

ممكن تنزل المُظاهرة وتبقى بعيد عن خط النّار ومايحصلّكش أي سوء، بس وجودَك برضُه مُهم لإن وجودَك في حَد ذاتُه حتّى لو بصوتك وبعيد عن مركزها بيدّي المُظاهرة قُوّة، وبيدّي اللي واقفين قُدّام قُوّة، وبيدّي مَطالبنا قُوّة

دلوقتي الكلام للّي حينزلوا فعلًا عشان عايزين حَقُّهُم وإن شاء ربُّهم حيستحقّوه ..

ماتمشيش لوَحدك وماتمشيش انت وعَشَرة وماتمشوش متفرّطين، اربطوا دراعاتكوا في بَعض زي ما الشُّرطة بيعملوا

خلّيكو كُتلَة كبيرة ماحدّش فيكو حيتإذي .. إوعى تجري على الشُّرطَة، جَريَك عليهُم بالنسبالهُم تهديد، وبيخلّي قرار انُّهُم يضربوك أسهل بكتير جدّا.. لو بتجري منهُم وتقدر تهرب إهرَب، مش شجاعة انّك تتضرب، بس لو حاوطوك إستسلم، مُقاومتك بتخلّي العَلقة أسخَن وبتعرّض حياتَك للخَطر..

اللي مالهُمش في المُظاهرات ودول أغلب أغلبنا مايحاولوش يعملوا حركات بطولية، فيه ناس شُغلتهُم الحكاية دي، فاهمين الشُرطة والشُرطة فاهماهُم، خلّيهُم هُمّ اللي ياخدوا قرارات الكَر والفَر

في رأيي انا أهم حاجة لازم تحصل بُكره إن كُل المُتظاهرين يبقوا فاهمين كويّس إن الشُرطة مش أعداءنا، الشُّرطة بيسمعوا كلام النّظام عشان شُغلتهُم كده، متدَرّبين عَلى كده، ودَه مش ممكن يتغيّر بالشتيمة والعُنف لكن مُمكن يتغيّر شوية بشوية لمّا مايلاقوش سبب يُصدروا بيه أوامر ضَرب أو إعتداء..

ممكن يكون كتير منهُم عايزين يبقوا معانا بس لسّه خايفين، اهتفوا بإسمُهُم

الشُرطة المصريين .. رجّالة ووطنيين

الشُرطة المصريين .. شُرفاء وطنيين

الشُرطة المصريين .. بيحبّوا المصريين

نادوهم :

تعالوا ... معانا

،إخلَق تعاطُف جُوّاه من ناحيتَك.. مع قضيّتَك

شويّة منهُم أكيد مش حيفرق معاهُم آه، بس أكيد كمان إن شوية تانيين حيفرق معاهُم

والكلام دَه كُلُّ ينطبق على حالة ان الأمر يَتَفاقَم والجيش ينزل في أي مرحَلة من المراحل

إدُّوهُم فُرصة يفكّروا.. لمّا بيزَعقوا ويتنرفزوا ويخلُّوا عساكرهُم تضرب مابيبقاش خلاص فيه تفكير

العَقل لازم يَتَسيّد المَوقف

الشتيمة في الشُرطة غَلط والشتيمة في الريّس ووزير الداخلية وأي شتيمَة غَلط

الشتيمة منطقي انّها تُقابَل بعُنف، إزّاي ناس عُزّل يُستثيروا عُنف مُدرّعات وخراطيم مَيّة ورصاص وقنابل وبَلطجيّة!!

رَمي الطّوب غَلط .. رمي قزايز المَيّة عليهُم أو أي حاجة تانية غَلَط.. خَطف كام خوذة من كام عَسكري مش حيعمل حاجة غير إنُّه بيبقى متغاظ منّك أكتر، وزمايلُه معاه خايفين تعمل فيهُم كدَه هُمّ كمان، فبيضربوا اللي حييجي تَحت إيديهُم بَعدَك بقسوة أكتر.. يعني انت اللي بتَتَسَبّب في إنُّه يتعجن.. عشان عامل فيها طفل انتفاضة وبترمي طوبة فاكرها حتحَقّق اللي انت عايزُه

