25 يناير ... موعد المصريين (3)

[fatfouta]

تابعوا دريم2 وشوفوا عماد الدين أديب بيقول أيه

[aimen]

قناة الراى...

مصادر اعلامية...تعليمات مشددة لدى جميع شركات الانترنت وبقطع الانترنت تماما يوم الجمعة وعدم الإكتفاء بحجب المواقع فقط

يا ترى ممكن يعملوا كده فعلا ويقطعونا عن مصر؟؟؟؟؟؟؟؟

اعتقد ناقص يقطعوا الكهربا والمياه والغاز

هو ممكن عن مناطق معينة

انما عن مصر كلها ما اعتقدش

طيب والصحفين ووكلات الأنباء والإتصالات الدولية والأجانب اللى فى مصر حيتواصلوا مع العالم الخارجى ازاى

يمكن حيخلوا تليفون ابا العمدة مبارك شغال والناس تتصل من هناك

مين عارف ؟

يمكن دى تكون نهايتهم

يمكرون والله خير الماكرين

وبعدين هو فى تونس مش النت كانت مراقبة وكا حاجه افظع بكثير من مصر

لكن لما العجلة دارت مش حتقف والنس بدأت تعرف مين معاها ومين ضدها وحتصطاده بعد كده

[fatfouta]

فعلا حكومة غبية لما يقطعوا النت والكهرباء عن الناس يبقى كده كل الناس هتتجه للشارع

هما كده بيحفزوا الناس اكتر للنزول مش هيهدوهم او بيمنعوهم

ربنا ينصرنا بكرة ان شاء الله ومهما عملوا

إدعوااااااااا يا جماعة والكل يدعى النهاردة فى صلاة الفجر ارجووووكم

قولوا رب إنا مغلوبون فأنتصر

[raouf]

بدأ النظام التضحية باقطابه ارضاءا للجماهير

الان شعاره نفسى نفسى ومن بعدى الطوفان

تم التضحية بنظيف وسيعلن الخبر اذا استمرت الثورة غدا

اتمنى عدم ابتلاع الطعم حتى لا يضيع دم الشهداء

تم تعديل 27 يناير 2011 بواسطة raouf

[aimen]

السويس من لحظات

http://www.youtube.com/watch?v=vjmcdFhobD4

[fatfouta]

كنت متأكدة انهم مش هيقدروا يقفلوا المساجد بكره

R.N.N | شبكة رصد الأوقاف | غدا لا حظر لخطب الجمعة .. ولا غلق للمساجد .

[aimen]

اللهم كما أسقطت بن علي في يوم جمعة فأسقط مبارك غداً الجمعة اللهم اجعل لنا في كل جمعةٍ عيداً بسقوط أحدهم

[se_ Elsyed]

مجلس الوزراء: نظيف لم ينم منذ 3 أيام.. ورسالة المتظاهرين "وصلت"

الجمعة، 28 يناير 2011 - 00:06

د. أحمد نظيف رئيس مجلس الوزراء

كتب مصطفى النجار

قضى الدكتور أحمد نظيف، رئيس مجلس الوزراء، الثلاثة أيام الماضية فى مكتبه بمقر رئاسة الوزراء بالقرية الذكية يتلقى اتصالات هاتفية من الوزراء والمسئولين حول تطورات الأحداث واحتجاجات الآلاف من الشباب فى الشارع.

خير ؟!!!!

هو في ناموس اليومين دول في 6 أكتوبر عشان كده مش عارف ينام ؟

يا أخي نامت عليك حيطه .. إستفدنا إيه إحنا من البؤين دول ؟