قولوا الكلام دَه للناس اللي حواليكو في المُظاهرة، فهّموهُم هُمّ ليه ماينفعش يبدأوا بالعُنف أيّا كان نوعُه أبدًا

قولولهُم إن الطوبة اللي بيرميها دي بترجَع تعوّر واحد تاني واقف جَنبُه، العسكري لابس خوذة وماسك درع ومش حيحصلُّه أي حاجة لمّا يتحِدِف عليه مية طوبة، بس لمّا يرَجّع الطوبة بتعوّر واحد مننا وممكن تموّتُه وبسهولة

اللي بيُثيروا الشّغَب مُمكن يبقوا مُخبرين؛ في كُل الأحوال وَقّفوهُم، إمنعوهُم، ولَو حَكَمت كتّفوهُم لحَد ما يسمعوا ويفهموا إنُّهُم كده بيئذوكو وبيئذونا كلّنا ... وحتّى لو العساكر هُمّ اللي بدأوا برمي الطوب، يبقى هُم بيعملوا كده عشان نرَجّعها فنبقى خَلَقنا بإيدينا سبب يضربونا عَشانُه .. ماتعملوش اللي هُم عايزينُه

طبعًا حيفضل برضُه انفلاتات بتحصل، إهتف ساعتها إنت واللي معاك وقولوا سلمية .. سلمية

شَرحُه مع أي تكسير أو أي هجوم على أي حاجة..

إحنا مش نازلين نعمل أبطال ولا نازلين خناقة ولا حَرب.. سلاحنا صوتنا ولمّتنا على بَعض، وفَهمنا إحنا نازلين نعمل إيه . .

إحنا نازلين عشان نثبتلُهُم إنّنا قُوّة مايقدروش بَعدها يستهيفونا ويستكردونا ويعاملونا كأطفال، إحنا عايزين نُعامل كَشَعب

ولو صبرنا شويّة وجمدنا شويّتين حنبقى أهلٌ لَها

إحنا عايزين كَرامة.. عايزين نعرَف نحلَم بمُستقبل أحسَن، عايزين مانخافش في وطننا، عايزين مانخافش منُّه، عايزين نقدَر نحبُّه وتخاف عليه..

إحنا عايزين مانخافش من الشُرطة اللي المفروض بتحمينا

إحنا عايزين نعيش في وَطَن تُوَجّه فيه القُوّة الغاشمة اللي بتَعتدي علينا إلى قُوّة غاشمة ضد الفساد والسرقة والإهمال والاستنطاع والعَك

إحنا عايزين عَدل

في الإتّحاد قُوة تعمل مُعجزات ومافيش حاجة تقدر تغلبها

لو اتّحَدنا، حناخُد كُل اللي احنا عايزينُه .. كُل اللي بنحلَم بيه

.. عاش الشعب .. عاش الشعب .. عاش الشعب

لــ احمد العسيلى

ايه رأيكم؟؟

[م تيمور المراغي]

شبكة رصد هاجم الصحفي مجدي الدقاق المعارضة والمتظاهرون الذين وصفهم بالقلة المسيرة التي تأتي بأعمال تفتقد للتحضر

وزعم أن المحتجين قلة ! وأن الجماهير تصدت لهم وأفشلت مخططهم ! زاعماً أنهم عملاء لأمريكا

ههههه

عملاء امريكا اهو يا دقاااااااق

حيدقوا دماغك بكره ان شا ءالله

[م تيمور المراغي]

http://www.youtube.com/watch?v=vCs10hE14xA

[hOuSsAm]

خاص شبكة رصد | رحلة مصر للطيران رقم MS 299

توجهات الى الأقصر وهى تحمل 15 طردا من الذهب تمهيدا لسفرها الى بروكسل غدا

المعلومات من مصادر داخل مصر للطيران

[hOuSsAm]

ناس من مصر بتقولى دلوقتى الفيس بوك اتقفل من مصر خلاص

هل الموضوع ده صحيح (هما بيتكلموا من عالياهو)

الكلام ده بقاله 20 دقيقة

وتويتر كمان قفل

بس الناس متحمسة جدا وكلهم نازليين صلاة الجمعة بكره فى جامع الفتح فى رمسيس

تم تعديل 27 يناير 2011 بواسطة HOSAM ABDELFATAH